أفضل  مئة  مدونة

Tuesday, December 12, 2006

أعتـــــراف

أعــتـراف
أعترف أني فــشلت
عندما نجـــحــت
أعترف اني أخطأت
عندما حاولت
أعترف اني تــهــت
بين فواصل الكلمات
فأهتز القلم
فأثرت الصمت
وعجزت عن كلِ شيء
حتى الغناء
فصوتى صدى
أعترف أنى لا أملك جملأ أو كلمات
ومللت بحور الشعر
و هجرت الأوزان
أعترف أن أبجديتى حماقه
وفكرى جنون
و خطواتى فوق ظلك
هـــــروب
وأن محاولة الكلام أنتحار
أعترف هنا
فى أرض بلا سماء
فى بيتى المجنون
أفتراضية أنا كمدونتى
الضاحكة الباكيه
أننى فى واقعى شريده
وخاضعه
وأننا فى زمن العهر
لسنا سوى جوارى
وأنتم يامن
تخربشون ردائى
لستم سوى غلمان
أعترف أننا لسنا سوى عبيد
فى مملكة اليأس
أعترف بأنى دمية
وبأن الناس كل الناس
عرائس
والمسرح خشبى بارد
و خيوطناوهم وحبائل قش
وأعترف أني .........وأني ..........لست
سوى ظلال وأنكسار
أعترف
وأعرف أنى أخطأت عندما أعترفت
وأعترف أنى أحترفت البكاء
مع الأطفال فى ليالى العيد
أعترف بخــداعى
و كـــذبى
و ذبــولى
كأوراق الشـــجر
فخريفك مــمتد بنا يا وطن
وأعترف يا وطنى بغربتى
و خوفـــى
أعـــترف
ولا يعــــترف سوى الصادقين
أنى قد ضلـــيت و ضللــت
وضل معى أخرين وأخريات
لكنهم يا وطنى الجريح
مكمـــمين
يخشــــون الأعتراف
منهـــم من صمت
ومنهــــم من صرخ
بغــــير صوت
لكننا فى النهايه
سنعـــترف بأحتراف لعــبةالصمت
تصفيق حاد
وبكاء حار

التوقيع الصامتون

38 comments:

السندريللا السعيدة said...

مساء الورد يا اوسة الحلوة.....انا اول واحدة تعلق....يا حلاوة يا ولااااد.....

البست يجنن يا اوسة....بهنيكي عليه...

عمر الحب ماكان ضعف ...بس احنا لي بنخليه كدة .....الحب قوة....

اتمانالك التوفيق...ودايما منورة يا ست البنات..

سلام

lastknight said...

مجرد الأعتراف بجريمة الصمت فى حد ذاته ... كسر للصمت
الأعتراف بدايه .. و قد بدأ الصامتون

Epitaph said...

who said silence is a crime? that silence is non- communication! Nah, my dear, they're definitely wrong!

Harold Pinter , the British Modern Dramatist, says that words are only a smokescreen of what we truly hide, whereas we use silence effectively to COMMUNICATE!!

loved your words by the way! :) really expressive.. but it seems you're in pain...some real pain! and I am sorry about that! hope you'd recover your cheerful mood!

يا مراكبي said...

صح .. إحترفنا لعبة الصمت .. حتى كلامنا ده كله من غير فعل بقى زي الصمت .. هأقولها تاني وتاني .. القافلة تعوي والكلاب تسير

Aoossa said...

السندريللا الحائرة
مساء الفل

كسبتى جايزه
عريس بلاستيك
أتفضليه بقا
و كل عام وأنت سندريلا الجميله
تحياتى يا رفيقه

Aoossa said...

الفارس الأخير
هل الأعتراف كسر للصمت
الأعتراف سيد الأدله
و دليلنا الصمت
و أعترافنا صمت وحياتنا صمت

أتفضل معايه شوية صمت
فكاسك يا وطن صمت

Aoossa said...

Epitaph

I am not in pain
just me standing front of my mirror

أطمنى يا أيبى الجميله
فأنا بخير والحمدلله
فقط هواجس هاجمتنى بعنف
فنحن فى حاجه ماسه الى الصراخ
ولكن بكل أسف لا نستطيع
تحياتى يا غاليه

Aoossa said...

يا مراكبي

حل القلوع يا مراكبى
ولا فيش رجوع يا مراكبى

هو مفيش فايده ولا أيه
بجد أنا زهقت
البلد دى زى المركب يا مراكبى
لكن بدون شراع وفى قاع المركب فتحه بتدخل منها الميه شويه بشويه
يعنى هاتغرق هاتغرق
برب برب برب برب بربب
الحقووووووووووووونى
بأغـــــــــرق

ody911 said...

