أفضل  مئة  مدونة

Monday, November 20, 2006

حبة رجوله لكل مواطن

ياسيدى المخترع العظيم
يا من أبتكرت حبة تحفز فينا الذكوره
فيـــــــــــــــــاجرا
وتعيد شد أوتارنا وأعصابنا المقهوره
يا باعث النصر والفرحه
فى الأجساد و القلوب
تيــــــــــــــــاجرا
و فى ألمخادع المهجوره
يا مرسل اللذه والدفء والرعشه
فى الضلوع والأبدان المنخوره
يا سيد المخترعين
كمـــــــــــــــــــــاجرا
وملهم المبدعين
يا من صنعت دواء فجعلته بلسمآ
يشفى من الصدأ والكهوله
و يعيد للشيوخ الفحوله
أما صنعت لنا بلسمآ
يزرع فى أمتنا الرجوله
تبآ لك ولأمه
ضاعت من ملامحها الرجوله


61 comments:

lastknight said...

لا و لن يوجد مثل هذا الدواء .. لكن أتدرين مايمكن أن نفعل ؟ ربى أبنك ليكون رجلا .. و ربى ابنتك أن تعرف كيف تصنع من أبنائها رجالا .. ساعتها فقط .. قد يكون هناك أمل

مراقب مصري said...

ويرد المخترع العظيم قائلا

لما ذكوركم اللي كل همهم الفحولة
يبقوا يعرفوا يعني إيه معنى الرجولة
فياجـــــــــــــــرا

ولما رجالتكوا يبطلوا يعيشوا خصيان
ويفوقوا من غيبوبتهم اللي بقالها زمان
فياجــــــــــــــــرا

واما رجالتكوا مخهم يرجع تاني فوق
ويبطلوا وطيان .. اسكتي أنا مبقوق
فياجــــــــــــــــرا

واما الراجل يبطل يطاطي للي بيركبه
ويثور ع الظالم ويسب دينه ومذهبه
فياجـــــــــــــــــرا

لما الراجل يعرف إن الرجولة مش بق وحنجرة
ولا هي إنك تكون تور قدام الحريم واديها منظرة
فياجـــــــــــــــــرا

لما أبوكي يمد إيده عليكي ونقول غضب إنسان
ولما أمك بالسكينة تقطع فيكي والإسم ختان
فياجـــــــــــــــــرا

جاية دلوقت يتسألي إزاي يعودوا رجال؟
روحي اسألي اللي ربوهم وهم لسة عيال
فياجـــــــــــــــــرا

أنا اللي عليا عملتوا بالنعنشة والفرفشة والرعشة كالزلزال
روحي ربي ولادك ع الرجولة والجدعنة ومعنديش غير كدة يتقال
فياجــــــــــــــــرا

Anonymous said...

رجولة؟؟
وعربية كمان؟؟
سلامات يا رجولة
وسلامات يا عربية
الحريم هنا هم اللى بقوا فى أخلاق الرجال يا أوساا
لماالحريم هى اللى تفك حصار المسجد فى بيت حانون عن المحاصرين
ولما الحريم هى اللى تفتح صدرها للدبابات
ولما الحريم هى اللى تشيل فوق كتفها كل أخطاء المجتمع
يبقا معنى الرجولة ضااااااااع
والدوا دة مستحيل
ولن يوجد مثله
ولو وجد
كل اللى حيعمله
شوية صوت عالى
وضربة حزام
وكان الله بالسر عليم
======
الاطفال دلوقتى يا اوسا بقا عندهم رجولة عن رجالة الزمن الاعور دة
الاطفال بقوا بيثوروا غيرة على الاعراض والاوطان
المظاهرات بتبدأ من مدارس الاطفال يا بنتى دلوقتى


انا أملى فى استبدال الكل
لما الاجيال اقذرة دى تختفى
حيظهر أجيال انضف عنيها متفتحة على كل وساخة بتحصل فى الكواليس
========
نورتى مكانك تانى يا حبيبة البى
وحشاااااااانى مووووت يا قمر
أمووووووووووووووواة على خدودك

ody911 said...

الرجالة ماتت فى 73
وعادى بقة

emz said...

رجولة
مش ده زمن الرجولة يا اوسا
رجالة اليومين دول مبقوش رجالة
لو رجالة مكانش حصل اللى حصل فى وسط البلد
لو رجالة مكانش ده بقى حال مصر دلوقتى
ابقى ربى ابنك انه يبقى راجل .. راجل بجد مش كلام

تحياتى

الأميره أوسه said...

lastknight
هل تعتقد أن هناك أمل
أيه التفاؤل ده
أنا عاوزه أكتئاب
اليأس هو طريق النجاة
نجاة الصغيره

الأميره أوسه said...

الحاج جرجس

تحياتى

هو ده الكلام ولا بلاش
السيردالود طلع باسط للعضلات
خدت حبايه 4مم بس مفيش حاجه
أيه أضرب الشريط كله
الحل هو الأدمان
شريط برونكلاز لكل مواطن يا وزير الصحه
ولا حتى أموتريل
تعيش الكيميا

الأميره أوسه said...

شهروزة
تعيشى وتفتكرى
أنا باخد العزى فى الرجولة المفقوده
وأنصاف الرجال هم اللى بيحكمونا
وشوبش يا وطنى
الوطنى لو حكم مايحكمشي
وأن وقع مايقومشى

وأنت عمله أيه فى البرد ده
زمانك تحت البطانيه
مفيش أجمل من الدفا
والقعده قدام التلفزيوز
وحشانى مووووووت
أمواااااه ليكى

الأميره أوسه said...

ody911

الرجال ماتوا فى كمب ديفيد وأنت الصادق

وعادى بقا

الأميره أوسه said...

بنت عادية جد
أزيك يا جمرايه
عاش من شافك
العيال بتوع وسط البلد دول أنا ناويلهم السنه الجيه فى العيد
هانزل ومعايه الجيش بتاعى
وهابهدلهم كلهم
أنا الشعب

ام العيال said...

معلش
رجاله اليومين دول مش عايزين فياجرا
علشان رجولتهم ترجع
لأ يا اوسا عايزين بنادق و يروحو يحررو فلسطين وبغداد
عايزين يبقى عندهم خشى و دين و يحافظو على بنات الناس
عايزين ياخدو قلمين يفوقوهم من الغيبوبه
عايزين حد يفتح دماغهم و يقولهم الصح فين و بلاش اي هوجه ندخل فيها ماهياش هيصه
و سليمولي على سيد الرجاله المدهول؟؟؟؟؟؟؟؟؟؟؟؟؟؟؟؟؟؟

الأميره أوسه said...

ام العيال
هو ده الكلام ولا بلاش
محتاجين رجاله تدافع عن الحق
ومتخافش من السجان
ومهما حصل ميوطوش
و مايسحفوش
أرفع رأسك يا أخى فقد ولى زمن ألاستعمار
تعيشى يا أم العيال
أموااه ليكى ولكلامك

^ H@fSS@^ said...

عشان ترجعي الرجولة العربية المفقودة مش محتاجة بلسم يا اوسة
البلسم بينيم و يهدي و يزحلق المسائل و الكل بيبقى فرحان و مبسوط و منشكح

مش ده المطلوب من المخترع العجيب
احنا محتاجين حاجة تفور الدم
تحرق الاعصاب
تبكي العين
و محتاجين كام قلم على الصداغ عشان الخد يورم و يحمر يمكن ساتها الرجالة يتكسفوا
بس السؤال هو مين اللي حيدي القلم ده و يفوق النايمييييييين في العسل نووووووم؟؟؟

تحياتي على اللي كتبتيه لانه مالوش وصف غير انه عبقري طحن

الأميره أوسه said...

Hafsa
أزيك يا قمر
ده أحنا أتحرق دمنا وخدنا مليون قلم وقفا كمان ومفيش فايده
محتاجين عقار للرجوله يصحى النايم
ويفوق العايم
ويرجع البعـــــــيد
نفسى أقول عمار يا مصر
بس مش قادره

maged stephen said...

دمك خفيف يا مضروبة عفوا بأحاول أكلمك بلغتك عشان تفهمينى

وحياة أم المفهومية
ما سمعتيش عن النسبية؟
عجبى

الأميره أوسه said...

maged stephen

النسبيه دى مش فى الرجوله
دى فى الفيزياء بتاعت اينشتاين
أنت تقصد أكيد أن الناس بتختلف
أنا بتكلم عن الرجوله كمفهوم عام
مش الفحوله يامضروب

eshteraky said...

امة الرجال , وربي ابنك ليكون رجلا , و ربي ابنتك لتربي رجالا و ملعونة البنات دولا كائن هامشي جه غلط
ملعونه شريعه هذة الامة الذكورية

Shreif fahmy said...

أرجو منك قراءة مدونتي المتواضعة وان تمنحيني شرف التعليق عليها

الأميره أوسه said...

eshteraky

هل تريدنا أمة انثويه
معاذ الله
الرجال قاومون
Shreif fahmy
أنا قريت مدونتك
بس أنت كاتب بوست واحد
الزياره الأولى لطبيب التخسيس
بتاريخ يناير
بس أسلوبك جميل
تحياتى

Ma 3lina said...

Gaity 3la el watr el 7asas

men now r obsessed with viagra instead of what's going on around us in the world

we el y3'ezek b2a en young boys 16-25 years come to ask me about viagra in the pharmacy nd how to use it :(

ra7ma alah 3la el shabab


we 3la ra2y : el regala mato fe 73

maged stephen said...

يا أوسة أوعى تكونى بتتكلمى بجد أن النسبية بتستخدم فى الفيزياء فقط لأ حق كله الا كده أيوه كله الا كده
عموما أنا هأعتبر أن ده طبعا تهريج مخدرات أو تهريج اثار والا الرجل المصرى الطيب اللى أكتشف الفمتو ثانيةهيكرموا ليه بقه؟مه الوحدة دى من الزمن هيستخدموها فى الساعة بس زي النسبية فى الفيزياء بس
عالم بتدخل التهريج فى الهزار وخايف لا يقلب بضحك
وبعدين أنا ما جبتش سيرة الفحولة خالص أنت بتردى كده على تعليق حد غيرى
يا متعلمة يا بتاعة المدارس
وأيه حكاية البحر اللى فاشخ اللى أنت كتباه ده.بس بجد دمك خفيف واضح أنك من عائلة مبسوطة بتضحك كتير.والله بأكتب التعليق وعارف أنى مش هأخلص من قاموسك الخاص وانا اللى جبت ده كله لنفسى.براحتك بقه مأنا اللى أبتديت
أوسه غطينى وصوتى على بس بالراحة مش لازم أتسيط يعنى

hemoglobin15 said...

اوسا اميرة الاميرات اري ان في داخلك بركان ويريد ان يكشف الكثير من الزيف في هذا المجتمع العربي ... ماذا تقولي انني عملت في احدي الاماكن وكنا نقسم حبة دواء وهي عبارةكالسيوم لايضر ولاينفع حتي فات تاريخ انتهاء الدواء نقسمها من الزوايا أي قطريا ثم نصبغها باللون الازرق وكانت تباع علي انها حبة مثل الفياجرا للجنس
والاهم من ذاك انه لا أحد اشتكي وكانو يقولون كل شيء تمام
,,,,,, فأنا اري ان كل الرجال في الوطن العربي يمتلكون الرجولة فقط يحتاجون احد ان يدفعهم ويريهم قوتهم
نريد كلمة صدق من هال الحكام لنتخلص من لعنةطأطأة الرأس

Anonymous said...

اوسة تتألق
ماشاء الله
:)


اما عن موضوع العصيدة قصدي القصيدة
فالطريق مسدود مسدود
يا والدي
:(

3rby said...

رايي مختلف مع راي شهروزة
انا في مدرسة وعارف
الدفعات الصغيرة دلوقتي فاقدين امال لما يكبروا هايبقوا عاملين ازاي
بجد الدولة بتنهار
حتي مناهجهم بقت في الضياع
للي فاهم ماث:
تخيل شالوا الفيكتورز من اولي ثانوي
والاساسيات مش في تالتة
تالتة عايزة واحد فاهم فيكتورز
وهندسة كمان
يعني البلد ضايعة
دفعة السنة اللي فاتت كان 45%من سنة تانية ثانوي علمي بقسميه والباقي ادبي
دفعتي لما كنا في تانية كانت 25%عمي والباقي ادبي...وبعدين المجاميع الزبالة النسبة قلت
يعني البلد هاتفضل استهلاكي لسنيين جاية كمان

Anonymous said...

والله عندك حق

raspoutine said...

قد اختصرتى الرجوله فى حبه
انا فقدت الرجوله لاتكفى لعودتها كل حبوب العالم بما فيها
الدره الشامى

raspoutine said...

تصحيح
اذا فقدت الرجوله لا تكفى لعودتها كل حبوب العالم بما فيها
الدره الشامى

^ H@fSS@^ said...

ها يا اوسة
لسه ملقيتوش الحل لرجوع الرجولة العربية المفقودة؟

انا مستنية
سلام

tota said...

العزيزة اوسا
يا ترى التى فقدت هى الرجولة العربية بس ام يا ترى الرجولة على مستوى العالم

كنت ممكن اؤيد الفارس الاخير لو جين الرجولة لسه موجود وممكن نربى الاجيال الجديدة ونجسن تربيتهم لكن الجين انقرض مع تعاقب الاجيال
وحسب نظرية النشوء والارتقاء لدارون عدم استخدام فكر الرجولة وفعل الرجولة ولست بالطبع اعنى الفسيولوجى لفترات طويلة يؤدى الى اضمحلاله وهذا ما اصاب الرجولة مؤخرا

حبة الفياجرا التى تعالج مرض اساسا وتحولت بقدرة قادر الى استخدام عشوائى اكبر دليل على فقدان الثقة فى النفس وده الدليل القاطع على غياب الرجولة من لاجساد
اذا كان ده رأى الرجال المعلقين على الرجولة تخيلوا ماذا يكون رأى النساء المفترض انهم يتحاموا بالرجال

اعتقد يا اوسا انك ضغطت على زر انزار فاطلق الجميع صرخات الفزع وكأنهم فى انتظار من يوقظ الضمائر

تحياتى يا اوسا الجميلة

معلومة علمية بحتة الفياجرا اساسا كان لعلاج القلب وتصادف انه اعطى نتائج ايجابية فتحولت دواعى الاستعمال الى موضوع اخر

الأميره أوسه said...

Ma-3lina
العيال اللى عندها ستاشر سنه
بتعمل بيه أيه
يكونوا بيعملوا بيه دماغ
شرفت يا دكتور

الأميره أوسه said...

maged stephen

اصلآ أنا أدبى وطول عمرى مش بحب الرياضه البحته
أيوه برد على تعليقك أنت
مين اللى خلط التهريج بالهزار
أنت داخل خلاط
المهم حمدلله على سلامتك
جبتللى أيه من سنهور

الأميره أوسه said...

hemoglobin15

أهلآ بكرات الدم الحمراءءءءءءءء
كويس انك موجود لأن نسبة الهموجلبين عندى عشره يعنى أنيمياء وحالة غيظ شديد من الأوضاع المصريه
الظاهر مفيش فايده يا رفيق
أحنا محتاجين قنبله ذريه

الأميره أوسه said...

Epitaph

هههههههههههههه
أزيك يا كتكوته أخبار الكليه أيه وأتحاد الطلبه
شدى حيلك عشان كشك الفشار
عايزين تقدير كويس جدآ على الأقل
أمووواه

الأميره أوسه said...

3rby
التعليم باظ يا عربى
أنا لو منك اخرج من المدرسه
وأروح أتعلم صنعه كويسه
الشهاده مش كل حاجه
أيه رأيك أوديك ورشة الأسطى صبحى
بتاع السمكره أو تروح عند عم سمير بتاع الكشرى
أهو تتغذى شويه
بهزر يا أخى أنت ليه بتنفعل كده

الأميره أوسه said...

Anonymous

شكرآ ليك
raspoutine

حيرتنى أخد بالتعليق الأول ولا التانى
هههههههههه
وحياتك ولا حتى حبوب اللقاح تعمل حاجه
أحنا رحنا فى داهيه يا راس بوتين

الأميره أوسه said...

Hafsa

أدينا فى المعمل بنحاول نخترع حاجه مفيده
معندكيش شوية ثانى أكسيد المنجنيق
عشان المعادله تكمل
أنا كيميائيه قديمه
بشرب دوا كحه

الأميره أوسه said...

tota
أنا سمعت أنهم هايدعموا الفياجرا
والتياجر والكامجرا عشان الناس تعيش
وأحتمال يضفوها فوق بطاقة التومين
أقصد التموين
بس ده للرجاله بس
أحنا هايصرفولنا أدوية الضغط والمراره
أنا شايفه أنهم يلغوا حكاية رجاله وأولاد دى ملهاش لازمه
كله يحمل لقب ستات وخلصنا
ونستورد رجاله من أفريقيا عارفه ليه
هاتى ودنك الايسلاليا اتسيار لاضسل بلبشل لفبيب اي الضالضالال لبلبلب
فهمتى يا توته بس الكلام ده بينى وبينك
أمواه ليكى يا جميلة الجميلات

كلبوزة لكن سمباتيك said...

روعة مين كاتبها؟
بجد فنان
معنى و صورة
حلوة قي يا اوسة في الصميم
Reformer1976
حلوة قوي المبارزة الادبية دي
اموت انا في كده
---
الا هي الرجولة اللي بيدوروا عليها دي كانت لابسة ايه اخر مرة نزلت في الشارع
علشان ادور معاكم
يمكن اكون شفتها
---
ربنا يرجعها لاهلها بالسلامة
---
اموة يا اوسا

همس الليل said...

اولا وحشتنينى كتير
تانى حاجه للاسف الرجوله بقت تتشرى دلوقتى انعدم الرجوله فى زمان الطرح

الأميره أوسه said...

كلبوزة لكن سمباتيك

أزيك وحشانى موووووووت
أنا أديبه كبيره ميغركيش أنى ساقطه أعدادى
الرجوله كانت لابسه مايوه بكينى حتتين
ولم يستدل عليها
أنبى لو شفتيها بليغها ترجع بقا كفايه الناس أكلت وشنا
أمواه ليكى يا درتى

الأميره أوسه said...

cat_eyes
الرجوله لا يوجد لها منافذ بيع فى الأسواق
عندما تشح الرجوله تضيع القيم
أزيك أنت أخبارك أيه

تمر حنه said...

سحقا لكل مفردات التحضر
سحقا لكل من يزيد من فحولة الرجال و ينقص من نخوتهم
سحقا للاعلانات التى لا هم لها الا : بيع
بيع الأخلاق
بيع الدفء
بيع القضية
أنا كنت جايه أشترى - بس لقيت كلام شديد قوى من اللى بييجى عالجرح
منتهى تفهمى و حبى

الأميره أوسه said...

تمر حنه هنا يا مرحبآ
أنا باكون سعيده لما تعلقى على موضوع
لأنك بتعلقى فقط عندما يستفذك أو يعجبك موضوع بغض النظر عن المجاملات الفارغه
تحياتشى يا ست الستات
وملهمة البنات
و مدوخه الشنبات

Anonymous said...

رجولة عربية الله يرحم فكرتيني بخالد الذكر الله يرحمه مش عارف هو مين بس أكيد كان في راجل عربي عايش في يوم من الأيام

الأميره أوسه said...

مصـرى
الله يرحمه تعيش وتفتكررررررررررر

كلبوزة لكن سمباتيك said...

الرجولة كانت لابسة مايوه بكيني 3 حتت
شبشب
و طقية
و نضارة
---
و لسة تايهة
اكيد واحد لقاها و دخلها بيت العدل
----
تحياتشي

lastknight said...

انتى فين يا أوسا ؟ فعلا قلقان عليكى .. و سألت عنك شهروزه قالتلى مكتئبه ..سلامتك .. و مستنى تعليقاتك عندى .. فعلا ليكى وحشه

maged stephen said...

أوسة دى تانى مرة أسأل عليكى الاقيكى مطلعة أشاعة أنك عندك شوية أكتئاب مع شوية انبعاج في الشخصية يعنى ياريت تسيبى كتاب الماحى فى جميع النواحى اللى فى أيدك ده وترجعى تكتبى تانى
أنا هأجبلك اللى أنت عايزاه من سنهور لو طلبت حاجة أقدر أجيبها الكدب خيبة مش أقوللك أنت تأمورينى وبعدين وش الضيف
أنا العطاء حاجة فى دمى يعنى تقولليلى مش عايزة حاجة أقوللك كويس برضه أصلى أنا لسه دافع فلوس الفيزا من كام يوم بس ممكن أول الشهر تقوليللى مش عايزة منك حاجة ولا أول الشهر أقوللك بس أنا عايز
عايز أقوللك نهارك جديد لنج بكرتونته

sara... said...

انا من رائي الرجاله يبدئوا يعيطوا من المدونه دى
عندك حق يا اوختشى
واحنا كمان

Aladdin said...

مش عارف ايه سرّ النبرة السوداوية دي ف بلوجات البنات المصريات!!! بلاش المنطق العدمي دا يا جماعة في تناول الأمور، ما ممكن الواحد يقول البنات المصرية كلهم بهايم فهل هذا منطقي؟!! التعميم المخل لا يقبل به أحد!

3rby said...

ايه الكلام ده
فياجرا
لا احنا جامدين اوي


سيبك انتي
مش انا قررت اسمي جرجس كوهين
ومن منبري هذا
اعلن عزمي علي تطليع اسم علي كل من يرفض مناداة المدعو جرجس سابقا بكوهين

المواطن المصري العبيط said...

هذا الدواء موجود منذ قديم الأزل في مكان واحد في كل دولة عربية، وصفته يعرفها ملوك وأمراء وسفاحين العرب، ومقفول عليه في خزائن حديدية في قصورهم وقلاعهم وبروجهم المشيدة، ولكن لن يسمح لأحد بالاقتراب منهم ما لم ينتفض الناس ويدركون أنهم عاجزين ويعرفون أن دوائهم لن ينالوه إلا عندما يقتحموا الأبواب ويعبروا الأسوار، ساعتها سوف نتكلم عن الرجولة الحقيقية من غير الفياجرا والتياجرا والميلاتونين

Scorpio™ said...

فلتحيا فياجرة الفراش...مدام مافيش امل

Anonymous said...

ممكن حبيتين فياجرا للمدهول البلوج بيتا بتاعي لحسن لا بيصد و لا بيرد
--
بيتا اونطا عايزين فلوينا
كلبوزة لكن سمباتيك

elkamhawi said...

هى الرجولة ضاعت خلاص بس مش من الكل..ممكن حتى يبقى فيه 1% حتى هما اللى عندهم رجولة حقيقة ده لو إحنا اصلا عارفين معنى الرجولة ومينفعش نعيش من غير امل ولا صفاء ولا عبير ..ولا ..ولا

السندريللا السعيدة said...

ازيك يا اووسة....موضوع جامد زي صحبتو....يا ستي الرجولة لسة موجودة بس عند ناس قليلة يعني مينفعشي نعمم في كدة طبعا...بس في ناس كتير رجالة بجد ولما تعزهم بتلقيهم صامدين بس المشكلة مش واحد ولا اتنين المشكلة اني ايد واحدة مبتصقفش لازم الكل يكون ايد واحدة...لزمنا بس قنبلت صفع متموتش ..تصحي بس.....

Anonymous said...

فكرة رائعة

الأميره أوسه said...

أزيكو يا أصدقاء

shabfa2re said...


ما تجمعيش يا حاجة

shabfa2re said...


ما تجمعيش يا حاجة

abdullah-blogs said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة