ضع المؤشر فوق الصورة لمعرفة النوع
هذه مجموعه لبعض أنواع القطط فى العالم
المصادر كتاب الحيوان للقطط وموقع الطب البيطرى
Thursday, January 25, 2007
Subscribe to:
Post Comments (Atom)
ضع المؤشر فوق الصورة لمعرفة النوع
هذه مجموعه لبعض أنواع القطط فى العالم
المصادر كتاب الحيوان للقطط وموقع الطب البيطرى
94 comments:
توتي شفت جمالهم ما شاء الله
أنا ولادي شيرازي مون فيس عشان انت كنتي سألتي عليهم
أنا عندي اتنين وقمر الزمان ومبروك
على فكرة يا أوسا
أنا بادخل كمان عشان اسمع فيروز
خليكي شغالة فيها بتعمل لي دماغ
نواره
أنتى عارفه مشكلتى مع القطط هى موضوع مخلفاتهم
يعنى لازم كل شويه أدور على رمله عشان يعملوا فيها بيبى
ههههههههه
معندكيش حل تانى
على فكره أنا عندى كمان ببغانات
و قريب هأشترى قطه هملايا
مفيش احسن من القطط
خلي بالك إن القطط دي خطر على الحمل وممكن تجيب للجنين توكسوبلازموسيس... أنا حذرتك أهوه وقد أزعر من أزنر
يا أستاذة نوارة... شفتي اللنك بتاع الفاجومي جيفارا مصر عندي في المدونة؟ ابقي خشي شرفينا مرة تجدي ما يسرك
دا بعد إذن الأميرة أووسة طبعا
الكام قطه اللى فى الأول شكلهم مدى على عرسه .. عموما اختى كانت دايما بتربى قطط فى البيت .. و علاقتى بيهم كانت طيبه جدا .. يعنى يسمعوا صوتى من على السلم يجرول يستخبوا .. و مره قط منهم كان نايم فى الصالون .. و دخلت عليه لقى الباب مسدود مش عارف يجرى .. نط من الشباك .. مش عارف ليه مع أنى باعاملهم كويس قوى
عموما يمكن اكتب قريب عن نظريه فى الأجتماع السياسى لاحظتها من واقع معاملة قط كان فى بيت والدى أسمه سقراط .. و كان تخين و احول
ربنا يخلى ..
اوسا خلي بالك
الواد جرجس بيحاول محاولات خبيثة لسرقة الزباين، وقال ايه بعد اذنك يا اوسا، واخدة بالك؟
قال ايه سي فارس عاوز يقنعنا ان القطط بتجري مع انه كان بيعاملها كويس، شكله اصلا من اكلي حقوق القطط(يعني اكلهم)
وكمان هيطلع لنا بنظرية سياسية يا لهوووووووي ارحمنا يا رب
انا مرابطة عندك اسمع الغنوة بعد اذنك طبعا(بس مش هسرقها)
اوسة
هما فى قطط جايبة على قطط تجنن بس فى قطط جايبة على كلاب خالص او حاجات تانية كده من الفضاء
علاقتى بالقطط مش حلوة
بخاف منهم ومن ردود افعالهم لانى بتصور انى بتعامل مع حيوان بدون عقل يعنى كل حاجة ممكنة مع انى بشوف ناس كتير مربية كلاب متوحشة والله حتى اصحابها ميقدروش يقربوا غير بحذر بس لما بشوفهم مع اولاد صحابى مستحيل اتخيل الوداعة
وكأنهم عارفين ان الاطفال مش مؤذية لسه وبيحبوهم بجنون
سبحان الله فعلا
تحياتى يا اميرتى الرقيقة
Reformer1976
كل الناس معرضه للمرض ده مره واحده فى حياتها بعد كده بياخدوا مناعه
بالنسبه للسيده الحامل يجب عدم تعاملها
مع مخلفات القطط أثناء الحمل
لكن لاداعى للخوف يا جرجس
ربى قطه ومتخفش
================
شفت نواره صاحبتى حلوه أزاى
زميلتى فى الكفاح
lastknight
أزيك
الكام قطه اللى زى العرس
من نوع أبو الهول وهى من أكثر القطط حب للأنسان لكنها غالية الثمن لندرتها
أنت بترهب القطه عشان ترمى روحها من الشباك
حرام عليك
وسقراط ده لسه عايش
أكيد قط صاحب نظريه فلسفيه
أخربش أذن انا موجود
zenzana
هاو أر يو
الأغنيه دى من موقع
6arab
فارس تخصص نظريات
قدرتى تتدخلى على مواقع الشعر العامى
أنا سيبتلك رابط فيه شعراء كتير
tota
القطط أنواعها كتير جدآ
وأشكالها مختلفه
و أجملها هو القط الفارسى
اللى بنسميه شيراز
والقطط المصريه (المــاو) منتشره
فى العالم وبيهتموا يها جدآ
والقطط المنزليه بتحب الأنسان جدآ
وبتتعلق بصاحبها
على فكره لو أقتنيتى قطه مش هاتقدرى تستغنى عنها لأنها مسالمه وبتكون زى الطفل الصغير
الكلاب بتقدر تعرف الأطفال وتميزهم عن الكبار وتعاملهم معامله خاصه
بتتميز بالصبر
سبحان الله له فى خلقه شئون
أنا عندى فار فى البلكونه وزنه عشره كيلو بربيه من زمان وبيحرس البيت
لو بتفضلى الفيران عن القطط
أجيبلك واحد
الفيران جميله
باى باى
لا لا رمل إيه
بصي إنت تشوفي لك أي محل موبيليا أو نجار يجيب لك نشارة خشب ناعمة
أولا خفيفة وتغييرها سهل جدا
ثانيا مش بتعمل ريحة خالص
ونظيفة زي الفل عشان
لامؤاخذة يعني للاخوة التانيين اللي ح يقروا ويقرفوا
يعني بتمتص المخلفات ومش بتظروط
كل شهر اتفقي مع حد يجيب لك لحد البيت شوال نشارة خشب ناعمة وتخللي عندك علبة كبيرة
ممكن مثلا جردل مسحوق غسيل بلاستيك بيتغطي وتعبي فيها نشارة الخشب وتبقى تاخدي منها عشان تغيري للولاد في الطبق بتاعهم
النشارة احسن كمان من اللتر بتاع السوبر ماركت ومش مكلف ومش بيعمل حشرات ولا اي حاجة وحشة
انت عندك ببغانات بتتكلم وللا صامتة؟
اه طبعا مافيش احسن من القطط
ولا اطيب منهم في الدنيا
ربنا يخليهم لنا
هههههههههه
اوسه
وحشتينى عامله ايه
انا لينك المدونه بتاعتى اتغير
خطيبى عمل كبسه على البلوج ههههههههههههههههههههه
الله يسامحو بئا وبوزلى الدنيا فغيرت اللينك
دا اللينك الجديد بتاعى
http://amoag-sa2ra.blogspot.com/
ابقى غيرى اللينك القديم بتاعى
:(((
====================================
القطط دول زى الملايكه على الارض
على فكره انا بحب القطط الشيرازى اوى اوى
بس القطه الجربانه اللى بجلد من غير شعر دى شكلها خلانى قرفانه اوى منها
هههههههههههه
بس حلوين اوى
صور جميلة جدا يا اوسا
فكرتنى سنة ثالثة فى الكلية
و ايام القطط و اللى كنا بتعمله
لو سمحتى يا اوسا انا عايز الموقع ده
علشان ممكن ينفعنى
تحياتى
اوسا ممكن واحد شرقي على هملايا
واخبار الماو المصري شكله مدلع خالص
:)
على فكرة انا كان عندي مش مش بس ماتت
واول مرة اعرف انها امريكي
هههههه
حلو يا اوسه
والصور جميلة
انا طول عمرى كنت بأربى قطط
لكن حصل ان قط من القطط اللى بأربيهم حبنى زيادة عن اللزوم وكان بيغير علية جدا .. ومرة جوزى زعقلى قدامه .. هجم عليه وقطعه
وكنت بأخاف ازعق للشغالة قدامه لأنه كان بيهجم عليها لو حس انى متضايقة منها
وفى يوم بدون أى سبب واضح .. هجم على بنتى وكان عمرها سنتين
بهدلها .. 14 غرزة فى الراس والوجه
وقطع فى الأذن
و3 عمليات تجميل
ومن يومها وأنا مابقتش أربى قطط
بحبهم بس بقيت أخاف من حبهم اللى ممكن يتسبب فى اذى للناس اللى حوالية
أوسة النوسة
انتي متأكدة ان الصور دي لقطط
انا شايف في النص شوية فيران مسلوخ جلدها
وللا انتي حالقالهم وواخدة الوبر لزوم التدفئة الشتوية
هههههههههه شفتي ياسمين .... شكلها كانت مربية تمساح في البيت وفاكراة قطة مستنقعاتي
تحياتي
test 1 2 3
رولولوللوليييييييييييييي
الف نبروك الف الف نبروك
اليوزر بتاعي بقى شغال
ابقى امسحي اللي قبليه بقى عشان منظري الاهبل و انا بجرب
عارفة بقالي اسبوع مكنتش عارفة اعلق عند حد زي الناس و العالم
الحمدلله فرجت
و لانك اوحيتي ليا بالقطط لقيتلك يا ستي كليب عن هبل القطط بس ايه مسخرة
و نزلته قوام قوام عشان نضحك عليه
كفاية هم
اشوفك على خير يا عسل
امواه امواه
سمو الأميره أوسه وريثة عرش وادى النيل من مطوبس ألى زيمبابوى و بالعكس .. نشرت موضوع جديد من وحى السحالى المتنكره فى شكل قطط بتاعتك .. نظريه جديده أنما أيه .. هبااااب .. منتظر تعليقك
و على فكره .. أنتى نسيتى تردى على تعليقى عندك فى موضوعك اللى فا .. يهمنى أعرف رأيك
القطط جميله و اجمل منهم طريقة عرضهم
مش بحب القطط بجد بس بحب اتفرج علي صوهم بس
انتقاء رائع هذه المره
في انتظار بوست جديد نراكي فيه
تحياتي
العزيزة اوسا
القطط الشيرازي ملهاش حل
اشكرك على البوست الجميل
القطط ام ودان طويلة دي شكلها .....خالص
ممكن اطلب منك وشاية صغيرة؟؟
مين هنا بيطري غير العبد لله وبيجاسوس ؟؟وهل لعمي الحج جرجس صلة بالموضوع؟؟
(بأمارة التكسوبلازما وبتاع)
تقبلي تحياتي
اختشي و حبيبتي
متحرمش من عطفك عليا
انت سكرة
اشكرك بجد
همممم
اتاريكي بقي من هواة القطط علشان كدة عاوزة بطيخة يشيل مطوة ...يتري يا هل تري دة علشان يدافع عن نفسة و لا علشان يدافع عن سقراط
مطوة لطفل عندة 5 سنين يا شجرة الدر مطوة
و نعم تربية النشء دة انتي حتطلعي ام عسل حتجيب لعيالها في عيد ميلادهم بقي سنج هدية
هاهاهاهاهاها ....صباحة فل سا ست الكل
اوسه القطط دى فى منهم شكلها يخوف يا اوختشى....
يا ماما
يعنى القطه الرفيعه اوى دى لو شفتها على الحقيقه ممكن يجيلي صرع
بس القطط الى بعد كده قمر حلوين اوى
ميرسي يا اوختشى على المعلومات والصور
سبحان الله ..هوا في ايه يا جماعةالأسبوع ده الأسبوع العالمي للقطط ولا ايه ..كل مافتح مدونة ألاقي قطط..قطط..قطط ناقص أشوفهم في الأحلام والكوابيس ..كمان شوية ألاقيهم ناطين من الشاشة عليا..بس أمورة برضه القطط
دي ..ربنا يزيدك من قططه..
مع تحياتي 00
والسلام عليكم0
اسم حضرتك مذكور عندي في التاج اللي جالي من انا حرة و انا رديت عليها و بدوري بلففه على البقاي
زوروني تجدوا ما يسركم
أية الحكاية يا برنسيسة وأية الدوشة دي .. أنا جاي من أخر النيا علي صوت القطط بتاعة سموك
ممكن سموك تلمي القطط شوية لحسن ح أسربهم
ايه القطط العريانه دى
ده الجو برد ياولداه
بس عساسيل
الأول كدة وحشتينى مووووووت يا قطة
وبعدين يا اسئوووس
اية القطط القرعة دى؟؟
معندكيش يا اؤختشى قطط بشعر؟
ولا الحلاق اتعمى فى نواضره وهو بيحلق لهم؟؟؟
ابقوا هاتوا حلاق قطط من المهندسين ولا جامعة الدول يا اؤختشى
أحسن دول محسسنى انى سقعانة وانا بابصلهم
======
سايبة لك تاجين عندى يا اؤختشى
اتزنقت فيهم وحبيت ازنقك معاياااا
اوعى تكبسينى ومتقبليهومش
أموااااااااة يا روح قلبى
تاني
قطط تاني
انا مرة في الشارع قطة كانت ع العربية اللي جنبي
وانا مش واخدة بالي و كتفي في كتفها لو اتلفت ح المسها
قامت صحبتي الانتيخ الله يسامحها
شاورتلي عليها
وانا بكل هبل بابص كدة
لقيت
ايييييييييييه
القطة المجرمة
قمت مصرخة في وشها
وش القطة ركزي معايا
قام شعر القط وقف و اتخضت و جريت
وانا قلبي كان ح يوقف من الخضة و كنت ح اسورق
اه اناعندي فوبيا من حاجتين
العصافير و الطيور عامة
والقطط
تحياتشي
فعلا فرستيني
لاني مبحبش القطط
بس باقي البلوج علي بعضو
ممكن ازوره تاني اقرا بالراحه
انا اولادي شيرازي برضه
بس بنتي بقي مش عايز تبقي حامل
بقولك ايه ما تجبيلي موقع الطب البيطري دة
القطط دي احلي حاجة ممكن تشويها وتتعاملي معاها
انا عندي ابني الكبير لي لي عنده داخل علي سنتين
بس مش عايزة اقولك بيحبني اد ايه وبيحس بيا اد ايه
انما شمشونة بقي
فهي عشان كانت بتاعت واحدة صاحبتي وكانت بتعذبها وجبيتها ل لي لي
فهي مش بتحبني عشان بتغير مني
ههههههه
مالك يا به
غطسانة فين بقالك كام يوم
وحشتيني
وقلقتيني كمان
مرسييييييييييييي يا قمراية
علي اللينك
كل ما اجي الاقيكي منزلة قطط جديدة
عسولين خالص
انا عايزة واحدة تكون شهرين و بيضا
و عنيها زرقا
منكن؟
اموه اموه
ازيك؟؟
انا قلقانة من موضوع القطط حاسة انك بتجهزي مصيبة
:))
صح؟
إيه يا به
مالك
رحتي فين
أوسة
فينك يا غالية
مش بتعدى ولا حته بتقولى مساء الخيير
عموما فية تدبيسة منى ليكى
تعالى زورينى علشان تعرفى هيه إيه
كرسى الاعتراف
هههههه
وعادى بقة
أودى
ليكي عندي تاج اتمنى متكسفنيش عارفة يا سمو الاميرة انك مشغولة مع الرعايا
لكن انزلي للرعية وهعزمك علي علبة ال ام ازرق علي حساب النديم
سلام الحق الواد جرجس بيتشتم
يا اوسا قططك روعة
فاكرة انى كتبت تعليق هنا من زمان
بس الظاهر طار
عاملة ايه يا احلى نون نسوة
:)
يا ولية انت فين
أنا قلقانة عليكي بجد
انت كويسة؟
اوسسسسسسسسسسااااااااااااا
طمنيني طب عليكي واغطسي بعد كده زي ما انت عايزة
فطوطة لا لا اعصابي خفيفة
انا كل يوم اعدي مش بلاقيكي ليه؟
اين انتي يا اوسسسسسسسسا
اين انتي يا ولية عهد مدغشقر وامبابة والتلاتيني؟
الحقوني
تعالي شوفي جوزي عامل فيا ايه
في طهقان و طهقانة
يا ترى ايه سر اختفائك
انتى فين يا بنتى بقالك مدة مختفية
فى بوست مهم على مدونتى وعاوزة رايك فيه
ضروووووورى
انا بحب نوعين بس او عشان مابقاش كداب انا معرفش غير نوعين
الفصيله العامه بتاعة الشارع دي والشيرازي اللي شعرها كتتيييير اوي دي
وثانيا انا عندي السماء بتاعة الانواع اللي قلتي اقف على الصورة بيظهر الاسم هيروغليفي مش عارف السبب ايه
لكن مجهود جميل ومنتظر اننا اعرف انواعها
انا ليه على فكرة مغامرات مع القطط من اول ماتتولد لغاية لما تكبر ومتعديش دول كتيير اوي انا بحبهم موووت
وربنا يسترها
الصور تجنن
أنا بموت في القطط و أكتر قطط منحازة جدا جدا ليها هي قططنا البلدي أم دم خفيف جدا
كل دي انواع قطط!!!!!!!!!؟
امال باستت المصريه فين؟
انا معرفتهاش هنا
الو الو
1234
اوووووووووووووووووسااااااااااا
ايه حكايتك
انت عايزة تشوفي غلاوتك عندنا وللا ايه
بس لما اعتر فيكي
ح اقرصك من قفاكي
اميرتي الجميلة اوسا
ازيك عاملة اية؟
وحشتيني
فينك مختفية
يا رب خير
طمنيني عنك
بس اعتر فيكي
ح ارنك حتة علقة
انت فين يابنتي قلقتينا عليكي قوي
علي البتاع لو ما ظهرتي قريب لخطف رجلي لحد البت شهروزة (لان توتا مش هتقر)واعرف منها مكان شغلك وألم الناس كلها البت حفصة، الواد جرجس، ذو النون بعد مايطلع من الترعة، وأونكل ابو ريشة، والبت السهتانة ايبي بعد متخلص مدرسة،
ونقف قدام باب الشغل زي عبلة كامل ونقولك بت يا أوسا اطلعي يا بت...هجوزك الواد معرفش مين..(مش النديم لانه مجوز..مش فارس لانه كبير عليكي..مش الولا عربي لانه صغير..يا دي النيلة مفيش حد ينفع)
المهم هتظهري ولا لاء؟ انا مجنونة وأعملها، يا ستي ممكن اديكي حتة من اشتراك السلكة بتاعي دا طوووويلل جدا
كلفني 200سلك هههههههه
اوك وحشتيني بس
انتي يا استاذة قائدة جبهة التهييس انتي مش قريبتها ؟ ولا انا اتنقللي الخبر غلط
مش عارفة تعتري فيها وترنيها العلقة
مفيش موبيل
مش عارفة بيتها؟
انتي هتخليني اخطف توتا وانفذ الخطة
أوسا يا حبيبتشي
روحتشي فين و سيبتينا
آدي أخرة اللعب مع القطط
إيه يا بنتي روحتي فين
ارجععععععععععععععععععععععععععععععععيييييييييييييييييييييي
أنتـــــــــي مشكله من مشاكل الزمن
عموما ياريت يفضل المستوي لمدونتك كدهو للابد
http://toto3alakaboto.blogspot.com/
ابقي تعالي زوريني
انا
للاستمرار علي اتصال عبر البريد
spoony31_31@hotmail.com
spoony31_31@yahoo.com
نسيت انا عندي اربع قطط عايشين في نفس المكان تخيلي انا عايش ازاي
بس عندي بيعملو في التواليت زي البني ادمين ومتستغربيش وبياكلو خيار وشوكلاته وعندي قط اسود شيراز وهوا اصغر واحد بياكل موز انا لما شوفته بيعملها افتكرته قلب قرد وعندي هابي وبندق وانجي والصغير اسمه سمبا
عذرا انا مشوفتش الصور بتاعت القطط اللي انتي حطاها
كنت بس حابب اشوف مدونتك وشكرا
انا
نتى ايه موضوعك بالضبط مع القطط على فكره بقى انا بقرف منهم جدا وبتعصب لو شفت قطه لا بتنرفز واسيب المكان
الحرية للعريف الوطني محمد خلف
حطي في عينك حصوة ملح و ابعتيلي ايميل طمنيني عليكي رجليا حفيت اجي ابص عليكي
اية يعني متي؟
مفيش نت كافية تدخلي تسلمي منه
بجد انت وحشة ابعتيلي ايمييييييييييل
و الا ححدفك بالطوب
sarah4eg@yahoo.com
لما اشوف بقى
بكره محاكمة اسلام نبيه
شوف التفاصيل عندي
سلام
www.demaghmak.blogspot.com
aoossaaaaa
فين حضرتك ؟!!!!
ارجعي بسرعة
حلوين جداااااااااا
بموت بالقطط
بتمردهم
وغرابتهم
الاميرة اوسا
بقالي كتير ما جيتش والله ليكي واحشة جامده قوي
هاتف جالي في المنام انهارده
وكان لابس ابيض في ابيض
وقالي روح للاميرة اوسا في بلوجها انهارده
قوووم ايه ؟
اجي الاقي هنا قطط ياختي وماعرشي افصر ايه
بس بقولك ايه الكلام اللي بيطلع لما ندوس علي الصورة مش بيكون بالعربي
دي حروف كدا ورسومات غريبة
تحياتي
أية يا أسئووس غيبتك طالت قوي وقلقتينا عليكي
انتي مختفية فين يا بنت
ياخوفي يا بدران لاتكون دي اخرة بوستاتك المهببة و رموكي في المعتقل يا بت وحاتلاقي العصيان هناك من جميع المقاسات ولازم تقيسيهم كلهم لغاية ماتلاقي انسب مقاس
هههههههههههههه
لا بجد لو بتتقلي ردي علينا ولا علقي عالكومنتات يا بنت ماتقطعيش بقرائك كدة
قدامك يومين وحاننزللك بوست في خرج ولم يعد عالقناة التالتة
وحاتبقى فضيحتك بجلاجل وجرسة ام حناجل
عبرينا بقى يا أنسة أسئوسة
ياه دنا غبت بقه اكتر منك انا داخل على شهر اهه مابدخلش بس بتفرج
انتي هاتكملي السنه ولا ايه
يالله ربنا معاكي
وربنا يسترها
وحشتيني
عارفه اني متأخره مووووووووووت
بس و الله كنت بعدي عليكي على طول
و لم اعلق لأني و متزعليش مني مش غاويه قطط يعني
و اهاو وشها و لامؤاخذه نحس
كل ده يا اوسه
كل ده سايبه قططك و سيبانا لوحدنا
كل مره اقول اكيد حتكتب جديد
آجي آلاقي القطط أمشي
و بعدين يعني
وحشتيني و الله ياختشي
بتتدللي عشان تعرفي غلاوتك؟
غاليه
غاليه ياختشي و الخاتمه الشريفه
ارجعي بقى
أحسن حعيط
انتى فييييييييين يا ااوساااااااااااا
اوساااااااااااااااا
يا رب تبقي كويسه يا اوختشي
انت فين يا اوسا القطط خطفتك ولا ايه؟؟
وكمان انا بخاف من القطط تروحي ناشراهم ف البلوج حرام عليكي يا اوسا ده انا بحبك :)
انا بحب القطط جدا جدا ,لكن اشعرت من الصور اللي في الاول و كرهت القطط, بس بعد تحملي ليها لقيت شوية عسل هي دي القطط و لا بلاش
يا بنتي انت فين و الله قلقانة عليكي لو عملتي بلوج تاني ابعتي قوليلي على الايميل
انت كويسة؟
اي حد من اصحاب اوسا يا جماعة يطمني عنها
او اي حد معاه ايملها يبعتهولي
او رقم تليفونها
او عنوانها
اي حاجة نعرف نتواصل معاها من خلالها
ربنا يسامحك على القلق ده
بس لما اشوفك
لا انا كده قلقت ..في ايه يا بنتي
ماشي الاول قولنا كريسماس والشغل كتير دخلت اتطمن عليكي في بهدلة الايستر القاكي من يومها مش موجودة
دي مش زحمة شغل بقي وبس
طمنينا بس بكلمتين
مستنياكي يا قطتي
aossa...
who kidnapped youuuuuuuu??????????????????????
ayna anti ya sit el sitatt? aooooooooooooooooosaaaaaaaaaaaaaaaaaaaaaaaaaaaaaaaaaaa, where are youuuuuuuuu?
ya binti ghibtik tawilit, rodi 3alena ba2a.
بوست جميل للتعريف بكائن رقيق
تحياتي عزيزتي اوسا
يــــــــع ايه اول صورة دى
يع مبحبش القطط
سورى
http://sfahmy78.blogspot.com/2007/04/9.html
منتظر تعقيبك على البوست ده
اللهم اجعلة خير يارب ـ كدا أتأخرتي اوي اوي اوي اوي اوي ، وبدأ القلق الحقيقي ـ عسى المانع خير يارب. برجاء من أي حد يعرف الأخت الأميرة شخصياً يطمئنا جميعا وله جزيل الشكر ـ نعرف بس انها بخير وله جزيل الشكر.
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً …
البوســـت بعنوان
أن تكون أبو الفـتــــــــوح شوشــــة
حملة الإفراج عن شيخ المجـاهدين
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل … بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة …
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر … أما لأنك في مصر … فهذا معناه أن تصير نزيل أحد السجون وحبيس أحد المعتقلات …
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر …فتبلي البلاء الحسن … ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك … راضياً عن جهادك … راضياً عما فعلته لرفع لواء الذود عن فلسطين … فلا يرضى عنك النظام … لتذوق الويل والتعذيب في السجون المصرية …
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد … بدون أن تتغير قناعاتك أو تتزعزع ثقتك في نفسك …
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م … فيهب جميع أبناء دائرتك لإنتخابك … بما فيهم أقباط دائرتك بالكامل …. فتنجح نجاحاً باهراً … ثم يتم حل المجلس لأجل إسكاتك …
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك …… لكنك في الوقت نفسه تجد أن النظام يُكن الكره لك … ويعتقلك المرة تلو الأخرى …
أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين … فيزجوا بك في المعتقلات غير آبهين … ويحولوك لمحاكمة هزلية غير مستنكرين …
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير … ويضيقوا عليك كل شئ حتى يسجنوك … في الوقت الذي تتمنى أن تنعم فيه براحتك …
أن تكون أبو الفتوح شوشة فهذا معناه جهاد في صغرك … تعذيب في شبابك … بهدلة في كهولتك …
أن تكون أبو الفتوح شوشة فهذا معناه … اننا معك حتى النهاية … نهاية ظلمهم أو نهايتهم …
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة “فلسطين المسلمة” تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
رابط تقرير جريدة الدستور عن شيخ المجاهدين بتاريخ 13/5/2007
http://www2.0zz0.com/2007/05/17/21/81829036.jpg
يا ترى انت فين يا مرزوق ... من شهر يناير يا عالم !!! هما مسكوكي ولا ايه؟؟ لعل المانع خير
اظهر وبان عليك الأمان
الققط جميلة فعلا بس انا مش بحبهم خالص
يمكن...
المهم البوست دة قديم بجد...
لعله خير
يااه
اول مرة اعرف حكاية الفان اللي بيعوم دي
بس سيبك انتي
القط الامريكي ده رخم ولا تقوليليش ليه
معرفش
اتنخنقت منه كده لله في لله
اصلي بحب القطط قوي
بس اخري فيهم يعني الشيرازي والسيامي معرفش حكاية التركي وقصير الاذن والكلام دي
ربنا يوفقك تعبتي في لم الصور دي اكيد
تحياتي يا اميرة
ايه البلوج المقطقط ده
انا حاسس برغبة ملحة في النونونة
أنا هنا يا شعب
واللى فى نفسه فى حاجه يورينى نفسه ؟؟؟؟؟
نونو نو نو
وحشتونى بجد
اوووووووووووووووووسا
ايه يا بنتي الغيبة دي
ده انا قلت الكائنات الفضائية خطفتك
الف حمدلله ع السلامة
نورتي ياختي من تاني
انتي اتجوزتي يا بنتي و سبتينا ولا ايه؟
:)))))))
أيها الشعب
غبت عن عالم المدونات لأسباب
أقتصاديه بحته بصراحه الراجل بتاع النت كفيه عزل وسابنى من غير وصلة نت لكن حاليا باستخدم النت بتاع الشغل
لحد ماتفرج أو حد
يتكرم ويبعتلى تبرعات
الناس لبعضيها
شكر للرفيقه أبيتاف على السؤال وأشوفك فى المظاهره
أمـــــــــــوه
Welcome back
;)
أسئوووووووووس
نورتى الدنيا يا بنتى تانى
طيب لما انتى هليتى تانى
فين الجديد بتاعك؟؟
وحشتينى يا بنتى
ووحشتنى أيامك
ووحشتنى أيام زماااااااان
والشعب كله بينادى
وحشتينا يا اسئوووووس
اموووواااااااة يا قطة
الف حمدلله على السلاحف
:)
اخيرا بعد طول غياب ... لحقتينى قبل ان يتمكن اليأس منى و امسح اللينك بتاعك من عندى .
لقد استبدت بنا الظنون و قلنا انهم قبضوا عليكى و زمانهم شغالين فيكى نفخ
ههههههههههههه
لا بس بجد وحشتينا جدا و مستنيين جديدك
This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول
Post a Comment