أفضل  مئة  مدونة

Saturday, September 09, 2006

كلـــــــنا ليلى_ حنفى يتحدى ليلى

;


ليــــلى و حنـــــفى
ليلى هى كل بنت مصريه بتبنى وتعليى فى المجتمع اللى بيحكمه راجل من نوعية حنفى
حنفى يصحا كل يوم الصبح يتاوب ويفرك فى مناخيره ويقعد على الطبليه مستنى الرضعه ياخد الرضعه
ويقوم يروح شغله وهو راسم على وشه أبتسامه كبيره أد كـــــــــــــــــــــــــده ويقضى يومه سعيد وليلى تجرى
على المواصلات عشان تلحق شغلها وطبعآ فى الطريق تتبهدل من ألف حنفى و حنفى
وفى الشغل متسلمش من رزالة زمايل من نوعية حنفى لغاية ميعاد المرواح تبدأ رحلتها مع سواق أسمه حنفى
معندوش أى رحمه وقاعد شمالها واحد أسمه حنفى برضه عمال يميل يمين وشمال وكل ماتبصله يعمل حنفى
تعدى على السوق تشيل فوق قلبها لوازم ألبيت وترجع توقف فى المطبخ تحضر الغدا وهى بتدعى ربنا
أن حنفى يتأخر وتستقبل ولادها وهم راجعين من مدارسهم بحب وفرحه
أنما حنفى أول مايخلص شغل ورزاله على خلق الله يروح شايل ألأبتسامه الماسخه وحاطط مكانها لوية بــوز أد كـــــــــــــــــــــــــــــــــده ، أول مايدخل ينادى على ليلى فين الطفح لا سأل عامله أيه ولا أيه أخبار العيال
ولا عنده فكره البيت ماشى أزاى ومن الأكل للنوم للقهوه أو التلفزيون و ليلى مسؤله عن البيت والعيال ومذكراتهم ونجاحهم وسقوطهم وكمان وراها شغلها وياسلام لو ليلى تفوقت عن حنفى فى شغلها طبعا الغيره والحقد
الأسود المد فون يظهر ويدور على أى حجه عشان يعكنن عليها ويشوه صورة نجاحها ولو طال يقعدها
من الشغل ياريت بس حنفى عينه على القرشينات ماهو راجل حنفى بقا وليلة الخميس الليله الموعوده
يدخل بعرقه ورريحته مفحوته سجاير و واخد حباية شجاعه ونفس رجوله ويطالب بحقه الشرعى
ولو قالت تعبانه يعمل مظاهره ويسلام بقا لو عندها الدورة الشهريه حنفى يتعكـــنــن ويبقا أخر قرف منها كأنها
مريضه بالجرب وممكن تعديه طيب ربنا خلقها كده ودى حاجه مش بأيدها ولا برجلها وللأسف معظم الرجاله
من نوعية حنفى وللى مش عارف حنفى يبقا مش مذاكر تاريخ لان التاريخ طول الوقت بيتكلم عن حنفى اللى سوى الهوايل ومع أول مشكله يعمل نفسه مش واخد باله ورامى حمولته على ليلى اللى ربت وعلمت وسهرت وأشتغلت
و داوت وطبطبت و أتعذبت عشان بكره يجى أحلى من امبارح ومع كل طلعة شمس تصحى وتصحى معاها أحلامها وتنفض امبارح بمرارته و أسوته عشان المركب تمشى والبنا يعلى ويعلى
وفى النهايه تفضل هى ليلى ويفضل هو حنفى
السؤال أمتى حنفى يبقا أى حاجه حلوه غير حنفى
التوقيع ليلى الأم والأخت والصديقه والحبيبه والأبنه
المدونه الأم تحت أهى بص يافندى

63 comments:

كلبوزة لكن سمباتيك said...

نعم كلنا ليلي
الي الامام يا قطار الصراحة الي الامام و حطم جدران الصمت و الخجل الاعمي
ممتازة يا اوسا
مبروك الخروج من امم الصبر يا ليلي

كلبوزة لكن سمباتيك said...

مبروك الخروج من اُم اُم الصبر يا ليلي

Polka Dotted said...

sa7 ya 2oosa... 7anafy da lazem newala3 fih asasan.... maho laila f ra2yo wala 7aga 3'er ma7'lo2a 3shan te7'demo

3la ra2y a7'oya... omal homa m7'alefenek leh !!

بعدك على بالى said...

كم من الجرائم ترتكب فى حق ليلى باسم الرجولة

مبروك علينا خروج ليلى من القوقعة والشرنقة

MAKSOFA said...

يا اوسا للأسف حنفي صناعه نسائيه ،فالرجل أسطوره صنعتها المراه بتفسها لتختبيء خلفها ظنا منها أنه قادر علي حمايتها وأعالتها وأعانتهاوالوقوف معها في وجه الزمن

فانتوماس said...

مش كل الرجالة حنفي, بس للاسف النسبة الاكبر منهم حنفي جنبهم ملاك لانه بعد كام سنه بيدور علي ليلي احلي بعد ما بتكون ليلي اللي تعبت علشانه وعلشان عياله قدمت في عينيه اللي مابتشبعش , فعلا احنا في مجتمع يرمي كل بلاويه علي المراءة بداية من لبسهاعشان النغه مش قادر يمسك نفسه انتهاء بعقلها الذي لايقيم له احد وزنا. برافو يا اوسه جود بوينت

فانتوماس said...

مش عارف ليه عايز اضيف ان ليلي غلطانه لانها بتقبل كده واصبحت مبسوطة من دور الخدامة
تحياتي

شغف said...

الأميرة أوسا/ ليلى:
التوقيع المفروض يكون : ليلى اللي خلاص بتشد في شعرها ...( و بعد كده يسيبها و يشوف غيرها لانها اصلعت خلاص)

i love you said...

اولا
مش
كلنا
ليلى

ثانيا
ليلى
تستاهل
اللي
يجرالها
هي
ايضااااااااااااا
مسؤولة
عن
اللي
بتعاني
منه
لان
هي
اللي
ربت
حنفي
لما
كان
ابنها
و
خلاته
يبقى
حنفي
يعني
ليلى
الام
بتربيتها
الفاسدة
هي
اللي
تخلي
حنفي
يكون
حنفي

ده
سبب
من
الاسباب
اللي
خلت
ليلى
تبقى
ليلى
و
حنفي
يبقى
حنفي

و
مش
كلنا
حنفي
و
لا
كلنا
ليلى

Unknown said...

بالرجوع إلى تدينة المزاجنجى
الى قصة جده
نجد تفسير للرجال الذين يظلمون النساء
ويعملون رجالاً
بس عايزة تركيز

Anonymous said...

البنت التى أحبها
عندها الدوره
إقرأ المزيد

LAMIA MAHMOUD said...

انتي كده جبتي الناهية

soosa el-mafroosa said...

الصراحه سيجارة عنده ..أو عندها مش عارفه ..حق الى حد ما ..الحقي بأه ربي تامر صح عشان في الآخر ما يطلعش حنفي

بس تدوينة في الجون يا أوستي

أمممواه

Anonymous said...

الاميرة اوسة

نعم هذا هو حنفي
حنفي الارستقراطي
حنفي ابن الباشا
حنفي السجان
حنفي البقال
حنفي الطالب
حنفي الظالم
حنفي المدير
حنفير الغقير

وفي النهاية

كلنا ليلي

Anonymous said...

حنفى دوخنا معاه وداخ
مش حيتهد الا لما اشلفط له وشه بموس حامى
ولا مطوة قرن غزال
هى مش اسمها كدة؟؟


----------
حاسة ان نون النسوة لسة مش حتتعامل زى جمع المذكر السالم دلوقتى لسة


--------
نستنى ونشوف

شفتى لما بتمخمخى بتبدعى ازاى؟؟
اموووووة على مخاميخك

مراقب مصري said...

الموت لكل حنفي
يسقط السيد حنفي
يسقط حنفي الأب
ويسقط حنفي الابن
أما ليلى فلها الله
في تدوية سوسة كتبت وقلت إن كلنا في مصر ليلى
ولكن بعد شوية تفكير طلع إنه لأ
فيه مننا ناس (هما ليلى برضه) لكن بيعملوا علينا حنفي
المقهور يمارس القهر على من هم تحته
الرجل مع المرأة
المسلم مع المسيحي
والموظف اللي مقهور من اللي فوقه عامل دكر ع الموظف اللي تحته
والله هو المستعان

Anonymous said...

يا رجال العالم, لننأى بأنفسنا عن حنفي
ويا كل ليلى, نعتذر بالنيابة عن أي حنفي

كلبوزة لكن سمباتيك said...

...سيجارة
الحقي يا اختي الكومنت عندك بيسرب
بينزل كلمة كلمة و مغرق البلوجات المجاورة
ليلى مسؤولة عن حنفي!!!!!
طيب لما اخلف ولد حبقي افك سرته و ارتاح
---
اوسا حلوة قوي حنفي دي
خلاص حتنزل المرة دي
قبلاتشي

Anonymous said...

و ليه ماتكونش ليلى هي كمان مشتركة مع حنفي في ظلم نفسها !؟

ody911 said...

أحب أقول كلمة بصراحة
ليلى إللى بتقولوا عليها ملهاش أى لازمة
أيوة أنا مش بكذب والدليل فى كل مكان حولينا
واحدة عاوزة تشتغل وماااااااالو تشتغل بس تحافظ على أساس تواجدها فى الحياه !!!
مش فاهمين طبعا
الست( سورى )ليلى المفروض إنها تعمل إيه ؟؟ تربى العيال و تحضل الأكل و تغسل وتمسح وتكنس وتشيل عن حنفى مشاق الحياه
وبرضوا فى نفس الوقت تتحب وتتعاشر بالمعروف ويجيلها إللى تطلبوا وتساعد بالرأى فى المشاكل المتعرضه لها الأسرة




