أفضل  مئة  مدونة

Thursday, September 14, 2006

الحل أيه


عاوزين نتجوز وأحد حنفنف وصلحــه

بعد دراسه مستفيضه لمشكلة العنوسه وشكوة بعض المواطنين من صعوبة الجواز اليومين دول وبعد اللى أقريته عندالزميله الخاطبه كلبوزه والزميله عاوزه أبقا عروسه / والعزيزه تمر حنه / قررت دراسة الموضوع والجلوس على طابلية المفاوضات مع الطرفين حنفى ياكبدى نفسه يتجوز بدل الصور اللى هو ملطعها فى أوضته وطول النهار نازل بوس فيها لما شفايفه أشفت وطول النهار واقف فى الشباك والرادار شغال يمكن يلمح دراع بنت و قاعد قدام التلفزيوون يمكن هيفا تعدى ولا نانسى تظهر وباليل يروح المولات يتمحك يمكن تفرج بموزه ولا حتى معزه أهو حاجه فيها الروح وبتتنفس والبنت مسكينه طول النهار تلعن الجواز وهى حاتموت على حنفى ماهى لها مشاعر برضه وغريزه أه صحيح أكتشفوا أن البنت بتشعر وبتحــس زى الولد تمام بس فى سرها عشان الفضايح

المهم الحل أيه

بعد معرفتى أن البنات ضعف عدد الشباب يعنى أتنين لواحد أن البنات تبطل أنزحه وتتعاون أزاى أقولكوا أولآ الراجل من حقوا يتجوز أربعه طيب نفاصل ونقول كفايه أتنين على أساس أن الراجل اللى له ودنين يشيلوه بنتين وبدل العريس والعروسه مايطلع عنيهم وعين باباهم وماماهم فى تكاليف الشقه والعفش والفرح يتم الأتى يتم تقسيم ألتكاليف على عدد تلاته بالحق والمستحق والمليان يصب على الفاضى والشقه كفايه غرفتين وصاله غرفه نوم فيها سرير بدورين وترتيب النوم حسب الحروف الأبجديه يعنى أحلام فى الدور اللى تحت ومنى فى الدور اللى فوق والعريس بقا يتنطط يوم تحت ويوم فوق ويوم الأجازه ينام فى الصاله يريح يعنى بدل ميوقع من طوله ولو جاب جاز يروح عند امه أهو ياخد ثواب ، والعيال يتكربسوا فى غرفه حتى فستان الفرح ممكن يتأجر وكل واحده تلبسه تتصور بيه وياريت البنتين يكونو صحاب عشان الخناق والغيره و يتعاونوا على سعادة حنفى أو بهدلته حسب مايتفقوا وما فيش أحسن من أستمرار الصداقه بين البنات ولما تفرج بقا ويعملوا فلوس موووت ياحمار يشتروا شقه أكبر وينتشروا فيها

فى أنتظار تعليقاتكم و وسعوا خيالكم كده يعنى بلاش وجع قلب يمكن تفرج


113 comments:

أم أحمد said...

انا اول المتطوعين ماعندكيش واحدة كدة تكون لذيذة اشيلها في عيني بس تكون شاطرة في شغل البيت وماتقولش لا وتكون غنية اوي وتكون وحشة اوي عشان جوزي مايبصلهاش من اصله واكدي علي حتة غنية اوي عشان تدفع مصاريف مدارس اللغات
بس لازم انا اللي اجيبهاله مش هو اللي ينقي
علي فكرة انا ماعنديش مانع بجد بس لو انا اثرت في حاجة يعني الجواز احسن من انه يغضب ربنا
وقبلاتشي
مع تحيات ام احمد

tota said...

يا اوسة يا مجننانى
بصى هى الفكرة مش صعبة بس عايزة شوية خيال علمى
بس لو رجعتى لاخر بوست عملته مكسوفة وشوفتى النسبة اعتقد انك محتاجة مراجعة جامدة قوى لفكرة الراجل اللى له ودنين يشيلوه اتنين لانه مش هينفع تشيله اى واحدة من الاساس
وهيقضيها طول الاسبوع عند مامته
وشكلك كده منمرة على شهروزة والموضوع باين من زمان
يلا مووووه واحدة ليكى وواحدة لضرتك
وتحياتى

bluerose said...

نفسي أفهم ايه سر الأوشاعة السائدة ان عدد البنات ضعف عدد الشباب؟؟

طبقا للجهاز المركزي للتعبئة و الاحصاء عدد الذكور بالنسبة لعدد الاناث في مصر 1:1,1
يعني عدد الذكور اكبر بنسبة بسيطة

و نفس الجهاز أعلن ان عدد من تجاوزوا سن 35 سنه دون ان يسبق لهم الزواج في مصر 9 مليون منهم5,5 مليون شاب و 3,5 مليون فتاة يعني المشكلة مش عدم تناسب أعداد

بالعكس , أعتقد ان اقتراح زواج كل رجل من 2 يزيد المشكلة تعقيدالأنه يقلل من فرص الشباب الأقل في المستوى المادي أكتر ماهي قليلة أصلا

الحل في تقليل المظاهر الفارغة , لو اتكلمنا عن طقوس الزواج في مصر يلزمنا صفحات في وصف التفاهات التي يصر عليها الطرفان "عشان شكلهم قدام الناس" في أغلب الأحوال

ody911 said...

أنا مواااااااااااااااااااااافق
أنا معااااااااااااااااااكوا
أنا فرحاااااااااااااااان
وعاوز أتجوز بقة
حراااااااااااااااااااام
تعبت
كفاية بقة
أودى التعبان

gwad said...

اوسااااااااااااااا
انتى فعلاااااااااااا
اميرة
اوى
انتى مصيبة
يسلام على المخمخة
انتى اكيد وانتى بتكتبى كنتى شاربة حاجة
تحياتى
ممكن تغير اسمك
الى
اميرتكوا اوسااااااااا الفقرية

تحياتى من مواطن مات من الضحك

Anonymous said...

loool
bla 7'eeba homa reglat el youmin dool 2dreen 3la wa7da lama ye2daro 3l etneen
ya oussa ya 7abetitchi eli me7'ali el regla matetgawezshi heya el 7'eeba el aweya ,el wad min dool zay el sha7t tool el dolab we maloush ela fel sowar wel video clips 3la ad se7tihoum ba2a

oussa ya ro7i law le22tilik wa7id ana mosta3eda ashrkik fee ana 2lbi ya o7'ti enfat7lek min awel mageet el blog

Lasto-adri *Blue* said...

ايوة انا موافقة
وحتى اللى ح تتجوزه معايا ممكن اتنازلها عنه طول العمر بدون ضمان

وممكن حتى اكتب تعهد بعدم استرداده مدى الحياة.. وان حكمت و طلع فيه حاجة كدة ولا كدة اديها فلوس الدية

Anonymous said...

يا سلام ... غالي و الطلب رخيص

MAKSOFA said...

حلوه قوي العريس تنطط يوم تحت ويوم فوق أذا كان التنطيط بفايده فلا بأس أما أذا كان بيطنط زي القرد في فيلم جري الوحوش بتاع محمود عبد العزيز علشان الأنترلوب بتاعه باظ تبقي هي دي المشكله

soosa el-mafroosa said...
This comment has been removed by a blog administrator.
soosa el-mafroosa said...

حبيبتش يا أوسه

الإقتراح ده يا حبيبتشي مرفوضون مرفوضون يا اوستشي

ده خطر على خزينة الدوله

يا حبيبتشي حنفي من دول لما يبقى متجوز واحده بيعوز حبايتين من اياهم كل يوم-اسأليني انا بيجوا ياخدوها م الصيدلية عيني عينك كل يوم في المعاد و لا سندوتشات المدارس

مابالك بقا اتنين ..هنكفيهم منين ..هي الحكومه عارفه تكفيهم عيش لما هتكفيهم...يالا هو الموضوع واضح بأه ضل راجل و لا ضل حيطه

قطيعه تقطع الجواز و سنينه

سلامات يا أوختشي
أمممممواه

بعدك على بالى said...

كنت حاقولها...
توته دى شطورة، سبقتنى، يالا انا وهى واحد برضه( متهيالى ممكن نتوافق فى موضوع الضراير)
فعلا احنا داخلين على انقراض لهذا النوع البشرى اساسا، وحتى "ضله" مش حيتوافر فى الاسواق ولا بالعملة الصعبة، وبناءا عليه لازم تفكرى فى حل تانى زى الاستنساخ وهى فرصه نلعب فى الجينات ونعمله تعديل جوهرى فى المضامين بما يتوافق وطلبات ليلى ، باختصار يكون خالى من كل عيوب حنفى..

تحياتى وقبلاتى وسلاماتى يافتاتى

islamventura said...

طيب كويس جدا و تعاون مثمر فى المحادثات الاخيرة

و لكن السؤال يرجع لكى و اذا اردتى الاجابة بصراحة فهو شىء جميل

هل تسطيعى انتى شخصيا تطبيق ذلك على نفسك ؟
هل اذا اتفقت على ذلك فى يوما ما و تطورت الاحداث فانك
لن تتراجعى فى يوما اخر بعد التنفيذ ؟

ارجو ان اراكى فى مدونتى
النور و المية و التليفون شغالين فى المدونة عندى و الموبايل بيلقط

islamventura said...

ملكية خاصة ام شركة مساهمة مصرية

الحل فى راى هو الاتفاق و انا لا اتكلم عن حاجة افعلها و لكن هذه هى الحقيقة

لعلمك الفترة الماضية كمية من الزيجات و الخطبات كبيرة جدا ولا اعرف
هل هى افراح الناس ام انه الطابور الذى تعود عليه شعبنا ؟
ام ان الناس زادت و بذلك زادت معدلات الاحزان و الافراح

المهم ان الناس تسير و فى اى اتجاه و دون النظر لنقط كثيرة ما عدى النقطة التى ذكرتيها و كأن حل المشكلة ليس بى و هى حقيقة
هذه الفكرة ممكن تطبيقها و لكن تحت ضغوط عظيمة لان الارتباط بالنسبة للمراة هو الانانية و تضخيم لشعور الملكية فهى تملك رجل و لا تحب المراة الشريك فى نفس الاحاسيس


انتى عارفة هى شبيهة بفكرة فيلم سيداتى انساتى

و لكن فى اى شخصية ترى نفسك فى الاربعة ؟
و يجعله عامر

Anonymous said...

اسئوووووووووستى
انا جاهزة ومستعدة اشاركك يا حبيبتشى
حتى توتا اخدت بالها اننا نسلك مع بعض يعنى
انتى بس نمرى على واحد كويس وانا حاشيل الشيلة معاكى
هو يطوووول؟؟
ههههههههه وليكى عليا يا ستى نمشيه على الصراط
بس اعملى حسابك...حيبات عندى كل ليلة يعنى ولا مؤاخذة
هههههههههههه
---------
يا بنتى ربنا ما يحرمنا من الرجالة
دول نعمة واللى يكرهها يعمى
وانا من منبرى هذا ابحث عن عريس مناااسب
يقدر يشيل شيلتنا انا واسئوستى
ويستحملنا كماااااان
-------------
على فكرة لسة نسبة الرجال مرتفعى بمعدل تلاتة فى المية عن النساء فى مصر
يعنى احنا واللةاعلم كدة لسة بخير
------------
كل المشكلة الماديات وبس
اموووووة حبيبتشى

littilemo said...

هع هع

الأميره أوسه said...

ســـــــــــــــــــهر

واحده وحشه وغنيه وتخدم بضمير فى البيت
ده أنت طماعه طمع
طيب لما تكون وحشه و لهلوبه فى شغل البيت مش كفايه أهى تريحك
وبعدين الفكره أن يكون فى عدل فى الموضوع عشان ينجح
واحده تشتغل بره والتانيه جوه
واحده تولد والتانيه ترضع
واحده ترضى رغبات جوزها والتانيه تتفرج
كدا يعنى

الأميره أوسه said...

تـــــــــوتــــــــه
طبعآ لازم نكشف على الزوج قبل الزواج عند الدكتور وناخد منه شهادة صلاحيه
ولو تعب بعد الجواز نقضيها
كوتشينه أنا وهو وشهروزه
وبعدين هو فى راجل ممكن يعيش بعد أسبوع واحد من جوازه
من أوسه وشهروزه
ده كبيره ليللتين ويتكل
أأأأموه

الأميره أوسه said...

bluerose
أنا معاك أن نفقات الزواج مبالغ فيها جدآ ومن تجارب صديقاتى أنهم أشتروا حاجات ملهاش لازمه زى النيش والفرح اللى فى فندق
وحاجات تانيه كتير
وفى ناس بدأت بسيطه جدآ ومع الوقت جابوا لوازمهم بس
من غير كراكيب وتقليد أعمى

الأميره أوسه said...

ody911
من حقك تتجوز
ممكن تأجر شقه وترتبط بواحده بتشتغل
وتتجوزوا بدل التعب ده
وبلاش خلفه من أساسه
بلا عيال بلا وجع قلب
أنت بس أعمل بوست أكتب فيه السيره الذاتيه بتاعتك وأوصافك وطلباتك أيه فى شريكة حياتك
وربنا يوفقك بقا

الأميره أوسه said...

gwad
برضه مقولتش رأيك
أنا كنت شاربه سيجاره وربع وقية حشيش
وبس على مزاجك
ربنا يخليللنا الحكومه
والسيد وزير المخدرات
====================
دودى
مش للدرجه دى
فى رجاله جامده
أو هم بيكونوا جامدين لحد التلاتين وبعد كده بيسقطوا
وده من كتر التفكير
طيب عندك مثلآ لو راجل أتجوز هيفا وهبى
هل هيسد أبدآآآآآآآ
يدوبك يشوف دراعها ويغمن عليه
أهو الحل فى الفياجرا
كلوا يفجر

الأميره أوسه said...

Lasto-adri *Blue
أيه ده أنت مستغنيه للدرجه دى
طيب هاتتجوزى كيف ولماذا يعنى
الجواز نص الدين
وفى رجاله حونــينه
ربنا يبعتلك عريس كويس زى بتاع أزهار بنت خالتى كسيب و مريش
أصله فرارجــى

الأميره أوسه said...

Tarek
يعنى موافق
طيب عندك شروط
لأ خالص
ده أنت واقع بقا
طيب سيب رقم تليفون البقال اللى جنبكوا

الأميره أوسه said...

MAKSOFA

ختى بالك من موضوع التنطيط ده
يعنى تضمنى جوز ستات أرامل بعد أسبوع
وبعد كده يشوفوا غيره وغيره وهكذا
لحد الرجاله ما يخلصوا
نجيب بقا رجاله مستورده من روسيا
ونحسن النسل

الأميره أوسه said...

soosa el-mafroosa

بذمتك بجد حبيتين كل يوم
و دول بكام كده
طيب الرجاله اللى معهاش فلوس بتعمل أيه
طيب مجايز أنهم بيشتروا الحبوب دى طفاسه يعنى أو عشان يعلوا الدماغ
ده أنا سمعت أن واحده تعبت لأن جوزها كويس وزى البغل أخد حبه من دول كان هيموتها هى والعيال
يا نهار أبيض يا سوسه يعنى كده الرجاله تعبت بدرى بدرى
طيب سؤال بينى وبينك كده هاتى ودنك
هاتى فيه حاجه للستات عشان ينتعشوا كده ويعيشوا ولا الستات حرام وممنوع
جايز يكون العيب فينا أحنا

الأميره أوسه said...

بعدك على بالى

تخيلى كوضوع الأستنساخ ده حل كويس
طيب شوفى المعادله دى
راجل شبه براد بيت
و فى رجولة رشدى أباظه
و رقيق وحالم زى عبد الحليم حافظ بصوته
وعضلاته زى رامبو عشان أركب على ضهره
وفى ذكاء أينشتاين
وفى غنى أوناسيس
وشوية مواصفات جامده كده
مقدرش أكتبها هنا
دى تبقا حاجه هنا
لا بجد الموضوع محتاج دراسه

الأميره أوسه said...

islamventura

طبعآ مستعده
فى رجالها قلبها يساع أكتر من واحده
وممكن يعدلوا بينهن
وفى راجل ميقدرش يعدل مع فرخه
جيالك أهووووووووو

الأميره أوسه said...

شهروزة

انا أرحب بيكى ضره
وبعدين الشوار بالنص
وبلاش نيش وموبيليا زياده
و ممكن نشترى بالقسط
والسرير أبو دورين رخيص أهم حاجه المله فاهمه بس أيه حكاية يكون معاكى كل يوم دى
طيب منحطه فى النص بينا وأهو نخلص عليه
نهبله يا بنت أنا ألبس فوشيا
وأنت أحمر فى أسود وأديها رقص وحركات
ولا بلاها اللبس تكاليف على الفاضى
ولما نزهق منه نضربه أو نطرده ونجيب غيره ولو عجز نستبدله وندفع الفرق
أيه رأيك فى عريس تماشر سنه على مزاجنا
كده وأهو يكون لسه بعافيته ده هايشوف أيام سوده على أيدينا
أأأأأأموه ليكى يا ضرتى

الأميره أوسه said...

littilemo

أيه يا عم أنت جى تزور هنا
========================

فين البشر والتعليقات
راحت عليكى يا أأأأوسه
طيب مش لاعبه

lastknight said...

أوسه الشقيه
فكرتك هايله نظريا .. لكن السؤال هنا .. الراجل الطبيعى بيتردد ألف مره قبل مايجيب لنفسه مصسبه واحده .. تفتكرى فيه راجل عاقل هايجيب لنفسه مصيبتين ؟؟؟

wanna b a bride said...

أبله أوسه
حلوة أبله دي ..بس الإحترام واجب برضه

الواد الي بيقول هع ده برضه جه عندي و عمل كده ..هو بيعمل كده ليه و عامل فيها نظيف ..أنا شاكه في قواه العقليه على فكرة

انا متشكرة قوي انك بتحاولي تحلي مشكلتي ...بس يا سلام بأه لو تخللي الإسم لينك عشان العرسان ما يتوهوش

ممكن أدخل في الموضوع ده مع أبله سوسة
عشان تعرف تجيب لحنفي بتاعنا الحبوب اياها دي

هو احنا يهمنا غير راحة حنفي؟؟

الأميره أوسه said...

فـــــــــــــــــارس قديم

طيب أنا كان ليه جار متجوز تلاته ومعيشهم مع بعض
وكانوا علاقتهم مع بعض ممتازه وكانوا بيقولوا للوزجه الأولى يا ماما من حبهم فيها
وجدى كان متجوز أتنين وكانوا صحاب
أحنا مش مصايب أحنا كوارث
هناك فررررررررررق

الأميره أوسه said...

wanna b a bride

ياعنين أبله أوسه
هاعملك رابط
وهاكلملك أبله سوسه
اهو بالمره تشيلوا واحد حنفنف شركه
بس انتى دمك عسل معقوله الرجاله مش حاسين بده رجاله عديمة النظر
تيج أنا وأنت وشهروزه وسوسه
نجوز أفندى شركه ونخلص على أهله فى ليله
ونبقا أسمنا أتجوزنا ودخلنا دنيا وسفرناه الأخره
أحنا الأربعه نهجم عليه مع بعض
وكل مايتعب سوسه تديله حبايتين وشهروزه ترش عليه شوية ميه وأنت تعضيه وأنا أضربه بالروسيه
بالدماغ يعنى مش باللغه الروسيه
أيه رائيك بـــجــااااااااااا

Gid-Do - جدو said...

اوسة والشهروزة
اهو اناـ اهو انا ـ ولاحد ينفع الا انا ـ شكلى صحيح ملوش دوا لكن اختصاصى فى الهوى
ماما سبتلى فى البلد اطيان كتير ملهاش عدد كان عندها اتناشر ولد مفضلش منهم الا انا
والعزبة دية فى شبرا اليمن وحبعها بكرة مقدما وحشترى
لاوسا والشهروزة
مؤقتا دبلة خطوبة حبنا
بس اقبلوا
مضيعوش مستقبلى مضيعوش مستقبلى

Adel said...

اوسا هانم ربنا يهدك زي ما نت عاوزة تهدي الرجالة واقتراحك الاخير بان انتوا الاربعةانتي وشهروزة وسوسة واللي عاوزة عريس دي انكم تتجوزوا راجل واحد معقول واعتبروني موافق بس الخرجة بتاعتي تبقى عليكم ونكتب الكلام ده في العقد اوكى فكروا وكلموني

الأميره أوسه said...

Gid-Do - جدو

مستنينك على نار الفرن
ومتنساش بقا لزوم الفرح عربيتين سبور
واحده لشهروزه واحده واحده ليا ومعاها أتوبيس صغير لزوم الرحلات

الأميره أوسه said...

المزاجنجي

أنت تقدر على أربعة
أحنا كده نتجوز فى القصر العينى
فى غرفة الأنعاش
أحنا عايزين راجل حيطه
وميكونش متجوز قبل كده
عشان ناخده بكر
ونغتصبه براحتنا

Anonymous said...

اسئوستى
انتى مخامصانى ولا اية؟؟
مش بتردى على الاميلات بتاتشى لية؟
داهية لاتكون مش وصلتك من اساسه زى اللى قبلها؟؟
-------
مش احنا حبايب وضراير؟؟
ياااابنتى انا بعت الفون بتاعى فى اخر واحد كماااان عشان نرتب لحكاية العفش والملة دى
اية النظااام بقاا؟؟
-----
انا منشنة عالواد مفلس الرايق
اصل البلوج بتاعه تمليك
واهو مفلس يعنى ينوبنا فيه ثواب
ولا اية رايك فى فارس؟؟
بس جدو مش حيصمد معانا
ولا نمشيها معاه ونلهف العربيتين ونفلسع؟؟
طيب ما تيجى نشوف مزاجنجى مش يمكن صحته تساعده؟؟
ههههههههههه عموما الفرز كتير اوى
ننقى ونختار
بس برضة اعملى حسابك
حيبات عندى كل ليلة

الأميره أوسه said...

شهروززززززز
وصلنى الأميل والتليفون والأكواد
وقريت الرساله وهارد عليك النهارده بالليل عشان الرومانسيه وكدا
عشان أكتبلك من أعماق أعماقى
و بعدين أنت ليه مصمصمه على أنه يبات عندك كل يوم
مش السرير بدورين وأنت هاتكونى فوق فى الطابق العلوى وهاسمع بقا كل حاجه
هو يبات فوق وأنا أسمع وأتصنت عليكم من تحت ولما النور يقطع أطلع عندكم فى الزحمه وربنا يستر عليكى بقا
ياريت عريس عنده حيويه ونشاط
ده أحنا داخلين على معركه جامده
على الأقل ميموتش فى الصباحيه
أأأأأأأموه ليكى يا ضره يا حبيبتشى

tona said...

دا ايه الافكار البناءه دي

انا كده هبتدي اشك في ولاءك لعالم حواء بقي

انا عن نفسي مش موافقه علي الاقتراح دا علي فكره

بس تصدقي ليكي وحشه بجد
يلا اموووووووووووه

Anonymous said...

انا جيت متأخر و لا ايه

هو انتي يا اوسة من ساعتها سايباني في عنبر الكحة
وانتي هنا بتجوزي البنات؟؟؟؟؟؟


لا ماكنش العشم

و الاقتراح مرفووووووض
بلا جواز بلا بتاع بقي

هه..مافيش تعاون
:))

سلام يا اميرة اوسة

admelmasry said...

احه
ههههههههههههههههه
انا عايز الاتنين اللي في الصورة
ينفع ؟

الأميره أوسه said...

tona
الاقتراح محتاج دراسه وتنقيح
و مش شروطه أن البنتين يكون صوحاب
والعريس يكون أخرس
وحشانى موووت

==================

أبيتاف
روحتى فين أنا محضرالك عريس أخى نزاجه
بيتكلم ويقول بابا ماما
وبيحرك ودانه كمان
واحتمال ربنا يكرمه ويمشى
أأأموه
=============
admelmasry

كان بودنــى
بس البنتين دول محجوزين خلاص
عندى أتنين كسر ينفعوا
ولا تستنى الدفعه اللى جايه

Anonymous said...

اووووسة صحيح

مش دول البنتين اللي كانوا بيوشوشوا بعض في البوست القديم؟؟؟؟

قولتيييييييييليي
عشان كدة بقي كانوا بيتوشوشوا
كانوا يا ستي بيتفقوا ع الراجل اللي ح يجوزوه

شفتم انتم كنتوا ظالمين البنتين دول ازاي
؟؟؟


و مش عايزة العريس اللي انتي جايباهولي الا لو كان بيتكلم انجليزي و فرنساوي
:))

saso said...

يادي المصيبة
مين اللي افتي بعدد البنات اللي اكتر من الولاد اساسا ؟ هو أي حد يقوللك حاجة تصدقي؟
تأخير جواز ممكن لكن زيادة عددية !!! مين اللي قالك الكلام الفارغ دة

3rby said...

انتي عبيطة يا اوسه ولا ايه...بتقولي يجبلهم شقق الواحدة اودتين وصالة وفي نفس الوقت كل واحدة في دور



بصي بقه....تولع مشكلة العنوسة في مصر...احنا ممكن نتجوز....عندنا زاوية فاضية في البيت ممكن تباتي فيها...وهاجبلك عجلة بدل الشحطتة في المواصلات....وكل اسبوع هانروح نلعب بلاي ستيشن(تو لو سمحتي)عند الواد مونجي ابو جل في بقه...علشان ماتقوليش حارمك من حاجة:)

ADMIN said...

قرار جمهور محدش حيتجوز فى البلد دى خلاص انفض المولد

مراقب مصري said...

أشكر الذين اقلوا نعم
وأشكر الذين قالوا لا
وأشكر الأبلة نعيمة لأنها قالت نعمين

يا بت يا أوووسة
إنتي هتستعبطينا وتاخدينا ف دزكة ولا إيه؟
ما احنا عارفين إن العرسان بالكوم على باب بيتكوا
وانتي اللي مش طايقة أي جحش فيهم

عايزة نصيحتي؟
إنتي كدة ملكة زمانك
ولا أي جحش يعمل عليكي دكر وهو فردة شبشب !!!

نسبة العنوسة اللي بتزيد دي مؤشر جيد في نظري
دا معناه إن البنات ما بقيتش هتموت على الجواز وخلاص
إنتي عارفة إن اللي بقوله صح
مانتي ياما جالك فرد شباشب أد كدة
ونفضتي لهم
الأزمة إنه مفيش راجل بجد ملا دماغك

ومن منبركي هذا
أؤكد أن نفس المشكلة عندي
ما شفتش البنت لسة اللي بجد تملا دماغي
مش لأنها مش موجودة
بس ببساطة
لأني لسة متكعبلتش فيها

إنتوا بتدوروا على راجل بجد
ودا أساسا بقي عملة نادرة

وأنا بادور على بنت دماغ بجد
ودي عملة نادرة أيضا

أقول لك سر؟
ودا كلام جد
كم البنات التافهة اللي الواحد شافها عقد الواحد من الجواز وسنينه
كمان كم الجوازات الفاشلة اللي الواحد شافها أضافت للعقدة مزيد من العقد
مش دا شبه اللي انتي برضه بتفكري فيه عن الرجالة وسنينهم والجواز وسنينه؟

وبيني وبينك عندك حق
شوفي أي جحش من اللي اتقدموا لك
منهم اللي عينه عليكي بصفتك
لا مؤاخذة مزة جامدة
ولا يرى فيكي سوى جسد
والجحش التاني اللي طمعان في مرتبك
إذا كنتي بتشتغلي
أو في فلوس أبوكي
إذا كان أبوكي مقرش
أو الجحش التاني اللي عمل لك إنه أم الليبرالي اللي بيؤمن بيكي وبالمرأة وحقوقها وما هو إلا جحش كبير
هيطلع عين أمك بعد الجواز وهيتحول إلى حنفي مع أول أسبوع بعد أم الجوازة

بذمتك ودينك إنتي بتدوري على جوازة والسلام؟

أما موضوع الشرك
لأ مش الشرك اللي هو الكفر
أقصد الشراكة في زوج واحد
أديكي شفتي أختك وحبيبتك شهروزة
قالت لك بس أنا هاخده على طول
يعني نفس سيناريو الوردة الحمرا
بتاع إلهام ويسرا لما اتجوزوا محمود حميدة وطلعوا دين بعض
دا ضد الطبيعة البشرية يا أوختشي

أما ما قاله الفارس القديم صديقي العزيز
هوا اللي يجرب يتنيل يتجوز مرة ممكن يتدهول على عين أمه ويعملها مرتين؟
المؤمن لا يلدغ من جحر مرتين
لذلك
الحل بسيط
ما تاخدوهوش مؤمن
خدوه كافر

الأميره أوسه said...

Epitaph
أيوه هم دول البنتين
أنا عندى البوم ليهم كامل
لسه هاعرضه
بنات زى الفل وعايزين يعيشوا
أدورلك على واحد بيتكلم عانجليزى وفرنساوي
مفيش غيره سمير صبرى
هاكلمه وأرد عليكى
أأأموه
====================
ساسو

يعنى المعلومه مزيفه
أمال فى أيه
أحنا وحشين ولا أيه
مش هاتجيبى قطه بقا
أنا بموووت فى القطط
خاصة مسلوقين

الأميره أوسه said...

عربى
أنا أتجوز فى زاويه
ليه مافيش قصور ولا فيلل
فين خطيبتك أروى الطويل
ولا هى خطيبة مونجى
ولا دى أوشاعات
لسه بيكلوا جيل وبيحلوا ببلسم

=================

shabaskandrany

خلاص محدش يتجوز
بس ماتحرقش دمك أنت مش ناقص
كفايه الدوالى اللى فى رجلك

الأميره أوسه said...

أيه يا حاج جرجسكوا
يعنى البنات كلهن هايفات
جمع هايفا
وأنت مش عاجبك حد
طيب أيه رأيك فى نفيسه بنت عمك سلحفه
أهة بتفك الخط ومثكفه
وحلوه ونغنوشه
صحيح بجد أنت طبيب أمراض نسا و ولاده
أصل القطه بتاعت ساسو
حامل وتعبانه
محتاجه طبيب يتابعها
ياريت تخطف رجلك لمدونة ساسو
وتكشف على القطه
وتكتبلها شوية مقويات
وبعدين أنت هاتعقدنا من الجواز ليه
شايف العريس واقفين طابور
ده أحنا وكستنا موردتش على حد
الرجاله بيتجوزوا بنات الدبلومات
مش عارفه أيه السر
أنت تعرف

أُكتب بالرصاص said...

طيب ما تيجي نشوف واحد عمل الحكاية دي بجد ،/ ونسمع منه ..مش يمكن يكون مرتاح ،
ومش يمكن يكون حل برضه ؟

مع اني اشك انه يكون حل ، لا كده نسبة الستات هتزيد مش هتقل..

يعني الراجل اللي هيتجوز اتنين ...
يا تن تن يا تن تن

يا هيتجنن .. وساعتها هيتشط من قائمة الذكور

يا هينتحر ..او يتقتل
وساعتها برضه هيشطب

ونسبة النساء هتزيد


مش كده والا ايه ؟

the taste of cherry said...

انا اتجوزت حبيبتي

كمنجاتي said...

على فكره دا حل عملى بس ممكن نطبقه عليكى بمعنى أنى بعد ما أتجوز ترضى تتجوزينى ومالكيش دعوا بأى حاجه

أنا مش قصدى تريقه بس أنا عارف الأيدولوجيه بتاعت البنات المصريين اللى بترفض رفض قاطع الشريك لأنها ببساطه زى الفريك

ولا أخفيكى علما بأن دا منطبق حتى على الست اللى معذبه جوزها

على العموم الموضوع دا محتاج دراسات كثيره

ولازم تبدأ بنفسك

كمانجه

ayman_elgendy said...

:)))))

ام العيال said...

اختي يا اوسه انا ليلى و عندي حنفي و مستعده للمشاركه

يا مصر اكتب إليكي رسائلي said...

هاي اوسة، سلام عليكم
شوفتي بقا انا تشجعت ازاي وجيت ليكي اهوو
ويعدين يا ـ حبيبتشي ـ
ما تتجوزوا ما نتم لايقين على بعض في الصورة اهوة، ;)

على فكره انا بضحك بس

الأميره أوسه said...

أُكتب بالرصاص
فى الواقع فعلآ ناس عملوها وعاشوا فى سعاده
وغيرهم عملوها وعاشوا فى تعاسه
حسب الظروف
حسب الظروف
حسب الظروف
حسب الظروف
حسب الظروف
حسب الظروف

wanna b a bride said...

أبله اوسة

انا موافقه يا أبلتي ع الإقتراح بتاعك ..بس بلاش المزاجانجي و النبي

أنا لسه مادخلتش دنيا ..مش عايزة أشوف الآخرة ..شوفيلنا حد يكون حيطه كده يستحملنا...أصل احنا شداد شداد يعني

شوفتي الواد العريس الجديد بتاعي ..و النبي يا أبله لما تشوفيه ماتبقيش تضحكي عليا

كل اللي بيجولي البلوج بيقولوا عليا عبيطه ..يرضيكي كده يا أبله

ماحدش هيجيبلي حقي غيرك ..منه لله حنفي

ربنا يوقف نموه

الأميره أوسه said...

the taste of cherry

'طيب حصل خير

====================
ام العيال

أنت مستغنيا عنه للدرجه دى
طيب أشوفلك ليه بيعه
======================
يا مصر اكتب إليكي رسائلي

مرحب بيك
مستنياك على نااااار
أنت فين
وخايف ليه
أنا طيبه خالص
حاضر هانتجوز فى أقرب فرصه

3rby said...

انتي خلاص شرابتيهالي ولا ايه يابت يا اوسه...تعرفي...نانسي عجرم حفيت ورايا لحد ماصبعها بقي مدوحس زي صباعك...قلتلها نو...عندي ثانوية عامة...وفالاخر مش عاجباكي الزاوية....تحبي تقعدي في المطبخ مع الخدامة طيب(بوسي)وتبوسيها من اورتها وتبوسك من صباعك...علشان ماتقوليش حارمك من حاجة
D:

مراقب مصري said...

ببساطة بنات الدبلومات كلهن إمكانيات
وبيتمسكنوا لحد ما يتمكنوا
لحد ما يركبوا الراجل من دول ويدلدلن أرجلهن
وحقهن بصراحة
ما هي رجالة عين أمها فارغة
وبعدين بتوع الجامعة كلهنا بقوا ليلى
وبيطالبوا بالاستقلال
وسي حنفي مصر على الاستحمار التام أو الموت الزؤام
فهي كدة قفلت زي الدومينو
أما إن البنات كلهن هايفات
أنا مستجريش أقول هذا الكلام
المشكلة إن اللي بقابلهم معظمهن كدة
ويا ريت هايفات زي هيفا
لكن هايفات زي بنت الهايفة
وأما عن هيفا فدي يا أختي وشها بجد مش حلو من الناحية الجمالية
هي بس كما قلتي
لا فض فوكي
حاجات نفخ ورفارف بلاستيك

بس انتي بجد ما ردتيش عليا
رفضتي كام عريس ماركة
فردة الشبشب المعفن لحد دلوقت
بس بجد ومن غير هزار

MAKSOFA said...

طيب خلي بالك ياختشي الروس عندهم ايدز ، العمر موش بعزقه ياوسا ياحبيبتي

Anonymous said...

يا ماشاء الله
والاتنين في اوده واحده كمان؟
هو الحل ده ينفع لو اتنين صحاب قوي و هيربو الخ العريس و يطلعو عليه القديم و الجديد
و هو المحروس عمل ايه في حياته يخليه يستاهل الهنا ده كله
عروستين بتمن واحده والله عال

على فكره انت عسل والله يا بنتي و ملكيش حل

الأميره أوسه said...

عرررررررررربى
انت بتقوللى يابت
يا أبنى أنا أخلفك
قطيعه العيال وسنينهم
ومش عجباك أروى
طيب خد ساسو

الأميره أوسه said...

Reformer1976
صحيح
أنت طول النهار فوسط الممرضات
أنا أسمع بلاوى عن الموضوع ده
من دكاتره زيك كده
وأسمع أن الجديد الممرضات بيتراهنوا عليه
بص يا حنفى أقصد ياجرجس
أنا رفضت 534 شبشب وصندل صغير
البنت كارمن سايبالك تعليق عند
شهروزه
رد عليها

الأميره أوسه said...

MAKSOFA

أيه أيدز ده
ده دوا كحه
أزيك وحشتينى
أأأأأأموه
================
bosbos

هو كده هنا
ده العريس هايطلع عينه
ومش بعيد يتجنن رسمى
أنت أموره مووووت

sara... said...

خلاص يا اوسه انا عندى واحده صحبتي بنتفق انا وهى جدا وهاريين الواد بتاعها مقالب اقولها اتجوزة معاكى واهو تبقى مصلحه جماعيه
وهو هيفرح اوى اصل عينو زايغه بس لو يعنى الراجل اتجنن وده مش بعيد هنعمل ايه
كده هنضطر اسفين اننا نصرف عليه ونعالجه
يلا اهو ضل راجل ولا ضل كنبه
باي باي يا اوختشى ابقي تعالى

admelmasry said...

كسر ازاي ياعني ؟
طب هما بلدي ؟
ولا حمر ؟

انا ما بحبش البلدي .. لو كانو بيض او احمر ماشي كسر كسر هو حد لاقي

ممكن اسلقهم هينفعو برضة

ody911 said...

طيب ما تشوفيلى الموضوع دة أوسا
واهو
يبقى زيتنا فى دقيقنا
ولسة عادى
اودى

saso said...

عايزة قطة بجد
واللي يرجع في كلامة :) اصلي بافكر ابدا بيزنس بقي مادام الموضوع كبر كدة هاصدر قطط

بنت لو سلقتيها ولا جيتي جنبها الست بريدجيت باردو ممكن تاكلك ع الغدا ،، مانتي عارفة القطط اغلي من البني آدمين الايام دي
اقوللك كلي بني ادمين واهم كتير في المستشفي ومحدش واخد بالة في الزحمة

الأميره أوسه said...

sara
عارفه الواد بتاع صاحبتك ده
لسه متصل بيه
بلاش منه
دورى على ولد بكر لسه
وأكشفى عليه عند حلاق الصحه
خليكى واعيه
ليكون جربان
هاتى صاحبتك وتعالى
=============
أدم المصرى

كسر كسر
انت دكتور أد الدنيا
وبعدين هم بيض هاتسلقهم
شوفلك موزه حلوه كده
وتكون سمينه واعمل عليها شربة خضار
==============
اودى
خلاص أتفقنا كلمنى
على تليفون النجده
وأسأل عليه
هم هــيريحوك خالص
وعادى بقا

الأميره أوسه said...

saso
طيب والله بحب القطط موت
مش عارفه وأنا صغيره كان ليه تجارب
معاهم ولو حكيتلك مش هاتصدقى
ودلوقت لما أشوف قطه فى مكان
لازم العب معاها
بصى فى البلوج بتاعى على الشمال فووق
هتلاقى قطط كتير كل ماتعملى كليك تخرج واحده
زمان قطتى كانت رومى وكبيرررره
وربيت سيامى
وكان عندى قطه شيراز بس مش بيور
أنت قططك نوعها أيه بيكنج فيس ولا شنشيلا ولا هملايا ولا بلدى ولا ايه
وبتأكليها أيه
أنا حاليآ عندى ببغانات
أصفر ,احمر ,أخضر
نوعهم باركديللى وفيشر
معرفش أعيش بعيد عن الطيور والحيوانات
بس أنت بتقولى قطتك خلفت أحداشر أخ وأخت أزاى مش المتوسط سته
مش عارفه هاترجعى تردى عليه
ولا أنسخ التعليق وأجيلك
مستنيا ردك

مفلس افندى الرايق said...

يا سلام لو كلامك ده يمشى الواحد يتجوز من الصبح بس انتى قولتى المليان يصب على الفاضى يعنى ماحدش يرجع فى كلامه

السرير ابو دورين

والقفه ام ودنين

نظام عاوزينه يكون

نظام يمشى فى كل الكون


انا متطوع ها فى كام متطوع معايا من الولاد والبنات؟؟؟؟؟

احسبيها يا اوسه وقسمى كل بنتين على ولد وهاتيلى نصيبى لو سمحتى
اتفقنا

lastknight said...

أوسه الشقيه
منتظر تعليقك على موضوعى الأخير بخصوص ليلى .. واضح أن الموضوع دمه تقيل قوى .. و ماجاليش ردود عليه .. قلت أشحت منك تعليق .. شرفينى

3rby said...

هو انا كل مافتح بقي مع حد يقولي انا اد ابوك انا اد امك....ماشي يا ماما مش هاعمل كده تاني

BackBone said...

هاالللللووووووو,

انا خطبة ياقوسه (حلوه قوسه ديه)

سمعيني ياله احلي زغروطه اسكندراني

الأميره أوسه said...

مفلس أفندى
اول ما أخلص تقسيم
هابعتلك نصيبك
مع شهروزه

lastknight
أنت كاتب عن ليلى
خلاص سأحضر لك حالآ
سأركب بساط الريح
وأطير
أطير
==================
3rby
شكرآ يا أبنى
أنت كاتب التعليق ده أمتى
ألصبح بدرى
ولا مزوغ من المدرسه
أوعا عايزينك تنجح
وتجيب مجموع
عشان تدخل معهد فن صناعى
وتبقا مهندز أد الدنيا
===============
باك بووون
الف نهار مبروك
عقبال كده المره الجايه
واللى بعدها أنت تستاهل كل خير
متنساش تعزمنا فى الفرح

3rby said...

انا كاتب رسالة من تحت الماء...اصلي باغسل وشي اول ما بصحي الصبح...وبشرب اللبن قبل مانام وباسمع كلام بابا وماما

saso said...

بصي يا جميلة انا من يوم ماتولدت في البيت وفية قطة او اكتر
كل صوري وانا بيبي يا قطة معدية ومغطية عليا اصلا يانا بشاور علي قطة
هوا اللي انا فية دة من شوية

بصي القطط السيامي دي مش سكتي بحس اني باشتغل عندها كل حاجة حسب مزاج الهانم تركزي علي الكمبيوتر تضربك تتاخري في الاكل تبرقلك هوا انا ناقصة

الشيرازي بقي كتاكيت وحلوين ربيت بيكي فيس ومون فيس كتير بس المشكلة انها بتفكرني بكيس المخدة .. بتنام كتير وبتلعب قليل وعندها استعداد للاكل لحد ماتبقي دبة

حبايبي واصدقائي بقي قطط الشارع المتشردة - اسمهم العلمي قطط الماو - محمود صديقي الرائع اداني سايت عن جمعية بتحميهم وممكن تتبنيهم من هناك وتاريخهم الفرعوني والحوارات دي

العصافير بقي في عنبر العقلاء عند اختي العاقلة عندها بتاع 50 عصفورة كدة.. انا ماليش في الطيور ولا السمك بحبهم من بعيد

الأميره أوسه said...

اول مره أسمع أسم الماو ده
طيب ممكن بقا عنوان السايت
أنا كان عندى عصافير أسترالى أزيد من مائتين بس عملوا دوشه والجيران زعلوا فوزعتهم
بس فاضل الببغانات
باحبهم موووت
وبيكلوا لب عباد شمس
و فلارس وأى فاكهة
ده غير الجرجير والخيار والخس
خربوا بيتى بجد
بس فعلآ القطط السيامى مقرفه
وبتمرض كتير
لكن الرومى المتهجن بلدى شقى وبياكل أى حاجه
ميرسى على معلومة الماو دى
فى واحده ست وأنا رايحه الزمالك باشوفها جايبه أكل للقطط بتاعت الشارع وتقعد تأكل أكتر من الف قطه
وكل يوم فى نفس الميعاد يوقفوا ينتظروها لحد ماتيجى ويتجمعوا حوليها
سبحان الله لو ناديت عليهم بيسمعوها
ميرسى يا جميل

الأميره أوسه said...

عربى
برافوا عليك أنا مبسوطه منك
أتفضل خد علبة السجاير دى
هديه من أبلتك أوسه
أشربها كلها

مفلس افندى الرايق said...

يا اوسه الغدى عند مين النهارده

كلبوزة لكن سمباتيك said...

اختشي ازيك وحشاني اموه اموه
ما انا قلتلك يا بنتي خدي جوزي و تبقي ضرتي قلتي لا مبيعرفش
قطيعة تقطع الجواز و سنينة
بس افكارك لوزعية و مفتكسة
و لو هن لوئة يبقي سنكة فلة
و رمضان كريم
اموة اموة

ody911 said...

طيب متخليها الخنكة أحسن
أصلى بصراحة عاوز أروح أزورها مرة
وميل وحدف منديلوا كاتب على طرفوا أجيلو
وعادى بقة

saso said...

بصي يا جميلة اللينك من هـنـا علشان بس تعرفي ان قططنا دي مش اي كلام وليها اصول و فراعنة اكتر مننا
الست اللي ابتكرت الجمعية اللي عاملة السايت بتقول انها استغربت جدا من حب الغرب للنوع دة من القطط وانعدام اهتمامنا بية
حاجة تفرح طبعا

فكرتيني بواحد ظابط كنت باشوفة كل يوم الصبح ينزل من اللادا الأبدية بتاعة الجيش ..ياكل القطط بادية ولما طلع معاش فضل محافظ علي معادة 7.15 والقطط كمان حافظة المعاد ومفيش واحدة فيهم فكرت تتخانق او تقول انا جاية الاول
ولسة القطط بتتجمع في المعاد دة ولو انة مش بييجي الايام دي بس هما مستنيينة
اية دة هيا قلبت نكد كدة لية ؟ ما علينا

الأميره أوسه said...

مفلس افندى الرايق

الغدا ميعاده عدا
خليها عشا
عند كشرى التحرير
أول أمبارح الصبح
مستنياك
=============
ody911

نخليها المشرحه
أهو مكان روومانسى
ومليان ذكريات ومشاعر
وبقا عادى

احمد القيسي said...

مش صحيح ان احنا مش لاقيين بنات وبنبوس الصور عالحيطان
ومش صحيح اننا معنسين علشان مش لاقيين بنات
المشكلة يا ستي في كلمتين
انكو ما شاء الله كترتوا اوي اوي
ومن هذا العدد الغفير
من الصعب على الواحد مننا يختار
والدليل انكم بتقعدوا في البيوت
واحنا بنيجي نعاين البضاعه
لو عجبتنا نشيل
معجبتناش
السوق مليان
والبيوت مفتوحه عالبحري
كل بيت فيه خمسه سته
المشكلة اذن مشكلة وفرة
مش ندرة
اما الرجال فهم فعلا الصنف النادر في هذه الايام

الأميره أوسه said...

كلبوززززززززه حبيبتشى
أنت فين
دورت عليكى فى شبه الجزيره العربيه
الله أكرم يا قمر
رمضان جانا
مش هنلعب بالفوانيس السنادى
السنه الجاية ألعب أنا و أنت وشهروزه
بالفوانيس فى الشارع
كل عام وأنت حبيبتشى

الأميره أوسه said...

ساااااااااااااااااسو

حرام عيكى قلبتيها دراما
وأنا مش بستحمل أشوف حيوان بيتعذب
الراجل راح فين مش تسألى عليه
القطط لسه مستنياه
بس تعرفى أن فعلآ القطط بتاعتنا دمها أخف و أرخص فى أكلها
فى قطط شايفه نفسها متكلش غير أكل خصوصى ومستورد
أنا متشكره على اللينك أنا تعبتك
هادخل عليه وربنا يوفقنا بقا
القطط دى بركه
شكرآ ساسو
أأأأموه

الأميره أوسه said...

مصريون بلا حدود

والدليل انكم بتقعدوا في البيوت
واحنا بنيجي نعاين البضاعه
لو عجبتنا نشيل

أيه الدخله الهباب دى
أنت فرارجى يا عم الحجز أنت
ولا تاجر خرفان
تعاين أيه
كده خيبه بلا حدود
أهلآ بيك بس
بس بشويش يا أفندى
أنت خد الموضوع على صدرك ليه
ده الموضوع دعابه مش أكتر
طيب مجلكش فى حاجه وحشه

Anonymous said...

كل سنه وانتم طيبين رمضان كريم

3rby said...

قاعدين تقولولي يا صغير يا قصير(مع اني حوالي 185 سنتي)جاتكوا خيبة...اقول لشهروزة بطلي الش تقولي انا ماألشتكش من البلوج اقول للبت اللي عاوزة تتجوز تربة تقولي كف الله الشر....وانتوا اصلا من ايام سيدنا خشبة

الأميره أوسه said...

عمر
وانت طيب وبخير وسلام

==============

عربى

أنت مالك مش فاهمه منك حاجه
أنت زعلان من أيه
ممكن يكونوا بيهرجوا معاك
وبعدين أيه خشبه
أنت نــجار
على العموم متزعلش
أنت مش قصير أزعه
أنت طويل و كبير
185 سنتم
ياااه ده أنت زرافه

Ahmed Shokeir said...

انا شايف بالطريقة اللي في التعليقات دي إن ماينفعش إلا كل اتنين رجالة يتجوزا واحدة منكم ده إذا فَلحوا

واحد ينام فوق والتاني تحت
وكل واحد يوم

قسموها تاني بأه

الأميره أوسه said...

Ahmed Shokeir
برااااافو عليك
الفكره دى كانت تايهه عنى فين
لأن المشكله مشكلة أمكانيات فعلآ ماديه
وطبعآ العروسه المستفاده
أتنين عرسان
و يسلام لو واحد أبيض والتانى أزرق
فعلآ أنت عبقررررى
بس أنت كنت فين مستخبى
كل عام وأنت بخير

احمد القيسي said...

شكرا على المقابلة الحلوة دي في اول زيارة لمدونتك
انا مش فررارجي ولا تاجر خرفان يا ستي الحجه
بس كنت اقصد سلبية كتير من البنات اللي بتقعد تنتظر لحد عدلها ما يجيلها
نفسي عادات المجتمع العتيق دي تتغير
واهلا بيكي

Anonymous said...

اوسه...بذمتك لو روحتي سوبرماركت للرجاله..تاخدي كام واحد تتجوزيه-اكتر من اتنين تلاقي تخفيض-...وبلاش طمع

LAMIA MAHMOUD said...

اية ده انا جاية متاخر جدا بس عادي .. الفكرة دي انا فكرت فيها انا والاتنين اصحبي الانتيخ .. بس لقينا مشكلة ان سعيد الحظ اللي حياخدنا حيعاني لاننا حنسيبه وحنقعد مع بعض
ههههههههههه
فكرة جامدة .. وننظك مواعيد الحمل مع بعض بقى عشان الاتنين التانيين يخدموا الحامل
ولو زعل واحدة فينا نتفق عليه احنا التلاتة ونطلع دينه
عسل البوست ده

3rby said...

انا اللي نجار؟....دا كفاية اسمك اصلا...باحس اني قاعد في ورشة...وبعدين انا باهزر...مش زعلان...اوعي انتي تكوني زعلتي...احسن الخشب بيسوس

الأميره أوسه said...

مصريون بلا حدود
البنات تبطل سلبيه أزاى
فهمنى من فضلك
متزعلش
كل سنه وانت طيب

الأميره أوسه said...

Anonymous
أهلا بيك
فين السوبركاركت ده
يعنى البنت تاخد أتنين رجاله
ومعاهم ولد صغير
ده تخفيض
ده أوكازيون

الأميره أوسه said...

LAMIA MAHMOUD
أنت اللى عسل مش البوست
أنتوا تلاته
ده الراجل يموووت فى أيديكم

الأميره أوسه said...

3rby
خشب ايه اللى يسوس
أنت هاتهرج يابو وش مدرج
أنت هاتخــيب يابو وش عــجيب
لا مش زعلانه
أنت زعلان
رمضان كريم
حاول تصوم السنه دى

Anonymous said...

اسئوووووووووستى
وحشتينى الشوية دووول يا حبيبتشى
انا من ساعة ما فتحتى الموضوع المفتكس دة
وانا عمالة اعاين فى رجالة ينفعونا انا وانتى
ولا الاقى نفر منهم نفسه طويل ويستحملنا؟؟
ولا لاااااااااقية
دول طلعوا كلهم مخسعين يا اوساا
الحقينى مستقبلى كدة حيضيييع
عااااااااااااا
مبيعرفووووووووش
ومبيتكلموووش
حتى مبيلعبووش المساكة
يااادى الوكسة المهببة يا ربى
حتى العريس الشرك مش لاقينه
--------
النهاردة الخميس انا رايحة لعريس اشوفه واعينه واديكى الوو
-------
اللى له شوق هنا للمعاينة والاختبار ييجى معاه عرضحال ودمغة وانا احدد له معاد للانترفيوووو
---------
انتى مختفية فين يا اؤختشى كدة؟؟
بامووووووت فى كمية التعليقات عندك يا مجرمة
بتولعى الدنيا وتسكتى وتركنى على جنب كدة
امووووووة حبيبتشى
--------
كل سنة وانتوا بالف خير
ورمضان كريم عليكم يا رب
الفوانيس انا اشتريتها
جبت تلاتة ليا وليكى ولكلبوزتى
مستنياكم يا بشررر

الأميره أوسه said...

شهروزه
أعملى أختبار للعريس
وياريت ميكونش في مناخيره شعر
أحسن بقرف أأأأوى
وأكشفى عليه فى محطة بنزين
أحسن يكون عامل حادثه
قطيعه البنت ملهوفه على الجواااز

3rby said...

ماشي هاحاول

مراقب مصري said...

يا بت يا أووسة
تفتكري كارمن دا راجل وعامل بنت؟
ولا هو بنت ضاربة فعلا ومطرقعة؟
يلا اشمعنى هو ولا هي؟
ما انتي شخصيا أول واحدة مضللانا كلنا وحاطة صورة المزة الحلوة دي وكأنها انتي
واحنا شاربينها بمزاجنا

رمضاااان كرييييييم

Anonymous said...

حبيت اقوللك ان دمك شربات. جميل اني بدأت يومي بمدونتك



صباحك عسل

الأميره أوسه said...

واحده
دى خطوه عزيزه
سعيده بزيارتك يا ست الكل
أكتبى كمان وكمان
اأأمواه

aMiR-El ZaLaM said...

والله ياختى منا عارف أقولك إيه :ي

ياسر شمس الدين said...

وانا اللى كنت فاكر نفسى لاسع وواقع من سابع دور ده انتى طلعتى يا بت يا اوسه خلل خالص بس بقه انا مش عايز اتجوز واحده اتجوز اتنين ليا ليكى عريس والعريس ده سوبر مان ايوه سوبر مان ولو عايزه تشوفيه وهو بيطير على البحر

د/ سالم صلاح سالم said...

بصراحه اقتراح جميل، بس فين اللي تفهمه !!!
وطبعا لا تعليق على أسلوبك المتميز في سرد أفكارك.
أنا أول مرة أدخل المدونة دي ومبسوظ إني دخلتها.
ربنا يوفقك.

أفضل  ألف  مدونة