أفضل  مئة  مدونة

Wednesday, August 09, 2006

حاجات بحبها مووووت


I love it So much
حاجات بحبها
كل البنات كتبت عن الحاجات اللى بتسعدها بناء على نصيحة جدو
وأنا كمان أشمعنا أبيتاف عشان عسوله و حلوه وبحبها وخطها حلو فى الأنجليزى
أه بالمناسبه شوفــتوا الفضايح اللى أنا فيها فيونكه حمرا مش كتبت بوست عنى
وفرجت عليا البشريه جمعاء وسيرتى على كل لسان أينعم مفهمتش هى بتقول أيه
بس قلبى بيقولى ده كلام كوخه عيب يعنى ياريت حد يقرا كلامها وبعدين يبقا يوشوشنى على جمب
وهى كالأتى
ظاهرة خالتي وخالتك واتفرقوا الخالات
في ظل العولمه وما يستتر تحت قناع الواجب والمعرفه تاهت بل تبددت الكثير من المعاني
واصبحت اجدها في تكوين فضوي يمثل لي ...نقطة ارتكازي علي هذا العالم الافتراضي
الذي طالما قررت الاقلاع عن تعاطيه اوقعتني الايام في صفحة الدرافت
دون ان اري................................................عن ظاهرة خالتي وخالتك
واتفرقوا الخالات اكتب بكعوب عاليه
اهدرتها نزوات ربه ..ــــــــــــــــــــــــــــــــــــــــبعد الرجوع خرجت باكتشاف جديد
هي الاميره اوســــــــــــــــــــــــــــــــــــه....بجد اهلا بكي علي ارض التدوين
...نورتي هذا العالم الافتراضي بلوكك الجديد لعل المدونات الان اصبحت تشبه الي حد كبير السينما
....تتعدد الافلام فيها وتتنوع ويكثر الممثلون وتختلف شخصيلتهم وتهبط افلام وتصعد افلام ....
وفي الاخر السينما ليست بحاله جيده ولا حتي دون الجيده..دا مش اساءه فيكي
انتي اهلا بيكي علي ارض التدوين .... التي شابهت السنما في تكرار اعملها وابتذالها......انما دي بواخه علي هذا العالم الافتراضيـــــــــــــــــــــــــــــــــــــــــــ فالنتينا فيونكه ماركسيه حمراااااااااااااااااااااااااااااااااااااااااااااا
أنتهى
كعوب عاليه تبقا شتيمه
هى دى شتيمه يا كابتن
عم حنفى هو الكلام ده هجاء ولا حبشتكنات
خالتى سكسكه أطلعى شويه فوق*** ألكلام ده معنته أيه سجع ده ولا برد
ولو شعر يبقا القصيده بتاعت فيونكه حمره أيه؟
أيه فى المقرر حفظ يعنى ولا نظر
يالهوووووووووووى
ألحقووووووووونى
أنا الظاهر فيونكه زميلتى فى الزنزانه بتسيحلى
ماعلينا خلينا فى موضوعنا
أيوه الحاجات اللى بتسعدنى أحممم أحممم أصلى بسلك البلعوم
لما بشوف أفلام رعب خاصة فيلم دراكولا بيفكرنى بواحد أعرفه
لما أشوف خناقه فى الشارع
لما شاب يبعاكسنى فى الشارع بتبسط بيه أأوى
لما حد بيهدينى طبق مومبار حاجه شبه المحشى كده
لما بيجيلى ميسد كوول من حد متوفــى
لما أسمع عن واحده ضربت جوزها بقعد أهللل
لما أعمل مقلب فى حد بحبه ويطلع من عينيه
لما أتــلــم أنا والبنات صحباتى وندديها نميمه
لما أسمع السلام الجمهورى اليومين دول بديها هرتله
لما أشوف راجل أفندى بيكلم نفسه فى الموبيل وباصص نحيتى
لما أكون واقفه فى المطبخ بعمل لازنيا أو بشوى دره
لما باروح البحر وأسمع واحد بيقول الحقووونى والكل مطنش
لما أتفرج على العاشره مساء وأشوف منى الشازلى
لما أشوف حمدى قنديل بحس أنى عايزه أبوسه
لما أشوف حبيبى اللى عرفنى موضوع التدوين هو عارف نفسه
لما اروح فرح وتحصل خناقه أديها زغاريد على طول
لما أشوف فيلم لزينات صدقى كتاكيتو بنى
لما الشوباب فى المواصلات يقوموا ويقعدونى وأنا أقول ميرسي و عامله مكسوفه
لما الكهربا تقطع فى الشغل هييه مفيش أحلى من التــنبله
لما حد يسيب تعليق كويس
وأزعل أوى من التعليقات الوحشه
واخدين بالكوا بازعل وممكن أولع فى الكمبيوتر
ياريت بقا حد يسمعنا سبعه كيبورد ومسافه
واللى زعلان يعمل أسكيب
Escape

40 comments:

Mamdouh Dorrah said...

ضحكتيني يا اوسه
دمك خفيف موت

islamventura said...

انتى عندك حق
عارفة ؟؟؟؟
انا باتمنى اللحظات اللى باكون فيها مثلا مع مجموعة من اصحابى و نهرتل حتى نصل لنقطة ضحك للدموع و بتكون اسعد لحظات ممكن اشوفها على مدار فترة طويلة جدا

سؤال مهم جدا ..... ايه اللى بيفرحك ؟
ممكن حاجات صغيرة جدا تسبب سعادة مش لازم حاجات عظيمة قوى
زى ما قولتى كرسى فى مواصلة

انا مبسوط جدا من البوست ده

مـحـمـد مـفـيـد said...

دمك خفيف جدا وباين عليكي شقيه اوي

Epitaph said...

هههههههه
انا لسة صاحية حالا وقلت اجي ازورك ومعايا الحشي والفشار
قمت وقعت من الضحك
هههههه

سلام سبعة كيبورد و مسافة؟؟
هههههه

انا كمان بحب الممبار
ماتعزميني عليه

بقولك صحيح
ده اللينك اللي فيه خدع المدونات: الاغاني واللينكات والبتاع
وازاي تحطي البوست في الفرن
http://bmadvice.blogspot.com/

ولو عايزة حاجة تانية
اديني رنة ع الميل

سلام عشان ادور ع الفطار

Sampateek said...

الا قوليلي يا اختي هي نقطة ارتكازي دي في اي حتة في الجسم؟
و بعدين انا حاسة ان كلمة العولمة دي كلمة ابيحة
انا كمان بحب الممبار و حعمل لكم انت و ابيتاف فايل و اعمله اتاتش و اخللي العم ياهو يلطم
ماركسية حمرا لا عيب بجد هيا حصلت الشتيمة بالام
---
ياختي عليكي يا اوسة دماغك عالية
ياختي شبابها حلو ياختي جمالها حلو
اللي اللكاء في الحفلة القادمة
لولولولولي
يعافيكي يا شابة

Sampateek said...

ابيتاف
مرسي يا جميلة علي اللينك فعلا كنت محتاجاه
كل لينك و انت طيبة
و يجعل بيت المحسنين عمار

BaTaBeeT said...

ana awel mara agy hena... w fe3lan gamda

bas 3andy so2al !!1 enty meen ya bett !!! LOL
enty day3a.. begad dammek 7'afif moot masha2allah
ne3ml eh b2a.. magayeb epitaph.. hehehe
enty bas dawa a3sab kwaies.. w teb2y meya meya (just kiddin ya gameela)
nice blog:)

Aoossa said...

كورتيكس
شكرا يا جميل
محدش واخد منها حاجه


أسلام
ضحكه من القلب وسط الصحاب بالدنيا
شكرا ياسمسم
والله مش عارفه أودى جمايلك فين
المره الجايه متجيش وأيدك فاضيه
بطيخه ولا حتى نص كيلو جزر

Aoossa said...

محمد مفيد
شقاوة أيه
ده أنا بكتبلك ودمعتى على خدى
جعااااااانه
جعااااانه

Aoossa said...

أبيتاف ياروحى
حتى وأنتى لسه صاحيه برضه زى القمر
هو المحشى بتاعك حطه فيه أيه
شبت ده والا جرجير
بس طعم
يسلم أيدك
هو ده اللينك ياختشى
روحى ربنا يخليكى ليا
هاتفطرى أيه
كورن فليكس
الف هنا
عاوزاكى كده تاكلى و تربربي شويه
الناس تقول أيه معندناش محشى
سلام ياجوجو

Aoossa said...

كلبوزه ياختشى
شوفتى بنفسك
سألت واحد دكتور على كلمة أرتكازى
قالى دى المنطقه اللى فوق الحوض وأنتى طالعه على باب الشعريه
والعولمه دى طلعة دوا كحه
بس طعمه مر أأوى

شوفتى أبيتاف جبتلى أيه
لينك على مقاسى
بس مش عارفه البسه على أيه
ممكن مع البادى الفوشيا
أصلى أنا دلوقت فى مرحله خطره
متنسيش بقا
ميسدات

Aoossa said...

باتابيت
شرفتى الورشه
شيشه ياواد يا بليه
لأبلتك بتابيت
أيه بتابيت شاب مش بنت
معلش مخدتش بالى
هات يابليه لعمك عصير خروب
وطبق كشرى من على الناصيه

BaTaBeeT said...

aoossa.. ana bent ya sh2i2..
w 3azmaky 3la 7alabesa fil salamtro cafee
7'ody el 3enwan mn 3ammy epitaph

1_masry fe America said...

kalamm Gamed...i wish i was blogging long time ago..like 1882 or somthing

Aoossa said...

batabeet
Sorry sweet girl
and Thnx for your invitation
حلبسه مره واحده هو ده أخو السيد شكوكو

مصرى فى أمريكا
شوفت بقا الثقافه والاسلوب البديع
فى الكتابه طبعا فكرتك بكتابات على بك الكبير و طه العقاد

Epitaph said...

انا اسمي ذكر في التعليقات
اكتر من التعليقات نفسها
عشان مدة
كنت عمالة باكح اكح
ههههههههههههه

وبعدين اربرب ايه
انا كلبزت حتي اكتر من كلبوزة نفسها
حتي اسألي بطابيط
ههههه
بصي هاتي في ايدك كلبوزة و نروج سلامترو كافيه و نشرب حلابسة علي حساب بطابيط هانم
و نعملDISH PARTY
انتي تجيبي الفيشار و انا المحشي و كلبوزة المشبك..و نعيش

علي فكرة..خطي حلو فالانجليزي حتي شوفي
*kisses*
:) اسمي طالع منك زي العسل

Aoossa said...

أبيتاف
أنتى منوره الدنيا كلها
حلبسه ده بجد أيه
بجد لو محتاجه تخسى
اشربى ميه كتير قبل الأكل
بلاش بيبسى وكولا وأكل من بره
أمشى دايما
العبى تمارين بطن وضغط يوميا
مع الوقت حاتحبيها وشغلى أثناء التمارين شريط كاسيت بتحبيه
بلاش نشويات كتير
وأعملى مجهود فى البيت
وفكرى فيا كتير
big Kiss For you

Epitaph said...

حلبسة هو حمص الشام
ههههه
بس انا مش باحبه
:))
وبعدين انا ح اروح الجيم مع كلبوزة وبطابيط
ههههه
صباح الفل يا قمر
:)

Aoossa said...

أبيتاف
حمص الشام جميل
بس بحبه بيتى بيبقا أنضف بصراحه
طيب أقولك سر رشاقتى بجد
الرقص الشرقى
ممكن ترقصى فى غرفتك
مش عيب
وبعدين كل الدنيا بتفتح مدارس رقص شرقى كنوع من أنواع اللياقه والحفاظ على الرشاقه
ولو بصيتى على البنات اللى غاويه رقص من صغرها هتلاقيهم أخر رشاقه
خساره البنات دلوقتى بتكسل ترقص
بس أرقصى فى وسط صحابك
مع نفسك
عشان عنين الشوباب ياأختشــى
صباح الورد

Nouran said...

ايه ده اول مرة اجي عندك والاقي حفلات وحجات كده لا لالا ده اانا هفضل هنا علطول ويا ريت تعزموني لو سمحتوا لحسن انا بقيت وزيرة دفاع ف حركة كلابيز وانتوا عارفين يعني ايه :) وكمان انا اتعزمت ع المشبك قبل كده عند ام المريلة الكحلي من ابيتاف برضه خلاص ماشي الكلام

بصراحة الحجات اللي بتسعدك حجات جامدة جدا وغريبة بالذات فيلم
دراكولا ابعتهولك عندي ع الجهاز :)
حلو تعليقي ولا ايه مش عايزين حاجة تولع وخدي يا ستي سبعة كيبورد ومسافة وبلاش اسكيب ماشي الكلام

Aoossa said...

نوران
شفتى الحجات والحبشتكنات
أتفضلى فشار
فيلم مصاص الدماء ياهبتدى
فيلم رومانسى مووووووت
تعليقك عسل زيك
يارب تتجوزى
العواف

Aoossa said...

نوران
شفتى الحجات والحبشتكنات
أتفضلى فشار
فيلم مصاص الدماء ياهبتدى
فيلم رومانسى مووووووت
تعليقك عسل زيك
يارب تتجوزى
العواف

islamventura said...

يا ريت تزورينى فى المدونة و ما تكلفيش نفسك حاجة

islamventura.blogspot.com

Aoossa said...

أسلام
أشطف أيدى من الغسيل وجيلك
عنيا
حاجبلك معايا خياره
خياره للأكل
مش لل
مش للتخليل

Epitaph said...

رقص؟؟؟؟؟؟؟
ايه يا اوسة
ماتعرفيش اني اعتزلت من زمان
ههههه
البركة بقي في الاجيال الجديدة

مستنيين التاج يا حلو

Sampateek said...

اه نسيت اقولكم
انا بحب اقرأ مجلة ميكي جداااااااااا
بالذات قبل ما انام
بتعملي فصل بين العالم اللي انا عايشاه بكل همومه
و بتنقلني في عالم وهمي جميل فيه قيم و ثوابت
مش بتلاحظوا ان كل ابطال ميكي ماوس لابسين جوانتي ابيض!
يا سلام نفسي ابقي زي زيزي و كوكا و اسكن في بيت سقفه احمر
----
يلا يا بت البدنجان علي النار
حاضر يامه
يووه
اسيبكم بعافية

islamventura said...

خلى الخيارة لمرة تانية و طلى انتى علينا

دا انتى دخلتك علينا ب 100 خيارة

shoowbash said...

يخرب بيت عقلك يااوسا ياختي
بس بجد بتعملي لازانيا حلو ؟؟
لازانيا ولا دقيقه ولا ساعه هههههه
شوفي بقي انا هرفع عليكي قضيه في المحكمه العليا للمدونات علشان انتي افيهاتك عاليه طحن وحلوه كيييك
واتسببتلي في وجع بطني مش من القرف طبعا
من الضحك
مما ألحق بيا اضرار بلوجيه جسيمه
غالبا المحاكمه هتبقي في محكمه شوبش العليا للامور المستعجله

جهزي نفسك والبسي احمر في احمر

الي اللقاء
وفوتك بالعافيه

المزاجنجي said...

اوسا الننوسة بجد انت بت مهوسة لكن تستاهلي الف مليون بوسة هههههه شعر ده ؟ ولا دقن ههههه بجد مش عارف اقولك حاجة غير انك بت فقرية وعالية التربية لكن نافوخك مهلبية هههههه بجد انت مصيبة والله الواحد بيحب لما يكون الانسان كده مصدر لها العبيطة ومش هانلاقي اكتر من كده تصديرة وللاسف انا اكتشفت ليه الاكل اللي كان بيجي لي خس لان ام الكلابيز حولته كله عليكي روحوا انتوا الاتنين منكم لله انا خلاص هاموت جوعاً ولو شفت حد منكم هوب ناحية التلاجة اللي عندي في البلوج هاكهربه وتحياتي

Aoossa said...

أبيتاف
هاقولك نصيحه
لو بصيتى للفلاحه فى الريف هتلاقيها جسمها متناسق ليه عشان حركتها المستمره
الرقص بتاعنا مهم للحفاظ على اللياقه
بصى للبنات الرقاصه تلاقيهم موديلز
يبقا الرقص مهم بس مع نفسك
وبعدين موضوع الرقص ده هيكون موضوع بوست قادم عشان نفهم أكتر

Aoossa said...

شوبش
كلت الزانيا
شاطره أنا جدا
وبعدين بدل المحاكم نحلها ودى
يعنى تاخد العيال
وأنا أخد العفش
ونفضل حبايب
لو مصصم يبقا نروح محكمة الأسرة
وعندى أتنين محامين شداد
علاء جوز منال
والشرقاوى
ولو أفريكانو معندوش عمليات ولاده
ممكن أستعين به
ولست أدرى هاتبهدلك فى الجرايد
أنا ورايا رجاله بتاكل الزانيا نيه

Aoossa said...

كلبوزه
عارفه زمان كنت بفكر ميكى
وأعوانه بجد
وكنت عايشه فى دور عبقرينو
وبقلز وأرنوب بتوع ماما نجوى فاكراهم
كنت بخاف أغلط لماما تشتكينى لماما نجوى
وأرنوب يخاصمنى
تخيلى كلهم طلعوا أشتغالات
حتى ماما نجوى
طلعت كرتون

Aoossa said...

أسلام
مش عارفه أدخل البلوج بتاعك فى عندك مشكله ومتهيألى محدش ممكن يعرف
خلى حد يجرب وبلغنى
شيلالك الخيار

من زماااان

أحسن حاجه أنك دايما متفائل
ربنا يدمها نعمه
أنا كنت عندك أمبارح وسبتلك تعليق
أرجو أنك تقراه
فى البوست الخاص بنسب الأمراض فى مصر
سلامااات

islamventura said...

يا ستى قلت لك
اكتبى فوق فى العنوان

islamventura.blogspot.com

و انتى و الله حتوصلى
و خلى لك الخيارة انا عندى لو انتى عايزة ممكن اجيب لك

Aoossa said...

أسلام
انت عندك حساسيه من الخيار
خلاص هاجبلك خص
بس ده لو لقيت فى سكتى
باى

cigara... said...

باموت
في
زينات
صدقي

Aoossa said...

وأنا بموت
فى دخانك
ياسيجاره

ody911 said...

معلش بدون زعل يعنى إيه لازانيا دى ؟؟؟
وبلاش تولعى فى الكمبيوتر بتاعك ملهوش زنب أصلى منوفى
مبنعرفش الحجات دى !!!
وعادى بقة

Aoossa said...

أودى

الازنيا مكرونه
عادى بقا

arab girlscool said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

أفضل  ألف  مدونة