لكن وللأسف كل الليلات اللوات فاكرين نفسهم هيصنعوا الزرات مش بياخدوا لونجات !!!
طبعا مش فاهمين
أفهمكوا
دلوقتى البنت زى الولد ماهش كمالة عدد ( ربنا يولع فيك ياللى فى بالى )
بيقولوا أحنا أحسن من ايتوها حنفى
أحنا إللى بنصنع وحنفى بيهدم
أحنا إللى بنعمر وحنفى بيدغدغ
وتبص فى الآخر تلاقى فى أى شغل وعلى يدى
البنت دايما معمولها مواعيد غير الولد
معلش يا أبنى إنته راجل تيجى باليل وتتأخر فى الشغل وتيجى اول يوم العيد وتشتغل فى كذا وتسيبلها كذا علشان كذا أسهل من كذا وعادى خالص ونطنش ونقول ياواد كببر
بس المشكلة إنى فى الآخر تيجى ليلى وتقول أنا وأنا وأنا
وإنته ملكش لازمة
أنا بعمل شغل البيت وبشتغل وإنته شغااااااااااال بس
آه ومين بقة قالك إنى عاوزك تنشتغلى من آساسواااااا
آه ما أنته عاوز تقعدنى فى البيت زى الطوبة ماليش لازمة
طبعا حاقد عليا
طيب يا ستى خلاص إشتغلى
مانا متبهدلة فى شغل البيت وفى الشغل ساعدنى
ياخى .....
بلاش نكون زبالة فى الكلام
الأدب حلوا برضوا
طيب نرضى ليلى إزاى
إذا قلتلها أقعدى فى البيت زعلت
وإذا قلتلها أشتغلى قالت إنها من المعزبين فى الأرض
ولا كدا عاجب ولا كدا عاجب
طيب نعمل إيه ؟؟؟
مش كفاية إنها واخدة مكان راجل ممكن ينتج اكتر منها ومقعداه على القهوة يشرب سجاير ويعاكس فى البنات والواد ساكت ياعينى
نفسوا يتجوز ومش عارف
علشان مفيش شغل
ليه علشان البنات إللى شغاااااااااااله
وطبعا حضرتكوا عرفين السبب ؟؟؟؟
مش لأنهم أكثر من حنفى تعليم لاء
غلط
دة بس علشان أسمهم بنات
لو حنفى لبس جيبة كان زمانوا أشتغل من زمااااااااااااان
آه بس لو كان عندوا زى إللى عندها
كان إشتغل إشى سكرتيرة
وطبعا عارفين إنها منظر مش أكتر من كدة
منظر الناس تتفرج عليه ؟؟؟
إستيل يعنى
ويرجعوا فى الآخر يقوا ليلى
قااااااااااال ليلى قال
وسلملى على جوزك يا أسمعين بيه
أرجوا إطلاع الست العاقلة الراسيه
ما تجيلها بلهارسيا على هذا التعليق
وكونوا موضوعيين وبلاش تحيز مرة واحدة فى حياتكوا



وقولوا على حاجة أنا واحد من الحنفى ممكن يقوم هوة بشغل البيت ويقعد فيه
على الأقل هيرتاح من هم الشغل إللى بنشوفوا كل يوم فى المواصلات وغيروا
طبعا ماتعرفوش حاجة عنوا علشان حنفى بيقوم لأى ليلى حلوة ويقعدها مكانوا
قال إيه معلش دى ليلى ومش تقدر تقف زى حنفى
أمال حشرين مناخركوا لية ؟؟
لما مش قادرين تعملوا حاجة وفاكرين إنى شغل البيت دة حاجة جامدة قوى
واللهى إنتوا مش عاجبكوا العجب ولا الصيام فى رجب



والرجالة تستاهل
أودى

gwad said...

اميرتنا اووووسا
مصر كلها ليلى
او الاصح
مصر هى ليلى
فل من شخص ينقذ ليلتنا

أم أحمد said...

فعلاً الست هي اللي بتخلق حنفي لانها هي امه اولاً اه منك ياأم حنفي ربنا يسامحك

الأميره أوسه said...

نياهاها
أودى نطق أخيرآ
عادى بقا
هههههههههههههههههه
أودى = حنفى
نياهاها

Mirage said...

بوست دمه خفيف جدا

لكن برضه انا مع سيجارة فان ليلى هى اللى ربت حنفى وغلطانة انها طلعته بالشكل ده

او يمكن جنفى هو اللى مش نفعت فيه التربية :)

أُكتب بالرصاص said...

ليه اخدنا قصة حنفي وليلي أمر مسلم به على انه سي حنفي هو الظالم ،

وهي يا حبة عين امها غلبانة ، !!!

طيب مش نسمع وجهة نظر حنفي ، يمكن هي اللي مطلعة عين أهله !!!

وبعدين انا شامم ريحة وسامع نبرة كانت بدأت في الثمانينات ، المساواة والمؤاخاة والمواساة !!!

العيب مش في حنفي ولا في ليلي ، العيب في الظروف التي أجبرتهم الاتنين شيلوا الهم ، ويجروا يمين وشمال علشان لقمة العيش،

طعالوا نطلع بره ، أو بلاش بره، طعالوا ندخل جوة ، بس عن الناس اللي فلوسهم بره،
هنلاقي مشاكل حنفي وليلي مختلفة ،

...!!

للحديث بقية !!

تحياتي للجميع

3rby said...

هم لحقوا يختلفوا..دول لسه متجوزين قريب...بس العروسه ماكنتش ليلي
اول حاجة احب اقول ان عالم التدوين لسه صغير وصعب يأثر في الشعب كله من غير تفاعل مباشر مع الشارع...يعني ماحدش يقنعني ان مافيش حد في الشعب مش ماعندوش نت...ماعندوش تيليفون اصلا.....بس هاتكلم في الموضوع:

