أفضل  مئة  مدونة

Tuesday, December 05, 2006

البيه شكوكو

أضغط على الصوره




كركركركر هم يبكى وهم يكسف ظريف يا شكوكو

شوفتوا الفراغ بيعمل أيه فى الناس فى ناس بتقضى وقت فراغها تقرا كتاب أو تتفرج على التلفزيون أو ممكن تخصص جزء من وقت فراغها لمساعدة الغير أو محاربة الفساد ولو حتى بالدعا والصويت لكن لما ناس تقضى وقت فراغها فى السخريه من أنسان بسيط .....الخوف شل تفكيره أثناء التصوير لأنه تصور منظره لما يطلع فى التفزيـــــــــــون وبهانا بنت عم صميده الدخاحنى تشوفه.... يبقا أكيد الناس دى بتسخر مننا كلنا لأن بكل بساطه ده تم فى أوقات العمل المدفوعة الأجر من دمنا ...ده غير أن البلد فيها جرايم محتاجه ناس تفكر بنص تفكير عشان تقبض على المتهمين على سبيل المثال أنا ساكنه فى مكان تعددت فيه بلاغات السرقه وأبسط حقوقك أنك تعمل محضر وحد يجى يعاين ويشوف الحرامى ده أسلوبه أيه.... فتح الباب بأى طريقه نزل على المواسير ولا مشى على الحيطه بطريقة الرجل العنكبوت ..... وأستخدام طريقة أجاثا كرستى فى حل الغز أو حتى طريقة على للوز المشهوره وهى القبض على مختل عقليآ أو مجنون وبالمره ياخده مامته (والدته) يعنى وممكن أخواته والجيران ماهو فرح بقااااااااا لا بالعكس والله محدش هايعبرك ولا حد هايعملك محضر ده غير طريقة التعامل كأنك مذنب أو جى تضيع وقتهم الثمين وطبعآ نفس السؤال... أنت مركب باب حديد وشبابيك حديد ... طيب دى غلطتك أحنا هانحرس بيوتكم ..طبعآ مفيش مفر مــن واسطه عشان الباشا الصول يحترمك ويعملك المحضر وتاخد رقمه وتعمله حجاب ده اللى بيحصل فى المدن الجديده ده غير البلطجه والفساد ودى محتاجه كتاب والسؤال اللى بيسألوه للجندى المسكين اللى مش عارف يبلع ريقه من الخوف حرب تلاته وسبعين بين مصر وأسرائيل كانت بين مين ومين وياترى يا هلترى مين كسب تقولوش متش كوره فى دورى أبطال العزب طيب ده ممكن نقول عليه حظه زفت ومدخلش المدرسه لكن أنتوا نقول عليكوا أيه بعد الفشل الزريع و الغير مقصود فى القبض على المجرمــين أل غير مقصود أل ولا وظيفتهم هى ضرب الطلبه والمتظاهرين والناس اللى متعوده تصلى فى بعض المساجد وحضور ندوات دينيه ولا تعذيب أنسان شريف بيقول رأيه

متهيألى يضيعوا وقت الشغل فى حاجه مفيده يمسكوا كتاب لميكى العظيم أو يقروا رويات عبير أى عمل أكيد أفضل من السخريه على خلق الله وبلاش حركات شكوكو دى يا عم الظريف أتخنقنا

63 comments:

ahmedsobhy said...

يا اميرة وقت فراغ ايه اللى بتقولى عليه الواحد من الفجر بيجرى علشان
يلحق مكان على الرصيف متر فى متر والشمس تنح فى ام راس الواحد علشان
لقمة العيش وسلميلى على شكوكو

Abdou Basha said...

الناس دي أتفه خلق الله
لا علم ولا صنعة
فاضيين بس للهيافة بعيد عنك .
واللي بيتعمل فيه بيطلعه على غيره
جاتهم القرف كلهم .
:(

cat_eyes(همس الليل) said...

كالعاده الواحد مات على نفسو بس مش من الضحك من الخيبه اللى البلد فيها
وفعلا هم يبكى وهم يضحك
بيعجبنى اسلوبك السهل الممتنع دا والسخريه بجد احنا بقينا بلد الواحد لو ملقاش حد يتريق عليه هيتريق على نفسو

Aoossa said...

أحمد صبحى
أنت طيب بتبيع أيه
بتقول متر فى متر وعلى الرصيف
مش تريقه والله
بس ممكن تكون بتبيع حاجه تلزمنى
وساعتها نستفيد بقا من التخفيضات
مش أحنا زملاء برضه

Aoossa said...

عبدووووووووو
صدقت يا عبد
لا عندهم علم ولا صنعه ولا حتى أنسانيه
قولتلى بقا أسمك أيه وساكن فين
عشان لما يقبضوا عليا ويسألونى عنك
أعرف أجاوب بعدين يضحكوا عليا
نياهاها

Aladdin said...

انا بقيت اتخنق أوي من الـ youtube لا لشيء سوى إني لا أشاهد من خلاله غير كل مخزي ومقرف ومقزز عن هذا البلد وأهله!!! بجد هل من نهاية لهذا النفق المظلم الذي نسير فيه جميعاً!

Aoossa said...

cat_eyes

تعرفى أنا حاولت أضحك على العسكرى بس معرفتش لكن ضحكت من أسلوب الضابط اللى بسأل بطريقه هابله
و واحد تانى كان بيقلد جزء من مسرحية العيال كبرت وكل ده جوه القسم
قسم التهريج
أزيك يا كات يا جميله

Aoossa said...

Aladdin
أزيك
لازم يكون فى النهايه و الا هنضيع بجد
الناس دى يوم بعد يوم شرها بيزيد
ممكن يجى يوم نكون كلنا مستباحيين منهم

Leonardo said...


هو أولاً شكلهم بيهرجوا مع بعض..

ثانيا على رأى
cat_eyes

الواحد مات على نفسه من الخيبه

وعلى رأى
alaadin

youtube :
الواحد مبقاش يشوف عليه الا قرف البلد دي وأهلها .

وعلى رأى
Leonardo :

صحيح هي حرب 73 كانت سنة كام!!

اللى عارف الحل يتصل على 09003843
وهيكسب الجنيه الخشب

ولسه يا مصر

أنـــا حـــــــــرة said...

ياسلام سلم
بقالى نص ساعة شايفة البلوة دى
مش قادرة انطق
المفاجأة شلتنى
هو 99% ده مش تمثيل
بس انتو كلكم قفشتوا فى الظابط اللى بيتسلى ع العسكرى
طب دول زبالة و خلصنا
بس العسكرى فى احتمال انه مش عارف فعلا
ساعتها يبقى تخيل ان العسكرى اللى مش فاهم حاجه فى اى حاجه هو اللى بيهدد المثقف اللى عايز ديموقراطيةو حرية
مصر وقعت و لا حدش سمى عليها


بعد لذنك يا اوسا انا هنقل اللينك عندى فى البلوج علشان حد غيرى يتصدم

Anonymous said...

زبادي في الخلاط

الأميرة أوسا صبخ الفل بيجبني نقدك الساخر من الأشياء

وعايز اقول لك إني غيرت البلوج بتاعي لأن القديم باظ ومش بيفتح معايا والجديد هو

زبادي في الخلاط
http://zabady.tadwen.net/

Aoossa said...

Leonardo

صحيح هو السؤال صعب بس مفيش داعى أنهم يسخروا منه بالشكل ده
الجنيه الخشب ده بيعمل كام جنيه جبس

Aoossa said...

أنـــا حـــــــــره

هو الأحتمال الأكبر أنه عراف بس بيشتغلهم أو بياخدهم على أد عقلهم عشان يعيشوا اللحظه ويشعروا أنهم أذكياء
أتفضلى اللينك يا حبيبتشى ده أنا أوديهولك لحد البلوج
صباحك بيتفور

Aoossa said...

زبادي في الخلاط

شكرا يا باشا
هانقل العنوان الجديد فى الــمفضله بتاعتى
أخبار السعوديه أيه

Mohamed A. Ghaffar said...

ده جبروت وافتراء ، ده ابشع من التعذيب ابدنى ده تعذيب نفسى

روعهم الله يوم القيامة كما روعوه
روعهم وروع من اعانهم ومكنهم من ذلك

امين

شــهــروزة said...

اسئوووستى
والله ما انا عارفة اضحك ولا اعيط
أضحك على خيبتنا
ولا ازعل على الانحطاط اللى بقينا فيه؟
وصل الأمر بالناس الفاضية انها تسخر من جهل البسطاء
علشان ربنا فتحها على اهل حضرة الزابط وعلموه ودخلوه مدارس
ودخل الشرطة بـ52%ماشاءالله يعنى
وتلاقيه طالع من الثانوى ميعرفش يفك الخط
بس اشتغل ظابوط بالكوسة والقرع
يبقا خلاص بقا
يفترى على خلق الله اللى ملقوش اللى يعلمهم
واللى حظهم الأسود خلاهم من الناس اللى اتفقرت فى العهد المبارك
وحتى التعليم البسيط مقدروش يتحصلوا عليه

وفى الآخر
البية بتاع الدبورة
اللى بـ52%يترياء عليه
الله يرحم والديك يا حضرة الزابط
ويرحم جدك
اللى تلاقيه مشالش قشاية حتى فى حرب اكتوبر ولا يسمع عنها الا من افلام نجلاء فتحى ونجوى ابراهيم

حضرته بقا بالفعل فاضى وبس يا دوب لضرب المتظاهرين وهتك عرض المتظاهرات
وهتك عرض اللى ماشى فى الشارع

انما يدور على حق ضايع؟؟
ابقوا قابلونى

يلااااا
ولسة ياما حنشوووف

Epitaph said...

انا مش فاهمة
ده مسرحية عملينها
ولا شوية هطل علي عبط و لا ايه النظام؟
و ايه الفراغ ده انه يسئل اسئلة فتاكة ؟ما وراهوش شغل البيه؟
ولا عم العسكري ده كمان؟ مفيش خالص كدة؟ لا شتيمة و لا يزعق و لا حتي يجاوب؟

هو استمتع انه بيهين واحد قصاده؟

طب العسكري فاهم بقي ان اللي بيضربهم في المظاهرات دول مصريين ؟ و لا هو من الصومال؟و لا هو مش عارف زي هو مش عارف الحرب بين مصر و اسرائيل خلصت كام كام؟

عمار يا مصر

Aoossa said...

Mohamed A. Ghaffar

أمين يا رب
بس الدعا لوحده مش كفايه
لازم تشتم
هههههههههههههههههههههه

Aoossa said...

شهروزة
أزيك يا جميل
شوفتى ألجهل بيعمل أيه فى الناس
شغلهم بس فى الموالد والمواكب بتاعت المسؤليين وضرب الناس وبقيت السنه بيات شتوى
النهارده فى وقفه أمام نقابة المحامين ضد تعذيب المواطنين
لما نشوف هيعملوا أيه
أخبار البرد أيه معاكى
تخدى فلورست
أمواااااه

Aoossa said...

أبيتاف
أزيك كده فى الشتاء
أكيد ملفوفه فى بطنيه عارفاكى بتخافى من البرد
ده بقا الباشا شكوكو بيعمل منلوج مع العسكرى بتاع كفر بهانه
شوفتى الفن الحديث
مش حاجه واطيه برضه
المفروض كلنا نعمل لينك فى مدوناتنا على أقسام البوليس أهو نتفرج ونشوف أخر الهيافه
سلامات يا عسوله

tota said...

اوسة
عارفة انى اصبت بحالة حزن شديد
هو العسكرى ده من الخوف هو كده
ولا هو علشان كده اختاروه عسكرى امن ؟
يعنى لو هو كده نلوم مين على ان مصر فيها نسبة كبيرة كده
نلوم الحكومة ولا نلوم الاسرة ولا نلوم الهموم ولا نلومه هو على سلبيته
وان كان مش كده هو الفزع كفيل يلجم فكره ولسانه كده
انا احترت فى تفسير ملامح وشه وحلفانه انه مش عارف
مش عارف يفكر ولا فعلا مش عارف يفهم السؤال اللى بيجاوب نفسه

واللى بيسأله مش مستوعب ان ممكن الخوف يوصل لكده
المشكلة مش انه انسان بسيط لا البساطة مش دى
هو مش بيسخر من بساطته ولا ادميته هو مش مستوعب ان الفكر الانسانى يتلاشى بالمنظر ده ولو حتى تحت تاثير الخوف
كتير بنمر بخوف بس مش بنفقد ادراكنا كده
ده حالة مش وحيدة ده حالات كتير كده
دى حالة سلبية دماغية واستسلام غير طبيعى

دى حالة اصابت ناس كتير بس فى اشكال مختلفة

دى حالة مش هينفع فيها كلام دى هى اخر المطاف

وحزنى

يا مراكبي said...

تحياتي ليكي عالبوست الجميل ده والمؤلم في نفس الوقت زي ماالأخوة الأفاضل علقوا هنا قبليا .. وأحب أضيف إن أحيانا ده ما بيكونش تمثيل .. دول أحيانا بيسألوهم: اللي بيعرف يقرأ ويكتب يقف يمين .. واللي ما بيعرفش يقف شمال .. الشوية بقى اللي بيفضلوا في النص يعني لا يمين ولا شمال .. هما دول اللي بيختاروهم يبقوا زي صاحبنا الغلبان ده .. وعجبي

lastknight said...

فعلا هم يضحك و هم يبكى .. مين المسؤل عن الأنسان الغلبان ده ؟ وزارة التعليم اللى سابته جاهل ؟ ولا وزارة الداخليه اللى استغلت جهله و سابته يتهان و يتحول ألى مسخره لشوية كلاب غير آدميين ؟ ولا رئيس المخروبه اللى ابتدى يشخ على ورحه من الشيخوخه و مازال متمسك بأنه يفضل قاعد على الكرسى ؟
كارثه .. لكن .. أشكرك أنك نشرتيها
و حمد الله على السلامه

elkamhawi said...

حسبى الله ونعم الوكيل

فانتوماس said...

تصدقي اتفقعت من الفيديو جدا والظاهر ان الضباط دول فعلا ابشع خلق الله العسكري مرعوب موت لانه عارف ايه اللي ممكن يحصل له. علي العموم العساكر دول لما ثاروا في سنة ستة وثمانين كان عندهم حق من المعاملة الواطية بتاعة الضباط . اتفو علي الظلم

Aoossa said...

tota
أزيك يا سمراء الوادى
لو سمعتى الفيديو بصوت عالى هتسمعى
صوت أتنـــين ظباط بيسألوه فى نفس الوقت وظابط تانى بيقلد جزء من مسرحية العيال كبرت وبالـتأكيد أن العسكرى متصور أنه عامل مصيبه أو هم فهموه كده بالتالى بيحاول ينفى عن نفسه أى معرفه أو فعل من غير ما يسمع الأجابه ودى حاله بنسميها فى علم النفس حالة غياب التفكير
Absent mind
ودى نظريه ثبت صحتها فى مدرسة فرويد
ومدرســــة أم فـــاروق لعلم النفس
والمعلومه معروفه لكل الناس بغض النظر عن مستوى التعليم
بس الخوف بيسبب توقف التفكير وأصابته بشلل وعته

أوسه سيجمان فرويد

Aoossa said...

يا مراكبي
تقصد أن الشويه بتوع النص دول اللى مش عارفيين أيديهم اليمين من الشمال
للدرجه دى
لاحول ولا قوة الا بالله
ليهم حق يضربوا المتظاهرين من غير تفكير

اهلآ يامراكبى

Aoossa said...

lastknight
هههههههههههه
ليه مفيش كادليز
وأنا بقول البلد ريحتها وحشه ليه
متهيألى كده نقدر نقول و وشنا فى الأرض مفيش فايده
الله يسلمك يا فارس
أزيك كده
وأزى الكتاكيت بتوعك
ربنا يكرمك بيهم

Aoossa said...

elkamhawi
فعلآ حسبنا الله ونعم الوكيل
شرفت يا أفندم

Aoossa said...

فانتوماس
المعامله السيئه بتولد الضغط
والبطن كمان
أهى كلها تمارين رياضيه
هم يبهدلوهم وفى الأخر يتشطروا على المساكين المواطنين
أنت فينك من زمان

3rby said...

يااااه دانتي قديمة اوي
الفيديو ده بقالوا شهووور
صباح الخييييير
مش بتعدي عليا ليه
ولا احنا مانعجبش؟
ههه

Aoossa said...

عربى
أزاى يعنى متعجبكش
ده أنت أخويا الصغير ياض
أجيلك أنشألله أجيلك يوف فرحك على أروى
قول يارب

King A.S.R said...

مهو بيقولك الامن النركزي بيتاخد ازاي ؟؟؟

بيجيبو العساكر ويقولوا الي بيعرف يكتب يجي هنا والي مش بيعرف يكتب ويقرا يجي هنا

الامن المركزي بأه الي هم العساكر الي في النص


http://nightlyhartalh.blogspot.com/

King A.S.R said...

مهو بيقولك الامن النركزي بيتاخد ازاي ؟؟؟

بيجيبو العساكر ويقولوا الي بيعرف يكتب يجي هنا والي مش بيعرف يكتب ويقرا يجي هنا

الامن المركزي بأه الي هم العساكر الي في النص


www.nightlyhartalh.blogspot.com

Aoossa said...

King A.S.R

أهلآ بيك
شرفت المدونه

3rby said...

بتشيلي تعليقي يا اوسه
مانتي اللي بداتي

وانتي قولتي قول يا رب وماحدتيش اقول يا رب ايه
وانا اللي في قلبي علي لساني
ولتاني مره
ربنا ياخدك


بي اس:هازعل منك بجد لو شيلتي التعليق ده

ام العيال said...

اوسا
الحق مش على العيال الهبله دي انت عارفه الحق على مين ؟؟؟؟
على الي خلا واحد ما يسواش ثلاثه تعريفه يتريق من واحد ممكن يكون عند ربنااحسن منه مليييييون مره
يا عيني العسكري من الخضه مش عارف يقول ايه ؟؟؟
طيب يلي بتسأل تعالى انا اسألك بلدك دلوقتي فيها كام واحد تحت خط الفقر ؟؟؟
فيها كام شب زي الفل احسن منك و مش بيشتغلو؟؟
و فيها و فيها
يارب الخلاص من امثالهم
اسوأ شئ في الحياه عارفه ايه الجهر بالسوء و ده الي الناس دي بتعمله

ody911 said...

أوسا
دة عادى
وأقل من العادى
ننجرح عادى
نتنسى عادى
الألم عادى والندم عادى والعزاب عادى
أى حاجة
كل حاجة
مش غريبة
وعادى

Aoossa said...

عربى

أنا بدعيلك بالخير
لكن أنت بتدعى عليه ليه
؟ طيب يا عربى
أنا هاشتكى لأروى الطويل

Aoossa said...

أم اعيال
أنت بتسألى مين
الناس دى مش واخده بالها من حاجه
ولا حاسين بمشاكل الشعب
أسألتك صعبه عليهم
طيب ممكن يغشوا
أنت أزيك يا غاليه

Aoossa said...

أودى

حمدلله على سلامتك
عامل أيه فى الجامعه
يارب تنجح بتقدير
يا أودى يا جامد

3rby said...

اه
واروي الطويل خير
مش كده
:)

Scorpio™ said...

اصله فاضي وراه اية؟يسلي نفسةبعسكري غلبان مش لاقي ياكل يتريق علية---- والله الواحد جالو تستايتس من ال بيحصل فالبلدي
ولكي تحياتي

صفصف لادي said...

كعادتك يا اوسه موتيني من الضحك
و اشكرك لاني لما فتحت الكليب تهت شوية في يوتيوب و عترت على كليب مسخرة فيه تقليد للباشا اللي ماسك الحكم تحفة

تحياتي يا عسل يا ست الكل

سلام

ody911 said...

أوسا على فكرة أنا خلصت الجامعة
وعادى بقة
أودى
إبقى عدي يا أوسة

soosa el-mafroosa said...

ازيك يا أوستي

لما اتبعتلي الفيديو ده عندي ع المدونة و اللي بعتهولي قاللي اضحكي

و الله لما فتحته قلبي وجعني

فكرني باحمد زكي في البرئ

الناس دي غلابه جدا و منه لله اللي بيهزؤه بالطريقة دي

لأ مش هما بس دول ولادهم كمان

ابن عمتي أبوه لواء و كان بيجيبلهم مجند يقعد معاهم و هما صغيرين عشان عمتي تروح شغلها

يقوم الواد ابن عمتي ابين ال...ابن أبوه يقول للمجند اطلع على سور البلكونة

و المجند عشان غلبان و مايقدرش على زعل البيه الصغير ليتشحور من الباشا الكبير- طلع فوق السور

قام الواد زقه موقعه في الشارع و كاسر له رجله

أنا كل أما افتكر الموضوع ده يبقى نفسي أرفع السماعة و امسح بكرامته هو و أبوه البلاط

بس ياللا الطيب أحسن

لحسن يرموني من ع السطوح

ما هم قادرين

3rby said...

انا بقه هاقولك علي حاجة يا سوسة
ابو واحد صاحبي يبقي مدير امن المنيا
عندهم حوالي 6 عساكر خدمة منهم واحد عنده بتاع 50 سنة والواد بيديله علي قفاه

smraa alnil said...

اسمحيلي اول زيارة ليا اقولك
يا لهههههههههههووووووووووووووويييييي
انا بقي مش فارق معايا الظباط دول ي حاجة
الي فارق معايا العسكري
بس تفتكري انه فعلا مش عارف
ولا هو مش عارف يقول لانهم ضاغطين عليهم وخايف منهم يتكلم لحسن يكون نصبه حاجة تانية
اصل العساكر دول غلابة مع الظباط اللي بيديوهم علي قافاهم
ميقدروش يقولوا بم
لكن الحمد لله العلم الحديث اثبت ان اللي بيتعمل فيهم نيليلي نيلي
هما بيعملوا فينا شريهان شريهان
وسلميلي علي شكوكو

Anonymous said...

الخوف يخرس
و يشل
و يوقف العقل
--
و قلة الضمير
تحجب الاحساس
و تستقل بمشاعر الناس

--
بجد كليب محزن
--
تحياتي

--
كلبوزة لكن سمباتيك

fnan_geology said...

ازيك اوسا
بجد ان شفت الفيديو ده من فتره تقريبا لما نزل على تعليق عند سوسه
بس بجد مش مصدقه مش علشان العسكرى فعلا ممكن ميكونش عارف لانه فعلا ممكن ميكونش عارف
بس لان شكل الفيديو كده تريقه واننه اللى عاملوه عاملوه علشان يتريق وخلاص واظنه متمثل مش حقيقى وده رائيى
سلااااااااام

wanna b a bride said...

أبلة أوسة أبلة أوسة

ازيك وحشتيني قوي

الجدع ده و النبي شكله غلبان

هو مرتشبط ..أص أنا باحب صنف عساكر الأمن المركزي دول قوي

تقوليلهم يمين يمين ..شمال برضه يمين

ياللا ربنا ع المفتري

شوفتي مش واحد جه عندي المدونة بيقول ان أنا انتي و انتي أنا

و انك عامله المدونة بتاعتي دي عشان تتجوزي

شفتي الناس الغريبة دي؟

غلبت أقولهم دي أبلة أوسة دي عسل و بترمي عرسان شمال و شمال

برضه مش مصدقني

زهقوني ..ابقي ردي عليهم انتي بأه

بالإذن بأه يا أبلة

العواف

Aoossa said...

عربى

ربنا يوفقك
وتجيب مجموع تدخل بيه
كلية أعلام
قسم نسيج

Aoossa said...

أوعى وشَك
فعلآ تسليه
بس تسليه مكلفه لأنها على حساب مشاعر
أنسان
الله يحرقوا

Aoossa said...

حفصوتشا ام مصطفيتش

أنت يا عسل رايح فين
طيب فين الكليب ده
بيقلد أى باشا
الباشا الكبير جدآ
طيب أكتبى الموقع
ينوبك ثواب

===============
ody911

أيوه عارفه أنك خلصت
ده أنا كنت بانغشك
هاجيلك حالآ
وعادى بقا

Aoossa said...

soosa el-mafroosa
من ده اللى يرميكى من فوق السطوح
ده أنا كنت أشرب من دمه
أدينى تليفونه وأنا أتصل بيه أعكنن عليه
وأمسكه من شعره كده وأديله على قفاه
هو أحنا شويه
ده أحنا من أصحاب المدونات التمليك
مش ناويه تكتبى حاجه
فى جريدة الأصدقاء الرسميه
أنتى من المؤسسين
أموااااااااااه ليكى يا بنت عمى

Aoossa said...

3rby
للأسف أن ده بيحصل ومنتشر
مش بس اللواءات لكن أبتدأ من رتبة رائد عنده عسكرى خدمه منزليه
أنا فاكره وأنا صغيره كان فى رائد ساكن قريب منى وكان بيعامل العسكرى بطريقه مهينه وكانت نهية الرائد ده
وقفه عن العمل بسبب جريمة رشوه
ثم سجنه
ربنا أنتقم للعسكرى المسكين

Aoossa said...

smraa alnil
هههههههههههههههه
شكوكو بيبوس أيدك
حمدلله على سلامتك
نيلى وشيريهان
دى فوازير دى

Aoossa said...

كلبوزة لكن سمباتيك

أختشى العزيزه
أنتى فين
لسه عند الجيران
وحشانى موووووت
سلامتك من الزعل والهم

Aoossa said...

fnan_geology

لا مش تمثيل
ده امتهان لأحساس أنسان بسيط
الخوف شل تفكيره
سلاااااااااااام

Aoossa said...

wanna b a bride

أزيك يا قمر
يا عروسة المدونات
لا يا حبيبتشــى العسكرى
ده من الخــضه مش نافع خلاص للجواز
كبيره يخطب بس

هو أنا أطول يشبهونى بيكى يا عسوله أنتى ده شرف مابعده شرف
العرسان عندى كنت شايلاهم فى التلاجه
النور قطع فعفنوا وريحتهم طلعت
روحت رمياهم
أطيعه العرسان شايفين نفسهم
ومنعوا أستيرادهم
أشطف المواعين وأجيلك
الله يعافى بدنك

Solo said...

أنا اتفاجئت بالفيديو فعلاً .... و سيل من القباحة طلع من بقى بعد الفرجة

Aoossa said...

Solo
طيب كنت سيب شوية أباحه هنا
اهى حاجه من أطرك
شرفت يا باشا

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة