أفضل  مئة  مدونة

Monday, August 21, 2006

الملك شنديد

ومن روائع الأدب العالمى
الأديبه أوسه تشيكوف
تقدم
الملك شنــــــديـــد
ذو العمر
المـــــــــــــــديــــــــــــــــــــد
يحكى أنه فى الزمن البعيد كان يعيش ملك عنيد يدعى شنديد حكم البلاد سنين وسنين بطول المسافه من أسوان الى بورسعيد و فى عهده شاخ
الشباب وأمتلأت الزنازين بدم العبيد فكرهه الناس صغار وكبار
شيخ و وليد ففكر شنديد بعقل غير رشيد كيف يقوم بعمل فريد فجمع شنديد الكهنه والموالين وسألهم التفكير خوفا أن ينساه التاريخ
أشعل الكهنه البخور وفكروا فى حل يريح شنديدويكفيهم شر الأنتقام والوعيد فقد سبقه ملكان نقشوا أسمائهما فى جبــين التاريخ
حملوا ألافكار وتوجهوا لقصر ملكهم الرعديد قال كاهن أيها الشنديد لما لا نبنى سد منيع كما فعل ملك سابق يمنع الفيضان ويمنع الطين وبينما هناك سد فى الجنوب فلنبنى أخر فى الشمال فيمنع سقوط المياه فى البحر فترتد ونحصر المياه بين السديين فيتحول النهر الى بركة وتزيد المياه بالخير الوفير فشــخر شنديد فى الجمع الغفير وقال فكر غير سديد فكيف لى بالبناء بعد أن أستدنت من كل البلاد
فقال كاهن أخر أيها الشنديد لن يخلدك التاريخ بغير حرب وقتال شديد فعلى صوت شنديد وقال ياروح أمك متنساش أن هناك تطبيع مع العدو الوضيع وبعدين أنا كبيرى ألعب بولينج أو أعتقل الشعب لو فكر يتاوب فوقف كاهن يدعى الوزير أشتهر بالسفاح فقد جلب للبلاد سرطان وأمراض وله فكر مضادأيها الشنديد نحن ضائعين ولسنا صناعيين ولا حرفيين فماقولك فى الزراعه وهى صنعتى وحرفتى فلنزيد رقعة الأرض الزراعيه بلمسة سحريه ونتوجه للجنوب ونغير معالم الصحراء ونخضر الرمال ونقيم مشروع فريد فأبتسم الشنديد وتسأل ولكن الملك السابق أستعان بخبرات من الهكسوس وأفادوا بعدم جوازالمشروع وأقرار الموضوع فتكلفته تفوق وطبيعة الأرض تعوق ولن نكسب منه أرباح ولن يستفيد منه الشعب المعوق فقال الوزير المشروع يحتاج وقت طويل والشعب عويل وبلأحرى عبيط ولايعرف أحد متى يفيق وياترى من يعيش وتم بالفعل المشروع وسعد الشعب وفرح شنيد فالأرض مختلفه عن غيرها فلو قمت بزراعتها خيار تطرح ممبار وتكلف المشروع الكثير وغرق الشعب فى الدين وزادت الأمراض والبطاله وعاش شنديد عمر طويل ورغم المشروع سقط سهوا من التاريخ وأستيقظ الديك المريض وصرخ فى الفجر ليوقظ النيام وصرخ وبكا والكل فى ثبات عميق
ملحوظه الفكره من الخيال منعا للقيل والقال وأحتمالية الأعتقال
أوسه
الجبانه

85 comments:

Shower-Mirror said...

- الو ايوه ابدأ الاشاره
- ادينى العميد سامى يابنى
- معاك ياباشا .. ازى سعادتك
- اهلا يا سامى .. قريت اللى انا بعتهولك .
- قريت ياباشا و كله تمام .
- تمام ايه و زفت ايه ..! اما الهباب الكمبيوتر اللى جايبينهولك ده لزمته ايه .
- ............
- شوفلنا ياسيدى حكايه البت اللى اسمها نوسه دى ايه .
- اسمها أوسه يا فندم .
- طب مانتا كويس اهه .
- اوامرك يافندم .
- بص ياسيدى : نتصثلابثصلالعهصثلعهصث
- عبلاربلابثبلاصثلا

0000000
عزيزتى أوسه واضح ان جهاز التصنت الهيدروماتيكى بتاعى باظ ده اللى عرفت اسمعه بس .. على العموم خدى بالك اى عربيه بيجو 405 لونها ابيض تمشى وراكى الايام الجايه ابقى زوغى منها .... خدشى بالك ... اوك

mohamed said...

على فكرة إنت عندك إسلوب ساخر مميز وكتاباتك خفيفة ولكنها معبرة . والبوست ده رائع ولكن مع اعتراضى على جملة (( فقد سبقه ملكان نقشوا أسمائهما فى جبين التاريخ ))لأن اللى فاتوا مكانوش جبناء . وحتى لو كانوا فبرضه المقارنة ظالمة .

قلم جاف said...

ورثني يا جدع على ذرة ونص!

Dr. Tantawy said...

حلوووووه جدا
بس ياريت تشوفيلك صرفه في موضوع الخط علشان عيني وجعتني :) ههههه
كملي كتاباتك بنفس الاسلوب و انشاء الله هتبقى من الناس الجامده اوي

بالتوفييييييييييييق دائما

Sampateek said...

جميلة يا اوسا
بس انا زعلانة و متضايقة لاني قرات خبر مزعج في مدونة اخونا من زمان و اريد التاكد من صحته
ارجوكي بلغيني لو تاكدتي من الخبر
:(
http://menzamaaan.blogspot.com/

moony said...

gamda mooooot

Ensan said...

جامدة يا اووسا , اسلوبك حلو , بس بصراحة كنت قريت كام حاجة برضه شبهها على نفس المنوال بتحكى عن الحاكم الشنديد اللى كان عايش فى قديم الزمان - مش دلوقتى خالص- بس ده مايمنعش انك صيغتيها باسلوب حلو

بعدك على بالى said...

جميل يا اوسه .. من خاف سلم برضه

تحياتى

lastknight said...

رااااااائعه .. بكل المقاييس .. مصريه صميمه .. جدا

Aoossa said...

مرايه
شكرآ على التحذير
انا مش نازلا من بيتنا لمدة ستاشر سنه
هل تسمعنى حوول
سيادة العميد
مش أنا يا باشا
ده مرايه
اللى راكب العربيه الزستافا

Aoossa said...

محمد
أنا مقصدتش جبناء
بقول جبــيــن
الذاكره يعنى
أختش بالك
شكرآ على الزياره
*************
قلم جاف
هدى السرعه
أمامك منطقه سكنيه
صحبتك السلامه
****************
زانجولا
أنا كبرت الخط أهو
أعمل أيه تانى
دوختنى
شرفت الورشه بتاعتى

Aoossa said...

كلبوزه
الخبر طلع هزار
المهم طمنينى عليكى لما توصلى
حاتوحشينى

*****************
مونى
شكرآ موووت
*****************
أنسان
صدقنى هم اللى بيغشوا منى
متنساش أنى مشهوره

Aoossa said...

بعدك على بالى
يارفعا معنوياتى
متكسفنيش بقا
أنا بنكسف من الكلام الحلو

*******
لاست نايت
شكرآ على تعليقك
كلنا مصريين فى الصميم
بس للأسف

islamventura said...

المشكلة ان شنديد عمره طويل و مالهوش حل و الصراحة بيجيلوه قناعات كدة انه لا يمكن يموت زى الناس كدة بالساهل
اللى بيموت فى فيضان او بيموت من فوق بيتهم و لا فى طيارة ولا فى قارب ولا ... مش مشكلة بس انتى ليكى اسلوب حلو جدا

و زاد السرطان فى البلاد و اصبح مثل البرد

شغل زى الفل

Aoossa said...

أسلام
صباح الخير
أيه اللى مصحيك بدرى
ربنا يسعد أيامك
النشاط حلو برضه
واحد اتنين تلاته
معايا
تمارين الصباح
أبتدى

mohamed said...

لما قرأت البوست مرة أخرى وجدتها (جبين التاريخ) وليست (جبن )- معلش العتب على النظر - اقبلى تحياتى

Aoossa said...

محمد
عادى بيحصل
المهم أنك شرفتنى
خالص تقديرى

Ensan said...

اوسة هانم , انا ماقصدتش انك ناقلة منهم او هما ناقلين منك ,المهم اسلوب الكتابة , وانت اسلوبك تمام
وبعدين طبعا مشهمورة والف مشهورة كمان حد يقدر يقول حاجة تانية , ده انا كنت جبتله ضلف مدونته

Aoossa said...

أنسان
أنا فاهمه
بس بتلكك
الله يخليك
باى بقا

مـحـمـد مـفـيـد said...

احييكي علي خفه دمك يا فيلسوفه العصر

Epitaph said...

ههههههههههه

امسكوهاااااااا

انبطحوااااااااااااااااا

هههههه

اوسة انا معرفكيش يا حبيبتي
:)))

مع تحيات
عودة الندلة
هههه

Mamdouh Dorrah said...

انتي طلعتي جامدة اوي يا اوسه
بس خللي بالك ابيتاف ممكن تبلغ عليكي
ههههههههههههه

حاول تفتكرنى said...

عندما يسنطيع الكاتب أجبارنا على القراءة للنهاية ونجد انفسنا نعيد القراءة تمحض ارادتنا ثم نصفق اعجابا بكل هذا

فكل هذا نجاح كبير للفكرة وللكاتب

تحياتى

tona said...

اموووووووووووووووووه

islamventura said...

بس كويس
على فكرة تمارين الصباح كويسة
شكرا على النصيحة دى

Epitaph said...

هههه
هو كورتكس جاي يهدي النفوس ولا ايه؟؟؟

انبطحواااااااااااااا

ههههه

Ahmed Shokeir said...

شنديد هيعلقك من عرقوبك وهو ده هايكون المشروع الكبير

مش تقوليلي توشكا

farida said...

اوسا بنت المقفع

ايه الحواديت الحلوه دي

و الله يا بنتي انا اراهن ان في التاريخ حيتقال انه اسوأ حاكم حكم البلد دي

المهم ربنا يجعل كلامنا خفيف عليهم
و في المستقبل خفيف على ولادهم

Gid-Do - جدو said...

اوسة
فية نشرة هنا باوصافك فى المطارات وعلى الترميات وتحت الارض وفوق القمر وكوندى شخصيا بتقود الحملة لانها مفروسة منك
بتقول علشان اللى كتبتية لكن الحقيقة علشان انتى احلى منها امبطحى

Aoossa said...

محمد مفيد
وانا كمان بحييك
*****
أبيتاف
أنتى فين
شوفتى كلبوزه سافرت
طول عمرك نادلة
بس نادلة عسل
************
كورتيكس يتحدى رامبو
لا جامده ولا حاجه
دى حلاوة روح

أبتاف متورطه معايا
هى ناسيه ألابراج
هو أنا برج أيه

Aoossa said...

حاول تفتكرنى
أيه الكلام الجامد ده
مين كاتب ده
أنا يدوب بأكتب أسمى
شكرآ ياجميل
***********
تونا
أمووووووووه
أموووووه
أمووه
*****************
أسلام
المشكله أن بلعب تمارين يوم وبعدين بكسل

Aoossa said...

أبيتاف
ماأنتى عارفه كورتيكس
حمامة سلام
*************
أحمد سكر
كلامك زى السكر
شنديد عارف أنى غلبانه
معقوله يعمل دماغه بدماغى
صحيح هو ممكن يحطنى فى الجمجمه
ويعمل منى مشروع قومى
ربنا يطمنك
*****************
فريده بنت الملوح
دى حواديت قبل النوم
بكره التاريخ يكتب أحلى كلام
التاريخ بتاعهم

Aoossa said...

جدو
أزيك وحشتنى
يعنى خلاص أسلم نفسى
هو أنا مشهوره كده
كوندى قاعده جنبى
جايه تنضفللى الشقه
بنت غلبانه وبعطف عليها
أبعتهالك تنضفلك الشقه
شاطره هى أوى فى شغل البيت

Gid-Do - جدو said...

اوسة
متشوفيش وحش ويخليكى وشوفك فى بيت عدلك
خدعوكى فقالوا ـ كوندى اللى عندك مدسوسة عليكى كانت ياعين امها حلوة زيك عملولها عملية تشوية وحمصوها على نار هادية فطلعت استخفر الله العظيم الخالق الناطق اللى ماتتسمى كوندى احذرك...احذرك...بيييييب حول

Aoossa said...

حول
أوسه تنادى
حول
وصلت الأشاره حول
تم طرد كوندى
ورميها
فى صندوق الزباله
هنا أذاعة أوسه

فانتوماس said...

رائع ايتها الاميرة ولكن احذري الوقيعة فالبصاصون في انتشار والاخبار عندهم جهار وامن الدولة جعانة فماتقوليش انا جبانة وربنا يستر علينا فعلي قفانا اتهرينا
100 100
فانتوماس

كلمه said...

looooooooooooooooool

tezra3ha 5eyar tetra7 mombar ... fe3lan walada ya OM eldonia

fakrteeny be ksedet (elbeta3)
bta3et a7md fou2ad negm ... 25er bo2 feeha

ba3 elbeta3 bel beta3
w 3ayen 7aras bel tool

w gab 7aras bel beta3
w brdo mat ma2tool

شــهــروزة said...

اوسة
تعرفى ما اشوف وشك تانى عندى؟ حابلغ عنك اول بوكس ماشى... ومش فالحة يختى الا انك تنددى من مدونة شهرزاد...حتودينى فى داهية وراكى...جامدة يا عم الباشااا...سلم لى على كلبوزة انا مفهمتش هى لية بتقول لى اشوفك بخير...فهمت هنا انها مسافرة...بلغيها سلامى حتوحشنا...جامدة انتى...كلاكيت تانى مرة..مخمخى كدة تانى وطلعى اقصوصة الف ليلية دى دى عن جيمى الوريث..اعملى لها كدة تخيل لصورة المحروسة فى عهده...يا ترى حتطلع صورة الوان...ولا حتطلع العفريتة؟؟؟

Aoossa said...

فانتوماس
شكرآ على التحزير
أنك رجل خبير
********
كلمه
عمنا أحمد فؤاد نجم راجل حكيم
شكرآ ياباشا
***********

شهرزاد
أزيك ياحوبى
أهون عليكى تبلغى عنى
أنا مش حمل قفا
كلبوزة كانت فى أجازه وسافرت
أول ماتوصل هاتكتب تانى حسب ماقالت فى المدونه بتاعتها
أموووووووه ياشهر

soosa el-mafroosa said...

هاحجز لك زنزانة جنبي يا حبيبتي

أنا كنت ناشرة حاجه على نفي اللحن بس الله يرحمها بقه اتضريت أمسحها..الحقي نفسك انتي كمان

sydalany-وش مكرمش said...

40 كومنت
ف يوميييييين

يااااااااااااااااه


ملحوظة:
ده مش قر ولا حسد

ده حقد

:0p

Aoossa said...

سوسه المفروســـــه
حلوه البشرى دى
بس عاوزين زنازين بحرى كده
وجوز عرسان يونسونا
الوحده عذاب
أشوفك فى السجن

***********

وش مكرمش
أنت لسه بتحقد عليا
مش شايف سوسه المفروسه وبشرتها الحلوه
عقبالك

ادم المصري said...

احه
اجه بالجامد وبصوت مسموع .. الي كل الربوع
ادم المصري
دخل بلوج عصري
سامع حوار مخطط ... مكوتوب ولكن مظبط بيقول كلام سليم عن ظلم ومظلومين فتوجه اليه الناس ليقراوة بحماس وواضح ان الجمع الغفير بات ينتظر الصفير وبالفعل انطلقت الصفارة لتعلن عن بناء السفارة داخل ارقي الاحياء في البلاد وعلي جميع البنات والولاد السمع والطاعة


احه
هههههههههه
كلام عبيط مش فاهم منه حاجة
بس احه
اي خدمه
اما كلامك بقي فتستاهلي عليه
جزمة نوفل
هههههههه

تحياتي
ادم المصري
اول دكتور احه

ody911 said...

جت على بالى أغنية
كلام جميل وكلام معقول مقدرش أقول حاجة عنوا !!!!
لكن خيال حبيبى المجهول
حبيبى
مش لاقية فيك حاجة منوا
سيبك منهم دة مفيش غيرى
إيمة وسيمة ووظيفة ميرى
مع الأحتفاظ بحقوق الجار وحقوق عين شمس
وعادى بقة

Aoossa said...

أدم المصرى
أول دكتور أحه
نوفل معندوش جزمه
ده حافى
مع خالص أحاتى

***************
أودى
دايما تعليقاتك بتربكنى بصراحه
مش عارفه أودى وشى من جمايلك فين
عادى بقا

Gid-Do - جدو said...

اوسة
توجهى فورا الى

باب مردود

حول

ادم المصري said...

احححححححححححححححه
ههههههههههههههههههه
بجد انتي حد مش عادي
عشان كده ومن قلبي احب اهديك الاغنية بتاعت اصاله

احه .. شوفلك غيري
مش هكمل عمري معاك

Aoossa said...

جدو
قمت بزيارتها ارجو ان تتحسن حالتها النفسيه سريعآ

أدم أحه
شكرآ على الأغنيه الرقيقه
أصاله الظاهر كانت عامله دماغ
وهى بتغنى
روح ياشيخ
وتعالا بأحه

Epitaph said...

اوسة الحقيني
القطة بتاعتك عمالة تجري ورايا
وانا اصلا بخاف من القطط موت موت موت
وعمالة تبصلي و تجري ورايا
لوسمحتي ياعني يا اوسة هانم
قوليلها تبعد عني
:(

Epitaph said...

ههههههههههههههه

اوسة انجديني بجد
جيت ارجع القطة مكانها
رحت دوست ع الكورنر بتاعها فكراها حترجع
طلعلي قطة تانية
يا ماميييييييي

الحقيني يا بنتي

Aoossa said...

أييتاف
ماتخفيش
دى قطتى شيرى خلفت مائة ثلاث وعشرين قطه
وكلهم شبه بعض بس طيبين
ومش بيظهروا لأى حد
أنتى عشان حلوه
لو عاوزاهم يحبوك أكتر وأكتر
هاتى شوية لبن وروحى رشه اللبن
فوق شاشة الكمبيوتر وجوه فتحات التهويه بتاعة الشاشه ساعتها ممكن تخديلك قطه منهم وحتلاقى الشاشه عملت طراااااااااخ برده عادى
ده معناه أن الشاشه اتحرقت
تروحى عامله نفس القصه عند بطابيط هانم وهكذا دواليك دواليك
ده مفيش أحسن من القطط يأبيى

Sampateek said...

يسعد صباحك يا اختشي
عاملة اية؟
انا رجعت بتنا اللي هناك و سبتلك المفتاح بتاع بتنا اللي هنا تحت الدواسة و تمر حنة قالتلي انك روحتي و اكلتي طبق الجبنة القديمة اللي في التلاجة كله و ضربتي لتر جاز علي شعرك و انت قاعدة في البلاكونة طيب ماشي مش مشكلة البيت بيتك بس فين بقي المدونة الجديدة
وحشتيني يا فقرية
امووووه

Aoossa said...

كلبوزه
أزيك وحشتينى
بركه أنك بخير نورتى جده والمملكه
والقاهره بعدك ضلمت وحصل قفله فى الكهربه وبعد ماسفرتى الملك رمسيس التانى حلف ماهو قاعد فى الميدان
وخد ديله فى سنانه وركب ميكروباز الفيوم وعمل لجوء سياسى فى المتحف الجديد
وأحتمال يومين كده ويسافر الرياض
بس الملك مينا خوفه قاله السعوديين ممكن يعتبروك من الأصنام ويلعبوا معاك الدنيئه
شوفتى الجاز عمل أيه فى شعرى مسابش قملايه ولا صرصار فى شعرى وخلاه ناعم وكل يوم يجيللى تلت عرسان
بس أنت عارفه بقا أنا بقرف منهم
فبدبحهم وأحطهم فى التلاجه
بس سايبه أتنين على السرير
يونسوا وحدتى وانت عارفه الرجاله دلوقت مفيش خوف منهم عاملين زى البط المسكوفى
كنت بفكر أكتب موضوع كده عن مشكلة الزواج وحلولها عشان البنات اللى حاتموت على الجواز
ياريت تكتبى بقا برحتك كده
أنتى خارج الحدود وميتخفش عليكى
هو صحيح السعوديين دلوقتى شكلهم عاطى على فلبينى وده من أيه سوء تغذيه
ولا سوء تربيه
متنسيش بقا تبعتيلى طريقة عمل الكبسه على الطريقه الوهابيه
أمووووه
أمممممممموه
باموووووت فيكى
أمووووووووووووووووووه

moorgen said...

هو يا اوسه الشنديد محتاج حاجة تخلد اسمه ما هو مخلل ومطول وكدا كفايه ان اسمه يحفظه التاريخ
هو انت متخيله انه ماعملش حاجة تخلد اسمه دا عمل حاجات كتيييييير كلنا عارفنها
مش لازم يبنى سد ولا يعمر صحراء
اسمه اكتب على كل مواطن عاش فى عصره
كفايه حال البلد والشعب يخلد اسمه
وبلاش اكتر

تحياتى

Aoossa said...

Moorgen
باين عليك مخنوق برضه
كلامك فكرنى بأغنية
على كل أرض تركنا علامه قلاعآ من النور تحمى اليمامه
والعلامه دى ممكن تكون بطاله وأمراض
و وكسه
شرفت يا باشا

Gid-Do - جدو said...

اوسة
I am asking you, please if it is possible to change your comment section in your blog setting from the current popup windows to non popup to make it easy on us to read and comment, because it is getting hard to read and comment while you have many visitors. Thank you

Aoossa said...

جدو
صباح الفل
كلوا تمام تم التغيير
حوول

Epitaph said...

الله ينور يا اوسة
كدة احلي كتير و نقدر نقرا براحتنا

:)

HANY said...

والله انتى دمك خفيف وانا اللى شدنى للبلوج بتاعك تعليق ليكى قرأته فى احدى المدونات فقلت لما ده التعليق يبقى المدونه اخبارها ايه

من خفة دمك بتفكرينى بواحده صحبتى كانت معايا ايام ثانوى الله يرحمها بقى ويمسيكى بالخير يا سامية

حقيقى انا لما بشوف اى بلوج جرىء لبنت ببقى سعيد جدا وفخور انهم دول بنات مصر اللى واكلين من خيرها واظاهر انهم واكلين خيرها كله

وعلى رأى الشاعر السلاموا عليكوا بقى
وتحياتى

ام العيال said...

حلو يا موتموزيل
موووووووووت
هه
حشني خطك

Aoossa said...

أبيتاف
تحت أمرك
بس الله ينور على أيه
على النجفه الجديده
أيوه شرياها بشىء وشويات
صباحك أخضر

******************

هانى
الله يرحم ساميه
أنت بتبشر عليا ليه
وهى ماتت ليه
وأنت كنت بتحبها أد أيه
وأنت عامل أيه
أتفضل معايا
بتعشى جزر

Aoossa said...

أم العيال
أخبار أبنك فوزى أيه
سمعت أنه بعافيه شويه
وجاله الحصبه
أكيد أبو فوزى عداه
وبعدين خطى حلو ده حتى رقعه

daktara said...

نهاهاهاهاهاها
بجد انت انسانة رائعة
ومدونتك بغاية الجمال والانشكاح

Gid-Do - جدو said...

اوسة
عاجل وسريع ومهم حول
متشكرين على التغيير حول
عندى ليكى عريس طول بعرض وحلو حلاوة
جمدته حاليا فى الديب فريزر لغاية منزل مصر حجيبوا معايا حول
الحقى جمدى الشهود والماذون والمعازيم حول

Aoossa said...

دكتره
صباحك بيتفور
الله يخليك يا عمى
بس أيه اللى فى أيدك دى
مطــــــــوه

******************
جدو العزيز

صحيح عريس عريس
يا خراشى
ومن بلاد بره
عيون حمره وشعره أخضر
ده أنا هاعمل فيه عمايل
فى أنتظار عودتك لأرض المحروسه
برجاء احضار عريس أضافى لصديقتنا
اللى عاوزه تتجوز
وربنا يخليك لينا
حووووووووووول

أبو أمل said...

برضه الجبن
سيد الأخلاء
والجبن انواع
جبن دانماركى
وفيتا
وجبن رومى
0000000
تحياتى

أجدع واحد في الشارع said...

هههههههههههههههههههههههههههه
انا مش عارف اكتب ايه
بس بجد انتى مشكله بجد والله
ويرايت نشوف الجديد
هههههههههههههههههههههههههههههههههههههههههههههههههههههههههههههههههههه

سندباد مصري said...

اسمح لي اختلف معاك

هيا حاجه مهمه اني اختلف معاك

والأختلاف لا يفسد للود قضيه

انا مختلف معاك شكلا وموضوعا في موضوع

جبانه ديه

والسلام

Aoossa said...

أبو أمل
عيش جبان تموت كستور
أو دبلان
--------------------
أبن الشارع
أنا اللى مش عارفه أقول أيه
شرفتنى ياجميل

-----------------------
سندباد
أختلف معايا من حقك
بس وضح أكتر تقصد أيه
المهم شرفت الورشه

Blacklander said...

انتي اشتغالة بيولوجية
ده مدح على فكرة، حاسك في المنطقة الفاصلة بين الإنس والجن
عقبال ما الكل يتلبسوا

Blessed be thy disciples that score
Blessed be thy hands that roll
Princess Aoossa thy kingdom come

Gid-Do - جدو said...

اوسة
عاجل وسريع جدا ومهم جدا جدا حول
فية واحدة محتلة سخصيتك اسمها اوسة جويدة وبتشحت خمسة جنية من البيت ابيتاف
يفضحتى يافضحتى يافضحتى مع العريس المجمد حقولة اية ؟ حول

Aoossa said...

بلاك لاندر
أنا ملبوسه بتلات عفاريت ومعاهم جنى صغير فوق البيعه
-----------------------------
جدو
أوسه جويده دى شحاته طول عمرها أنا عارفاها فقريه
معكش خماشر جنيه بقا أحاسب السيبر

توهة said...

ايه يا ست اوسه ؟؟؟ ايه حكايتك هو أنا كل مدخل مدونه ألاقيكى هناك بطلى انتشار شويه
افتح ايبيتاف ألاقيكى افتح سوسه الاقيكى افتح ادم الاقيكى

قولت أجى أشوف اخرتك ايه؟؟؟؟
على العموم حفضل مرقباكى ليل ونهار
أصلى مدسوسه

فانتازياااااااااااااااااااا

Gid-Do - جدو said...

الظاهر ان من اوسة لاوسة جويدة ياقلبى لا تحزن لاتنين ضربهم السلك خلاص حبعتلك اتنين دولار وواحد وستين سنت يعملوا اربعتاشر جنية وخمسة وتسعين قرش ونص ينفع ـ شوفتى انا ببعزق الفلوس ازاى ـ

Epitaph said...

:) Aoosssaaaa))
تسمحيلي بالرقصة دي
فين جديدك يا هانم
؟؟

وان شاء الله ح تغيري الدولارات فين

و حوشي السنت ما تصرفيهوش
عشان الميكروباصات دلوقتي
العادي بجنيه و عشرة سنت
و المكيف بجنية و ستين سنت

:)))))

Aoossa said...

جدو
شكرآ أنا كده بقيت من أغنياء العالم
أغنى من أوناسيس وعم فاروق العجلاتى


أبيتاف
أنا مشغوله اليومين دول بحضر رسالة دكتوراة فى الميتافيزيقا
وبالنسبه للفلوس لسه بفكر
أحتمال أشترى أتنين سم أرض وأزرعها جنينة موالح أو نخيل
التردد وحش

المزاجنجي said...

اوسا ربنا يهدك بس ..

Aoossa said...

كروان
شرفتى يا حبيبتشى
معلش مخدش بالى أنك هنا
صفرى أو أعملى حاجه
اعمل أيه بحب أعمل زيارات يمكن حد يكون تعبان ولا حاجه
هو مين كروان ومين فانتازيا
ولا دول شخص واحد
حيرتى قلبى معاكى
أأأأأأموه
*****************
مزجانجى النانجى
أيه بس الدعوه الحلوه دى
أنا ناقصه
ده أنا كتبالك وصفه تروم بدن العليل
وتاخليه فشر الضيف أحمد

Epitaph said...

Aossa..hi ya gameela..can you contact me..on my e-maill(it's in my profile) for something urgent??
Thankss gracia..in advance ya gameela!!

Aoossa said...

أبيتاف
تم عمل الازم

نــــــــــون said...

كويس
دمك خفيف

gwad said...

الى أمير البلوجرية مرحبا
انتى شكلك اميرة جامدة بس متخبطيش جامد
لان الحيطة ليها 100 ودان
ويمكن تقابلى كل البلوجرية صحابك وصحابى هناك بما انك بتحبى اللمة

Aoossa said...

نون
وأنتى كتاباتك جامده
خساره مش بتحبى القطط
====================
جواد
كلنا هانتلم
مش تقلق خالص

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

arab girlscool said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

أفضل  ألف  مدونة