بصي يا حجة اوسه...انا مختلف شوية مع العالم اللي بتهتف ديه....صحيح البنت بتتبهدل شغل في البيت....من اول مابتتولد لحد ماتموت وبالذات في المناطق الريفية مثلا(لان ابويا شاكمني انا واخويا عن اختي)...يعني البت من دول تقعد تخدم في اخواتها...ويضربوها علي قفاها...لحد ماتتنقل لحد بيت الزوجية...تبدأ تخدم في طحش اد العجل...ويعمل عليها راجل وهو لا مؤاخذة بره البيت(زي اغنية عع عنتر بتاعة فور كاتس)....بس برضه احنا بنعاني من تمييز عنصري....المجتمعمش سامحلكوا بمسؤليات وشغل كتير مش علشان بيكرهكوا...بيخاف عليكوا وبتصعبوا عليه......يعني من وانا صغير قاعد اضرب لما اتكلم في الفصل ...والمدرس يشيلني شنط المدرسة ولو نزلت ايدي يديني علي قفايا(لا يا روج خالتك مش انا بس...كلنا كده)...شوفي بقه البنت لو ضربت المدرس نفسه علي قفاه هايعمل ايه.....هايوقفها نص دقيقة ويقعدها...وناقص يقولها قماااان.....وبعدين فعلا انتوا بتدلعوا...يعني شغل البنت عمروا ماكان زي شغل الولد...داحنا حته بنشتغل مهنة غير مهنتنا...يعني شوفي المدرس في المدارس...بيعملوه سيكيورتي للمدرسه...يفض ويحوش....ده انا كده باتكلم عن المهن المشتركة...بس مثلا عمرك شوفتي بنت شايلة قصعة اسمنت وبتبني عمارة في بلدك؟.


ده مش معناه ان انا متحيز وحنفي...لا والله دا انا اليف....ومش شايف انه عيب ان الراجل يساعد مراته في البيت...يعني مايمنعش انه يعمل سلطه مثلا مش عارف يعمل مكرونة...بس فيه شغل هوه عمره ما هايعرف يعمله...وياريت ماتقوليليش ان الاب(حنفي برضه)هو اللي ماعلموش...الام(ليلي)هي اللي ماهنش عليها ابنها...وبعدين انتوا باصين للحكاية علي انها اخلاق وبس....حكاية تعامل الراجل مع الست قاسي وماقولتش حاجة بس ده خلاص بقه في الجينات...


وبعدين خميس ايه وبتاع ايه بس...الواحد مننا بيتخرب بيت اهله في هدايا في فترة الخطوبة...وبعدين يجيب شبكة باد كده....وده كله علشان شهر واحد بيبقي شكلها حلو وعاملة زي الموديل...بعد كده بتقلب علي موديل عربية...ماهو الراجل اكيد بعد كده لازم ياخد حبوب ومنشطات...ماتفقش علي الحجم ده كله...ولا هو تعجيز وخلاص.
معلش كتبت كتير


ده كله كنت مختلف فيه شوية معاكي...بس ده مش معناه اني موافق علي الحاجات اللي مذكرتهاش(والله مانا فاكر هي ايه..اصلي كتبت كتير فحت)بس علي سبيل المثال...المسخرة اللي في الشوارع والجهل بتاع بادام مش محجبة يبقي هي عايزة كده...والتحرشات اللي من المدير مثلا...بس مشكل المجتمع المصري دلوقتي انه لسه في مرحلة انتقالية...يعني طالعين من مجتمع متشدد اوي...ورايحين للبواظ...يعني كمان خمس ست سنين هاتلاقي البوي فرند ده حاجة عاديه جدا(بوي فرند...ايوة قصدي علي اللي في دماغك)دايما بتبقي المرحة الانتقالية زبالة...يعني ايام التشدد كنتي تلاقي الواحد يتجوز في سن ال18....وفي المجتمع البايظ هاتلاقي الولد صاحب(مش زي المفهوم الموجود دلوقتي)من قبل كده...لكن دلوقتي البنات والولاد ماشيين في الشوارع لابسين من غير هدوم ومافيش ولا تشدد ولا بوظان...يا رب ول نروح لاي من النموزجين ونبقي معتدلين

3rby said...

تلاقيكي بعد التعليق الجامد ده بتقولي:الحمد لله ربنا الهمني كده ورفضته...كان زماني دلوقتي باقول احد احد

3rby said...

انا هاعمله كوبي وبيست...وهاعمل حملة مضادة

Anonymous said...

ليس كل الرجال حنفي ولا نريد ان تكون وجهتنا مهاجمه نمط واحد من المجتمع .. يجب الا تقتصر رؤية ليلى على السلبيات فقط

فلعبر ليلى عما تريد بالمنطق والحكمة والهدوء

لاانكر ما سطرتى ولكن ليس كل الرجال حنفي


تحياتى

نيرفانا

Anonymous said...

مهو لو كلنا بقينا ليلى هننهي اسطورة حنفي الى الابد

الأميره أوسه said...

كلبوززززه
كلنا ليلى يسقط حنفى وأعوانه
=========================
بتابيت

كلامك عسل نحل
هو أنت كتبه أيه صحيح
مش بعرف اللغه دى
بس واضح أنا كلام مكلف
===================
بعد على بالى
أهلآ يا مشرفه ليلى بكتاباتك المبدعه
وحشانى مووووت
==================
مكسوفه
حمدلله على سلامتك
أرجو أن تربى ليلى رجال من نوعية أفضل من حنفى من نوعية رشدى أباظه مثلآ
===================
فانتوماس
أهنيك على فكرك الناضج
ربنا يخليك ليه
يانصير ليلى
===================
فانتوماس
الفكره مش خدامه
كلنا بنخدم فى بيوتنا وشغلنا
من أجل حياه أفضل
المهم أحساس الراجل ومشاركته لـليلى
==================
الغريب
والله ما كان ليه لازمه التعب ده
كلك واجب
==================
شرف
ليلى لسه بشعرها
وحنفى هو اللى أقرع و نزهى
=================
سيجاره
فعلآ
مش كلهم حنفى
ولا كلنا ليلى
فيه
بنات حنفى
وفيه رجاله ليلى
و
السلام
ختام
=====================
أبو أمل
ماأنا قولت كده قالوا أطلعوا من البلد
===============
حريه
أنت بتعمل أعلان عن البنت اللى بتحبها
ربنا يهدك يا بعيد
==================

