أفضل  مئة  مدونة

Tuesday, December 26, 2006

مشمش والمهمه المستحيله

عيون الأمن سهرانه مبتنمشى
مع الأعتذار لكوكب الشرق الست أم فاروق

مشمـــش والمهــمه المستحيله
قصه بوليسيه للأطفال













مــــشمــــش

سفـــاح القرن

حبايبى الحلوين دى حكاية قبل النوم اللى متعوده أحكيها للأطفال الحلوين حكايتنا النهارده عن الواد القشاش اللى كان و هو صغير مدوخ مامته وباباه وكان مش بيشرب اللبن عارفين ليه يا أطفال عشان كان بيشرب سجاير وبيشم كوله وده مشروب وحش بتاع الأولاد الوحشيين الواد قشاش كبر وهو مختلف عن باقى الأطفال شقى ومش بيسمع الكلام خالص واحتمال مكنش بيفهمه
مامته زعلت يا حرام خدته وراحت أشتكت للدكتور وقالتله انه كمان بيعمل بيــبى على نفسه ودايمآ دايمآ بيــريل على نفسه الدكتور كشف عليه و قال لمامته ده مسكين عنده تــخلف عقلى عبيط يعنى
بعد كده الواد الشقى هرب من البيت ونام فى الشارع مسكوه وأخدوه على بيت كبير كله زرع ونباتات حلوه (خشخاش) ومشرفات ومشرفين طيبين والأكل كتير وأبله أنشراح هناك هى وأونكل قلفط بيعاملوا الأطفال بحنيه ( بالكرباج)المكان أسمه الأصلاحيه وعاملوه كأنه أبنهم والعيال كانت بتضربه ويقلوله يا عبيط يا عبيط و هناك أتعرف على أصدقاء وحشه قالوا نهرب فهربوا وبره أتعرف على ولاد تانيه زى الواد بزازه والواد حمكوشه وطبعآ بيشموا كوله وبنزين وبيشربوا دوا كحه ومفيش بابا ولا ماما عشان يقولوا كخه .... بالصدفه وهم ماشيين فى الليل قابلوا الساحر العجوز صعبوا عليه فخدهم فى حضنه وأكلهم وشربهم لبن بخيره (كامل الدسم) أيه رأيكم يا حلوين فى جدو الساحر بعد كده أغتصبهم واحد واحد وبعدين سألهم نفسكم فى أيه قال الوادالقشاش نفسى أبقا شجيع ومحدش يضربنى ويقول يا عبيط وأبطل أعمل بيبى على نفسى عشان يوم مارجع لمامتى تفرح بيه قاله خلاص أنت هتكون أقوى واحد فى الدنيا وقام تافف عليه تفه كبيره زى دى أتفففففففف

وقاله روح يا جاتل يا أبن الجاتل و من ساعتها و القشاش العجيب كل يوم يضرب ويموت تلاته أربعه لحد موصل العدد أربعين وأحتمال مع أخرالسنه يوصل ألفين راح العسكرى اللى أسمه مشمش لبس النضاره الشمس بتاعته وتنكر و قرر أنه يقبض عليه متلبس وكان معاه كلب بوليسى من نوع الكنيش أسمه توتو هم الأتنين عملوا تحريات كتير وفى الأخر تعبوا أم أيه مشمش جاتله فكره أنه يستخدم فانوس علاء الدين السحرى راح داعك الفانوس طلعله منه مارد طوووويل أسمه حنفى قاله شمبيك لمبيك حنفنف بين أيديك عاوز أيه يا مشمش ..مشمش وهو مخضوض قاله عاوز أمسك السفاح ...المارد حنفى قاله السفاح هتلاقيه جوه عربية قطر بضاعه مرتاح و كلمة السر مفتاح مشمش جرى وراح عند القطر وشاف السفاح وفــ ايده مفتاح مشمش أمر الكلب توتو أنه يهجم عليه ويكتف القشاش من أيديه أم أيه مشمش قبض عليه مسكه وبعد كده كشفوا عليه و أتضح أن معدل ذكائه بعد التفه الأولى وصل تمانين فى الميه دلوقت يا كتاكيت مين يجاوب السؤال الصعب ده وياخد سيجارة بانجو

هل التوربينى ضحيه أم قاتل

وأذا كان ضحيه فمين السبب

هل هى الأسره

أم تخلفه العقلى

أم الساحر العجوز

أم المجتمع

أم رفقاء السوء

أم اللبن كامل الدسم

اللى يعرف الأجابه يا شعب يوفرها لنفسه عشان البوست ده خنيق أساسآ وكتباه عشان أتخنقت ونفسى أخنقكم معايه وده من تخاريف نهاية العام نتيجة لظروف المراره والبنكرياس ودواعى الهرتله وأحتمال الموضوع ده يبقا مقرر على تانيه أول وأولى خامس

أى حد هيسيب تعليق هبلغ عنه فورآ وكل عام وأنتم شعب طيب

وبتحبوا قصص قبل النوم... المره الجيه نحكى حكاية مين يا ولاد

حكاية الشاطر أبن بنى مذار ويا بخت من خفف بعد ما زار

أوسه أجاثا كيرستى

مؤلفة رويات بوليسيه

56 comments:

smraa alnil said...

ههههههههههههه
والنبي يا ابلة مش تبلغي عني
ولا تعمليلي حاجة
بس انتي ليه مش قلتي توتا توتا مش هتخلص الحدوتة
انا راي ان السبب في المفتاح
والنبي خليني ساكتة يا اختشي لحسن كل ما بفتكر الموضوع دة بتجيلي ارتكريا
وبعدين انتي قلتي مشمش سفاح القرن لدرجة اني افتكرت ان مشمش دة هو السفاح (التوربيني) بس بعد كدة في الاخر قلتي ان مشمش دة العسكري
وضحيلي ارجوكي الموضوع لا يحتمل التاجيل
هههههه
ربنا يعفينا يارب

Epitaph said...

انا اتمسكت في لجنة
لجنة الامتحان طبعا

وبعدين السبب انه مش كان بيتفؤج علي بقلظ وماما نجوي وهو صغير و مبيشؤبش اللبن الصبح وكل صحابه ضحكوا عليه
و مسمعش كلام عبد المنعم مدبولي
توت توت قصر صغنطوط

تصبحوا علي خير

Aoossa said...

smraa alnil

توضيح
الصوره اللى على اليمين للعسكرى الهمام مشمش أم الصوره على الشمال
دى للسفاح الجاتل
أم توتو الكلب للأسف معنديش صوره ليه فى الأرشيف

أما عن أستخدامى للقفله المعتاده توتا توتا خلصت الحدوته
لأن الحدوته مستمره ولسه لها تكمله
دى جزء من رواية الوكسه الأمنيه
شرفتى يا سمراءء

Aoossa said...

ابيتاااااف
أخر بوست ليكى كان ممتاز لدرجة أنه نكد عليا وفكرنى بعيد ميلادى
فعلآ مكنش بيشرب اللبن الصبح وكل صحابه تفوا عليه وأتربالوا عضل فى قفاه
وأكيد ميعرفش ماما نجوى ولا الأستاذ العظيم بقلظ
أحتمال يعرف شكوكو
مش بزمتك بوست يجيب جلطه
فى الكلاوى ويعلى الضغط ويغلى المــمــبار
تحياتشى صديقتى الجميله

lastknight said...

شوفى يا أوسه .. دوا الكحه واضح أنه مش هايحوق فى دماغك .. و طبعا أنتى بلوريتاريا فمش ممكن اوصفلك كرفوازيه .. هاتى راس العبد .. و اديها يا أوسه فى البرد ده .. الدنيا هاتبقى فللى .. بقية القصه عن سفاح بنى مزار خليها بعد الفصل التانى .. حادثة القطر اللى حصلت بسبب أن السفاح شال الجزره .. مش عارف الجزره دى كانت فين لكن لما شالها انقلب القطر .. مع أن المعروف أن اللى بينقلب بياخد الجزره بعد كده .. و لما تنشال منه يتعدل
او أقولك خلى سفاح بنى مزار بعد حكاية العباره .. و غالبا هايكونوا شالوا منها القتايه .. طبعا .ز العباره كبيره .. لازم يكون فيها قتايه مش كفايه الجزره
باقولك أيه انا وجهت دعوه للحبايب عند جرجس احتفالا بحبس المتهم فى التعذيب بالعصايه ( لا جزره ولا قتايه ) شاورى عقلك و بلغى الحبيب الغريب و شرفينا.. غاليا هاتبقى فى اليونانى أو الجريون .. و يمكن تصعبوا عليا أخليها فى تشيزا
و التزمى بترتيب الأحداث زى ماقلتلك .. الجزره و بعدين القتايه و بعدين سفاح بنى مزار اللى شال الأجزاء الشبيهه
كل سنه و انتى طيبه

Mohamed A. Ghaffar said...

شر البلية ما يضحك

الحصان الأسود said...

مش ملاحظين ان الموضوع بتاع اخينا التوربيني وللا الفرنساوي دة متهيج من الحكومة والصحافه الحكومية ومتركز علية قوي

وزي ماقلتوا ان البهوات كمان بيقولوا انة السبب في حادثة القطار علشان كان فوق القطار مع احد ضحاياة الاطفال وشال الجزرة فالقطر فراملة سابت
انا شايف مشكلة توقيت في موضوع اخينا دة
وبالذات امبارح شايف عمرو اديب على اوربت جايب واحد مراقه كدة عمرة 15 سنة التوربيني اعترف انة اغتصبة وقتلة وطلع عايش وقال انة يعرفة وانة مش بيعمل الكلام دة وانهم اصحاب واهوة قدامنا لا اتقتل ولا نيلة

يعني الحكومة مهولة الموضوع و مركزة علية اعلاميا و مصعده الموضوع جدا

وبقى حديث الساعه في كل بيت

وامبارح طلع السيد الحسيس بطلعتة الميمونة يقول التعديلات الدستورية الجديدة

بس يا حرام الناس مش فاضية للدستور يا حرام مشغولين بحكاية التوربيني والفرنساوي و العيال اللي كبرت

مش عارف انا متهيالي اني شفت اخينا التوربيني دة قبل كدة في قسم شرطة وكان خير اللهم اجعلة خير لابس اسود في اسود وحاطت تلات شرايط على كتفة

كوكوكوكو وسكتت الحكومة عن الكلام المباح

الحصان الأسود said...

صحيح مالحق هوة المطرب الشهير بتاع سلسلة الافلام الشهيرة-العيال كبرت - والعيال هربت- مش سمعنا من ناس كتير انة بيقف بعربيتة ويركب عيال من المشردين من تحت كوبري غمرة
واشمعنى دة بقى اللي سايبينة
ولا لأنة العيال بتصعب علية وبيركبهم عربيتة يفسحهم شوية ويرجعهم لأنة يا حرام عندة عقدة من وهوة صغير

على رأي هالة سرحان لما استافضتة في روتانا "ابسط يا حمادة الحلقة النهاردة كلها عيال"

Aoossa said...

الفارس الأخير
كل عام وأنت بخير
مش هتنزل بوست بخصوص تعديل 34 ماده من الدستور مره واحده
الموضوع ده غايظنى جدآ
أما بالنسبه للعزومه يا برجوازى
فشكرآ على الدعوه
لكن أنت عارف أن الطبقه التى أنتمى اليها معندهاش وقت طول اليوم فى الشغل
طيب تخيل أنا معنديش أجازه فى العيد
حتى أجازة الأسبوع أتلغت حتى أشعار أخر
و دوا الكحه راحت عليه خلاص
وفقآ لمؤشرات السوق أصبح السردودال هو الأكثر أستخدامآ
وطبعآ الحاج جرجس كان كاتب التركيبه السحريه لهذا الدواء السحرى
أحنا عندنا الشعب محتاج بنج
أنت عارف أن الواد التوربينى
أعترف أنه سبب المشاكل بين السنه والشيعه فى العراق ومشاكل فتح مع حماس
عيال عايزه الحرق
و كمان لما قاسوا ذكائه طلع تمانين
يعنى الواد عبقرى زمانه
حاجه تكسف لما تكون دى طريقة التعامل مع عقولنا
أحتمال فى الأجازه الصيفيه نتقابل كلنا فى مكان محايد و شهروز تيجى
و كلبوزه
هههههههههههه
ده أحنا هنخربها

Aoossa said...

Mohamed A. Ghaffar

بس أحنا ذهقنا من الضحك
محتاجين نعيط بقا
كل سنه وأنت طيب

Aoossa said...

الحصان الأسود
كل سنه وأنت كويس
موضوع التوربينى ده قلة حيله من الأمن
ممكن يكونوا أكتشفوا جرايم
بس معقوله يكون شخص واحد ومعاه أربع أتباع هم السبب
طيب الأمن كان فين
وفعلآ كل اللى عارفوا التوربينى أقروا أنه غلبان ده الهطل باين فى عنيه
بس تقصد مين حماده المطرب
حماده هلال يعنى
جايز يكون طيب وقلبه رهيف
بس بدل الموضوع فى هاله سرحان يبقا أكيد فيه شذوذ

Ahmed Shokeir said...

على فكرة ... الواد بزازة والواد حمكشة كانوا موجودين في وسط البلد أول يوم العيد الصغير
وبعدين راحوا باتوا ييجي شهرين في سكن الطلاب بتاع جامع الأزهر
وكانوا معاهم الساحر العجوز

عايزين بأه حدوتة بني مزار وتقطيع ال
(...)

Aoossa said...

Ahmed Shokeir

أهلآ بيك
حمكشه وبزازه قادوا المتحرشين فى وسط البلد
وفعلآ أتنكروا ولبسوا أقنعه وعملوا العرض بتاع الأزهر
الأخطر من كده أنهم مش بس شالوا الجزره بتاعت القطر
لا ده كمان الاشقياء شالوا جزرة العباره وغرقوها
و شالوا جزرة قصر الثقافه وحرقوا الناس
و كمان بيزوروا فى الأنتخابات
أصل معاهم الساحر حنفى
و ماأدراك من هو حنفى

ody911 said...

الأميرة أوسا

حكاية قبل النوم بتاعتك جميلة أوى
أنا ضحكت ييجى نص ساعة كدة
وقولت لازم أبدى إعجابى حتى لو بلغتى عنى
أهو يبقى بفايدة
على الاقل الواحد يلاقى لقمة ونومة
ههههههههههههه
وبرضوا علشان السجارة إياها
أصلى الخنقة وحشة أوى يا أختى
ومنتظرين القصة التانية يا أوسا

بس ممكن تكون من غيير كاتشب
علشان مش بحبوا
وعادى بقة
أودى لن يستسلم

Nouran said...

عارفة انا بكرة عندي امتحان واقعدت اقرا البوست فطبعا اكيد عرفتي ايه اللي حصلي يعني لو حليت وحش يبقى بسبب التفكير ف مين الضحية ماشي يا اوسا شوفتي اتلخبط المفروض افكر ف مين السبب اه صح كده اقولك مين السبب كل حاجة انت قولتيها ما عدا اللبن علشان بيغذي وممكن يكون باباه وةماماته علشان مدوروش عليه واصحابة برضه سبب اساسي يالا كفاية كده

Nouran said...

حاجة نسيت اكتبها والنبي ده منظر مخبر مشمش بصراحة قمر بس بالستر حرام عليكي يا شيخة دي مناظر تحطيها ف قصتك

lastknight said...

أوسه .. دستور ايه اللى اعلق عليه ؟؟ المسأله فى رأيى و ببساطه لا تحتمل ألا اختيار نيرون .. فاكره نيرون ؟؟ اللى حرق روما عشان يبنيها تانى على نضافه .. مش هاتعب نفسى و افكر فى تعديلات و نيله .. مصر فيها مسودة دستور 1954
اللى دفنه المدعوق عبد الناصر و حولها لمملكه تقدس حكم الفرد .. و من ساعتها و احنا كده
المهم .. برضه هابلغكم بيوم الحفله اللى احتمال توافق عيد ميلادى .. سبعه يناير .. أطلب منك طلبين
أولا تعلقى على موضوعى الأخير
ثانيا تبعتيلى عنوان بريدك المباشر

بين الأمل و اليأس said...

طب هاتصدقي لو قلتلك اننا كنت لسه مخلص بحث عملته لبنت عمتي العسولة لولو الصغنونه عن اطفال الشوارع
وغصب عني عملته باسلوب الجامعة الكبير 15 صفحة رغم انها كانت عايزاه من سبع لعشر صفحات بس على الله هي تفهمه ولا مدرستها تستوعبة اساسا بس لعلمك الساحر اللي قلتي عليه عمل فيه اللي عمله فوق القطر ورماه من فوقه وهو ماشي وبقه مشوة دا اللي انا قريته وانا بعمل البحث بتاعي وكان نفسي اكون قريت القصة بتاعتك دي قبل ماكتبه والله العظيم عسل موووت انا هاخليها بكره تيجي تقراه بجد انا حسيت اننا صغرت يجي10سنين ورا والله مووت بجد شديدة
وةانا مستني القصة الجديدة
زعلى فكره ربنا خلق لينا عقل نفكر بيه ونقدر نعرف الصح والغلط
وظروفه الاجتماعية ليها يد في كل اللي هو فيه بس كدا لو هو بقه متعقد يبقه ده مرض ومش بنادم اللي ممكن يعمل كدا
يالله ربنا يسترها

بين الأمل و اليأس said...

صحيح كل سنة وانتي طيبة وعيد مبارك من البركة مش من حسني مبارك
وربنا يسترها

Reformer1976 said...

بصي بقى

أنا أشجب وأدين وأستنكر

حضرتك البوست دا أنا كنت أول من علق عليه... وعلقت تعليق طويل مدلدل من تعليقاتي الطويلة المسخرة

وبعدين هوب بقدرة قادر فوجئت إنه اتشال ... وبالعند فيكي وفي التوربيني بتاعك مش هعلق بقى هه

أنا مقموص

أنا عايز التعليق الطويل المدلدل بتاعي

وبعدين تعالي هنا
التوربيني قاتل الأطفال وماله
لكن صورة رونالدينيو بتاع الكورة تتحط في موضوع التوربيني بأمارة إيه؟؟؟

إنتي شكلك بتكرهي البرازيل
تاني
إنني أشجب من جديد وأستنكر وأدين بشدة


عاش رونالدينيو محرر الشعوب وعاش التوربيني... على فكرة التوربيني اعترف إن هو اللي اغتصب عماد الكبير وهو اللي بعد ما كل الكفتة عمل السحابة السودا... أما الواد بزازة بقى.. مش هقول لك اعترف بإيه عشان ما نخدشش حياء البنات القاصرات

Aoossa said...

ody911

كل سنه وانت طيب يا أودى
أهم حاجه أن القصه عجبتك
بس برده محلتش اللغز بتاع القصه
القصه صعبه ومحتاجه تفكير
لا تستسلم وحافظ على أبتسامتك
وأتقدم أتقدم عمرك ما راح تتندم
تحياتشى

Aoossa said...

Nouran
هى القصه دى مش مقرره على هندسه
لا أنا عاوزاكى تركزى عشان تنجحى
عشان تشتغلى مع أبيتاف فى المشروع اللى بجهزه وهو عباره عن مجموعة أكشاك فيشار وسجاير للقضاء على البطاله
بالنسبه لصورة مشمش دى بورتريه رسمه الفنان العالمى فان جوخ
أجابتك على السؤال كميله خالص زيك
ماشاءالله عليكى عندك كميه من النقاء والبراءه ودى على فكره أشاده أتمنى أن كل البنات يكونوا زيك أنتى وأبيتاف
ربنا يكرمك
أموووه ليكى

Aoossa said...

lastknight
أنا عارفه أنك زعلان من الأنقلاب العسكرى عشان أمــموا ممتلكاتكم
وأستولوا على أراضيكم
أما بالنسبه لعبد الناصر
فأخطائه كتيره لكن على رأى الفنان محمد صبحى كفايه أنه مكنش حرامى ولا عميل
موضوع تعديل الدستور ده خطوه نحو الجحيم
أنا فعلآ قريت موضوعك وكتبت تعليق بس النت عملها معايا كالعاده
البريد الأكترونى بتاعى موجود فى البروفيل
ولا أنت تقصد بريد آخر
كل سنه وأنت طيب بمناسبة عيد ميلادك
أنا بطلت أحتفل بعيد ميلادى من وقت ما كتشفت أنه كان يوم بلاك على الأنسانيه أنا لو مكنتش أتولدت أعتقد أن البلد كان حالها هيكون أفضل من كده
باى باى

Aoossa said...

بين الأمل و اليأس

أزاى تكتب بحث من غير ماترجع للقصه دى
كده البحث مش كامل
على فكره كل من عرف التوربينى صدق على أنه شبه متخلف وأنسان مسالم
حتى أحدى ضحاياه أتضح أنه لسه عايش
الموضوع فيه سر مسيره ينكشف
بالضبط زى حادثة بنى مذار
أولاد الشوارع أصبحوا ملطشه بعد تناول الأعلام والتلفزيون للموضوع
يا ريت تكتب بحث ميدانى يعنى تنزل الشارع وتتعرف على الأخوه موسلينى و الواد غتاته وسعد الجن وباقى الشله
وقتها البحث هيكون ممتاز
كل سنه وأنت طيب

Aoossa said...

Reformer1976

أنا بريئه يا بيه
الموضوع كان لسه درافت مش عارفه علقت عليه أزاى
وبعدين لازم تكشف السر أن الصوره للاعب كوره طيب أنا مكنتش أعرف
كده الناس تقول عليا أيه
أنسانيه غير رياضيه
أنا بكره كورة القدم جدآ
لكن بحب أتفرج على ألعاب القوى
والتنس والأسكواش
الواد التوربينى طلع مشكله
متهيألى ده أشرس من ريا وسكينه
بس يا ترى مين اللى بيكتب السيناريوهات دى فى الداخليه
أكيد مؤلف زى حالاتى فاشل
أيه اللى حصل مع أسلام تانى
معندكش أخبار جديده يا جراجس
كل سنه وأنت طيب العيد فرخه
كاك كاك
هابى نيو يــير

lastknight said...

مازلت فى انتظار تعليقك .. و يوم بلاك ده أيه ؟ أنتى اتولدتى خمسه يونيو ولا أيه بالظبط ؟
متأسف ما أخدتش بالى من أن ميلك موجود ماتنسيش التعليق

Aoossa said...

أنا سايبه تعليق يا فارس
أدخل بس وحرر الكمنت من المودريشن
ده تانى كمنت الأول ضاع والتانى موجود
هو الناس خابفه تعلق عندى فعلآ
ده أنا بهزر
شعب يخاف صحيح
طيب هابلغ عن نفسى بقا
دماغ ماك منزل كليبات جديده
بمناسبة العيد
ماءءءءءءءءءءءءء

بيجاسوس المصرى said...

تحية للاميرة صاحبة المواضيع الرنانة

بجد والله يعلم بذلك
انى قبل ما اكمل الموضوع قولت اللبن كام الدسم هو السبب لان الاطفال فى مصر مش واخدين عليه

بعد اللى بيحصل اليومين دول الواحد كل يوم الصبح بيعد صوابع رجليه و ايديه احس يكون حد جيه سرق حاجة و الواحد نايم

تحياتى
بيجاسوس المصرى

Aoossa said...

بيجاسوس المصرى
باهنيك يا أفندم على ذكائك
فعلآ تستاهل الجايزه
وهى أنك تقابل التوربينى و تتبارك بيه وبوشه السمح التوربينى ده بركه
بس هو اللبن بقا تلف أخلاقه
كل سنه وأنت طيب
بس كنت أتمنى أعرف بيجاسوس ده يعنى أيه
ده واحد زى الأخ جيفاره
شكرآ على تواجدك يا باشا

Lion king™ said...

:)
كل سنه وانت طيبه

Lion king™ said...

:)
كل سنه وانت طيبه

tota said...

اوسة الجميلة الاميرة الساخرة فى عالم الساحر اوز

التوربينى وبزازة ازاى مشربش اللبن يعنى اسمه بيقول انه شريب

ثبت ان الكله والبنزين بيحسنوا الخلايا الدماغية يعنى بتخلى نسبة الغباء ترتفع وانصح الشعب المصرى بتعاطيهم ارضاءً للحكومة

ولان اكتشاف الجريمة لعب فيها المارد دور كبير جدا يجب تعيينه فى الداخلية فورا واستبدال مشمش وتوتو بطقم عفاريت جنيين يعرفوا يجيبوا التايهين

عرفت انه اثناء القبض على التوربينى مقدرش حد يقرب منه من هول رائحته ورشوا عليه علبة مبيد علشان يقدروا يقربوا وهو بيكمل الحديث بقى انهم
اخدوه ونظفوه وجابولوا هدوم جديدة واكلوه اكل عمره ما اكله فى حياته

ولما سألوه مين عمل ايه قال على طول انه عمل كل حاجة

ما اسهل ان ننسب التهم للمختلين وان نقرأ الاخبار ونحن مختلون وان يدافع عنه مختلون وان يحاكمه مختلون وان يكون الضحايا مختلين

عالم يغلفة الاختلال
تحية من الاراضى المختلة

Aoossa said...

LionKing

وأنت طيب
وعيد سعيد

Aoossa said...

توته الجميله

كلما زورت مدونه وجدت تعليق لك
وكلماتك ليست مثل الكلمات
كلماتك فى قوة نصل السيف
وأرق من كل النسمات
يا سمراء الوادى
أنسية أنت أم جنيه
أم أنك ساحرة
من دنيا السحر تتبوء عرش الكلمات
هههههههههههه
أيه رأيك
مش أنفع
طيب أيه رائيك فى النشيد ده
بدل النشيد بتاع بلادى
أنت اول وحده تسمعيه
ده بمناسبة العيد

ماءءءءءءءءءءءء
ماءءءءءءءءءءءء
نحن الحملان و الغير ذئاب
ماءءءءءءءءءءءءءء
ماءءءءءءءءءءءءءءء
نحن الحملان و الكل ذئاب
ماءءءءءءءءءءءءءء
ماءءءءءءءءءءءءءءء
الذئب يعوى خلف الباب
وأمام الباب
و نحن نمسك فى الجلباب
جلباب الوالى أحمر قانى
لكن أفضل من كل الأتواب
مااااااااااااااااءء
جدرانك يا وطنى تبكى من صوت عواااااااء
والخوف يدثرنا مثل رداءءءء
الشعب يشجب ويندد فى صوت موااااءءءء
الصمت الساكن فى قلبه دااااااااءء
مجروح أنت يا وطنى تنتظر دوااااء
أعذرنا يا وطن
فلن نصبح غيلان
لا تنتظر أن نستيقظ يومآ
نحن لسنا سوى حملان
لا نعرف صوت
غير
مااااااءءء
ماااااااء
توته لو عندك ملحن كويس
ياريت تخليه يلحن النشيد
ده هيكسر الدنيا

الأختلال بيقلب الميزان لكن فى مصر بيعدله أزاى معرفش
تحياتى يا توته يا حياتشى

ياسمين said...

كل شخص قاسى وعنيف هو شخص تعرض للقسوة والعنف فى حياته
وأتحدى ان يكون غير ذلك
اما عن كل حالات القتل اللىاتهموا بيها التوربينى فمن غير تفكير كدة .. التوربينى دة جه للداخلية عشان يقفلوا بيه كل القضايا المفتحة
كل الملفات هتتقفل بعد ما التاوربينى هيعترف طبعا
هى دى فرصة حد يضيعها برضه

Aoossa said...

يا سمين
كل سنه وأنت طيبه
هاتى العديه
عاوزه خمسين جنيه
أشترى خروف بلاستيك
أنت عارفه العيد بيحب اللحمه
التوربينى هينقذ الموقف
ويشيل كل القضايا
من سنة 1952 لحد دلوقتشى
ده فدائى يا ياسمين
تشربى أيه بقا

smraa alnil said...

اووووووسااااااااا

كل سنة وانتي طيبة يا قمر
ويارب السنة الجاية يارب يبقي معاكي خروف تدبحيه
قصدي العيد الجاي
شكرا يا قمر علي الكلام اللي قلتيه في مدونتي
وكل سنة وانتي طيبة تاني

3rby said...

عبيط مين بس يا اوسا
ماهو اي حد ابن ستين كلب بيعمل حاجة زبالة في مصر بيقولوا عليه مختل
ماهو اللي يعمل حاجة زي ديه يبقي اكيد مجنون
طيب عرفتوا منين
هو كده ده مختل ومصر هي بلد الامل والافلام

Sampateek said...

بسم الله الرحمن الرحيم
الاجابة
ام فاروق

فين سجارة الحشيش بقى؟؟

نمى الى علمي ان الواد التوربيني ده كان ليه يد في غرق العبارة علشان كان بيلعب بمفك انجليزي في مناخيره ليلة الحادثة مما سبب ثقب في البحر الاحمرنتج عنه حريق القطار و تصادمه و الادهى و الاخطر ان الواد التربيني المفتري ده
مسؤؤؤؤؤووول عن زلزال مصر 91 اللي جه بعد طبق كشري كان متقل الدقة فيه و مش كده و بس لا ده كمان هو اللي اشترى الجاز يوم حريق القاهرة


لذلك نطالب بمحاكمة عادلة و فورية للحكومة

و شنقها ضربا بالشرابات اللي مش نضيفة


قبلاتشي لك يا اوسا
سلمي على الغريب
بوسيلي مصر


و

عيد سعيد

مصرى said...

بصي يا أوسة أنا هاعلق بس بلاش و النبي تبلغي عني
بصي بقى أجاوب و تديني سيجارة البانجو
التوربيني سفاح ليه من غير ليه يا ستي هو كده ملك الملوك إذا وهب لا تسألن عن السبب بس طالما هز كان مسئول عن حادثة القطر مش كان واجب يضغطوا عليه شوية يمكن كان يعترف إن هو اللي غرق العبارة يمكن كان مسطح فوقها و شد الجزرة قوم إيه العبارة غرقت
و زي ما قال فيلسوف أول فيصل صبح صبح يا عم الحج

cat_eyes(همس الليل) said...

طظ فى الحكومه خلاص
مبقتش تفرق توربينى فرنساوى ولا حتى قشاش
كفايه كدا عشان استوينا والله خلاص
وانتشى عامله ايه يا اختشى هاتشى حته خروف بلاستك بئا عشان بعد كدا هنعض فى البلاط
كبرى دماغك بئا وهاتى العيديه
كل سنه و انت طيب يا قمر مالك انت ومال التوربينى والعيال البطاله دى
واحده قمر زيك تفكر فى طريقه المانيكير باللحمه المفرومه
الله يحرقنا يا شيخه الواحد زهق

Rasha said...

اوستي كل سنة وانت احلى اوسة
واعياد سعيدة عليكي
وعلى كل الي بتحبيهم

(F)s

Aoossa said...

smraa alnil
وأنت طيبه يا جميله
السنه الجايه تكونى أتجوزتى
و تعزمينى بقا
وربنا معاكى

Aoossa said...

3rby

البوست سخريه يا عربى من الأمن
وأستخفافه بعقولنا
كل سنه وأنت طيب

Aoossa said...

Sampateek

شاطره يا كلبوز يا سمباتيك
تستاهلى طربة حشيش
ومعاها أزازة دوا كحه
ألغريب بيسلم عليكى
ومصر بتبوس أيديكى

Aoossa said...

cat_eyes(همس الليل

أزيك يا جميلة أسكندريه
سلامتك من الزهق
لسه التقيل جى
أكتر حاجه فى بلدنا هى العبطه
لما جننونا
منيكيير أيه باللحمه دى وصفه جديده
طيب أجربها
ماتحرمش منك
أتفضلى خروف بلاستيك بحاله
ماااااااااااااااااء

Aoossa said...

Rasha
وأنت طيبه يا بنت خالتى
خلى بالك من نفسك
ربنا معاكى فى الغربه
أمــــــــــوه ليكى يا ست البنات

Aoossa said...

عيد مش سعيد بكل أسف

بيجاسوس المصرى said...

فين الجايزة انا عايز الجايزة انا عايز الجايزة

بالنسبة للبيجاسوس هى كلمة يونانية تعنى الحصان الاسطورة ذو الاجنحة

Aoossa said...

pegasuselmasry

شكرآ للتوضيح
بالنسبه للجايزه تقدر تستلمها من أقرب قسم بوليس
أسأل على مشمش
هتلاقيه مستنيك هناك
كل سنه وأنت طيب بقا

جبهة التهييس الشعبية said...

يا اوسة رمضان مش قاتل

ده واد عبيط واعترف على نفسه عشان اكلوه كفتة

الموضوع كبير وداخل فيه تجارة الاعضاء انت عارفة ان مصر تالت بلد في تجارة الاعضاء

اعضاء مجلس الشورى طبعا زي ما انت عارفة

Aoossa said...

جبهة التهييس
أنا توكعت موضوع الأعضاء ده
أنا كاتبه الموضوع ده سخريه مش تأكيد أنه جانى
بجد أكل كفته
يا بخته
شكرآ نواره متحرمش منك
وشكرآ على زيارتك وقراءة بوستات قديمه
أنتى ليكى الجنه
أتفضلى سيجاره بقا

Fancy said...

معقول يا اوسا دى حكاية قبل النوم

دى حدوتة قبل الموت

العيال ياما هاتسمع يا اوسا احنا فزمن العجايب

لكى احلى تحية عالحدوتة الملتوتة دية

بنت القمر said...

مدونه جميله ودمها خفيف... بس الحكايه مش حكايه التوربينى او غيرة لكن احنا بننهار بجد التوربينى واختفاء الاطفال وسرقه اعضائهم والتحرش اللى بقي فكل مكان محدش بيسلم منه الناس بجد فى حاجه ومعدلا ت العنف بقت حاجه مرعبه والتناقضات عند الناس بقت فظيعه.. ربنا يسترها علينا ويرفع غضبه عنا

will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة