أفضل  مئة  مدونة

Wednesday, January 24, 2007

الشرطه بتعيد على الشعب







عيــد الــــــشــر.. طه
بينما كان برنامج تسعين دقيقه يحتفل بعيد الشرطه خرج علينا مسؤل أمنى بتصريح غير عادى وغير مقبول وغير مفهوم مفاده أن سفاح المعادى
هو صناعه أخوانجيه قصد بيها الأخوان المسلمين تهديد الأمن العام
صاحب هذا التصريح دائمآ مايظهر فى برنامج العاشره مساء ليسجل أعتراضه الشهير مـــحـصــلــش
لينفى أى جرم أرتكبه الأمن حتى مع وجود شهود عيان
كما أستنكر سيادته عدم تمكن المواطنين من ملاحقة السفاح
والقبض عليه
===================
هذا وقد أعربت السيده أعتدال نفخو عن قلقها المتزايد
تجاه فشل المواطنين فى القبض على السفاح أبن الكلب
و تحقيق الأمن والأمان للأخوه بتوع الأمن هذا وقد تحدث السيد كراكيبو الحائز على شهادة شراسه و اجرام فى دنيا الكون والمتحدث الرسمى عن منظمة أطفال الشوارع عن عدم معرفته بملابسات الــجــضيه وأن السيد توربينى ربنا يفك آسره ويعلي مراكبه كمان وكمان محبوس عندكم
وقد رفضت وبشده الدكتوره أنشراح الادلاء بأى تصريح على هامش الأحتفالات بمهرجان الكتاب وأصدرت صرختها المشهوره خخخخخخخخخخخ
أم الكتاب على اللى عايزين يقروا الناس جعانه ونفسها فى شندوشتات كبده ,و وصلة دش من أم عشــين جنيه عشان نشوف قنوات الثقافه وبرامج الفاشون ونتصل بالواد شريف بتاع الأسره والتفل ونسأله عن طريقة حشى المونبار
أم البت موزه بنت الشيخ شكشك بتاع العيال فخدت ديلها فى سنانها وطيران يا معلمى وركبت التوكتك وراحت على مــعرض الفن التجريــجى بتاع السيد الفنان وزير الأحسان وهناك قابلت الفنانين والفنانات و سمعت محاضره للعالم بضانه النفخ اللى أتكلم عن المدرسه الجديده للفن التكعيبى وأن الفنان أستخدم الوان جريئه زى اللون الجــرجـيرى ومزج الألوان بطريقه سيرياليه متعمقه فى أصول الطبخ أما الدكتور العظيم حنفى أنسداد وده أول عالم فضاء من المنوفيه بالأضافه أنه أول أنسان ياكل بأيده اليمين برضه فى المنوفيه فقد أشاد باللوحات و أستوقفته لوحه عليها شوية طرطشه باللون البنى الفاتح وفى النص دايرة صغيره باللون الأحمر واللوحه أسمها الدنيا دى صغيره أوى وقد أعجب بها كل الحاضرين وقد حاول البعض شرائها بمبلغ أتنين كيلو فياجرا ونص كيلو جمبرى لكن الفنان رفض البيع وقال للأسف أعمل بيهم أيه مكنش ينعذر أم اللوحه الأولى وهى عباره عن مجموعه من الألوان الداكنه ومحتضنه للون الأزرق فى أنسيابيه وتحرش ودفء فقد سميت بأحتمال تمطر وقد طالب الحضور بضرورة تدريس هذه اللوحه لطلبة فنون كميله وطلبة هندذه قسم كيميا حيث ثبت من خلال الابحاث المعملجيه أحتوائها على مادة ثانى اكسيد المنجنيق والتى تعمل على تحسين رغيف العيش فى ساحل العاج بالاضافه الى دورها الأقليمى فى بناء مستوطنات جديده للامريكان فى كفر الدوار وحوش عيسى
المعرض فى حد ذاته يعتبر نقله جديده لمصر ودول العالم الرابع صرحت بهذا الفنانه العائده من الموت عنيات أم شلته وايدت أن الألوان مع عنصر الضوء والظل مع قليل من ورق البفــره وبعض العرانيس ممكن تعمل دماغ وتسمع فى الــمخ وأن الأنبساط الحقيقى لجماعه من الناس فى وقت معين يبدأ من اللحظه دى لحظه الهرتله مع أهمية أعادة التوزيع الديمغرافى للمجتمع على أساس من الشفقه والرحمه والحنيه يعنى النص نص والربع ربع والكيلو كيلو واللى يغش فى الميزان بيروح النار
وسكينه تــشق بطن الكافر والمفترى وأبن الحرام وبتوع أكياس الدم الفاسد وسمعونى احلى سلام سلام المدونين والحوارتجيه و ربنا يخلى باباو يرجع تيتى بالسلامه
السلام الجمهورررررررررررى
وشششششششششششششششش
أنتهى الأرسال

24 comments:

saso said...

mmmmm
وانا أقول النكد جاي إمتي ..مستريحتش للقطط والبوبيهات قلت اكيد ناوية علي نية

وجعتيني يا أوسة بجد..تجميع موجع اوي لعار اتعودنا عليه
خايفة بعد كام يوم يبقي عادي زية زي مناظر الاغتيالات اللي كانت موضة في الجزيرة، وضحايا الحروب والمجاعات موضة الوثائقي

ثانية واحدة ..رغم النكد الموحي ...هوا انا أول كومينت؟
طيب.. هيييييييييية

الأميره أوسه said...

ساسو
أزيك
شفتى القطط الحلوه
البوست النكد ده بمناسبة عيد الشرطه
كل سنه وأنت بخير

جبهة التهييس الشعبية said...

إيه يا أوسا فيه إيه؟

الشرطة بتأدب الشعب اللي ناقص رباية

وقال على رأي المثل يا بخت من عذبني وأخد دبورة ولا رحمني واترفد مش شغله

محمد عبد الغفار said...

لم تعجبنى الألفاظ المستخدمة

الأميره أوسه said...

Mohamed A. Ghaffar
مش مهم تعجبك
لو خدت بالك أن دى مدونه شخصيه
مش منتدى

i love you said...

حرااااااااااااام
علييييييييييكي
يا
ماماااااااااا
كنت
مرتاحة
مع
القطط
و
عسل
القطط
و
دفا
القطط
و
حنان
القطط
و
جنان
القطط

الأميره أوسه said...

جبهة التهييس الشعبية
أتخنقت من الشرطه
بفكر أغيرها بشرطه مدرسيه
أخبار الحرب العالميه فى بلوجك أيه
ربنا يصبرك

الأميره أوسه said...

سيجاره
أزيك
أحتمال ألغى البوست ده وأديها قطط
أنا عندى صور لمعظم أنواع القطط
أنا قولت أطلع زهقى فى كلمتين
بس يظهر الجمهور معترض
أموه ليكى

LAMIA MAHMOUD said...

يا سلام على الفضايح .. ادخلوها بسلام امنين

بس احلى حاجة بجد الواد شريف بتاع الاسرة و(التفل)
ده عايز بوست لوحده .. بجد بيجيب الضغط قال اية والناس تتصل بيه تقوله بنحبك اوي يا شريف
حبهم 27 برص

Anonymous said...

اسئووووس
وحشتييييينى

نعمين بقا؟
هو كل ما يفشلوا فى ام مصيبة يلزقوها فى اى حد على جنب ولا اية؟؟
أنا باكرة أم الأخوان آآآة
لكن مش معنى كدة ان الواحد يعنى يسطعبطوه ولا مؤاخذة
طيب دة حتى الاخوان متريشين والأشية معاهم معدن وبيعرفوا يتجوزوا ومية مية ومش محتاجين جرايم وتحرشات يعنى