لميا
لا دى البدايه
النهايه لسه
ده أحنا بنقول يا تترات لسه
====================
سوسه المفروسه
سيجاره دى أنثى
أنا بفكر أربى جوز حمام أفيد
==============
أبيتاف
كلنا حنفى
يووووووووه أقصد ليلى
=============
شهروزه
أسمها مطوه أيوه
عوريه وخدى راحتك
فداكى مية حنفى
وعتريس كمان
===============
جرجس فوزى
فعلآ هو ده زمن القهر والظلم
والعنصريه
لنا الله يا جرجوس
لنا الله يا جرجوس

الأميره أوسه said...

بلاك لا نددر
نشكر كلماتك ودعمك
واحد شاى يا حنفى
=====================

كلبوزه
فين الفسيخ والبصل
عايزين ناكل ونرعرع
وبعد كده ننام تحت الكوبرى
ألجو حر نار
=========================
Green Data

أكيد مشتركه
مش الحياه جمعيه
================
أبراهيم
ربنا يسهل وكل البنات يبقوا ليلى
============

أودى
واضح أن ليلى عملالك عقده نفسويه
أنت حنفى يا أودى
وعادى بقا
=================
gwad

فعلآ مصر كلها ليلى المظلومه
من أستبداد حنفى الحاكم
==============

سهر
أم حنفى لازم تتغير
وتبطل تدلع فيه

الأميره أوسه said...

أنا مش عايزه أعتراضات هنا مفيش ديمقراطيه البوست ده نازل عافيه
بالغيظه فيك يا حنفى
لولللللللللو

ياسر
أحنا مش عاوزين حقك
فقط مزيد من الأحترام والنديه
لخلق مجتمع أفضل
======================
فيولينا

حنفى أتربى غلط
وأنا ناويه أربيه من تانى
متقلقيش
==================
أكتب بالرصاص

لو الأتنين شايلين الشيله مفيش أعتراض
بالعكس كده أفضل
أنا بتكلم عن حاجه تانيه
واخدش بالك
===================

حنـفى أقصد عربى
اللى بشيل قصعة الأسمنت فى مصر
هى ليلى برضه
أنزل أى مكان فى مصر وأنت تشوف
أسأل حتى والدك
بعد كده تيجى ومعاك مستنداتك و ولى أمرك عندك رفد تلت تيام من المدرسه
===================
نيرفانا
فعلآ ليس كلهم حنفى
أنا بكتب عن من هم حنفى
أصحى للون
=================
محمد يوسف
فى السله نماذج سيئه وأخرى جيده
عليك أن تختارأى النماذج أنت
ملحوظه النموزج بعشره جنيه
====================
بســبس
دى محاوله لنشر أفكار ليلى
وتوضيح رؤيتها الجديده
أنت أخبارك أيه
سمعت أن جالك عريس

Ayat said...

أسلوبك جميل جداً ودمك خفيف بجد

فعلاً حنفى لازم يتربى من أول وجديد .. وإللى ربته واضح إنها دسيسة مندسة على ليلى :)
برافو عليكى، ردودك عاقلة ودمها خفيف

اروي الطويل said...

انما ايه الكلام الكبير اللى انتوا طالعين فيه ده
انا والله مش بحس بكده خالص على العكس تماما

اروي الطويل said...
This comment has been removed by a blog administrator.
3rby said...

لا معلش...انتي اللي ابقي هاتي مستنداتك...ولا علشان مديرة يعني هاتعمليلي فيها ليلي...عالعموم انا نقلت التعليق عندي في بوست

tota said...

اوسة الملكة المتوجة على عرش الكتابات الساخرة الجريئة

ليتنى املك بعض من جرئتك فى وصف الاحداث فدقة الوصف اللاذعة القوية
تخترق الاذان
شكرا على الوصف الدقيق لحنفى الذى من الواضح انه من كتر ما نسى نفسه فاكر نفسه ليلى
لحظة صحوة يا حنفى وبلاش احساس المظلموين فى الارض وفيلم المسكنة ده
علشان الواقع واضح جدا
كم حنفى عندما يتقدم لخطبة ليلى لا يفوته هى بتقبض كام ده لو مكنش من الاول بينقى على اساس المرتب
كم حنفى برغم المنفعة من مرتب ليلى سايبها تشيل الهم كله وسيادته اخره البطيخة والجرنال وقاعد ناكش شعره وعايزها تعمله هند رستم 24 ساعة بعد يوم عمل شاق وبهدلة مواصلات واكل وتنظيف ومذاكرة
نفسى اعرف ايه المجهود الجبار اللى منفرد بيه حنفى اليومين دول ؟ اصل بعد لما نزلت ليلى واشتغلت وكسة حنفى بانت على الشاش ومنظر الشقيان التعبان اللى كان بيرسمه بقى قصة قديمة مووت لانها بتشتغل ضعف شغله فى البيت وبره ومش بتعمل فيلم البؤساء بتاع حنفى
كفاية يا حنفى ذهقتنا فعلا
اوسة ميرسى يا جميلة
اموووه
والله وجع فى قلب كل حنفى ما يحترمش ليلى

admelmasry said...

انتي تالت واحده تتكلم عن ليلي


احا انا مش فاهم حاجة

مين ليلي دي
احا
انا ما احبش اكون طرطور كده

admelmasry said...

عندك حنفي وعند ايبتاف مرسي
ايه انا مش فاهم

هي شغالة علي رجالة البلد ولا ايه

الأميره أوسه said...

ME
تسلمى ياحبيبتشى
حنفى محتاج أعادة تأهيل
ولازم يتعلم من جديد
=================
أروى الطويل
يعنى أنتى معترضه
ماشى يا أروى لو محرمتك تنزلى من بيتكم
أنت وعربى وحنفى ومنجى

=============
توته الجميله
أنتى لتعليقاتك بتعبر عن أنسانه راقيه ومثقفه كان نفسى تكتبى بوست
عن أى موضوع
وان كان تعليقاتك أروع من أى بوست ممكن يتكتب

====================
أدم المصرى
أحنا بنعبر عن معاناة ليلى
كأم وكأخت وزوجه
أنت بقا مين من التلاته
أعترف

lastknight said...

ألى أوسه الشقيه
الفكره الأساسيه فى مسألة / صراع حنفى و ليى هى غياب العداله .. الأصل فى علاقه أى حنفى بأى ليلى هى واجبات و حقوق متبادله و متساويه ... يعنى لو حنفى له طلبات .. ماشى مش عيب .. بس يراجع ضميره الأول بعداله .. هل أدى واجباته تجاى ليلى أولا قبل أن يطالب بحقوقه ؟ و العكس صحيح .. الأصل فى العلاقه هو الموده و الرحمه . التعايش .. القبول .. المشاركه .. التراحم .. طبعا أعترف من مشاهداتى فى المجتمع بأن أغلب العلاقات يفسدها نموذج حنفى .. مع مسؤليه طبعا من بعض نموذج ليلى .. أعتقد الأصل فى المشكله هو الأستغراق فى نموذج علاقة الزواج دون النظر لأساس علاقة حنفى وليلى .. التراحم و التفاهم و القبول .. عشان كده ملعون أبو جواز الصالونات .. و أنصح الجميع بألا زواج قبل تجربة القدره على التواص الأنسانى أولا ..
..

ody911 said...

أوسا
شكرا


نياهاها
أودى نطق أخيرآ
عادى بقا
هههههههههههههههههه
أودى = حنفى
نياهاها

الأميره أوسه said...

فارس قديم
طبعآ جواز الصالونات مش كويس
لابد من التفاهم والحب والتعاون
مش بس بين ليلى وحنفى
بل بين الناس كلها
تخيل لو فيه أحترام بين الناس بلاش حب مش كان زمان مصر دى حاجه تانيه
أسكندريه مثلآ

الأميره أوسه said...

أوووودى
أنت زعلت أنا مبسوطه أنك سيبت تعليق أخيرآ وعبرت عن رأيك
أحنا فينا من الزعل
طيب خد أفهمك
يا أوددددددى
لا بجد
كده مش عادى بقا
أنا زعلانه عشان أنت زعلان

Adel said...

شردتوا للرجالة ربنا ينتقم منكم هو فيه ايه ؟ هو كله على نافوخ ام حنفي طيب واد ابن صرمة وشفتوه بالغلط يبقى كل الرجالة كده انبي دا احنا غلااابة ومالناش فالطيب واتحدى اللي تقولي ان الراجل اقوى من المرأة دا انتوا سوسه كلكم وتولعوا في اتخن شنب وسيبكم بقى من الحبتين بتوع زليخة دول وما تعملوش العملة وتجروا وتشتكوا وكمان تقترحوا العقاب اللي يقع علينا ومش هاقو لكم اكتر من اللي ربنا قاله انكم اشد من الشيطان نفسه وما قالهاش على الراجل فبلاش سهوكة بقى ربنا سبحانه وتعالى قال (إن كيد الشيطان ضعيف ) وقال (ان كيدهن عظيم ) هاتغالطوا في دول بردوا روحوا منكم لله يا كل ليلى .......طيب والله العظيم انا معود ابني قبل بناتي انه ما يقومش من على ترابيزة الاكل الا لما ينضفها وكمان يحضر السفرة مع امه واخواته وانا مكان ما اكل انضف مكاني وممكن كمان انا اللي اطبخ لمراتي والعيال بس لما يكون مزاجي حلو والتعاون زي الفل بس انتوا اللي زي القطط بتاكلوا وتنكروا وتربوا وتتبرأو من تربيتكم الفاشلة لولادكم اللي كلهم لازم يبقوا ابو الاحناف ربوا صح تلاقوا صح على راي ابو رامي سلمني نضيف اسلمك نضيف ؟

Shower-Mirror said...

ما حدش قال ليلى و قعت حنفى ازاى فى المصيده ...ابتدائا من ( هو انت مرتبط ) و مرورا ب ( ماما عايزه تكلمك ) و انتهاءا ب( واحد ظابط صاحب اخويا متقدملى ) !!

و مافيش و احده فيكوا قالت ليلى بتعمل ايه و تلبس ازاى و هى رايحه الشغل عشان كده كل الرجاله بيبصولها و يضايقوها ...

ما حدش اتكلم عن النكد فى البيت و الذى يبدأ دائما بكلمه من اثنين ( ماما بتقول ) او (عايزين نشترى ...)

مافيش و احده جابت سيرة الوقفه قصاد المرايه الصبح قبل الشغل بالنص ساعه ..( عشان منظرى قدام الناس ..!) و بعد الظهر الجلابيه اللى فيها ريحة البصل ....

و هكذا ممكن اقول كلام للصبح ...

**********


على فكره الكلام اللى أنا قلته دلوقتى ده كلام خيالى زى الحمله اللى انتوا عاملينها دى كلها خياليه .. ده حتى معظم البنات اللى متبنينها لسه ماتجوزوش !!!!!

المشكله ان معظم معلوماتنا عن اى حياه مانعرفهاش ...جايبنها من التليفزيون و المسلسلات ...زى قصة ليلى و حنفى كده .. و زى رجل الاعمال اللى بيطلع من البنك بالشنطه على المطار ... و زى ان كل الاغنيا ولاد كلب حراميه و الفقرا هما اللى كويسين و بتوع ربنا ... و الشباب اللى بتروح النوادى كلهم شمامين و فرافير و اللى بيلعبوا فى الشارع هما اللى زى الفل ...!!و بتوع الجامعه الامريكيه حمير عشان بيتعلموا بفلوسهم ..و خريجى الجامعات المصريه -اللهم احفظنا - مجتهدين و عباقره ...! طبعا انا مش محتاج اقول السم اللى كنا بنشوفه ده عمل ايه فى نفسية الناس ( وانت راكب عربيتك بص للناس اللى فى المواصلات جنبك او ماشيين على رجليهم بيبصولك ازاى !... مع انك ممكن تكون مش قادر تدفع قسطها )... الخلاصه باقول ان مش كل الرجاله حنفى و الا كل الستات ليلى ...

على فكره انا متجوز بقالى خمس سنين - الحمد لله- و عندى ولدين صغيرين .... طبعا مش هاقول انى و مراتى عايشين فى نعيم ..بس حياتنا مش جحيم ابدا ... المهم الواحد او الواحده يختار صح .. و ماحدش يتكلم على حاجه الا لما يجربها او يفهمها او يسأل مجرب بس يكون امين مش من اللى بيغزوا العين :) ...

*******

حاجه كمان ... لازم نعترف بأن المشاكل بين الازواج فى مصر سببها الجهل الجنسى وده حقيقى و أعترف به ... و معظم معلوماتنا عن الجنس اما عن طريق الافلام بتاعة زمان اياها !!!.. او عن طريق كلام الصحاب و الصاحبات اللى كله فشر و جهل و هبل ....

بعد سنه جواز اكتشفت انى ماعرفش حاجه ..و اللى احنا بنعمله ده اسمه خلفة عيال وخلاص... عن طريق النت دخلت عدة مواقع محترمه عن الجنس و اكتشفت ان الموضوع كبير و محتاج تعلم و له اساليبه و تكنيكاته ... و مش عيب ان الواحد يقعد و يتعلم بس المواقع تكون محترمه .... و على فكره فى دلوقت مواقع كتير للثقافه الجنسيه - و العلاقه بين الازواج عموما - باللغه العربيه و بأشراف اطباء و رجال دين كمان .... الموضوع فرق معايا جدا و خلانى افهم بكل بساطه ان الجنس علاقه بين طرفين ..مش استمتاع شخصى .

اسف على التطويل ....تشاو بقى عشان البورصه هاتفتح :)

*****
ماشى يا أوسه ياندله ...! عارفه ان رجلى مكسوره والا بتسألى

مفلس افندى الرايق said...

حلو قوى الثوره اللى قومتوا بيها دى اسمعوا كلامى واعملوا جمعيه ليلى واخواتها

وتبقى كلبوزه هى الزعيمه اصلى بينى وبينكم بعملها حساب ههههههه

كلامها كده بيجى على الوجيعه
وربنا يهدى سر الرجاله السريعه

والحدق يفهم

كلبوزة لكن سمباتيك said...

حنفي بيروّح تعبان
و كل ما ليلى تيجي جنبة يقول حران
قال اية مضغوط في الشغل و زهقان
و ليلى يا ولداه عايزة حنان
و له كلمة حلوة في ليل سهران
قطيعة عليك يا حنفي يا كحيان
كانت ليلى مرتاحة
قبل ما بيك تتصان

tona said...

خدي يا بنوته انتي

امووووووووووووه

ody911 said...

أوسا
خلاص مش زعلان
بس بجد الموضوع كبير
ومش كل الرجالة حنفى زى أنى مش كل الستات ليلى
وياريت الكل يقرب من بعض ويقول إللى مزهقوا علشان نقدر نغير ولو جزء بسيط فى حياتنا
بلاش فى شغلنا علشان مش هنعرف وى سياسة وإقتصاد وأنا مليش فيهم
وعلى فكرة أنا مش عندى عقدة من ليلى ولا حاجة
دة أنا بحب على نفسى
وعادى بقة
أودى

Dr. Tantawy said...

حتى أنت يا بروتس اهي اهي اهي

Diyaa' said...

ربنا ينور عقل كل أدم و كل حوا سايبين المصايب اللي احنا فيها و بيلعبوا في الأوت ...يا ريت يا اميرة تقري تعليقي عند أم أحمد و هتفهمي قصدي و ربنا هينتقم من كل نموذج حنفي بس هتعرفي بيسلط عليه ايه ....نموذج ليلي النيجاتيف ...يعني من الأخر لكل حنفي حنفياية زيه
ربنا يهدي الجميع و يجعله عامر
قولي يا رب

BackBone said...

حراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام


و اللهي العظيم بنحب و بنعشق و بنقدر و نفسنا نلاقي بنت حنينه و نخليها ملكة و نقعدها علي عرش بيت ملكها, و نقيم لها المشاعل و ننزل لها ابواب القلاع و نضربلها الطبلخانات و ندق الكوسات , نقيم الليالي الملاح حتي طلوع الصباح, لا يتكلم احد بعد كلامها و لا رأي يطاع غيرها.....ـ

تهمس, فتسمع
تحلم, فنحقق
لو تشاور علي حاجه, نطير نيجبهالها
نتمناها تتكلم علشان نسمع صوتها

نحميها من ما تخشي

نقاتل من اجلها حتي الفناء

لا غالي بعدها و لا نتمني غيرها

أين هي؟؟؟
أين هي؟؟؟
أين هـــــــــــــــــــــــــي؟؟؟

كلبوزة لكن سمباتيك said...

اختشي
يعني اية جواز صالونات؟
يعني الواحدة مننا تروح صالوم الحلاقة تاخد دقنها قوم الحلاق يجيب لها زبون اقصد عريس و يوفق راسين في الحلال؟
هو ده جواز الصالونات؟
و لا اية لحسن انا محرجة اسال حد غريب
يقولةا عليا بلدي و لا حاجة
و جواز السطوح ماينفعش؟
و لا لازم اروح الصالوم؟
يلا نعيما مقدما
مش حنخلص من ام حنفي و برعي بقي؟
اتنفخنا
قبلاتشي يا بيضة

Anonymous said...

يا أى ليلى تعالى اسمعى سناء
يللا مستنيه ايه
بلادى

مفلس افندى الرايق said...

ماهو زى ما فى حنفى فى سمير

تعالى شوفى سمير بقى رايه ايه مع ليلى

http://mfaysal.blogspot.com/


مش كل الرجاله حنفى

فى رجاله تانيه

اللى اسمه رامى والا اسمه شلبى

واللى قلبه طيب
وصافى زى قلبى

واللى بيحب مراته

الانسه حنفى

islamventura said...

تفتكرى ليلى بتكلم بجد

مراقب مصري said...

الواد مراية الحمام قال كلمتين حلوين في الآخر
موضوع جهل الأزواج بالثقافة الجنسية دا موضوع شديد الأهمية
الموضوع مش جنسنة كل الموضوعات وكأن فيه هسس جنسي عندنا
بس بجد الجنس دا موضوع عميق جدا جدا جدا في لب العلاقة بين الزوجين
مش بس لأسباب هرمونية بحتة
بس لأسباب عاطفية ونفسية
الجنس هو التعبير الراقي الذي أعطانا الله إياه لنعبر عن أعمق مشاعرنا نحو شخص واحد في الحياة هو شريك أو شريكة الحياة
الجنس الناجح هو الحب الحقيقي الذي يبدأ في القلب
ويمتد ليغمر الكيان كله ليتم التعبير عنه بصورة جسدية
فيها تخرج كل ما لديك من حب للطرف الآخر في علاقة هدفها بالأساس إشباع الآخر وإسعاده
هذا هو جوهر الزواج
اتنين بيندمجوا مع بعضهما حتى الذوبان مش بس معنويا لكن كمان جسديا!!!
يا قوة الله!!
وبسبب الجهل
والأفكار الهبلة
والثقافة الوضيعة
والعادات الواطية
والتقاليد السخيفة
يفقد الإنسان أعظم ما وهبه الله له في الزواج وهو التعبير عن الحب نحو شريكة حياته إن كان رجلا أو شريك حياتها إن كانت امرأة

لذلك قلت
حرروا الإنسان
ليصير كما أراده الله أن يكون
وعندئذ ستتحرر المرأة

أُكتب بالرصاص said...

ايه يا اوسسسة

ما المولد خلص من زمااان

اقلبي بقى

وهاتي صفحة تانية

.

نقطة من اخر السطر

MAKSOFA said...

الحبيبه أوسا
رشدي أباظه ياختشي كان راجل زي القمر موش ممكن تقارنيه بحنفي
حتي لو شخط وأتمر له حق

ام العيال said...

كلنا ليلى
و كل حنفي يرجع من الشغل يقعد ادام المدعوق الي اسمو تليفزيون ماسك في ايده الزفت الريموت يقلب بلا هدف مستني الوقت يمر علشان حنفي افندي يروح يتخمد علشان ال ايه عندو شغل بكره تقوليش بيشتغل لوحده تلاقيه طول النهار قاعد في التكييف يبطق حبك مع ديحه و لا ففه
ال ايه و في حنفي بيقلب علشان يبقى ليلى اصلعا ناصه؟؟؟

علا من غزة said...

بتسألو طب ايه الي مخلي ليلى ساكتة وقابلة الحياه بالطرقة دي .. اكيد لأن الدنيا كلها بقت ماشية كدة اليومين دول .. كل واحد بيطلع قرفو على الناس الي اصغر منه ,, بالعمر بقى بالمكانة بالرتبة ما تفرقش .. مش عارفة ليه وانا بقرأ اتخيلت امريكا والي بتعمله في الدول العربية ! وهو كلو ليلى والذئب

أفضل  ألف  مدونة