أفضل  مئة  مدونة

Sunday, November 04, 2007

نـــــب بــحـــتى



حـــــصة تاريخ هل ينجح أحد


مع نهاية الأسرة الثانية عشر والدوله الوسطى تبين أن هناك من يتربص بمصروذلك للأستفاده من خيراتها والأستيلاء عليهاأنهم قبائل حقاو - خاوست التى تسكن وسط أسيا والتى دأبت على الأغاره على الدول الآخرى فى جماعات غير منظمه تجيد الكر والفر وتمتلك أسلحه عملوا على تطويرها فصنعوا من الحديد أسلحة وعجلات حربيه تعد الأكثر تطورآ فى هذا الوقت لقد أمتلكوا القوه والخبره العسكريه التى ساعدتهم على أجتياح الكثير من البلدان فأجتاحوا أسيآ حتى وصلوا على مقربه من مصر فأغاروا عليها من الناحيه الشرقيه وتمكنوا بالفعل من السيطره على البلاد حيث بدأت مرحله جديده من تاريخ مصر فى ظل
الأحتلال وهى مرحلة الأنتقال الثانى أو الأنهيار الثانى والتى استمرت فى الفتره من الأسره الثالثة عشر وحتى الأسره السابعة عشره حيث ناضل المصريين من أجل أستيعادة حريتهم وأراضيهم لقد أغار الهكسوس على مصر فى عصور لم يعرف المصريين فيها الحديد بل كانت أسلحتهم بسيطه مصنوعه من خام النحاس الذى يستخرجونه من سيناء لم تكن لديهم الآت حربيه بل كان جل أهتمامهم هو الأهتمام بالزراعه والفن والأدب حيث بدأو فى تطوير اللغه وظهرت نصوص أدبيه كقصص سنوهى والملاح الناجى من الغرق و الفلاح الفصيح_ لم يكونوا فى حالة أستعداد لأى حرب خارجيه ورغم ذلك قام أمراء طيبه بمحاولات لتحرير مصر وبدأو فى صناعة الأسلحه والعجلات الحربيه وقد ناضل حكام الصعيد من أجل تحرير البلاد فأرسلو الحملات لتطهير الوطن وكان أخرهم الملك أحمس محرر مصر من الغزاه وطارد الهكسوس وهو أول ملوك الأسره الثامنه و قام أحمس الأول ( نب بحتى )، بقيادة جيشه بإتجاه الشمال لمواجهة الهكسوس،
وطردهم خارج البلاد، ثم تبعهم حتى شاروهين في فلسطين. ثم بدأ في إرسال حملات
عسكرية لتأمين حدود مصر لقد أستفاد المصريين من الدرس القاسى فأتبعــوا سياسة
الهجوم وأنطلقوا خارج حدودهم لتأمينها ضد أى غزو خارجى وبدأت مرحلة الأمبراطوريه
المصريه والدخول الى مرحلة الأذدهاروالرخاء هكذا حول المصريين الهزيمة الى نصر بالأستفاده من الدروس التى تعلموها على أيدى قبائل الهكسوس بالطبع الجميع يعرف تلك القصة الرائعه المنقوشه على اللوحات الجداريه لكن أى الدروس المستفاده لنا نحن المصريين اليوم وبعد مرور الآف السنين تغيرت الظروف لكن ابدآ لن تتغير طبيعة الأنسان فهناك من يتربص بنا داخليآ وخارجيآ ونحن نعلم ماهية العدو وتفكيره وأمكانياته فهل يأتى يوم نكون نحن أنفسنا كما كنا قديمآ ويخرج من بيننا أحمس جديد يعشق تراب مصر ونهرها يخرج علينا قائد مصرى مغوار باسل لم تصبه لعنة الخضوع ولم يكترث للعبة الأستسلام يشق ظلام الليل بسيفه اللامع الا من أحمس آخر يامصرأم سنتحول جميعآ لشم الكوله وأكل شندوشتات مربى بالأشطه والنوم تحت الكبارى على رأى محمد سعد
عزيزى عزيزتى لا داعى للأستسلام لقد عرفت مصر عصور أنهيار أينعم مش زى اليومين دول بس برضه لازم يكون عندنا أمل ونحاول نستفيد ولو على مستوى شخصى وبلاش نقول أهو كله برتقال ودعواتكم معايا للسيد الدكتور حاسى هواز اللى جاب عليها واطيها وشكله ناوى يحنطنا ويبعتنا فى توابيت لللخارج ألــ عشان يتفرجوا علينا وده موضوع تانى أنشألله نتكلم فيه قريب
المصادر
رسالة الدكتوراه المقدمه من الأميره أوسا
حول علاقة الأنسان بالبطيخ
رائدة علم المصريات والآثار
كتابات مهيسه حول حاسى هواز
مع تحيات أتحاد الحوارتجيه مع حركة أفحت وجبهة التهييس الشعبيه

56 comments:

muslim masri said...

الأوضاع في بلدنا تنصلح إزاي؟ هل الحلقة المفقودة هي غياب القائد الذي يلتف حوله الناس مثل أحمس؟ أم أن الناس نفسها هي المشكلة ومحتاجة تتغير؟ ولا لازم الاتنين مع بعض؟ هل الناس -إحنا يعني- كويسين بس مش لاقيين اللي يقودنا؟ التاريخ يثير إجابات مربكة للغاية حول هذا الموضوع. قطز مثلا بدأ حكمه لمصر وهي تعاني من فساد واستئثار فئة بالخيرات لكنه نجح وأصلح وانتصر. لكن تجارب الإصلاح والتحرر الوطني بتقول إن الناس كلها او خلينا نقول أغلبها أو كثير منها لازم تتحرك قبل ما يحصل التغيير المنشود. لازم الناس تتعلم وتصبح واعية سياسيا وثقافيا واجتماعيا. نرجع لسؤال البيضة والفرخة. التغيير يبدأ من فوق ولا من تحت. هل لو صحينا الصبح ولقينا التغيير حدث هل هانقدر نتوافق معاه ونتحمل مسؤولياته. ولا لو جالنا القائد الرمز هانطلع روحه ونتخلى عنه لحد ما نجيبله جلطة أو نسيب بقايا الفساد تفشل تجربته.
متهيألي إننا بأوضاعنا الحالية لا نستحق أحمس أو قطز أو صلاح الدين. فيه صفات سيئة تفشت فينا وانطبعت جوا كثير مننا مش عشان احنا واحشين لأ عشان ظروف تاريخية وديموغرافية واجتماعية في بلدنا. صفات زي السلبية واللا مبالاة والاستسلام والركون للفوضى وعدم تقدير قيمة العلم. ربنا يصلح حالنا.

HafSSa said...

يا اختاه
في مقولة بتقول العقول العظيمة بتفكر ز يبعضها
انا امبارح كمان نزلت عن الفناعرة اجدادنا الاوائل
سبحان الله
تحياتشي
بوووسة

Romantica said...

من الواضح ان عداءك ليس للاخوان ولكن كل مايتعلق بالاسلام
ولكني ارجو منك قبل البدء بالنقد تحري الدقة في المعلومات وان يكون النقد محترم وليس مهينا
___________________________
اولا يجب الفصل بين جماعة الاخوان المسلمبن والوهابيين فلكل منهما فكر مستقل تماما بل يكاد كل منهما يناصب الآخر العداء
ثانيا لما السخرية من اصحاب اللحى وتعميم الامر فان مصر مليئة بالعلماء اصحاب الفكر المستنير كالدكتور القرضاوي وفضيلة المفتي على جمعة
كما ان اللحية سنة عن الرسول صلى الله علية وسلم
والسخرية منما سخرية من النبي

ارجو الاهتمام بذلك


تحياتي

الأميره أوسه said...

muslim masri
الناس بتحتاج دأيمآ من يقودهم
و يشعل حماستهم
أحنا شعب مش وحش
بس أتهرينا نكبات وأحتلال

الأميره أوسه said...

HafSSa
يا أختشى
أنا قريت الموضوع بتاع بيبى التانى
والتعليق بتاعى فى الكومنت مودريشن
مش عاوز يظهر
دى توارد باميه وأفكار

الأميره أوسه said...

Romantica
الموضوع ده ملهوش علاقه
بالدقن ولا حتى الشنب
ده موضوع تأريخى
وأنا مش ضد الأسلام
جمله صعبه جدآ أنك توصفنى بيها
حتى لما اتكلمت عن أصحاب الذقون كانت تجربه شخصيه وكتبتها
كل بوست وليه حاله نفسيه بتسبقه
معاك أنى ممكن أكون عنصريه ضد العرب
بس مش ضد الأسلام
تحياتى

a Dreamer with feet on the Floor said...

there is a song called ( I need a Hero....and that what we need naw....( a Hero) 2 Re orient the direction and The priorities of this sleepy Nation... we need a new soul...
we need 2 feel that we R humans ,,have rights..and before that 2 make what make us deserve the Help from heaven ...
Our problem is that ..we never Learn from Our History..

Soooo said...

حقيقة يا اوسه لقد ضرب كلامك على الوتر الحساس
فكلما اعتقد اننا كشعب يفتقد للتنظيم أُرجع ذلك الى افتقادنا للقياده الصحيحه
ولكن الحقيقه هي اننا كشعب فقد القدره على التمييز والتدقيق بل والاختيار ايضا
في حته بيقولها وجيه عزيز
الشعر عيره والصبر عيره .. حتى الهتاف وسط المسيره برضه عيره
احنا من جوانا افتقدنا رغبتنا في الحياه اصلا
وانا في اعتقادي هو ده السبب لوجود الكثير والكثير من المنضمين للفكر الاخواني والفكر السلفي المتشدد .. كمحاوله منهم ان يخرجو بعضا من غضبهم في تمردهم ورفضهم لبعض مخالفيهم ان لم يكن كلهم .. وذلك لانهم وفي اعتقادي الشخصي اشخاص قد تكدرو من اجهزة الامن العام والامن الخاص .. وفي باطنهم اعتقدو انه لا وجود للامن الا من خلال تشددهم دينيا

الحقيقه الموضوع مش مجرد قائد وبس يا اوسه
قائد .. وشعب
فاهمه حاجه؟؟؟



سلامووووووووووز

زُمُرده said...

السلام عليكم
شدني الموضوع
قلت اتدخل واتكلم
1+1=2
يعني لازم يكون في قائد
بس لازم يكون في رغبه للتغير عند الناس
فلن يغير الله قوما حتى يغيروا ما بأنفسهم

ناس كتييييييييير عايزه تغير بلدنا للأفضل ومش عارفه السبيل
وناس فقدت الأمل من كتر الكلام وعايشه حالة لامبالاه
محتاجين قائد رمز
مسحراتي...يصحي اللي ناموا
وينبه الفايقين
ويلم الشعب بحب وصدق
ووفاء ومساواه وعدل
يعدي بمصر لبر امان
يثبت اقدمنا زي زمان

ibn nasser - ابن ناصر said...

يعني احنا هنحتاج فعلا ايه غير قائد
قائد يلمنا ويرجع المباديء والقيم ويرجع الشعب لافكارة وللي كان فيه
لان النظام ده قتل كل اللي في قلوب المصريــن
يعني لو حد عاش زمان هنا وجه دلوقتي
ممن يقول ان ده الشعب اليباني بس بيتكلم عربي !!!
..
تحيــاتي

lastknight said...

الأميره أوسه صاحبة تاج الجزيره و كل جزيره من الوراق حتى جزيرة بوحه فى سوهاج
السؤال لو اختصرناه فى أين القائد .. نكون اختصرنا فكرة الجمهوريه كلها فى حكم فرد .. حكمونا أفراد منفردين ألهناهم و استجبنا للمركزيه كطبيعه متوارثه منذ الأزل نتجت عن استجابة المصريين لطغيان النهر كما قال الراحل العظيم جمال حمدان
أظن السؤال يكون : أين النظام الذى يفرز قياده ( قياده كامله و ليس قائد ) يمكن أن يحاسبها الشعب لتحقق مصالحه
عن نفسى أعتقد أن وئد دستور 1954 على يد أول مستبد و هو جمال عبد الناصر كان نقطة التحول للمجتمع المصرى كله من ميل حاد لليبراليه و التحرر و الممارسه الديموقراطيه .. ليتحول ألى شعب خانع خاضع يؤله حاكمه و تنطبق عليه مقولة عمرو بن العاص .. نساؤهم لعب و رجالهم عبيد لمن حكم
أظن السؤال يا سمو الأميره هو أين النظام الذى يخرج قياده .. و ليس أبدا اين القائد
شرفينى فى مدونتى .. موضوع خفيف جديد اتمنى تعلقى عليه

lastknight said...

متأسف هاتقل عليكى .. بس للأخت رومانتيك .. اطلاق اللحيه ليس أبدا سنه عن الرسول عليه الصلاة و السلام .. أنها من سنن الأنسان عن الفطره وفقا لحديثه عله الصلاة و السلام .. و أغلب السابقين أطلقوا اللحى و حفوا الشوارب .. بدليل أن الحاخام اليهودى يطلق لحيته .. و القس المسيحى يطلق لحيته .. و أظن بعذ البوذيين و غيرهم أيضا ماركسو راسبوتين كانا ملتحيان .. المسأله بوضوح شديد ليس فيها تخصيص لتابع النبى عليه الصلاة و السلام .. بل قد أذهب ألى أن مخالفة هذه العاده الفطريه يمكن أن يكون مثلا من باب مخالفة اليهود
تفكير رومانتيك أظنه هو ما تعنيه الأميره أوسه بظلامة عقل و تفاهة تفكير كلا من الوهابيين و الأخوان .. و المثل قال .. يابا علمنى الهيافه .. قاله تعالى فى الهايفه و اتصدر

شـــــهــــروزة said...

هههههههههههههههههه
الله يخرب عقلك
مقدمة لى رسالة دكتوراة وكلها غلطات وعالهوا كدة؟؟

خدى عندك أولا

شكاوى الفلاح الفصيح و الملاح الناجى كانت فى عصر الدولة الوسطى
ايام انهيار الدولة وتردى الأوضاع قبل ظهور حقبة أمنمحات الأول مؤسس الأسرة 12 القديمة



أحمس يا ستى وأسرته المناضلة ضد الهكسوس من أبيه سقنن رع وأخيه كامس كانت الأسرة 17 ومثل أحمس وأخوه كامس نهاية تلك الأسرة والاستعداد لبداية الأسرة 18 المعروفة بعصر التحامسة
تحتمسات بقا وحتشبسوت واخناتون والناس الجامدة دى اللى حتنشىء على دعائم معارك أحمس
أكبر امبراطورية عالمية وكانت صناعة مصرية
أول امبراطورية حقيقية يعرفها العالم
مش الأسرة الثامنة

==========

وانا معاكى تمامااا
ان العبرة من التاريخ حتمية
ودى دورة الحياة
من رحم الذل والهوان والاضمحلال
تولد المقاومة والنهضة الجديدة

يعنى كل ما حتلاقينا بننحط وننبطح بزيادة اكتر
تأكدى ان فترة المخاض اقتربت أوى

=========

الربط بين الاتنين ممتااااااز يا قردة
لكن يا ترى
هل حد حيتعظ؟؟؟

وحشتينــــى جدااا

Desert cat said...

المشكلة يا اوسه مش فى اقلائد المشكلة فى اللى اتعودوا على وجود قائد
ليه ميكونش كل واحد قائد نفسه مش كلنا بنى ادمين وعارفين الصح من الغلط
لو شوفنا القائد اللى بيحكمنا قارفنا وكابس على نفسنا من حقنا كلنا نقول لاء مش عايزين
انما كل واحد مش راضى عن وضع معين راح التف ورا حزب والجماعه المحظورة المنهورة منى انا شخصيا واللى بدات تشم نفسها من اول الدخول فى الانتخابات طبعا لو حترسى عليهم
يبقا اهلا بالوضع الحالى ومن غير قائد
تحياتشى

اجندا حمرا said...

الغاليه اوسه

يابنتي و الله العمليه بقت تجن ناس تقولك ماينفعش البلد تمشي من غير قانون ينظم العلاقات بين الناس و احنا اتعودنا من زمان ان يكون فيه قانون ممكن بعض الناس تلف حواليه خصوصا لو واصله يعني و تكون فوق القانون و تكون العداله عاميه زي مابيقولوا و زي ماقطه الصحراء قالت الانسان لازم يكون قائد نفسه و اللي بيحكم الشعب يكون همه مصالحها مش همه البقاء في الحكم اطول فتره ممكن و التهليب زي مابنشوف و حنرجع و نقول ده حال الدنيا

موضوع في الصميم ياباشا تشكري عليه

سى السيد said...

العواف
بص يا سمو الاميره
احمس ايه اللى الناس مستنياه
مصر نصين
الزملكاويه مستنين عمرو زكى يعديهم الازمه
والنص التانى مستنى حسنى عبد ربه
الناس دى ماتت من زمان
احمس مين اللى يغير
انا عاوز سموك يبص من الشباك دى منظر ناس عايزه تتغير
انا نفسى عاوةز اغير انبوبة الغاز من زمان ومكسل
احنا غلابه
سلام يا سمو الاميره

Soooo said...

اين انتي يا أوووووووسه

ربنا يرجعك بالسلامه يارب


ياخوفي لا تكوني اتخطفتي ومطلوب فيكي فديه مبلغ وقدره ...
ساعتها والله العظيم انا هكون اول واحد هيبيع الموبيل .. ويروح يدفع تمنه مقدم موبيل جديد بالقسط


سلامووووووز

ody911 said...

يا عينى يا عينى يا أختى


فراعنة وبتاع

أيوة كدة بينى العلم


أنا بحقدعليكى

عرفتى تنطقى الأسامى دى إزاى ؟؟؟


عادى بقة
أودى بيمسى

الأميره أوسه said...

a Dreamer with feet on the Floor
عندك حق لو أننا أتعلمنا من التاريخ
مكنش ده حالنا
ربنا يبعت بقا حد يكون
مستبيع هههههه
عشان ينقذنا
تحياتى

الأميره أوسه said...

Soooo
أيوه فاهمه
ده أنت فيلسوف
نبهتنى لحاجه مهمه
وهى عدم الرغبه فى الحياه
تخيل كتير بحس
أن مفيش حاجه فارقه مع الناس
زى ميكونوا بيعدوا أنفسهم للموت
يأس
فاهم حاجه

الأميره أوسه said...

زُمُرده
الرغبه فى التغيير موجوده
بس النفس بقا
و المسحراتى أختفى
الأمل فيكى يا زمرده
تحملى المشعل

الأميره أوسه said...

ibn nasser

تفتكر قائد كفايه
من التعليقات اللى فاتت
لقيت فعلآ لازم يكون فيه أستعداد
عند الناس ويكون فيه نيه وعزم
شوف حل بقا يأبن ناصر

الأميره أوسه said...

lastknight
حمدلله على السلامه
كلامك صح طبعآ
وجود قائد مع مركزيه ممكن يكون مش حل
المصريين فى التاريخ القديم
جمعوا بين القائد وبين اللامركزيه
وده فى أزهى عصورهم
طبعآ روحت عندك وعلقت يا باشا

الأميره أوسه said...

شـــــهــــروزة

يا بت أسكتى فضحتينى
هههههههههههههه
بس محدش خد باله
لسه فاكرا التاريخ
طيب تقدر تقولى
أمتى كانت لمصر عاصمه
بالقرب من المدينه اللى أنتى عايشه فيها أو تقريبآ مكان مدينتك
أفتكرى وردى على مهلك
أموااااااااااه

الأميره أوسه said...

Desert cat
أولآ تحياتى
ثانيآ فى نظام الدوله
مينفعش كل واحد يكون قائد لحاله
لازم يكون فيه أداره وسلطه
وقائد و وزراء ألخ
أنا فاهمه تقصدى أيه
على المستوى الشخصى أن كل وحد يبدأ بنفسه ويصلح حاله
ودى بدايه جيده خاصة دلوقتى
بس ياريت ظروف الناس خاصة الماديه تسمح ليهم بأنهم يطوروا نفسهم
من خلال قرأة كتب أو دراسه
الحاله الأقتصاديه ليها آثر كبير
تحياتى

الأميره أوسه said...

اجندا حمرا
أزيك
الناس اللى بتسرق دى وتنهب
ممكن نوقفهم عند حدهم
فى مقوله قديمه بتقول
لو أجتمع شعب على هدف واحد
لغيروا مسار بلدهم السياسى

المقوله دى قالها الزعيم حنفى فى موقعة
أنشراح الشهيره
هو أنتى عامله أيه

الأميره أوسه said...

سى السيد

يعافيك ويعافى بدنك
ده أنت دماغ
حالآ أبعتلك الواد شلظم يغيرلك الأنبوبه
بس كده

الأميره أوسه said...

Soooo
فيك الخير
تجيب موبيل جديد
وتسينى كده
مخطوفه والعصابه بتشدنى من شعرى
مكنش العشم
يا سووووووووووو
وماله الموبيل بتاعك
هم مش نوكيا 5110
ماله نعمه
سلاموززززيز

الأميره أوسه said...

ody911

أجمل مساء الخير
وأحلى كلام
ده أنا متخصصة فى علم النباتات
شايف العلم
قول لشهروزه وأنبى

Esmat said...

الاميرة اوسا
بجد فرحانة اوى لما فتحت إنهارده
ووجدت ردودك الحمد لله إنتى كويسة
والله قلقتينى عليكى
تحياتى لكى ووحشانى جدا
وحمد الله على السلامة
ويا رب ديما منورة

ibn nasser - ابن ناصر said...

عارفه يا أوسة زمان جمال عبدالناصر كان عامل حاجه اسمها معسكر إعداد القادة اسمو معسكر ابو بكر الصديق ده اللي طلع معطم القادة العرب والافارقه -مش الخرفان طبعا بتوع دلوقتي- وده اللي امريكا بتعملو عندهم مراكز تأهيل كدة فعلاًَ يطلعو سياسي واقتصادي وبث فيه روح القيادة طبعا بث روح القيادة مش مزي عندنا يدولو عصايا في الكلية الحربي عشان يبقي قائد والسلام واسمع الكلام وانتا ساكت!
وطبعا حدث ولا حرج دلوقت سايبين اوكار المخدرات والدعارة والفساد ومطنشين
بس سياسة الحكومة ناجحه
اهي مراكز لاعداد المدمنين والصيع والعواطلية !!!!!
في رأيـك بقي ايه الحل هل ممكن حل شعبي ؟
ممكن بس صعب وهو فتح مركز من المراكز دي والمشكلة ان اي واحد صاحب مركز بيحاول يبث افاكرة السياسية عشان يطلعهم علي حسب تفكيرة سواء بقي ليبرالين او غيرة زي بقيت المراكز اللي بتدي دورات هنا
تحيــاتي

شـــــهــــروزة said...

هههههههههههههه
اة فاكرة يختى طبعا

دى كانت عاصمة الوجة البحرى
بوتو
وآلهتها سخمت

حتى بعد توحيد القطرين واصبحت مصر شطر واحد
اصبح الملك لا يكتمل تتويجه ومنحه صفة الألوهية الا لمايعمل رحلة حج الى بوتو عاصمة الوجة البحرى
والى سوهاج فى العرابة المدفونة هناك


شفتى يا بنتى؟؟
احنا برضة حتى بعد توحيد مصر لينا مكننا وهيبتنا
خخخخخخخخخخخخخ


ومش حأكتر من الفضايح بقا
كفاية كدة

هاتشى بوسة هاتشى يا وحشاااانى
أموااااة

شـــــهــــروزة said...

بت يا أوسا
وانا بألف ورا اسمى فى بحث جوجل وقعت على بتاع ماعرف منتدى ولا ابصر اية

واد هناك سارق البوست بتاع العيد بتاعك يا بت

بتاع فروة الخروف واللى انتى راصة فيه اسامى المدونين
وكاتبه باسمه ابن المنفوخة


وقال اية؟
الكل بيحييه وهو يرد بمعلش يا جماعة اتأخرت عليكم كان عندى حالة وفاة
بروح هيز ماذر هو التانى

اللينك اهو

http://romancey.net/forums/index.php?showtopic=1870

ولو مش اشتغل
خشى من بوابة جوجل هنا

http://72.14.205.104/search?q=cache:Bp05f_34s_kJ:romancey.net/forums/index.php%3Fshowtopic%3D1870+%D8%B4%D9%87%D8%B1%D9%88%D8%B2%D8%A9&hl=ar&ct=clnk&cd=347&gl=eg


يا بت حاجتك بتتسرق زى ما لقيت بوستات من عندى ملهوفة فى منتديات من على البحث بس فيه ناس خلت عندها دم وحطت لينك الموضوع فى المدونة عندى وباسمى
وفيه ناس تانية
حرامية وبتستعبطنا واحنا فى الطراوة

Sherif said...

العزيزة أوسة

دائما عندك الشجاعة حتى فى تعليقاتك
ما أظن هو أنه على الانسانأن يتبنى قضية ويعمل جاهدا على حلها ..

ممكن اجتماعية وهذه كثيرة ..وممكن ثقافية بأن نقدم نماذج ناجحة وهى كثيرة .. طبعا غير الكورة مع احترامى للجميع ..
لست من انصار ان التاريخ يعيد نفسه .. كل فترة لها ملابساتها وظروفهاالخاصة بها .. وربنا بيقول "كل يوم هو فى شأن"

كن نموذجا لشئ جيد .. فى عملك فى بيتك فى فكرك فى اسلوبك .. بشرط أن يكون معاصرا .. كلنا يحتاج
Model
فى كل شئ من أجل حياة أفضل

آسف للإطالة

Soooo said...

هييييه .. هييييه
أوسه جات .. اوسه جات
طب والله العظيم قلقت عليكي
وبعدين انتي مش فاهمه .. هو انا يعني هاجيب الموبيل الجديد منظرة استغفر الله العظيم
لأ طبعا .. انا هاجيبه عشان اول مكالمه اعملها هتكون للبوليس ابلغ عنك
عن اختفاءك يعني

وش واحد لابس بالطو ونضاره سمس وماسك جرنان الاهرام .. وجرنان مخروم كمان .. يبقى ايه ده يا اوسه؟؟

سلامووووووز

فى القلب said...

اوس أوس
طول عمرى بحب التاريخ و بجيب فيع اعلى درجه

بس التاريخ الى أنتى بتعملى فى دوكتوراه ده يعتبر مرجع تاريخى

دمتى لنا أوس أوس و دامت حضارتنا خفاقه براقه
ملحوظه خفاقه جايه من خفق البيض
براقه جايه من عين بتبرق

سلام

egy anatomist said...

الأميرة أوسة

استمتعت جدا بقراءة بعض كتاباتك في هذه المدونة الفاخرة(!) وصف غريب ولكنه افضل ما يعبر عن المعنى الدائر في عقلي..فالشي يكون فاخرا عندما يكون به ما يستحق أن يفخر به صاحبه، وأنا أرى مدونتك متنوعة، عميقة المضمون، سهلة اللغة، خفيفة الروح والظل.

حصة التاريخ ممتعة فعلا ودلالاتها واضحة.. ولكني للاسف يجب أن أختلف مع جزء بسيط فيها.. خصوصا اني أزعم اني اتعرفت على اتجاهات تفكيرك الرئيسية من بوستات تانية

تعليقي يخص الخلاصة..هناك متربصون؟ طبعا.. هناك طامعون؟..لازم.. هناك أخطار وكوارث قد تحدث؟.. أكيد.. طيب هناك شعب في التراوة وقيادة تبدو في نظر الأغلبية في مليون تراوة ومنشغلة بأمور شخصية؟.. مؤكد.. طيب ايه الحل؟!..

اختلافي يا سيدتي هو في الحل الذي تريه مناسبا.. الزعيم.. الكاريزما.. البطل المغوار.. الملهم.. القائد.. الموجه.. الثائر.. الخ

مش كفاية؟

ألا يظهر من دروس تاريخ مصر والعرب والمسلمين وأوروبا وآسيا ان موضوع القيادة التاريخية الكاريزمية سبب كوارث عديدة وانكسارات رهيبة

أتمنى ألا تقصري إشارتي على عبد الناصر وحده.. فهذا البطل العظيم الوطني الثائر المهاب الفاهم حقا لوضع مصر ومكانها ودورها.. لم تكن أكثر الكوارث التي خلفها هي 67 بالرغم من عواقبها ونتائجها الفاعلة حتى الآن للأسف الشديد (لو تحبي تطلعي علي بوست 67 وتحليل آثارها وسبب اختلافها)http://masrmntani.blogspot.com/2007/09/67.html
بل كانت أكثر الكوارث الناتجة عن قيادته وقيادة كل زعماء التاريخ الكاريزميين هي استمرار اعتماد شعب دولة ما على "أب" أو "مسؤول أول ووحيد" أو "منقذ" أو "نبي" أو "خليفة" أو زي ما تحبي تقولي ، وبالتالي استمرار اوضاعهم السيئة وسلبيتهم المتجاهلة وشعورهم بالعجز عن قيادة المصير والتحكم في أهم أمر لأي شخص وهو اختيار الحاكم وتغييره واعتباره خادم لارادة غالبية الناس في دولة ما

ألا تشبه تلك المعضلة-في رأيك- معضلة الوهابية أو الحاكمية أو الإمامية وكل النظريات اللي انا قريت رأيك فيها وعارف اختلافك معاهم.. بس مش ملاحظة ان فيه وجه شبه بينهم متمثل في فكرة الجبرية والقبول بقضاء الله وانتظار الفرج وخصوصا فيما يتعلق بالحكم والسياسة

يعني عبد الناصر أنا شخصيا مشاعري ناحيته في منتهى القوة.. ومقدرش أنكر إني متأثر بيه عاطفيا بشكل هائل ودائم.. لكن عقلي مش قادر يتمنى واحد زيه لان المشكلة الرئيسية مش في ناصر او محمد علي او تحتمس الثالث العظيم او احمس او ابراهيم او أي بطل تاريخي المشكلة ان الناس بتفضل تابعة.. مغمضة..عاجزة..سلبية..عاطفية وساعات غوغائية..

بتمنى نتحول من البحث عن القيادة التاريخية البطلة لأن نعرف أولا احنا كشعب ايه اهدافنا ونتفق على هوية واتجاه وطريق وبعدها نجيب واحد يكون سؤول عن قيادة طريقنا نحو الاهداف اللي احنا حددناها

لكن مش ييجي ناصر ياخدنا شرقا وتصنيعا-مع موافقتي على ذلك-وبعدين ييجي السادات يسحبنا غربا وتهليبا ثم مبارك وسطا وتسكينا وتخسيرا!! وبعد كده ممكن واحد مثلا متأثر باليابان يسحبنا لشراكة مع آسيا!! وبعدين واحد مثلا بيحب الزراعة وشايف ان النهضة فيها يقوم يحرق مصانع البلد وكليات اي حاجة غير الزراعة

مش بقول ان اللي احنا فيه كويس.. بس بقول ان الحل الوحيد في اتفاقنا كشعب على كلمة سواء ومصير يجمع غالبيتنا!!! انما الواقع حضرتك عارفاه كويس.. يعني لو مبارك جه قال هطبق الشريعة علي الطريقة الوهابية.. ايه هيحصل؟؟ الاخوان وانصارهم هيعتبروه بطل وزعيم عظيم وتاريخي ويحاولوا ينصبوه خليفة للمسلمين!!! وهينسوا كل دوشتهم الكدابة عن الديمقراطية والبنتنجان!!! طيب لو مبارك اعلن ناصريته ولغى كامب دافيد وهاجم أمريكا وطرد سفير اسرائيل..ايه هيحصل؟.. حضرتك اكيد متخيلة معايا جميع القوميين والناصريين والكثير من اليساريين والإسلاميين حتى هيهتفوا للصبح في الشوارع وصور مبارك هتغلى وتتباع في السوق السوده!!! حد منهم هيفتكر الديمقراطية اللي بيحلفوا انهم عايزينها؟؟!!

المشكلة مش في سياسات الزعيم المشكلة في مصدر السياسات وشرعيتها مش كفاية انه يتصادف مرة ان السياسات دي توافق رغبة وارادة الشعب المصري (زي ما حصل مع ناصر مثلا) لانها في 100 مرة تانية هتخالف الارادة الشعبية دي والنتيجة الوحيدة دايما يا أميرة الأميرات هي مزيد من تأخر الشعب وتعطيل تقدمه ونضجه ووعيه السياسي ومزيد من الغزو الوهابي والظلامية

أنا آسف جدا لو رأيي بأي شكل ضايقك

تحياتي واحترامي

MAKSOFA said...

حمدا الله علي السلامه يأحلي أوسا ، وبعدين أيه يابنتي الكلام الكبير ده

Desert cat said...

فينك من زمان
طمنينى عنك

Alexandrian far away said...

العزيزة الأميرة أوسا
تحياتي
تسمحي لي بسؤال؟
ليه؟
ليه لازم يكون فيه قائد بطل أسطوري فخيم رهيب هو الي يصحي الشعب ويقوده؟
مع شديد أحترامي لعمنا نيتشه
فأنا لا أؤمن بفكرة البطل
أو لا أؤمن بها بعمق على الإطلاق
لماذا البحث عن ذلك المهدي المنتظر أو المستبد العادل؟
الشعب هو من يصنع الأبطال وليس العكس
أحمس لم يكن عظيما إلا لأن الشعب الذي دفعه للصفوف الأولى كان عظيما
وحور محب لم يكن ليساوي بصله لولا عظمة وقوة الشعب الرائع الذي وضعه أمامه

هل تسمحين لي بمثال أخر؟
طوال غيبوبة مصر تحت الحكم العثماني لم ينتج هذا الشعب أي شخص له قيمة تذكر
لكن بعد الإفاقة التي سببتها صدمة الحملة الفرنسية
كان هذا الشعب قادر في سنوات قليلة على أن يضع على رأسه قائد بعبقرية محمد علي، ويتبع عبقري كأبراهيم ياشا ليقهر الإمبراطورية العثمانية
المشكلة هي أن شعب في غيبوبة لن ينتج شيئا ولن ينتبه لأي عبقرية قد تظهر بين صفوفه
بالمختصر
الأول يصحى الشعب وبعد كده مش مهم حيعين مين قائد

تحياتي

Esmat said...

أوسا العزيزة
كده الغيبة طولت بقى لك 16 يوم
لم تظهرى يا جميل
يا رب تكونى بخير يا رب
بس يا جميل طمنينا عليكى
لو سمحتى
أى تعليق صغنون طمنى جموع القلقانين
ولكى تحياتى يا عسل

ملك الكبدة said...

جميل
يكون اجمل لو عملتي بلوج مخصوص لتاريخ مصر
انا شخصيا مستعد اشاركك فيه
او نعمل بلوج مشترك و نعرض الفكرة على مجموعة من زملاؤنا المدونين و كل واحد يكون مسئول عن فترة تاريخية معينة
انا شخصيا ممكن اغطي التاريخ قبل الفرعوني و الفترة الى الاسرة السادسة بتفاصيل دقيقة جدا
يا ريت الرد
و لو موافقة نبدا فورا
او حتى اجيبلك انا المادة العلمية ابعتهالك عالميل و تنشريها ولا رايك ايه

osama said...

وا احمساااااااه
وا احمساااااااه

ههههههههههههه
المفروض نصرخ بكده ، مصر تحتاج الى اعادة هكيلة للوعي وقبل الوعي رفع المستوى المعيشي .. يعني ضخ مشاعريع عملاقة منزوعة النهب والرشاوي تؤدي على المدى المنظور اشعار الناس ببريق امل وتدفق اموال جديدة مما يجعل النفوس تتحرك ...
فمن لا يجد قوت يومه أنى له ان يتحرك....

موضوعك جميل وربطك بين الماضي والحاضر ذو دلالة..
خالص تحياتي

ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

cat_eyes(همس الليل) said...

كل سنه وانتى طيبه

cat_eyes(همس الليل) said...

على فكره يا اوسا متزعليش منى
انا اعتزرتلك فى بوست كتبته عندى عنك
وبعتزر تانى هنا ان كنت اتكلمت بحده

انا مبحبش اخسر حد بحبه
كل سنه وانتى طيبه

Soooo said...

خبر ايه يا اوسه

ياجدعان الله يكرمكم اللي يعرف عنها حاجه يطمننا

ربنا يرجعك بالسلامه يارب




سلامووووووووووووز

darsh said...

المشكله فينا كشعوب شرقية ان كل ما نحمله من ثقافات هي ما أطلق عليه ثقافة الحكايات والحواديت أو الثقافة السلبية .. نحن لا نحمل أي نوع من الثقافات الإيجابية إطلاقا

طول عمرنا بنتربي على البطل اللي هاييجي يحرر الدنيا .. طب واحنا نعمل ايه ؟؟

نستني لما البطل ييجي

من أول حدوتة الشاطر حسن لحد عرابي وسعد زغلول ومصطفى كامل والعالم بتوع الثورات دول كلهم
لو تلاحظي في أي ثورة قامت في مصر انها دايما بتبدأ من شخص واحد بس من أول مينا لحد دلوقتي

نادر جدا لما تلاقي ثورات نابعه من الشعب

طول عمرنا بنستني البطل وما بيجيش وبرضه بنستناه واحنا ما بنعملش حاجه

"إن الله لا يغير ما بقوم حتى يغيروا ما بأنفسهم "
صدق الله العظيم

مفلس افندى الرايق said...

ازيك يا ايتها الاميره اوسا

Dr-Online said...

عارف انا الحصص الرخمة دي ولا عمري كنت بحبها ابدا

Soooo said...

يا اوسه
انتي فين يابنتي
قلقان عليكي والله العظيم


ياناس لو حد فيكم عرف هي مش باينه ليه يقولنا
لو عندها اي ظروف نساعدها
مش كده يعني بجد والله

raspoutine said...

اهو كله برتقال

تحياتى

كباريه said...

سلامتك يأوسا طمنينا عليكي

كباريه said...

أنصح كل مواطن مصري يبقي ياخد معاه ملايه في ايده وهو خارج علشان ماحدش ضامن حايحصل أيه في الشارع

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول


أفضل  ألف  مدونة