يااااااااااااااااه
إيه الأعترافات دى كلها
يا بنتى حبه حبه علينا
أحنا مش قدك
الكلام كبييير قوى بجد
ومعناه واضح
ومش عارف أرد أقول إيه على البوست
بس زى الأغنية إللى شغالة
جمالك جمال مش عادى غرامك غرام
الاغنية خلصت أصلها كانت كوبلية بس
وعادى بقة
أودى

Sampateek said...

ليه بس كده يا اوسا
بقى انا جاية افرحك ان البوست عندي اتصلح اقوم الاقيكي حزينة و محبطة كده
انت قسيتي قوي على نفسك
لا لا قومي خدي دش و البسي و انزلي اتمشي في جنينة مول
الدنيا وردي يا امي
و انت احلى فله في جنينتها

عايزة اشوفك مبسوطة
قبلاتشي

Aoossa said...

أودى
أزيك
أنا قولت أعترف وأخلص
بدل الأقسام والبهدله
أنت كمان لازم تعترف
أعترف
عملت أيه
أعترف يا أودى بقا

Aoossa said...

كلبوزه
البلوج أشتغل تانى
وكلبوزه رجعت من عند الجيران
وحشانى يا كلبوززززززززززززز
مين ده اللى مات
هو ده هدهد ولا بغبغان
طيب مين موته ومات أمتى ؟
يالهووووووووووووووووووووووى
أنا زعلت وأتنكدت
تعرفى مره صحيت لقيت العصفور بتاعى مات وهو واقف على باب العش اللى العصفوره راقده على بيض جواه
مات وهو واقف بيحرسها ويحميها
لأنها زوجته
يومها بكيت كتير
خاصة لما قامت العصفوره وبدأت تنقر فى راسه علشان يتحرك
سبحان الله له فى خلقه شؤن
أروح أعيط عشر سنين وأرجع تانى
أموه أموه وكمان أموه
أنا مش عارفه أسيب تعليق عندك
حاولت كتير فسيبته هنا
سأحاول من جديد

بين الأمل و اليأس said...

احنا احترفنا الصمت واتعودنا على الرؤية وعدم محاولة التعديل بس ياترى دا كله من ايه اكيد
من الصدمه هتسكت وقلبك من داخلك جريح .. ؟؟؟
وربنا يسترها

maged stephen said...

واضح أنك من عشاق جلد الذات والشعور بالذنب
وياريت يا أوسا الموضوع يستاهل كل الندم ده
كل ده عشان أتأخرتى أسبوع فى دفع الجمعية للبت عنبة عموما هى مش زعلانة أنا كنت عندها انا وتمر حنة كنا بنصالحها على جوزها اللى راح رهن الكنبة عشان يدخل الوصلة بتاعة الدش
هابقى اكملك بعدين احسن ابتديت اهيسس

Rasha said...

صادقة جدا ومؤلمة نكسر حواجز الصمت في كلماتنا يا عزيزتي كلامك واعترافاتك بصدقها تشق كل الطرف المسددودة امامنا لادراك الواقع والمعرفة والاعتراف باخطائنا هي اول طريق للاصلاح

تحياتي ومحبتي الصادقة لكل كلمة كتبتها

Scorpio™ said...

كلامك جه عالوجيعة والله يا اوسة

أعترف اني أخطأت
عندما حاولت
أعترف اني تــهــت
بين فواصل الكلمات
فأهتز القلم
فأثرت الصمت
وعجزت عن كلِ شيء

أعترف أنى لا أملك جملأ أو كلمات

ياسلاااااااام كأنك عارفة اني عندي امتحان كمان ساعتين وما عرفتش اذاكر حاجة
(تصفيق حار والدموع الحارة نأجلها لما النتيجة تطلع:D)

BackBone said...

ايه اللي انتي كتباه ده متكتبي علي اللي بيحصل من اعتقالات و مظاهرات

انتي ايه قررتي تتخلي عن مركزك القيادي في كلابيز من اجل التغير

Aoossa said...

بين الأمل و اليأس

maged stephen

Rasha

dr_megamokh

BackBone


شـــــــــكرآ يا جماعه على تعليقاتكم

وألتقى بكم قريبآ لو فينا عمر

كلبوزة لكن سمباتيك said...

جيبالك دستة مشابك تيفال
تنشري اجدع بوست
و لا يهمك
وحشتيني يا مضروبة

ahmed hassan said...

كلماتك مؤثره جدا قهى تبدو كاشخاص يؤدون ادوار فى مسرحية هزلية نضحك لهم عندما نراهم ولكننا اذا شعرنا بتلك المعانى وراء الكلمات وراء الابتسامات سنجد حزن لا نهائى وحسره لا حد لها
اسلوبك فى الكتابه مذهل وفريد
كما انك فنانه حقيقه خصوصا فى اختيار الصور التى تزين مدونتك الرقيقه
تحياتى لك

tota said...

الجميلة اوسا

التوقيع الصامتون ؟

كيف بعد هذه الكلمات المجروحة المملوئة بالاعترافات
كيف يا صاحبة الكلمات التى تبدو ضاحكة وفى كل عمقها تقطر دما
كيف يا ملكة السخرية تدعين الصمت
لو كان اعترافك صمتا اذا ترى ما هو اعتراف المتكلمون

هكذا عرفتك دائما من عمق كلماتك الرقيقة المغلفة بالسخرية اللاذعة

تحياتى

ام العيال said...

اخرجي كل مافي داخلك
اعترفي
اصرخي
تمردي
و ابكي
فلكل واحد مننا مهما كانت قوته
مهما علت ضحكاته
لخظه يريد بها اخراج شوائب لزمن
لكن في النهايه عودي الى اوسا ال كل الستات منها مفروسه

امواه ليكي

sendrlla said...

على فكره بوستك جميييييييييييل يا اووووووووسه

وفعلا الاعتراف بالصمت قد يكون تحرر منه الى حد ما

cigara... said...

هذه
اعترافات
اخر
السنة

لا
داعي
لليأس

شادي فايد said...

حاسب من الأحزان وحاسب لها
حاسب على رقابيك من حبلها
راح تنتهي ولابد راح تنتهي
مش انتهت احزان من قبلها
...............



شوية تفاؤل

ياسمين said...

أوسا يا ست البنات
عبرتى عن كل اللى حاسين بيه البنات
خليتى للصمت صوت
وللكلام صدى السكوت
بعد ما قلتى .. مش ممكن نقول إن الوقت فات
قولى كمان
فى قلبنا ليكى مكان
قولى اصرخى
كنتى فين بقى من زمان

Aoossa said...

كلبوزة لكن سمباتيك

ماتحرمش من مشابكك
حالآ أنشر وأغسل
أموه ليكى
يا حياتشــى

Aoossa said...

ahmed hassan
شكرآ يا باشا على الأطراء
وشرفت بيتى الصغير

Aoossa said...

tota
توته الرائعه
كلماتك دى بتحرجنى
كل الكلام ده عشانى
يا سمراء الوادى
بحبك أد البحر يا توته

Aoossa said...

ام العيال
شوائب الزمن كثيره
وألمنا كتير لأن الوطن مجروح والقلب موجوع وبطنى تعبانى من كتر الجوع
معكيش شندوشت مربى

Aoossa said...

سندريلا

ماتيجى تعترفى معايه
أهو نبقا لمه
ونفضفض بقا
تحياتشى

Aoossa said...

سيجاره
أزيك وحشانى
لسه كنت عندك
كل ماسيب تعليق مش بيقبل مش عارفه ليه
دى أعترافات بمناسبة أخر و أول السنه
كل سنه جديده وأنت طيبه

Aoossa said...

Shadi
جميل الكلام ده
فعلآ محتاجين تفأول
بس يا ترى الحزن بيعدى
ولا بيجرح فينا ويشوه فى معالمنا

Aoossa said...

ياسمين
انتى اللى فين من زمان
عشان نرجع العمر اللى كان
و نبتدى من جديد مع نيسان
و العقل ينسجم مع الوجدان
و الحب عطره يملا المكان
مهو أنا وأنتى برضه أنسان

هههههههههههههه
شعر أبو المقفع

MAKSOFA said...

ايه يااوسا
البوست الحزين ده
لا متعودتيش عليك كده
وانت دايما متفاءله


موش عارفه حسيت بأنكسار جامد في البوست ده
وحسيت بكم غير عادي من الألم والمراره

cat_eyes(همس الليل) said...

لانى اعترفت بحبى اليك وجئتك اشكو بقلب صريح تماديت فى البعد عنى كانى اثمت وما كان لى ان ابوح
توهمت انى اذا ما اعترفت سانعم فى خلوتى استريح
لانى اعترفت
متعيتيش يا اوسه المدونات كلها اتملت بالدموع
اصبحت المدونات انهار
لعلها موجه ياس بعدها نور واشراق ولو انو مش باين
ربنا يستر يلا بئا

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة