أفضل  مئة  مدونة

Saturday, August 12, 2006

أنت تدون أذن أنت مــفــقوع


علامةأستفهام
دى مش أسئله ده أمتحان لا دى توريطه من أبيتاف
ومعلش كان لابد من القيام بتغيير فى صيغة أحد الأسئله

بصوا ياشاطرين ده أمتحان بجد كلبوزه هاتوزع عليكم ورق الأسئله وبطابيط هانم هتوزع عليكم حلبسه وكل واحد يطلع خمسه جنيه تمن الحلبسه ومن زمااان هيللم الفلوس عشان مزنوق فى قرشين .. وياريت كل واحد يبص فى ورقة أجابة اللى جنبه واللى عاوز يولع سوجاره يولع براحته ولو حد مش لاقى مكان يقعد فيه ممكن يقعد على حجر زميله أو زميلته أهى زى خالته ساعوا بعض أخرتكوا قربت

س هل أنت منشكح من مدونتك شكلاً وموضوعاً؟

صراحه هى لسه تحت التطوير وعلى العموم رضا أحنا هننهب ده لحد من شهرين كان كبيرى شات

س هل تعلم أسرتك الصغيرة بأمر مدونتك؟

طبعا لأ هى ناقصه كلاكيع وعقد وبتــنجان

س هل تجد حرجآً فى أن تخبر صديقاً عن مدونتك؟

لا مفيش حرج خاصة أنى لا أستخدم أى ألفاظ بزيئه أنا بريئه يا بيه

س هل تعتبرها أمرا خاصا بك؟

طبعا هى دى الفسحه بتاعتى ومن حقى أبــعــبر

س هل تسببت
المدونات بتغيير إيجابى لأفكارك؟
فلسعنى مثال
فى حالة الاجابة بنعم

نعم نعم تعرفت على أفكار جديده وأنفعلت معها ولكن صدمنى وجود بعض المـتـناقدات

عند البعض كذلك وجدت ناس مثبطه للهمم بيستكتروا علينا الكلام ويقولك الكلام مامنوش فايده

بصراحه مستغرباهم جدآ يعنى صمتهم هو اللى مؤثرعندك الصهاينه سلاحهم الأول الأعلام والدعايه

والشعب هناك بيستخدموا المدونات فى نشر أفكارهم و البعض هنا عامل حنفى

س هل تكتفى
بفتح صفحات من يعقبون بردود فى مدونتك أم تسعى لاكتشاف المزيد؟

من فتره طويله وأنا بتابع المدونين وبسيب تعليق رغم أن مكنش عندى مدونه

يعنى الأفضل أن الواحدة تقرا أكتر ما تكتب وتتعرف على الآخر هو مين الآخر ده

س ماذا يعنى لك عداد الزوار.. هل تهتم بوضعه فى مدونتك؟

طبعا مفيش أحسن من حب الناس ومافيش أحسن من لبن الأم


س هل حاولت تخيل سحنة اصدقائك المدونين؟

ممكن تعرف أى كائن كان من أسلوبه يعنى مثلا مكسوفه هانم كانت وهى فى العشرينات موزه موزه

لكن مع الجواز والخلفه أتغيرت شويه بس مازالت برضه حرشه وفيها الطمع

هل ترى فائدة حقيقية للتدوين؟

طبعا أنا أدون أذن أنا مفقوع ومطحون

والتدوين بعتبره فضفضه بتغـنى عن الذهاب للدكتور النفسى


س هل تشعر
أن مجتمع المدونين مجتمع منفصل عن العالم المحيط بك أم متفاعل مع احداثه؟

متفاعل ومعبر عن راى الشارع المصرى ولو امتلك كل الناس الأدوات اللازمه لعمل مدونه

لتضاعف عدد المدونين بس للأسف بلد فقريه والمواطن المصرى مش واخد حقه


س هل يزعجك وجود نقد بمدونتك ؟ أم تشعر انه ظاهرة وأدوات صحية؟

أى نقد بناء ومبنى على وجهة نظر ومدعم بفكر جيد وفلسفه خاصة بأحترمه

وأى نقد لمجرد النقد والسفسطه بأقوله أحــه ولامؤاخذه

س هل تخاف من
بعض المدونات التى تفتح تابوهات السياسه و الجنس و الدين وتتحاشاها؟

أنا من أكتر زوار مدونة علاء ومنال وألسياسه والجنس أمور هامه منقدرش نديها

ضهرنا يا حوكشه أما الدين فهو شىء خاص جدا قابل للتناول فقط فى المسجد والكنيسه

س هل صدمك اعتقال بعض المدونين؟

لا طبعا متصدمتش أى حاجه فى مصر عادى ضرب قاضى ـ صحفى أو أعتقال مدون

أو هتك عرض فتاه أوسيده متوقع أحنا فى حالة أستعمار

س هل فكرت فى مصير مدونتك حال وفاتك؟

بعد الشر عليا يا فقرى
آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟

حدوته مصريه لمحمد منير عاشق النيل

أكتب اسماء خمسة
مدونين ليقوموا بهذا الاستقصاء بعدك خمسة بس؟؟؟

مش هاكتب حريتى هنا تتوقف عند حرية الأخرين ومقدرش أفرض رأى

على حد بصراحه الموضوع اللى أقترحته أبيتاف عجبنى جدا فبالتالى كتبت

شكرا لكل من ساهم فى هذا العمل وأرجو أرسال قرش حشيش


36 comments:

Anonymous said...

لو حبيت تضع لينك لاسم فى بوست ما
ممكن تعلّم على الاسم فى صفحة الكتابة
وتفتح صفحة صاحب الاسم وتنسخ عنوانها من فوق
وبعدين ترجع لصفحة الكتابة وتختار الايكون بتاعة اللينك
هتلاقيها شبه السلسلة
وتنسخ فى النافذة اللى هتظهر العنوان وتقول اوكى
بعدها هتلاقى الاسم اصبح لينك

Epitaph said...

hahahahahahhahaha
الاول اسمجيلي اعتذر اني معرفتش ابعتلك اللينك و الكود
حاولت والله وماتبعتش
وانتي ملكيش ميل ابعتلك عليه
:(

ثانيا ايه الجمال ده
انا فطست علي روحي من الضحك
والتغيير في صيغة الاسئلة
ههههههه

اوسة
انتي سكر
:)))

جمال الدولى said...

اوسة
تحياتى
ده انت تاخدى عشرة من عشرة

انا جبت لك اللبن
وزودت الأشطة

aboaml said...

والله انت دمك خفيف
وتناولت الامتحان بظرف

Aoossa said...

Anonymous
متشكره جدا
فعلا معلومه مفيده
أنا بفرح كل ما أعرف معلومه جديده
ياريت كنت سيبت أسمك
بس أشكرك
خد بوسه
أأأأمووووووووووووه

Aoossa said...

أبيتاف
مينفعش يتبعت
أنا عرفت أزاى أعمله فى أخ فاضل فوق أهه شرحللى أزاى
معلش غيرت فى سؤال واحد عشان أفهمه
الحمدلله كل الطلبه غشت وجابت مجاميع عاليه وهاتدخل النار
أنتى اللى عسل
أنا سمعت أن جالك عريس
شبه ميل جيبسون
الكلام ده صح
ولا أشاعات مغرضه
بلاش بتوع هوليود
أسألينى أنا
الواد فرانك سنترا المعفن سهانى
وسرق شنطة الخضار
باى بقا

Aoossa said...

أبو أمل
الله يكرمك ويخليلك أمل
وتطلع كده زى أبيتاف
مؤدبه ومتفوقه
ونقيه

Aoossa said...

جمال
شرفت وربنا
وشكرا على اللبن
وتسلم الجاموسه
ياريت تشكرهالى وتبوسهالى من بوقــها

أُكتب بالرصاص said...

مافيش احلى من لبن الام !!!!

مافيش احلى من نيدو

واحلى من الشرف مافيش برضه

مافيش فايدة

مافيش حاجة بتتوزع في البلوج ده؟؟

على كل حال
الاجوبة كلها صح ، ودمها خفيف
لكن زي ما بناقش السياسة خارجة مكاتب الوزارات
وبناقش الجنس خارج غرف النوم
ليه حجرت على الدين انه يتناقش خارج المسجد والكنيسة!؟

الدين هوانا اللي احنا عايشين به
مش ممكن اروح اتنفس في المسجد واطلع منه اكتم نفسي


مش كده والا ايه ؟!
الله يرحمك يا فؤاد يا مهندس

islamventura said...

جميل جدا يا باشا البوست ده

بس انتى مادية شوية عايزة 5 جنيه ليه ؟
اقولك بصراحة انا جاسس ان اسلوب الشاتمسيطر عليكى فعلا شوية!!

و اتمنى لكى ان تبعبرى براحتك
و مش عايزك تزعلى من الناس اللى بتقول مافيش فايدة من الكلام
تتخيلى احنا ممكن نتفق على مشاكل
لازم على الاقل نشتكى لبعض و على رايك اسرائيل ..... بس هم كمان مش ده بس سلاحهم و لكن دووول بيعملوا كل ده لبلدهم و بمنتهى الامانة و فى اى مكان

انتى عارفة المدونين المصريين زادوا جدا خلال الاربع شهور الاخيرة و اتمنى ان تكون شىء ايجابى و لكن انا اتمنى شىء من المدونات اريد رايك فيه
انى اخشى من كميات الجنس فى المدونات تصبح المدونات و الردود عبارة عن حلقة لهالة سرحان على قناة روتانا ولا دريم عن الجنس
انا معاكى هو شىء مهم جدا جدا و لا نستطيع تجاهله و لكن اقولها بصراحة لا حياء فى العلم و لا حياء فى امور الحياة و لا حياء امام المدونين شىء صعب
ممكن نتكلم عن مشكلة و نبحث لها عن حل
اما عن السياسة فتكلمى و لا حرج
و لكن الدين مهم لدرجة اكبر من انه لا يتم مناقشته فقط داخل الجامع او الكنيسة
انا ما باقولش انى شيخ ما انا باعمل بلاوى بس لازم يكون الدين موجود ده الملجا لنا فى اى موقف صعب
و بعد الشر عليكى من اى شر
و حدوتة مصرية جميلة قوى
كنت اتمنى انك تشوفى مدونتى
بس اعدك انك تشوفيها بسهولة بعد كدة

و الى مزيد من الخيار يا اوسة

Mamdouh Dorrah said...

ضحكتيني و انا مش عايز اضحك
دمك خفيف موت.........

islamventura said...

على فكرة دوسى دلوقتى بس على الاسم ان شاء الله حتتزحلقى عندى و مالكيش دعوة

Geddo Iskandar said...

:)

الواحد يا أوسه يا بنتي قرأ تاجات أشكال و ألوان من يوم ما عنيه فتحت على البلوجات دي بس و للأمانة - عندك قدرة رائعة على قلب الأسئلة مهما بدت جادة عشان يطلع منها حاجة دمها خفيف ...
طبعا فكرة شديدة قوي انك مش بس تكسري حدة السؤال بإجابة لطيفة لكن كمان تغيري السؤال نفسه
ميه ميه يا أوسة - عشة ععشة (عشرة على عشرة)

أول مرة أعلق عندك بس ماشاءالله المدونة دمها خفيف (لايت كده يعني)

المزاجنجي said...

بت يا اوسا ليلتك سمرا بلاش نقول سودة زي الناس البيئة انت يا بت بتستهبلي كان في خمس ورقات امتشحان اتوزعوا على السلم قدام اللجنة وما اخدتش فلوسهم شيعيهم مع اي عيل من تحت ولا بتعملي على مصالح دا انا هاولع فيكي يا بت انا صايع بحر اوعي تكوني فاكراني دكتور سنان والعيب مش عليكي العيبب على كلابيظو اللي هاوديتك هي قسمت معاكي عموما ليكي روقه ان ما سحلتك من شعرك ولو اني عارف اني مش هاقدر لاني قربت اموت من الضحك الله يهدك تخيلي ان انا كنت ممرر لك التاج ده وانت كده حلقتي لي بموت فيكي يا فقر ههههههههههههههههه

Aoossa said...

أكتب بالقلم الرصاص
من حقك تتكلم فى الدين زى مانت عايز
بس أنا خايفه يحصل فتنه طائفيه
زى البوست اللى عند منال وعلاء
مناقشه أتحولت لوصلة ردح
أنا بحاول أحترم كل الناس
مصر دى لكل الأديان
على رأى السادات الله يرحمه

Aoossa said...

أسلام
عنيا هادوس على أسمك وأجيلك


كوتيكس
أضحك الصوره تطلع شــبهى


*********

جدو أسكندر
شرفت وأنست
وشكرا على كلامك الجميل
أهو شوية فرفشه وسط متاعب الدنيا
**********

من زمان

متظلمنيش
الفلوس مع كلبوزه حطتها فى شنطة الخضار وطارت على السودان تصييف
وأنا هاركب أول مقشه سحريه تقابلنى وهاطاردها فى شوارع الخرطوم

karakib said...

:)
ersaloh 3ala fein ?
antouk

shoowbash said...

ايه ده ايه ده ايه ده


يعني انتي بتدوني علشان توفرلي اجرة الدكتور النفسي
مكنتش اعرف انك بخ بخ اوي كده

علي فكره انا خلاص رفعت القضيه
والاعلان جيلك علي يد سيبر
وابقي خلي بقي المحامين بتوعك ينفعوكي
هههههههههههههههههههههههههه

ومش هطولي ولا ملييييييييييم

Aoossa said...

كراكيبو بنى
أهلا بيك
بس مش عارفه أقرا الأنجليزى العربى ده
ياريت تكتب تايوانى عشان أفهم

شوابش
الأعلان جه وأتفضحت فى الحاره
روح كده وأنت قلبك بلاك
لو حبيت تصالحنى هتلاقينى
عند صاحبتى نانسى عجرم بنشرب شيشه

Nouran said...

هاهاهاهاهاهاهاهاي - دي ضحكة طويلة شوية- يا نهار ابيض ايه الجمال ده يا بنتي لو غشيت الاسئلة من عندك كنت كتبتها ع طريقتك
نصيحة مني كل يوم قبل ما تقومي من النوم اشربي لبن الام ف الحلم وهتبقى تمام و مش هتحتاجي لدكتور نفسي لو مكنش ف مدونات ماشي :)

Aoossa said...

مهندسه نوران
انتى اللى جميله
نورتى ياقمر
خلينا نشوفك
تصبحى على خير

Shower-Mirror said...

و الله انتى بنت جامده مووت ... و انا متأكد ان الاسلوب العامى ده فى الكتابهمع انه يبان سطحى .. لكن انا متأكد ان وراه بنت مثقفه جدا و مفتحه موت و اهم حاجه انها بنت بلد اصيله ... تحياتى و ابقى زورينى .... سلام

Aoossa said...

أنت ياعم الحمام
صباحك شاور جيل
أنا رحت المدونه بتاعتك وسبتلك زجاجة شامبو ولليفه سلك
تمنياتى
بالسعاده
كلامك زى البلسم اللى بحطه على شعرى

Shower-Mirror said...

ده مش لسان يابنتى ..اللى فى بقك ده اله حاده :) بس و الله زى السكر و ميرسى على الزياره .. شرفتى و الله بس على فكره انا اسمى مرايه الحمام مش الحمام الله يقرفك :) و اكيد لما زرتينى عرفتى اسمى كده ليه ... عموما انا مبسوط بيكى و الله و ياريت تعتبرينى من اصدقاء البرنامج ... تشاو

Shower-Mirror said...

على فكره ..كلامك عن القولون العصبى هايل و يؤكد كلامى ان دماغك مافيهاش مهلبيه و لا حاجه لا ده انتى زى الفل ... المشكله انى عارف الكلام ده و حافظه صم و الخلاصه انى عشان ارتاح من القولون لازم حاجه من الاتنين ياما ابطل تفكير - و ده هو سابع المستحيلات - يااما اكل على مزاج الدكاتره !!!! و ده هو المستحيل ذاته لأنى بالعب رياضه كل يوم ساعه -اى و الله ساعه بحالها - عشان اكل بمزاجى .. القصد و ماطولشى عليكى ..انا و القولون هانفضل عايشين مع بعض الى الابد زى التوائم السياميه الملتصقه اللى ماسافرتشى امريكا.!!
ابقى تعالى و النبى علطول و هاتى اصحابك و ماما و بابا و الاولاد اصلى لسه فاتح المدونه جديد و خايف تبقى مهجوره زى الخرابه اللى كنت .... و الا بلاش احنا عندنا و لايا برده .... تشاو ....

Aoossa said...

صراحه ياحمام أفندى
أنت اللى هايل
ومرحب بيك فى البرنامج واكل نايم
على كيفك
على الأقل تونسنا
وبالنسبه للقاولون أديها نعناع بس وانت تبقا كويس
وهازورك أنا والعيله
أحنا نستغنى عنك أنت خلاص بقيت أبننا

MAKSOFA said...

دا انت طلعت داهيه
والله انت زي العسل ربنا يجبر بخاطرك

Aoossa said...

مكسوفه
شكرآ على الزياره
لو أعرف أنك جايه
كنت بعتلك الواد بليه
يستناكى على أول الحاره
الورشه نورت

cigara... said...

اهلا
اهلا
بيكي
في
عالم
الحرية

Aoossa said...

سيجاره
متشكره
على
ترحيبك
قريت كل مدونتك
انتى
عسل

21arestoo said...

دمك يلطش
ثم ايه (احه) دي يا حاجة
انتي منين؟

blady said...

محتار أؤوللك إيه على خفة الدم
والذكاء
والعمق
والصدق
انتى جميله بجد يا أوسا
مدونه غنيه
وروحك
أغنى
كل الموده

واحـــد مـــــن الـنـــاس said...

بقولك يا اوسة
انتي دمك خفيف اوي
بس عايز اقولك حاجة
ياريت متزعليش مني
او متعتبرنيش خنيق

مفيش حاجة بتكتبيها في حياتك او بتنطقيها ..الا لما هتتحاسشبي عليها يوم القيامة ..وهتاخدي ذنب كل اللي قراها او سمعها

ربنا سبحانه وتعالى بيقول : ((وما يلفظ من قول الا ولديه رقيب عتيد ))

يعني انا عايز اقولك ان مدونتك جميلة فياريت تخليها ضمن مشروع ((مدونات بلا بذائات )) ..وياريت بجد متزعليش مني وتقولي عايز ايه ده ...

وربنا يوفقك يارب ونشوفك عمدة البلوجرز

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

arab girlscool said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

basma gaber said...


شركة غسيل خزانات بالرياض
شركات عزل اسطح بالرياض
شركة تنظيف مسابح بالرياض
شركة تنظيف بيوت بالرياض
تنظيف شقق
شركة تنظيف مجالس
شركة كشف تسربات المياه بالرياض
شركة تنظيف موكيت بالرياض
افضل شركة تسليك مجارى
تنظيف فلل بالرياض
افضل شركة تنظيف بالرياض












































أفضل  ألف  مدونة