عزيزتى المستمعه عزيزى المشاهد هل أنت مريض بداء الكوكعه
أولآ مكوكع جيه من القوقعه وهى الحبس الفردى لمدة تزيد عن خماشر يوم مع التجديد داخل الكوكعه الأفتراضيه اللى هى عالم البلوجررررريه أرجو الأهتمام بالموضوع ده عشان مكلفنى دم قلبى يعنى تلات فناجين بن وأربع سجاير فرت المهم أنا عملت بحث على مجموعه عشوائيه من البلوجريه من مختلف أنحاء العالم وأشترك معايا ناس حبايبى كده ميتخيروش عنكم منهم على سبيل المساس لا الححصى الأخ العزيز صاحب الأبتسامه الهاديه سيجمان فرويد وجاب معاه منخل نمساوى عشان نحلل بيه الكركترات وألفيلسوف اللى ربنا يديله على أد نيته ديكارت اللى ركب أول ميكروباز طالع من فرنسا لعماد الدين و حبيبنا داروين الله يهده بتاع الأنسان أصله مانكى وجايب فى أيده الواد مايكل جاكسوس يستشهد بسحنته بصراحه خليته يغنيلى أغنية زى أيرث وبعدين روحت طرداه بره المعمل وضرباه قفا على سهوه ، أيوه المعمل مهو أنا كيميائيه أساسآ حتى أسألوا شهرزاد / وسوسه المفروسه المهم
توصلنا للأتى
هل أول ماتصحى من النوم بطير على الكمبيوتر عشان تشوف فى أيه
أول مابتروح شغلك بتفتح بلوجك وبوقك وتديها فى الخباسه تدويــنــتــش
هل أهملت حياتك الأجتماعيه بعد معرفتك بعالم التدوينتش
عند مقابلتك للبنت بتاعتك أو الواد بتاعك بتكلى ودنه كلام عن التدوينتش
وأنت بعيد فى المصيف كنت بتفكر فى البلوج بتاعك وبتقول ياريتنى قعدت فى البيت
وأنت نايم بتحلم بيا أقصد بالتدوين والمدونين
فاضح الدنيا عن موضوع التدوين لما الناس نفسها تولع فيك
بتقضى كل يوم أكتر من أربع ساعات رايح جى بين المدونات لما دوخت وفرفرت
نفسك كل صحابك يعملوا بلوجز وتقلبوها شاتس
بقالك أسبوع مختش شاور لما ريحتك فاحت والسكان أشتكوا
لو أجابتك نعم على خمس أسأله فأقل أطمن فى وقت تعيش
لو أجابتك نعم على ست أسئله فأزيد يبقا يؤسفنى أبلغك أنك عندك مررررض الكوكعه ومحتاج علاج سريع أو تدخل جراحى حاول تحدد يوم فى الأسبوع تمتنع فيه عن تعاطى أى أنترنت بالتدريج حاول تقلل عدد الساعات للمعدل الطبيعى وهو ساعتين الا ربع يوميآ
حاول تخرج بره وتقابل الناس و مع الوقت هاتبدأ تستمتع
ولما تكون مع حبايبك ياريت تحط بلاستر على بوقك مش ناقصه نفخ
لو مفيش تحسن فى حالتك أرجو التوجه لعيادة الدكتوره أوسه
العنوان القصر العينى الدور التاسع عنبر الكحه
فيما عدا الخميس والجمعه عندى غسيل وتنفيض
العواف
116 comments:
اوسه ايه الموضوع السكر ده
انا بقالى يعنى بالكتير كده اسبوع الا يومين فى التدوين وبعيد عنك يا حبيبتشى ظهرى حاسه ان هيجيله كلو
المهم انا هعد ساعتين الا ربع زى ما قولتى
بس يعنى لو مقدرتش انا حجزه عندك معاد فى العياده بتاعته الكحه دى يعنى هو الواحد ناقص كوكعه
Sara
المهم أنك تمارسى بعض التمارين بعد متخلصى قاعده على الكمبيوتر
تمارين التسخين العاديه ولو أستمر الوضع ده تعالى عندى والكشف مجانآ
والعلاج هديه كمان بس هاتيللى
معاكى طبق ملوخيه
أأأأموه
هارد عليكى بموقف عملى من الواكع .. من اسبوع تقريبا انا وقعت من على الحصان ...و رجلى اتكسرت و محطوطه فى الاسمنت ..!! و حاليا و من ساعتها انا نايم فى السرير لمؤاخذه زى الست اللى لسه والده ...عايز اقولك ان انا دلوقت عباره عن حاجه على سرير و فى ايديها لاب توب ..!! وانتى لفتى نظرى دلوقت انى ممكن تكون عندى بوادر كوكعه ..من الدرجه الثانيه .. طبعا ساعات باعمل شوية شغل .. وساعات كتير باتخانق مع مراتى _حفظها الله _ و لكن بقدى و قت كبير قوى على البلوجرز ...
عايز اقولك حاجه - بجد و ارجو انك تصدقينى - اول بلوج بافتحه الصبح هو البلوجر بتاعك حتى قبل البلوجر بتاعى شخصيا ..لقد اصبحتى عزيزتى اوسه مثل الجريده الصباحيه ... لازم نشتريها و نبص فيها حتى لو مافيهاش جديد ...؟؟!!!
احييكى على مجهودك ...تشاو ..
اهلا بالحكيم باشى اوسة
:D
ايه يا امى...... الشر برة وبعيد
انا عارفة انى مصابة بامراض خبيثة نتيجة ادمانى الانترنت واللى استفحل فى كل خلايايا العايشة و الميتة بس يعنى احم.. مش ح سمى المرض كوكعة ولا ح روح عنبر الحكة يعنى
ما تشوفيلنا اسم الطف من كدة
وانا اوكى ابدأ العلاج
والله يا اوسه دحكتيني.......بس اجابتي نعم علي كله ماعدا بتاع الشاور ده(مش باتقالط والله)بس اساسا اهلي بيزعقولي من كتر مابستحمي....بس تقريبا كده الاكت~اب اللي عندي ده من قلة خروجي علشان البتاع ده(علي راي الحمار بتاعنا)او علشان بدأت 3 ثانوي...انا متابعك بس مش باعلق
شاور ميرور
أول حاجه الف سلامه عليك
طيب ليه تركب الحمار
أنت باين عليك فارس
ثانيآ بتتخانق مع المودام ليه يا مفترى
كلمتين حلوين أبرك من كتاب خناقه
وبعدين أيه لاب توب ده
مسكن ده ولا علاج
وشكرآ على أنك بتزونى كل يوم دى حاجه تفرحنى والله أشكرك بجد
تشاو
لست أدرى بلووووووو
أسم المرض كان من أختراع داروين
أنا كنت عاوزه أسميه تدوينتش بس قولت بلاش مشاكل
المهم مستنياكى فى عنبر الكحه
المواعيد من واحده باليل الى أربعه صباحآ عشان الحر
صباحك أخضر والنعمه
عربى
مش بتعلق ليه مش عيب
بعدين من حقك تسيب رأيك
صلحتوا أروى ولا لسه
مافيش شوية جيل بقا
من واحدة لاربعة يا اوسة؟
مافيش متأخر عن كدة؟
لست أدرى بلوو
طيب أعمل أيه
معندناش بنات تبات فى البيت
بابا من ساعة متوفى وهو بقت أخلاقه صعبه أوى
وأوامره فزيعه
أمووووه
ههههههههه
اولا انا كدة كدة جايالك عنبر الكحة
مش عشان التدوينتش
لا عشان انا باكح ..عندي برد
ههههه
بس اعتقد ان الحالة متأخرة
احجزي لي سرير عندك في العنبر
ههههه
سلام يا اوسة
بت يا أوووسة يا أووووسة يا أوووووسة!!
والله كبرتي واحلويتي وبقيتي عروووسة
بسبوووسة بسبوووسة
أنا استجبت لدعوتك الكريمة جدا بزيارتك في بلوجك ويا محاسن الصدف!!! الموضوع جه على الجرح!!!!! أنا مكملتش أسبوع في التدوين وأصبحبت مدمنا للتدوين وللتوليع (فرع جديد من فروع التدوين) والظريف أن اسمي كمان اتغير بفضل الأخ عربي اللي سماني جرجس ولزقت فيا!!! أعمل إيه في الواد دا؟ أنا آه قبطي بس ما بحبش اسم جرجس... تحسيه تكليدي أوي... ياي... تحسيه كدة معمول مخصوص عشان التفركة العنسورية بين عونسوري الأمة... مالها الأسماء اللطيفة اللي تمشي مسيحي ومسلم زي خالد وبهاء وولاء وعلاء وشمس ونور وفتحية ... ليا واحد صحبي مسيحي اسمه صفوت هلال ... أنا نفسي المصريين كلهم تبقى أسماءهم كدة... متعرفيش واحد مسيحي من مسلم من اسمه ولا من بطاقته... المصيبة أن صفوت اسمه صفوت هلال جرجس برضه!!! هاهاهاهاها ... أنا بتكلم جد...
يلا مش موضوعنا ... على فكرة أنا دكتور (طبيب يعني) ومن ثم فأنا أحب أن أهنئك على بحثك الأكاديمي الفسيولوجس البيولوجي السيكولوجي الباثولوجي الخطير، واتباعك المنهج العلمي للتفكير والوصول إلى نتائج أكيدة عبر المرور من ثقب إبرة الشك الديكارتي، مع الوضع في الاعتبار جميع الاعتبارات النشوئية الارتقائية حتى وصلتي إلى النتيجة المعملية الاختبارية الواقعية المؤكدة مئة بالمئة وعليه تستحقي وسام الفانلة المخرومة المشبعة بريحة عرق واحد مدون ما استحماش من تلات أسابيع!! وهو أعلى وسام يمنحه "البتاع دا" في الجمهوملكية الجمالية المباركية (مصر سابقا) وعليه يا أخت أووووسة لما تموتي هنلفك في مدفع وجايز أوي السيد الرئيس الملك تامر هيثم جمال مبارك يحضر الجنازة بنفسه (ودا هيبقى من حظك التعس لأنه كل الشعب التدويني اللي بيحبك هيمنع من حضور الجنازة لأسباب أمنية) !!!!
آسف حدث خطأ طباعة...
لما تموتي هنلفك في علم الجمهوملكية وتجرك عربية مدفع... إيه نلفك في مدفع دي؟؟ صحيحي إنتي قذيفة أرض جو بس عيب ما يصحش نلفك في مدفع!!
بمناسبة قذيفة أرض الجو دي، هي الصورة دي صورتك بجد؟؟؟؟؟؟؟؟؟؟؟؟
أبيتاف
سلامتك ألف سلامه
أنا قولت أغير المود
وأكتب بحث من أبحاثى ألناس تستفيد
بس أنتى مردتيش
هل أنتى مصابه بالتكوكع ولا لأ
بس بصراحه
Reformer1976
أولآ أسم جرجس من الأسماء المصريه القبطيه وطبعآ أنت عارف أنه تاريخيآ
مرت مصر بالحضاره القبطيه
التى اثرت فى الشعب المصرى كغيرها من الحضارات
وأن كنت لا أعلم حتى الأن مالفرق بين
كلمة قبطى ومسيحى أو نصرانى
أما بالنسبه لعنصرى الأمه
فاعتقد أننا عنصر واحد
رغم تعدد العقائد الدينيه أو الفكريه
أما الدين فهو أمر شديد الخصوصيه
ولو راجعت كتابى المطروح فى أسواق الخضار
هتعرف أن من شروط تقدم الأمم
هو تماسك شعبها و وحدته تحت مظلة المواطنه والكتاب ده أنا نشرته سنة عشرين قبل الميلاد
المهم لابد من بناء الأجيال القادمه
على المحبه والعمل معآ من أجل مستقبل أفضل
المهم مرحب بيك فى عالم سمسم الأفتراضى
ملها صورتى وحشه
أوعا
لاعورك
بفرح واللهى لما لائى ناس بخفة الدم
و ف نفس الوأت
بالجديه
دى
مدونتك يا أوسه جميله
شبه
روحك
أنا
ساعات
كتير ببأه متكوكع
بعيد عنك
محدس
نت
بؤول يعنى
لو اتكوكعتى
تبئى تنورى
الموكع دهون
http://geocities.com/magdy_sarhan98
كل
المودًه
اوسة قلت لك قبل كده ربنا يهدك ولا هدكيش ... قلت لك منك للي كلت دراع جوزها ولا نفعش وما اتاكلتيش اعمل معاكي ايه انت عاملة زي الافيونة مزاجك عالي قوي وعلى فكرة انا ما ينفعش اتكوكع (يتمتي اللغة اما واباً ) لاني باضطر اروح الشغل لكن لما بابقى في البيت باتكوكع اخر كوكعه لا لي دعوة لا بالولية ولا بالعيال وكل همي على الكمبروسر وبس لانه وسيلة اتصال جامدة طحن بالدنيا من حوالينا روحي منك لله حسستيني بمرضى ( التكوكع ) وانا كنت مش واخد بالي روحي كمان عند كلابيظو الانفلونزا هارياها جتم ستين .... مليتوا البلد
الأميرة الجميلة أوسا.
لم يتبق لى إلا "الكوكعة" النت بديلا للكوكعة على ذاتى...
كالعادة متميزة فى اختيارك للفكرة وفى التعبير عنها بلغتك الساخرة الساحرة...
مودتى وشكرا على السؤال .. دمتى لى يا اميرتنا الجميله
اوساااااااااا
على يدى حكاية الكيميا دى...بيدى دى خلصت الطفايات على كواكع اوسا
تصدقى باللة؟ انا كنت فى حكاية الكوكعة دى اول تلات ايام
فى السابع اتفكيت من الكوكعة دى شوية
عالاربعين كدة كنت اتحررت
بقيت ادخل الانترنت اقضى ساعات معينة عليه لحد ما يكبس عليا ام النوم علشان اروح ام الشغل
بس بعد اية يا بنتى؟؟
امى وحلفت انى لازم البس نضارة لانى عميت من الشاشة
وابويا بقا اول ما يدخل البيت ميدورش على اى حاجة الا زفتة شهروزة عشان يجرنى من ادام الكمبيوتر ويقعدنى كدة ويقعد قال اية؟ عاوز يعرف اخبارى
وانا والديسك يا اؤختشى بعيد عنك وعن السامعين ..انشاللة حد مايشوف
بقا عامل زى رفارف العربية الدايو كدة لما تلبس فى قطر
والواد اخويا الصغير بقا يبوس ايدى انى اعتق الكمبيوتر علشانه واعمله افراج
والجيران بقوا يسالوا عليا هاجرت ولا طفشت ولا اية؟ محدش بيشوفنى ليه؟؟
يا بنتى انا حسيت انى هاجرت بجد
لقيتنى كدة حاتطور لحالة انطوائية على بلاهة على عمى واستجماتزم اخدتها من قصيرها واحترمت شخصيتى كدة ونظمت الاسرة..اقصد الوقت عليه
وحشتينى يا مضروبة اليومين اللى سافرت فيهم...خدى دى ..امووووووووة
والله يا د/ اوسه
أنا كنت كده الأول بس لما لاقيت الجمعيه - مش عامله جمعيه بتاعت الفلوس دى- وإشتركت فيها قلت عدد دخولى للنت بس بطول يعنى ممكن أقعد من 1 لحد الفجر
تفتكرى فى أمل ولا حموت بعد ستة شهور؟؟ أرجوك مافيش زيارات منزليه
فانتازيااااااااااااااااااااااااا
فانتازياااااااااااااااااااا
انتى شغالة جاسوسة ولا ايه اه نسيت اشكرك على مدونتك الظريفة دى ياريت تستمرى على اللون ده ومتتجنينش زى وتقلبى دراما زى معملت فى مدونتى ونرجع بقى للجاسوسة ولا ايه انا فعلا بروح الشغل اعمل للمدونة هوم بيج عشان كل عضو فى المكتبة يفتح يلاقى موقعى يقوم قايم من على الجهاز ويسيب المكتبة خالص اصل بعيد عنك يا ختى مدونة مجانين بس وبروح البيت قبل مقلع الجزمة بحط فيشة الكمبيوتر وامى تقولى يا بنى طب غير هدومك حتى هو الزفت ده مش هيطير يعنى وافضل قاااااااعد لحد 3 تالفجر واصحى سابعة الصبح ومبقاش شايف قدامى والعادى يعنى انى بخبط فى اول عمود نور يقابلنى وانا ماشى
لأميره أوسه الشقيه
موضوع جميل و فعلا لاحظت أن كتير من اللى أعرفهم مدونين حصلهم أدمان و بدأت تظهر عليهم أعراض الكوكعه اللى قلتى عليها .. عموما اتكلم عن نفسى بس و أجاوب على الأسئله .ماليش دعوه بغيرى .. دجعى الخلق للخالق
الأجابات كالتالى :
أول ما أصحى من النوم و لحد ما أروح الشغل ماباعبرش الكومبيوتر أساسا
فى شغلى الأول بافتح بردي المكتب .. و لطبيعة عملى فهو عمل خاص فى مجال الأستيراد و التصدير .ز بالتالى لو جربت أغطس فى الخباثه الدنيا هاتولع و يتخرب بيتى .. فطبعا مافيش حاجه فى الخباثه .ز بالأضافع لأن جزء كبير من عملى خارج مكتبى .. و لو فى مكتبى بيكون اجتماعات و اتصالات و تعليمات و حرقة الدم المعتاده .. بالتالى فى شغلى لا أتمتع أطلاقا برفاهيةالأستخدام الشخصى للكومبيوتر
ماعنديش حاليا بت بتاعتى .. و مع اصحابى طلبعا بنتكلم عن مدوناتنا و مواضيعنا ضمن مواضيع كتير عامه و خاصه
فى أجازتى ولا افتكرت أم الكومبيوتر من أساسه .. كنت عقبال أملتك باغطس
وانا نايم أحلامى مالهاش علاقه بالتدوين خااالص
الوقت المناسب للتدوين عندى هو قبل النوم .. و لأنى عادة باروح متأخر .. ففترة قرائة المدونات لا تتجاوز ساعتين فى اليوم .. طبعا لا يخلو الأمر من سهره عامره أما الكومبيوتر لما أكون زهقان و عندى أجازه تانى يوم .. أو فى دماغى موضوع مشعلل عاوز اكتبه عشان ارتاح نفسيا
أصحابى المقربين اقنعت أغلبهم بعمل مدونات و أحاول مع البعض الآخر .. لكن هناك أصحاب أتمنى ألا تكون لهم مدونات من أساسه .. غبائهم طاغى و آرائهم متطرفه .. و لو كتبوا هاضربهم بالصرمه لما اشوفهم
مجدى سرحان عبد البصير
عاوزاك تركز معايا وتقولى شفت أيه
يا أبنى أنت شاهد متخفش
المهم بقا الف مبروك
نتيجة التحليل
أثبتت أن مجدى سرحان
غير متكوكع
وصحته حديد
نمسك الصفيح
مجدى أنت من بنها
مزجانجى
بزمتك مش حرام كده
أنا عملا الموضوع ده عشانك
المودام أشتكت منك ومن قعدتك على الكمبروتر
مفكراك بتعمل شات مع بنت فى ثانوى
قولتلها عيب مزجانجى بيعمل شات مع بنت روسيه شقرا
قالتلى خلاص مش مهم
براءه
روسيا بعيده
بعدك على بالى
حمدلله على السلامه
والله العظيم وحشتينى
كده تغيبى عننا
الكوكعه وحشه من غيرك
وحشنى كلامك
ربنا يخليكى لينا
أأأأأأموه
شهروزه
كنتى غطسانه فين
روحتلك البلوج عشرتاشر مره
أيه بتصيفى
أشمعنى أنا مصيفتش
عشان مسكينه يعنى
أهىء أهىء
واضح أنك زهقتيهم فى البيت
وأخوكى بيستجير منك
والجيران هايعزلوا
وبعدين كل مابدخل على النت بتكونى موجوده وكل يوم بتهبدينا موضوع على الريق ينكد على أهلنا
بس سيبك انت رجعه حلوه كده ليه
كنتى مع مين
هههههههههههههه
أأأأأأموه
أأأأأموه
فانتزيا
أمممممممممممممممممم
من واحده للفجر
دى مده كبيره برضه
أفتحى بوقك كده وقولى أأأأأه
لا لازم تجيلى المشتفشى
عشان أشيلك اللوز
بس أحتمال تعيش وتتجوزى السنه الجايه
================
كازنوفا
كل يوم تخبط عمود نور
ولحد تلاته الصبح
أنصحك تشرب بانجو على الريق
وتحبس بسيجاره كليوبترا
أو سوبر بس بلاش أى نوع تانى مضمنش النتيجه
فارس قديم
فين زمايلك أبعتهم أهو أكل عيش
وبالمره أعالجهم
وبعدين ياعم مانا عارفه أنك عندك شركه وبعد شغلك بتقابل صحابك فى وسط البلد تقعدوا على القهوه وكلوا على النوته
بزمتك مش بتروح عند اليونانى
عيب أنا عندى أخبارك كلها
وأقولك كمان بتقعد مع مين
وتعرف مين دلوقت
ولا بلاش فضايح
ورايح تعمل دايفينج
ومع مين
ربنا أمر بالستر
انا جاوبت و نتيجة التحاليل طلعت زفت
قالولي انت مش متكوكعة بس انتي معششة في جحر نملة دكر معتزل
طيب اية العمل يا اخوانا حد يبخرنا و لا نولع في المدونة و لا نعمل اية؟
---
اوسا احنا عايزين نتفسح في موقع شكس كده نقاوة و اهو نشوف العار
الاقيش عندك موقع يكسر الكوكعة الفقر دي؟
قبلاتشي
حاضر اقولك انا
الجوبة كالاتي
- ايوة اول ما اصحي افتح عيني كدة وطيران ع الكمبيوتر
-ايوة ..البيت عندي حيموتوني بسبب قعدتي ع الكمبيوتر و البلوج ليل نهار
- لا عندي لا بت ولا واد عشان اهري ودنه
-وانا في المصيف كنت فعلا بافكر في المدونة
-مش فاضحة الدنيا بالتدوين لا
-اه باقضي وقت ع المدونات كويل الي حد ما طالما مش ورايا حاجة تانية
-اصحابي؟ لا ماظنش
-ههههههه لا الشاور عادي طبعا باخدو..ماوصلتش للدرجة دي ههههههه
ايه الاخبار يا دكتور؟؟ انا الكحة قاطعة نفسي
:))))
بصي بقى يا ستي كلمة قبطي هي كلمة مصرية قديمة تعني مصري... هي نفس الكلمة المشتقة منها كلمة إيجبت اللي هيا مصر في كل الدنيا مت عدا العربي... كلمة مسيحي هي إشارة لمن يتبعون المسيح وقد أطلقت الكلمة أولا على أتباع المسيح من قبل الوثنيين كنوع من التريقة على المؤمنين بالمسيح في مدينة في آسيا الصغى اسمها أنطاكية، والمسيحيين من خيبتهم فضلوا مسميين أنفسهم بالاسم دا ونسيوا أنه أصلا أطلق عليهم سخرية من إيمانهم بالمسيح، كلمة نصراني هي كلمة عربية بحتة وردت في القرآن لوصف المؤمنين بالمسيح، وأصل الكلمة أن يسوع المسيح من مواليد بلدة الناصرة في فلسطين ومن ثم فقد كان يسمى "يسوع الناصري" وإن كان هو ناصريا فقد تم تحوير الكلمة مع الزمن ومع وصولها إلى بلاد العرب (زمن كتابة القرآن) لتصير كلمة نصراني هي المرادف العربي القرآني لكلمة مسيحي ...
إذن ما يصحش أن تكون كلمة قبطي مرادفا لكلمة مسيحي... فجميع المصريين - من الناحية العرقية والأنثروبولجية - هم أقباط بما فيهم مسلمو مصر. أما استخدام كلمة نصراني فهو لا يأتي إلا على لسان الأصوليين والسلفيين الإسلاميين الذين يريدون أن يطبقوا على المسيحيين ما كان يطبق على أهل الذمة في القديم.... وأما مصطلح "المسيحيين" نفسه فلو راجع المؤمنون بالمسيح أنفسهم لتوقفوا عن استخدامه إذ سيدركون أنه مصطلح دخيل أطلقه عليهم الوثنيون لوصمهم باتباع المسيح وعزلهم عن المجتمع وكأنهم جيتو منفصل عن صميم المجتمع... وهو ما ظل واقعا في معظم الأمم التي كان بها أقلية من أتباع المسيح والمؤمنين به فقد تحولوا إلى جماعة أقلية منعزلة مختلفة منفصلة غير متفاعلة ولا مؤثرة في المجتمع .... وهو ما ساعد على تكريس فكرة عنصري الأمة... فمن الناحية العرقية والأنثروبولجية الأمة عنصر بشري واحد (هو الأقباط مسلمين ومسيحيين)... والمصريون ليسوا عربا... ولكن بسبب تكريس منهجية الاعتزال (اللي فرض على المؤمنين بالمسيح من أيام القهر الوثني الروماني واستمراره على يد القهر العربي) أصبح هناك هذين العنصرين وأصبحت هناك هذه الفجوة بين أصحاب الديانتين...
أنا آسف إني خرجت برة موضوع التكوكع بس وماله ماهو أدينا طلعنا بنظريةو جديدة نتقول أن الإنسان المصري بيحاول دايما يهرب لأي شيء يتكوكع داخله ويحتمي به من شر الأيام السودا والأغلبية بتجد هذا الملاذ (الزائف) في كوكعة التدين!!
نسيت اقولك على موضوع الصورة... الصورة حلوة أويييييييي ودا اللي خلاني أسأل هي دي صورتك ولا حاطة صورة واحدة من نجمات الإعلانات؟
أما إذا كانت صورتك فممكن أسألك سؤال....
حدرِِتِك مورتابتشا؟
اوسة
انا خت الطيارة ونزلت رحت القصر العينى وطلعونى السلالم للدور التاسع علشان الاسانسير للبوهوات بس مش للمرضى وفى عنبر الكحة سالت عليكى قالوا اقف فى اخر الصف دورت على اخر الصف لاقية عند سبعين قصر النيل وقفت البت ابيتاف هناك علشان تحجزلى ارضية معاها ورجعت بالطيارة على هنا علشان أأكل القطط ـ واكتب الكلمتين دول وحرجع اقف فى الطابور مع البنية الغلبانة ابيتاف سلام ياوسة اشوفك فى العيادة لما يجى عليا الدور بعد ميت سنة
بصي هو انا في البدايه كان الموضوع داخل علي تكوكع صريح يعني
بس لحقت نفسي والحمد لله
الا صحيح هو انتي متكوكعه ؟
كلبوزه
بعد الشر عليكى
وبعدين مواقع السيكش مش هاتظهر عندك
أنتى فى الشعوديه
على العموم
أكتبى فى محرك البحث جوجل
xxx
XLX
أو أدينى الأميل وأنا أبعتلك مواقع
مع أنى بحب الأفلام عشان أتثقف
و بتفيدنى فى أبحاثى
العلم نوووووور
أبيتاف
أنا مضطره أبلغك الحقيقه
أنتى متكوكعه وحالتك متأخره
حتى علاجك مش عندى
محتاجه تسافرى بره
تتعالجى على نفقة البلووجريه
وبالمره تعملى شوبينج
وتشتريلى حاجه حلوه
نفسى فى الكنافه
الحمد لله انا سليم
احمدك يارب
خير خير
أهو برضه الواحد فلح في حاجه
قطع النت وسنينه
دي بهدله يا شيخه
اعوز بالله
عموما انت ي قلت
العياده فين
علي سبيل الأستعباط والتناحه
هوا مش الكشف ببلاش برضه
وربنا يكتر من امثالك يا اختي يا اوسه
وربنا يبعد عنك ولاد الحرام
ويجعله عامر
والسلام
عزيزتي البرنسيسة :
أنا متكوكع ..و"أكر" وأعترف بذلك!
ايه يا جرجس انت عاوز تحصل حنفي ولا ايه...وبعدين انا حاجزها من ابلك...علشان كده ماردتش عليك.....اصل انا محرج عليها تشكلم حد خالص...كده نخسر بعضش
الى تميرتنا العزيزة اوسااااااا
انا عندى حالة مرضة شديدة
انا بشعر بانى غريب وانا فى وسط اهلى واصحابى
ممكن تقولى اية العلاج
ايه يا اوسا... اية الاشاعة اللي انا سمعتها دي... و حكاية امن الدولة و كلام من ده؟
اوعي تكوني اعترفتي علينا يا اوسا
علي فكرة انا حاسس ان ابيتاف هي اللي بلغت عليكي يا اوسا
ع العموم انا هتلاقيني في القصر العيني عنبر الهرش في الدور التمنتاشر من 4 الفجر ل6 الصبح
سلام يا اوسا
أوسه
ممكن أؤوللك حاجه عن الكوكعه
لمؤخذه يعنى لمؤخذه
يعنى لما نسيب أم الأهاوى
اللى
هرينا كراسيها
وخلينا كيمان فحمها
تراب
وهرينا
واتهرينا
نفس
الإبآء
والنهارده
يبأه لمؤخذه شبه امبارح
وامبارح
يبأه شبه أم اللى أبله
لما نسيب ده
وندور
فى براح الدنيا
على أصوات
شوفان
أرواح
تانيه
فتوسع الدنيا
تبأه دى كوكعه
لمؤخذه يعنى
بيتهيألى
إن أعدة الأهوه
المتعاده
هيه اللى بأت كوكعه
البراح حلو
وربنا ياأوسه
أنا كنت
اتكوكعت فعلا
بس ع الأهوه
مش هنا
ولا جايز الأهوه اللى بأعد عليها
هيه
اللى نكده
هنا
فرحت بوجودك
وبوجود
مدونين كتير حلوين أوى
بعدين
حكاية الإفتراضى اللى بعض الأفشخانات طالعينلى فيها
عامله شبه حكاية
الأفشخانات
اللى أول ما شافت العربيات
ماشيه ع الأرض
تفو عليها
وآلو
رجس
من عمل الشيطان
لما تتكوكعى يا أوسه ادخلى
الموكع يا بنتى الله يخليك
بلاش حكاية
الدلء
دى
بؤول ده
عشان تبطلى تسألينى
جتك نيله
وانتى
بنت تفرًحى
دى لمؤخذه مش
معاكسه
منا بشوف
يعنى
هتتهرى معاكسات أكتر من كده إيه
ربنا يخليلك حبايبك يا أوسه يا جميله
كل الموده
احه
انا جاوبت عليهم كلهم بنعم
يبقي ايه ؟
هعيش ؟
لا كده مش حلو .. انا تقريبا بقي عندي الادمان وعارف لكن الوصفات اللي انتي قولتي عليها دي صعبة
اقولك احسن حاجة انك تبلغي حراس سجن ازكابان يمنعوني
بس انا عندي التعويدذة اللي تمنعهم .. طب بصي كلمي بن لادن يفرقعني
بس ممكن يتهموكي بانك ارهابية وانا ما يردنيش
ههههههههههه
احا
ما فيش فايدة
Reformer1976
تخيل أول مره أعرف المعلومات دى
بس كده الأخوه المسيحيين
نقول عليهم أيه
خاصة أنهم بيستخدموا نفس الكلمه
وكمان بيستخدموا كلمة أقباط
مع أن حسب كلامك أنها بتعنى المصريين
والنصارى غلط برضه
طيب أيه الكلمه الصح
عشان يبقا الكلام صح الصح
وشكرآ على الكلمتين الأيطالى
Questa E mia
Grazie
جدو العزيز جدآ
طيب أبعت مع التومرجى بتاعى أنك واقف بره
ده أنا هاخرب بيته
أنت اول الصف
لا طبعآ تدخل على طول
مفيش عريس بلاستيك بقا
تونه
أيوه أنا متكوكعه طول الوقت
عامله زى النحله من بلوج للتانى لما تهريت والله مش عارفه اعمل أيه
الظاهر أنا اللى طلعة مريضه
========================
سندباد
من بوقك لباب المأذون
طول عمرك حنين
===========================
قلم جاف
علاجك عندى
أركب أول قطر وتعالا
بلاش قطر أصله خطر
تعالى مشى أسلم
============================
جواد
بجد كلنا حسينا نفس الأحساس بتفاوت
بس ده فى مرحلة المراهقه
أعتقد أن عند الولاد الشعور بيكون أكتر
بس ده بسبب النت والمدونات ولا عمومآ
فى جميع الأحوال أحساس الغربه ده
بيضيع مع الوقت
مفيش أحسن من الأهل
كورتيكس
لا مش أبتاف دى شهرزاد اللى بلغت
تخيل راحت أمن الدوله بلغت عن نفسها وعننا وبسألها ليه تقوللى ملل
الف سلامه عليك من الهرش
أن شالله الملك شنديد
====================
عربى
عربى
أسفه عديتك
أنت قاعد أصلك على الأرض
أخبار أروى ألطويل أيه
وأخبار الجيل أيه
أدم المصرىىىىىىىىى
انت حالتك ميؤووووووس منها
لا بد من أستأصال البريسسور بتاعك
وأحتمال نضحلى بالمزر بوررد
اوسا حبيبتشى..
هى حصلت للفتنة ؟
فينا من كدة؟
انا مش محرجة عليكى متقوليش لحد انى انا اللى قريت واعترفت؟
سامحونى يا اخواننا...من اول قفا وقعت من طولى
مش حمل خرزانة من بتوع كليب اوساا اللى حطته عبرة ووعظ وتحذير
كنت مسافرة يا اؤختشى فى شغل
ولوحدى وربنا مش مع الجو
الجو سبته فى التلاجة عشان الحر بس
بوست لذييييييذ
وجميلة اوى يا مضروبة كمية التعليقات عندك...يبقا الكل متكوكع بجد
اموووووووووووووة على خدك اليمين
خديها كدة بعد الزحمة
شهرذاد
أنا محتاره فيكى
أنت مش مفتشة تامينات
يعنى بتعدى على الصيدليات
ومعاكى ضبطيه قضائيه وكده
ولا أنتى صحفيه بتغطى الحوادث
وبعدين معاش اللى يلمس قفاكى
قفاكى ده تراث
أبوس قفاكى
أأأأأأأأأأموه
ياماما
فيه عفريت تحت أهو
====================
شبح أحمر
أنت جى تخوف الناس
وتسخط مين
سخطوك قرد أحمر
عووووووووووووووووو
شوفتى البلوجات كلت عقلك و ما بقاش فاضل الا حاجات قليلة قوى
بس اقولك حاجة انتى اسلوبك جميل جدا و دماغك زى الفل بعد حتى اللى اتبقى من البلوجات بس باخاف جدا منك لانك بتحولى البلوج لشات شوية
و يجعله عامر
بسم الله الرحمن الرحيم
الأجابة طنطا
يعني ايه قاعد عالارض؟....الا ترضي بي بعلا لكي؟
أسلام
يا عم شات شات
مفيش قواعد
الملعب يسع الجميع وخلى قلبك كبير
يعمر بيتك
============================
أودى
عادى بقا
=======================
عربى
أقصد عديت على تعليقك ومختش بالى
غير بعد شويه
بعل لمين ليك
أنا أكبر منك
شكرآ يا جميل
أسترى عليا ألهى يستر على ولاياكى
يا شيخة باهزر معاكي...شايفاني ماسك في بنطلون ابويا وباشاور عليكي واقول عاوز من ده؟وبعدين انا اتعقدت الاول اللي عاوزه تتجوز تتريق علي منجي(بتحريض مني)وبعدين انت بتزليني يعني.....اعزريني مالقتهاش وهي طايرة...اصلي بدأت فيزيكس وماث تو....هاتشوفي البدع السنة دي
رغم انك بتهزري بس انا بابقي نفسي الزق في الكومبيوتر زي الجدع اللي في الصورة ده لكن وقتي في الشغل ساعات كتيرة بيبقي صعب انا مش بعرف ازاي الناس انتاجها غزير كده في البلوجز
فارس قديــم
خلاص سماح المره دى
بس أنت بتروح لليونانى ولا لأ
المهم سلملى على الجميله
عشتار
=============================
عربى
وأنا بهزر معاك
فين أروى الطويل
=======================
فانتوماس
أنتاج غزير معناها ناس فاضيه
وعندها تكوكع زيى كده
الأنشغال نعمه
واللى يكرها يعمى
يالهوي
استئصال البروسيسور
لا بقي كل ولحد ياخد باله من البروسيسور بتاعة
وانا عن نفسي هاجي واسيب البروسيسور في البيت
وايه ده كمان هنضحي بالمازر بورد .. ياخي احه
طب قولي الفازر بورد كنت هقول ماشي
لكن لحد كده ولا .. الا المازر .. اه
هو انا عندي كام مازر بورد
انا مش بقول كده عشان خايف علي نفسي ولا مؤخذه لا
انا بقول كده عشان مصر
هههههههههههههه
تحياتي
ادم المصري
اول دكتور احه
طيب مانا عارف انك بتهزري
شفت يا عم عربي الأميرة أوووسة دلقتك وقالتلك إلعب بعيد يا شاطر _ انا ماليش في الأطفال! - ولا يهمك يا بطل تعيش وتاخد غيرها !!
عزيزتي أوووسة
بعد رفضك الواضح والصريح للواد عربي
هل أفهم من دا إنك بتفكري فيها طوال الليل وقصار النهار؟ يادي النعيم اللي انت فيه يا قلبي! الأمير أوووووسة خلاص يا ولاد هتنجوزني
أنا آسف يا عربي إنت أخويا وعلى عيني وراسي بس فيه مثل يا صاحبي بيقول لك إيه....
قعدة الراجل بمليون ست !!!
بس إن جات الست (وخصوصا إذا كانت الست دي أوووسة) يغور مليون راجل!!!
طبعا هتقول لي دي ندالة... أقول لك مثل تاني بيقو إيه يا سيدي: عيش ندل تموت مع أوووسة!!
وردا على سؤال حبيبة القلب الغالية الأميرة أوووسة عن نقول إيه عن الإخوة المسيحيين ونسميهم إيه على وجه الدقة... أنا مقلتش إن كلمة مسيحيين كلمة عيب لا مؤاخذة، ولا كلمة نصارى إنها غلط... بس بالنسبة لكلمة نصارى دي تحديدا (وهي الكلمة الإسلامية الرسمية لوصف المسيحيين) وبالرغن إنها في حد ذاتها مافيهاش مشكلة ولا عيب بس استخدامها بشكل معين من قبل الإسلاميين يحسسك كدة إنهم بيتكلموا عن ناس من كواكب أخرى مش مواطنين عاديين زيك زيهم وكدة يعني... يعني كأن المصطلح أصبح زي أيقونة كمبيوتر تفتحيها تلاقي تحتها كم من تفرقة والتعصب والسخرية والاستهزاء والتقليل وهكذا)... المقصود يا ستي أن مصطلحاتك تدل على أفكارك وأيديولوجياتك... واستخدام مصطلح سلفي "نصاني ونصرانية" يعطيكي إيحاء وانطباع بأن "هؤلاء" ليسوا سوى "آخر" ديني وعرقي وقبلي، وليسوا مواطنين كاملي الأهلية في دولة يفترض بها أنها مدنية! أما دلالات الأسماء فهذا هو ما كنت أقصده في حديثي بالدرجة الأولى... فكم في مصر من مسلمين لا إسلام فيهم!! وكم من مسيحيين لا علاقة لهم بتبعية المسيح وباتبع تعاليمه! من ثم فحذف خانة الديانة مهم جدا (فقط لو بطلنا من الأساس نصنف الناس بحسب أديانهم)
إيه علاقة دا كله بالتكوكع؟؟؟؟
دعيني أسألك من تاني :
حضرتك مرتبطة؟
هاهاهاهاهاهاها
أدم
طول عمرك بتخاف على مصلحة مصر
بتفكرنى بمصطفى كامل الزعيم
مع أختلاف أنك معاك أتنين دكتوراه
وبكره تبقا مهندذ
أنت أمل مصر
عربى
أنت بتاخد ليه كل حاجه على أعصابك
غلط كده أنت داخل على ثانويه عامه
وبعدين أنا خطبتلك أروى الطويل
شوف مين جه بيعلق وراك
انتوا أزاى بتيجوا مع بعض كده
================
Reformer1976
بطل تسخين بقا
من حبك مبنامش الليل ياحنفى
على فكره كلمة نصارى دى ذكرت
عندنا فى القرآن
وهى كلمه مش وحشه ولا يقصد بها أسأه
المهم فى نية الأنسان
انا معاك فى الغاء خانة الديانه
فى البطاقات والجوازات
وأرجو أن نتحول يومآ الى شعب
لا تفرقه الأديان
فالعنصريه مظهر من مظاهر التخلف
وبعدين البلد محتاجه لشعب
مش لطوائف
يوه باروح اليونانى .. احنا اتقابلنا قبل كده ؟ عموما فرصه سعيده .. و ممكن الأسبوع الجاى تشوفينى أنا و عشتار فى اليونانى لو حبيتى .. بس قوليلى أنتى عرفتى منين ؟
يا بت يا أوسة اسكتي مش أنا ولعت الدنيا في مدونة البت سوسة!! يا نهار أزرق دا الدم هناك بقى للركب!! والموضوع داخل في كلام حساس في الدين والرجعية والتخلف... خشي الحقي انتي واصحابك... حاولوا ومعاكو البت شهروزة تهدوا الدنيا اللي ولعت...
ملحوظة: انضم الأخ المجاهد عبدالله مفتاح إلى حزب الانغلاق والتخلف والرجعية تحت إمرة السيدة الفاضلة أروى الطويل
شعللها شعللها ولعها ولعها
شعلللللل
ولعععععع
وراك وراك وراك
منين مطروح وراك
وما يقدر ع القوي إلا الشديد القوي
بس خلاص
جميل يا أوسه
كوكعة متكوكعة كويس
//
أحييك
فارس قديم
متعرفش أنى ليه عيونى فى كل القاهره و وسط البلد
خاصة التحرير
و
باب اللوق
دى أجمل مكان بحبه فى القاهره
عارف قهوة زهرة البستان اللى ورا البستان سنتر دى كانت مقرى
بس من وقت مبطلت رسم وشعر
وأبتديت أشيل حديد
مش بروح
تعرف السلامونى الشاعر
أهو ده أبن من ابناء زهرة البستان
العواف بقا
Reformer1976
منا عارفه
مش كنت بقولك بطل تسخين
لأنى شفت تعليقك هناك
وبداية الخناقه
قولت أمشى قبل الشرطه متوصل
بص المدونات زى الحياه
فيها اليمينى واليسارى والوسطى
والسلفى والأصولى
وعبده العبيط عادى يعنى
قدمنا مليون سنه
عشان ننسى التعصب ونفتكر أننا بشر
محمد العشرى
يكرمك ما يحرمك
معكش سيجاره
هو انتي ما تعرفيش..؟؟ الملك شنديد جاله البواسير يا اوسا
اوسة
انا ببعتلك دلوقت زباين اوعى تكسفينى وتطلسقى اكشفى بزمة وابعتيلى شيك بالعمولة ـ وانت مخصمانى لية؟
عيب على العريس اللى انا شايلة فى الفريزر لحد منزل اجازة ـ نسيتوة وانا مستعجل علشان اجيلك بالطيارة فى الدور التاسع فى عيادة الكحة
خلاص يا عم جرجس انت هاتزلني...هي اللي خسرتني...دانتا لو جيت المدرسة عندي ولا النادي هتلاقي المزز عليا زي الدبان...لابسين قط بس مش ماسكين في الحيطة زي ناس...ابقي خلي الحيطة تنفعك يا اوسا:)......وبعدين مالك انت ومال الدين الاسلامي...انت بقي اللي هاتعلمنا دينا يا كافر يا زنديق؟
اوسا:كده يا اوسي...طب كنتي رفضتيني وسكتي.....انا موافق بس هي ترضي...اصلك ماتعرفيش...الدين الاسلامي يحرم زواج المؤمنات بالكفار اللي زيي...احمدك يا رب...والله في الايام الاخيرة ديه وبالذات بعد ما عرفت انك بقيتي خاطبة حسيت ان فيه نعم كتير وخفايا كتير في الدين مابنحسش بيها غير مانحتجلها...طيب لو اتجوزن والواد قال عاوز بلاي ستيشن(زي بتاع عمو منجي:))هاتدبحهولي ولا ايه اللي هايحصل:)
76 كومنت
في تلات ايام
يا دماغك
ملحوظة: حاسس بإن الصورة وراها واحد بفنلة حمالات قاعد قصاد الكمبيوتر و بقة السيجارة و بيقنع الناس إنه واحدة عشان الجانب الأنثوي للشخصية البشرية قادر إنه يكسر حواجز كتير
معلش لو كنت واحدة بس الصراحة حلوة
أكرر نقِّي على الكومنتات
تحياتي
Blacklander
المشكله أن كل المواضيع بتنتهى بمناظره دينيه
كأننا خلاص فالحين فى كل حاجه
شعار المرحله اللى جايه
قرش حشيش لكل مواطن
قطرة كودافين تنقذ حياة مواطن
===================
كورتيكس يتحدى رامبو
بجد والله بواسير
كمان كلبوزه بتقول
جاله تبول لا أرادى
حلو ده
ولا مرض
جدو العزيز
الشيك فى الطريق
ياريت العريس يكون يكون واد حليوه
كده وطويل وعريض زى الحيطه
متحرمش منك
=============================
عربى
أروى الطويل أنسانه حساسه وبتحبك
حاول تقرب منها
وتقولها فى ودنها بخخخخخخخخخ
====================
وش مكرمش
ورا الصوره بنت غلبانه
يعنى لو كل واحد ساب جنيه مع الكمنت
كان من حقك تقر
وساعتها كنت فتحت تلت بلوجات
ولميت فلوس بقا
وأشتريت سيبر
اوسة
بجد وبدون ذرة من الهزار مش لاقى كلام اكتبة اعبر بية ليكى عن مدى احترامى وتقديرى لشخصك الحقيقى المتخفى تحت شخصية اوسة المرحة بعد الرد على جرجس فى مدونتة بعد ما علمتية ازاى يعمل لينك والرد اهو
بقولك أيه أنت عامل بوست على المناظره دي
أنا عاوزه أقولك أن الأديان تسامح ومحبه
وبطريقتك دى هاتوسع أى خلاف
الأفضل تكون مثال كويس فى حياتك العمليه وده أفضل من الكلام
كلنا مصريين وعايشين فى الحلوه والمره مع بعض وده مش مجرد كلام
أنا عمرى ماحاولت أكفر حد
على رأى الغريب فى أحدى تعليقاته
الدنيا تتسع الجميع
جدو العزيز
الفتنه تبدأ من مستصغر الشرر
و التشدق بالدين طوال الوقت أسرع الطرق للتخلف والرجعيه
لأن الدين هو أسلوب عباده وحياه
و روح الأديان هى المحبه و حب الغير فى الله
ما من دين يدعو للتنافر والكراهيه
بل هذا الفكر هو صناعه بشريه
والأديان بريئه من ذلك
نورتنا
يثعني انتي ولا ترحمي ولا تسيبي رحمة ربنا تنزل...ما قلتلك من رحمة ربنا علي عباده انه منع جواز الكفار اللي زيي من اهل الايمان اللي زيها...اغير ديني الحالي يعني مخصوص علشان اتجوزها؟علي فكرة احنا عمالين نجيب في سيرتها انا وجرجس اكمنها مابتردش يعني...شكلها كده مشغولة....زمانها بقالها اسبوع مابطلتش كح
علي فكرة مش عارف ليه كل مادخل البلوج بتاعك بلاقي بوكس رخم كده يطلعلي يقولي مش عارف ايه...ولو ماعملتش ايقاف النص البرمجي كل حاجة تقف(في موزيلا بس)....وعالعموم بلاش نتكلم في موضوع جوازي علي اروي احسن تيجي تقولي انت شوهت سمعتي واتدبس بجد:)
العواف يا اختشي
عربى
متجيش عن طريق شارع الهرم
خد الدائرى وأنت جى
وأنت مش هايظهر لك حاجه
العوافى
الف سلامه يا اختي اجبلك بتقان و اجيلك بس الكوكعه دي مش هي انك تحكي رجليكي جنب راسك و تفكري خير و ماهو اللي بيشغل داغو الليومين دول بيعيا
eih el blog eli zay el 3assal dee
lol ana awel mara ad7'ol 3andek bass it's gr8 esp the post beta3 el malek shandeed
wala el blog el wahmi beta3 3arousa (i wanna be a bride) fazee3a i wanted to post her a comment bass heya el blog 3andha only accepts comments 4rom blogers
i ve been thinking 4 some time of having my own blog law 7assal i promise ini awel post haykoun ehda2 7'ass leeki ana ha3tebrik molhema ya ossa ya o7'tee
lol keep up the gr8 blog wel aham keep up that amazing spirit
أم العيال
what r u saying ?
فعلآ عندك حق
==========================
دودى
أشكرك يا حبيبتشى
على تعليقك وتشجيعك ليه وللزميله العزيزه
wanna b a bride
ياريت تتشجعى وتعملى البلوج بتاعك
بجد هاتنورى المجتمع التدوينى
وفرصه أتعرف بيكى أكتر
ميرسى أأأأأموه
طبعا عارف زهرة البستان .. بس أيام جيلى كنا بنسميها قهوة المتأتيلين .. يعنى اللى مايعرفوش يدخلوا أتيليه القاهره .. يقعدوا فيها .. و كن الحقيقه ايامها باقعد فى ريش .. أيام ماكانت كويسه ..
ماعرفش السلامونى .. ماتنسيش أنى من جيل أكبر من جيلكم بحوالى 20 سنه
و بالمناسبه اليونانى مؤخرا بقى مش لطيف قوى .ز الجريون أو استوريل أجمل بكتير ..
عموما يشرفنى نتعرف بيكى و بالسلامونى .. تعرفى مكتبة سندباد ؟
الحقيني مش انا طلعت 6 من اللي انتي قلتيهم ما عدا الحموم و الريحه مش علشان الجران لا علشان ابو العيال هو في حد اليومين لاقي ليطفش الراجل ده مره قالي انو خايف يرجع يلاقي العيال و امهم منكوشين و راسهم بطلع دخان و بيلفو ورا بيض( اصلو بتفرج على افلام كارتون كتير )
احجزيلي عندك والنبي للحاله تتطور و قوليلي هي لو اتطورت حتبقى ايه بعد التكوكع
اوسة
يا اوووووسة
انت يا بنتي
انت اغمن عليكي و لا اية؟
تسعين كومنت بالصلاة علي النبي
عيني عليكي باردة ايس
مشغولة في اية اليومين دول فين الجديد
واضح ان عربية الكشري هادة حيلك
يلا اهو كله سبيج
قبلاتشي
يخرب بيت عقلك يا بنت الإيه
دمك زى العسل ,,حبتى االطعامه دى منين ؟
ألأول مره ازور البلوج ده و دى اكيد مش آخر مره
سلاماتى
جود باى يا أُوختى
What about you (your answers for these questions)?
عيني باردة عليكي يا بت يا اوسه(زي مانا مسميكي عندي)93 تعليق؟!...مشاء الله..يا لهوي.....دانا نصك في عدد الزوار بس عمري ماجبت ربع العدد ده في التعليقات....باقولك....ماشفتنيش جرجس؟...اصله متحدي من قبل واحد يخشوا لبعض قافية
الآخر
معلش عديتك
نكسر الكلاكيع أحنا عافين نكسر كلكوعه واحده أحنا كلنا كلاكيع
فارس قديم
ريش أيام ماكانت كويسه
وأستوريل والجريون
يا عم أنت باشا أنا واحده من حرافيش نجيب محفوظ أحيانآ بقعد عاى أى رصيف فى وسط البلد
وبعدين أنا مش أصغر منك بعشرين سنه
أنا من جيل شهروزه وكلبوزه
بس ضاربنى السلك
مكتبة سندباد دى فين
أنا عاوزه عنوان صاحبك صاحب المكتبه اللى كان قاعد معاك أنت وعشتار يوم ما البنوته عيطت فاكر
بص ياعمى أنا بقعد على اليونانى من خماشر سنه بس اليوم مشغوله فى كتابة قصة حياتى
أم العيال العسوله
أنصحك تحاولى تقنعى جوزك يعمل مدونه أو يشارك ويسيبه من أفلام الكارتون
بعدين يتفرج على توم وجيرى
ويدور الجرى وراكى
حاولى تطفى الكمبيوتر يوم فى الأسبوع
بعدين الراجل يولع فى الكمبيوتر
ماشى أقترح ألاجازه دى تكون يوم الخميس
فاهمه يووووم الخميس
كلبوزه
أهو بجرى على أكل عيشى
العيشه صعبه نار
وفرصه أكون نفسى
شوفتى أغنية الواد قلبه بيوجعه
مش شوفت البنت الموديل السمره اللى بترقص فى الكليب من يومين فى مول
أيه يا يأوختشى ده حلوووه بشكل
والناس أتلمت بقا
وأنا طيرت عليها ختها أربع بوسات صد رد
أسلام يوسف
أسمك حلووووو
أسلام وكمان يوسف
ماشاءلله
شكرآ على ذوقك
==========================
Mohamed Meshref
بالنسبه ليه أنا متكوكعه جامد
وشكلى هاتجنن
===========================
عربى
بطل حقد بقا
جرجس أنا شيفاه ناس نازلين فيه ضرب
و هو مافيش فايده نازل كلام برضه
تقريبآ هو فى القصر العينى فى قسم العاهات
شوفي
انتي و سوسه بتفكوا حالة الإكتئاب اللي عندي
لما كده اعوز أظبط المزاج
و آخد سيجاره حلوه و أقرا حاجه تخليني أروق
أدور على الأميره " أوسه" حبي أنا
أو أروح أضحك على فرسة سوسه
طب بذمتك التدوين من غيركم يبقى عامل إزاي
موه موه
بوسه من هنا و من هنا ... أنا جايه أتكوكع عندك شويه أحسن يا ختشي اليومين اللي فاتوا كنت مش مظبوطه
أيوه قعديني جنبك هنا
أشرب إيه؟
يختي قومي إعملي لنا حاجه ناكلها
الغريب القريب
سلامتك من الكوكعه
وبعدين مش انت اللى عرفتنى طريق المدونات
بصراحه أنا اللى محتاجه أتعالج
تبقا أدينى الووووووووو
===================================
فريده حبيبة قلبى
أنت تشرفينى فى أى وقت
لسه كنت عندك بشوف أيه جديدك
عندى مونبار ولــحمـة راس
ولا أطلع رنجه مع فحل بصل
هى دى الأكلات اللى ترم العضم
أأأأأأموه
أقول لك كلام في سرك؟
معروف أن أي واحد مسيحي يتكلم في أي قضية إسلامية (مهما كان رأيه موضوعي او غير موضوعي) ها يتعامل معاملة زي الطين!! الجميع تحالفوا عليا يا أختشي وهاتك يا ضرب من أبو غل...
الناس كلها وقفت مع الواد مفتاح الوهابي (على طريقة انصر أخاك ظالما كان أو مظلوما بس نسيوا يكملوا الحديث!)... إن فيه واحد يروح ينهاه عن ظلمه ويقول له بس انت برضه اللي ابتديت الغلط يا مفتاح... أو ميصحش يا راجل تتهكم على المسيحية وكتابها المقدس وإلهها!! إلا كله ضرب وبستفة في العبد لله... حتى كلمتين السخرية اللاذعة بتاعة "سيدي الرئيس مبارك إحنا شعب يستاهل حكمك"... طلعوني أن انا بحب الريس... أنا كل العك اللي اتقال ضدي هناك كوم وتكفيري والاشتغالات دي كلها كوم وان يتقال أن انا - أستغفر الله لي ولكم - باحب حسني مبارك!! يا نهار اسود!!! الناس دي معندهاش حدود للغلط... تكفرني ماشي!! تقول عليا قليل الأدب عادي!! بس بحب حسني مبارك!!!!! دي من الكبائر!! أنا كنت هعيط بجد لما واحد قال الجملة دي!!!
كله كوم يا بت يا أوووسة كوم والواد عربي كوم تاني... الواد ما صدق لقى العجل (اللي هو اسم الله عليه أنا) وقع وهاتك يا سكاكين.. والواد بالرغم أنه عارف أن سخريتي في كتير من الأحوال بتبقى هزار إلا أنه دخل شمال "واضربوا الواد الكافر دا، دا حتى بياطل جل" ... إخص عليك يا عربي... نسيت إننا برضه في مقام الضراير!! يبدو أنه مش قادر ينسى يا أوووسة إنك فضلتيني عليه يا حبيبتي وكركرتي تتجوزيني أنا مش هو
كلمتين بجد:
أكرر مع جدو شكري ليكي إنك قلتي هناك كلام عاقل... وإن كنت بجد يا جماعة تاني لم أقصد أي إساءة للدين ولا هاجمت الدين ولا شتمت مفتاح... أنا بس سلخت أسلوبه بشراسة يستاهلها الولد الحقيقة...
المهم
خشوا على مدونة أروى الطويل عاملة موضوع اسمه كوم زبالة حلوو أوي بجد!!
تحياتي للجميع
انا
مش
متكوكعة
ابدا
و تعالي
علقي
في
مدونتي
ايه يا اوستي الحلاوة دي ..كل دي تعليقات ؟؟طب خللي كل واحد فيهم يسيب انشالله ربع جنيه مع التومرجي ..احنا بنات برضه و محتاجين جهاز ..قطيعه تقطعه
طبعا انت اكيد عارفه مسبقا النتيجه ..متكوكعه كوكعه صعب جدا تتفك ..بس و الله مبسوطه ..قبل النت كنت قاعده وشي في وش الحيطة ..كده أحسن
عمر قناوى مدير مكتبة السندباد .. فى شارع عمر خيرت الموازى لقصر النيل و صبرى أبو علم .. فى الشارع اللى ورا فندق كوزموبوليتان .. عارفه قهوة البورصه ؟ أو بيسموها القهوه الخضرا ..؟ هناك كده .. أهلا بيكى فى أى وقت .. أنا مش باشا ولا حاجه .. أنا حرفوش أكتر منك ..
وبعدين أنا ماعرفش جيل شهرزاد أو كلبوزه بس أنا سنى 42 سنه .. يعنى أكيد عجوز جدا بالنسبه ليكم ..
قصة حياتك ؟؟ ياساتر يارب .. متهيألى بشقاوتك دى هاتبقى زى اعترافات هتلر كده
عموما شرفينا فى أى وقت فى المكتبه .. و بالمناسبه مؤخرا المجموعه أغلبها هجرنا اليونانى .. أنا عن نفسى زبون مستديم فى تشيزا .. و أحيانا الجريون
Reformer1976
أنا شايفه أن الموضوع مكنش خناقه ولا حاجه وبالعكس فى ناس وجهة اللوم لمفتاح على هجومه على الدين
فعلآ أحنا محتاجين نطبق المحبه الموجوده فى الكتب السماويه
و واضح أنك مثأف ومذاكر
والعربى كان بيهزر
بصراحه معظم الناس كان روحها حلوه
وراجع تعليقات سوسه وشهروزه
ناس معتدلين ومشاعرهم كويسه
حالآ حروح ل أروى الطويل
سيجاره
شرفتى العياده
أخلص اللى فى أيدى وأجيلك على طول
============================
سوسه المفروسه
أزيك يا حبيبتشى
بلا شوار بلا نيله
مفيش أحسن من الحريه
أنا شيله خماشر عريس فى التلاجه
قرفانه أكلهم لا يكونوا عيانين
بس بجد أنتى متكوكعه
بس أنا متكوكعه جامد
كل يوم تسع ساعات لما دماغى بطلع دخان
الفراغ وحش
والوحده نارررررررر
هو أنا مقولتلكيش
مش شهروزه طلعت بتحب واد بلوجراويه
فى المدونه اللى فى الشارع الجاى
و الظاهر هانسمع قريب أخبار كويسه
دى بتقول شعر ياماما
وهو شريلها شىء وشويات
غساله بروحين
وبوتجاز وفلزيون أبيض وأسوس
وأشترلها مدونه على النيل
بس الكلام ده فسرك لشهروزه تبهدلنى
هشششششششششششششش
=================================
فارس قديم
كده عرفت مكان المكتبه
بس أيه قهوة الجربوع اللى بتقول عليها دى أول مره أسمع عنها
أنا بقعد على قهوة بعره
عارفه بتاعت الكومبارس
يمكن حد يكتشفنى وأعمل فيلم
أنا موهوبه
أسأل عنى فى هولليود و العتبه
وأول نسخه من قصة حياتى أوعدك أبيعهالك بمية دولار
العواف ياشعب
اهه يا اوختي...جرجس اللي كنتي فرحانة بيه ونفضطيلي عشانوا نفضلك واتقدم لاروي...ناس ماتجيش الا بالسك...البت تقلت عليه ونفضتله وماردتش علي تعليقاته راح راميلها بياضه...علشان تعرفي بس:)
سوري يا أووسة
ضحكت كالعبيط بصوت عالي وانتي بتسألي الفارس القديم على قهوة الجربوع
(مش قادر أوقف ضحك يخرب بيتك)
يا لهوي
إنتي فقرية
الراجل باين عليه محترم وابن ناس
وبيتكلم جد وبشياكة
وانتي تقلبيها مسخرة
وقهوة الجربوع
وقهوة بعرة
هي حصلت بعرة!!!
إلا عنوانها فين قهوة بعرة دي؟
يمكن حد يكتشفني حد معاكي
ونعمل أنا وانتي فيلم جامد
كله مشاعر ملتهبة وبوس وأحضان وبانجو
يا نهار اسود دا الواحد تبقى أمه داعياله
والنبي خديني معاكي يا برنسس أووسة
أسمها قهوة البورصه مش الجربوع .. و أيه قهوة بعره دى ؟
المهم .. ياريت تشوفى حد يكتشفك بسرعه قبل المباحث ما تكتشفك بنفسها ..
و بالنسبه لقصة حياتك .. ممكن أديى الميت دولار بس ماتكتبيهاش
جرجس يا أخويا .. متشكر على ذوقك .. و النعمه أنت راجل بتفهم
و زرت مدونتك .. رائعه ..
عرررررررررربى
أذا كان هو رمى بياضه أنت أرمى صفارك
أنت بتاع فراخ ولا أيه
هو أنت المطرب كتكوت الأمير
هههههههههههه
=================
Reformer1976
أنت يا شــــــر يا موقعاتى
فارس قديم أخويا الكبير
وعارفه أنه محترم
وعدين أنا فعلآ أنا قريتها غلط
طيب والله ماعرفها أحسن فارس يصدقك
وبعدين يا جرجس قهوة بعره مشهوره
دى القهوه اللى خرجت جيل الفنانين
هندر رستم و زينات صدقى و محمود المليجى و ناديه زفت الجندى
و كتير من المبدعين
وبعدين أيه بوس وأحضان ده أنت شويه
وتقلع بلبوص فى البلوج طيب أسدقائى يقولوا أيه
أنا بقدم فوازير ومسلسلات دراميه
فى دور واحد شاذ تيجى تمثله
هههههههههه أنا بضحك لحسن تزعل حتى شوف
هههههههههههههههه
ههههههههههههههههههههههه
ههههههههههههههههههههههههه
فارس قديـــــــــــــم
لسه بكتب رد على جرجس
لقيتك دخلت قريت كلامه
عجبك كده يا جرجس يا مفترى
فارس معقوله مش عارف قهوة بعره
كنتك مفكراك دولى
هارش البلد يعنى
المهم سلام أروح أكمل كتابة قصة حياتى
أبعتلى المية دولار على القهوة لو سمحت
ايه يا اوسه...الراجل برضه لسه في فترة مراهقة..كان لازم تحرجيه يعني؟:)
شهرذاد
شهرزادددددددددددد
فيه مشكله عندك فى البلوج
البوست الأخير مدارى على التعليقات وباقى البوستات
أنت بخير
حووووووول
عربى
مين ليه فين
منجى فين
وأروى
وجرجس
ساعة الصفر
دور واحد شاذ؟؟؟
ثكلتكي أمك
ولو إن دور الشاذ دا عمل شغل جامد أوي مع اسمه إيه دا بتاع عمارة يعقوبيان
الراجل عمل الحقيقة دور تحفة
آه اسمه خالد الصاوي
الراجل دا طلع ممثل جامد جدا
على فكرة كلنا بنقر عليكي
119 تعليق
دي مبتحصلش إلا عندمنال وعلاء
والمدونات الكبيرة
ماشية معاكي حلاوة
انت تعرف ايه اللي نجح عمارة يعقوبيان ديه(شكلك كده يا اوسا عاتجيبي متين تعليق)...اننا شعب نمام وبيحب الفضايح...تعرف ان فيه عمارة اسمها كده فعلا.....فيه واحد خياط اسمه جاي بالثلاثي في الفيلم...والصحفي الشاذ اللي في جريدة فرنسية ده بيلقح علي رئيس تحرير الاهرام ابدو ورئيس اتحاد الكتاب...واسمه قريب جدا...اساسا فيه ناس بتقول ان مش علاء مش عارف ايه ده هو اللي كاتبها...احتمال تبقي من اوراق ابوه القديمة
نعم انا متكوكع وبشدة اوي بس عايزة اسال سوؤال بما انك قديمة في التدوين هافضل كدة لحد امتي
شوبش
أنا معروض عليه حد يشترى البلوج بتاعى
باألف جلدر أسترالى ومعاهم بغل صغير
أعمل أيه
Reformer1976
أنا أديت صورتك للمخرج
أطعها وقال مينفعش
ومين علاء ومنال
أنا أوسه يا بشريه
ساره
الحل أنك تيجى تزورينى فى العياده أكشف عليكى براحتى
أسفه مش ساره
أقصد ســهر
Post a Comment