قال مجرم اخوانجى قال
سلامات يا اخوانجى

حيسيبوا الحمار ويمسكوا فى البردعة
أهو دة بقا المجرم اللى ميعرفوش يلفقوا له تهمة زى كل مرة
لأنه لسة حر طليق
وحيطلع البلا على جتتهم وجتتة الغلابة اللى فى الشوارع يا عينى
دة وقعة سنينه سودا لما يقع

---------
شفتى النصب الجديد اللى عملوه للشرطة يا اسئوس وافتتحه الحاج الكبير هو والصبى بتاعه العادلى يوم العيد الشرطجى الصبح؟؟؟
قال اية؟
يرمز لآتحاد الشرطة بقوى الشعب لتحقيق الأمن والأمان فى مصر ورغد العيش للمواطنين

اى شعب دة؟ مأخدتش بالى

Bahz.Baih said...

و معانا أتصال
صوت: الو ...الو
أوسه: ممكن توطى التلفزيون علشان نعرف نسمعك
صوت:أيوه يا ست أوسه... انا انا انا بتفرج على البرنامج بتاعك و عاجبنى جداً و مبسوط خالص
أوسه: طب بس مين معايا
صوت: انا بهظ يا ست أوسه ... مش تبصى على أسمى فى الكومنت
أوسه: أه ماشى ..طيب يا بهظ ها تحب تهدى أيه
بهظ: أحب أقدم أهداء لمحافظ أسكندريه فى عيد الشرطه... و أتمناله أنه يخف و يرجع لنا بالسلامه... ياعينى الراجل معموله عمل تحت بلدوره رصيف و علشان كده قالب أسكندريه و مطلع بطنها و عمال يغير فى الأرصفه و يا ريت يا ست أوسه تدعيله ربنا ينتعه بالسلامه و أحب كمان أشكرك و أشكر كل طقم البرنامج الحاج بلوجر و جوجل و كل اللى علقوا
و السلامو عليكو

الأميره أوسه said...

LAMIA MAHMOUD
البنات بتتصل بشريف
وتنزل حب فيه
فى البرنامج مش عارفه ليه وعشان أيه
يكون وسيم وأنا مش واخده بالى
ده حتى الستات الكبار بيعاكسوه

smraa alnil said...

ههههههههههههههههه

اصلي مش كنت مطمنة برضه
لازم بعد القطط او الضحك يجي النكد
تقوليش بتصعب علينا نفسنا لو مش نكدنا

عيد شرطة ايه
اللهي تولع بيهم

وبعدين شريف ايه دة اللي
بيحبوه بشعره دة
والله يا بنتي بحس بجد انه شاذ

البلد بقيت مش بلدنا يا خضرة؟

الأميره أوسه said...

النت عندى مريض

مراقب مصري said...

أسئوسة الرائعة

ضحكتيني بشكل مرعب... البوست مسخرة... وبعدين حلوة حكاية إن دي مدونة شخصية مش منتدى... بس انتي شكلك كدة مش من أنصار المدونات النظيفة... ههههههههههه

بس فاتتك تظاهرة النهاردة... أيوة هما العيال النخبة ما يقولوش عليها مظاهرة يقولوا عليها تظاهرة... خليكي نخبوية كول بقى مش هتفضلي طول عمرك شعبوية بالتقلية

نكدنا على أمهم عيد الشوربة بتاعهم وشركنا العادلي خالص وطبعا ما نسيناش القائد الأعلى لجهاز الشوربة هو وابنه ومراته عدينا عليهم بالمرة واتريقنا على أمهم كلهم

والحلاوة بقى إن المرور في عبخالق ثروت وقف عشان يسمعوا هتافاتنا ويحيونا... زمان النا كانت بتسب الدين للمتظاهرين دلوقتي بيحيونا وبيقفوا يسمعونا

لوما بدأنا نعصي العساكر على الظباط اللي نافخين أمهم تشوفي بقى وش العيالالعساكر بتوع الأمن المركزي الغلابة وهما متفاعلين معانا بقلبهم - وهذا أضعف الإيمان زي ما انتي عارفة - ونفسهم يهتفوا معانا بس طبعا حكم الأوي

باختصار فاتك نص عمرك والتظاهرة اللي جاية لازم تكوني معانا عشان تنكدي ع الأوباش دول معانا

lastknight said...

يخرب بيت البراندى بتاع عماد الدين .. هى لطشة الدماغ دى أنا عارفها .. بتجيب هرتله متواصله و تلبس فصوص المخ فى بعضها و تلزق من جوه
شوفى .. مع تحفظى الغير مطلق على الألفاظ .. ألا أن استخدامها كان رائع فى التعبير عن عمق الوجيعه بالمصرى الأصلى الأصيل .. برافوا يا سمو الأميره أوسه و ريثة عرش وادى النيل من امبابه حتى مقديشيو
و لو حبيتى تشغلى البراندى أكتر .. أبقى مزى معاه بزيتون اخضر ..هاتدعيلى ... بس خلى ح يقفل عليكى الباب من بره لحد الصبح ..

zenzana said...

هههههه
خلاص اتعرفتي قطط يبقي وراها نكد علي طول
مالها القطط؟كخه، بالعند فيكي البوست بعد الجاي عندى هيبقي كلاب بما اننا بنحتفل بعيد الكلاب

شهروزة يا حبيبشي متقلقيش ع الاخ الاخوانجي، من جحافل الشربة، دول برده اخوات، والكلب ميعضش ودن اخوه
هههه
اول مرة فارس يتفق مع حد من الطبقة الكادحة انتى دخلتي التاريخ يا بنتى
بس اوعي تصدقي كلامه، قال براندى قال، دا كان منقوع براطيش مخصوص بالبرجوازيين

tota said...

اوستى اميرة الشرق والغرب والشمال والجنوب وتخصص الكونغو و المنوفية

كل سنة وهما ساديين مجانيين معقدين مختلين
وكل عيد وهما موهومين انهم حماة الوطن والشعب

انت مهتمة بالفن جامد جدا انا بصراحة بعرف اميز الالوان
لكن حضرتك ده اخرى انما خلطة الالوان بتاعة السيد اللواء الفنان المحافظ اثرت فيه قوى خلتنى افكر بلاها الوان خالص بصراحة وهمشيها لون واحد علشان كرهت الفن والالوان

هو بجد يا اوسة فى سفاح ولا مفيش سفاح وهو يا ترى سفاح واحد ولا سفاحين كتير وايه الفرق بين ضابط الشرطة والسفاح غير ان ده بيلبس ملكى وده بيلبس ميرى

ويا ترى السفاح هيطلع مختل وهيموت فى القسم بهبوط حاد فى الدورة الدموية

هو مين المراسلين الصحفيين الكتير دول انت وكالة الانباء عندك مكتظة وتخينة كده

سلامات يا قطتى

جبهة التهييس الشعبية said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

هاهاهاهاهاهاهاهاهاههههههههههههههههههههههههههههههههههههههه

يخرب عقلك


بس والنبي والنبي

والختمة الشريفة يا شيخة استنكر عدم قدرة المواطنين على القبض على السفاح؟

اصله ممكن يعملها
هههههههههههههههههههههههههههههههههههههههههههههههه

ضحكتيني من الهم

3rby said...

انتي مسخرة

Samir Saad said...

مش عارف اقول ايه. لما بشوف حد بيتكلم كدة بحس ان الفقر والقرف اللي في البلدي نعمة علشان خلونا نطلع المواهب المدفونة جوانا.

انا مبسوط جدا بزيارتي للبلوج بتاعك.

كملي. قدامك كتير.

Ahmed Mohamed said...

انا حاولت افهم مفهمتش حاجه ابدا هيه المواضيع داخله في بعضيها ولا انا الي مهيس بصراحه مش هاحاول اكمل قرائه

فطومه ويوكو said...

بالتوفيق والكلمه الصادقه
د.مراد آغا
طبيب من أصل سوري
حزب السلام اسبانيا
partidodelapaz@hotmail.com

abdullah-blogs said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة