أفضل  مئة  مدونة

Sunday, December 31, 2006

من صدام الى العرب هى دى المرجله

لم يبكى ولم يزحف ولم يطلب الرحمة

هكذا يموت الرجال

مثير للجدل فى حياته ومماته

أصرت أمريكا على أن تشنق صدام فجر العيد وأن ترسل ببرقية معايده الى المسلمين فى أول أيام العيد أمعانآ منها فى التنكيل بالمسلمين و قامت بدفنه فجرآ فى مكان بعينه دون أرادة عائلته فكانت رسالتهم واضحه لكل العرب فى عيدهم الأضحى وسط صمت عربى لم يسبق له مثيل لكن صدام لم يبكى حاله ولم يستعطف أعداءه ولم يتوسل بل طرح سؤال على الحضور أعتقد أنه سؤال وجهه لكل الحكام العرب هى دى المرجله ثم شنقوه وهو يردد الشهادتين لم ينتظروا منه أن يكمل النطق بهما فقد كانوا على عجله من امرهم فلابد من أن ينتهوا من فعلتهم ليبثوا مقطع الفيديو والخبر مع صباح العيد ليضيعوا على المسلمين فرحتهم لكنهم وبغبائهم المعهود جعلوا موته مثيرآ للجدل كحياته وربما تحول من دكتاتور الى فقيد العيد أو شهيد العيد من وجهة نظر البعض

شنقوه فمات كما يموت الرجال فى أنتصاب وشموخ ولم يظهر عليه أى خوف مات كما يموت الأبطال فى الأفلام الأمريكيه رغمآ عن أمريكا وكل العملاء فهل تحول العرب الى حملان أم هم مجرد عرائس خشبيه فى نظام عالمى تديره أمريكا بأستخدام الخيوط

للفقيد الرحمه و العزاء فى الجامعه العربيه يرجا من المعزيين رجال ونساء أرتداء الجونلات والجيبات ام كرانيش والأتشاح بالأعلام الأمريكيه الملونه مع ضرورة لبس الطارطور

39 comments:

Sampateek said...

عزيزتي اوسا

ليس هناك ما يقال بعد ما قلتي و بعد ما لم يقوله الحكام العرب
فاي قول يقال الان لن يكون له وقع القول العادي
تعدينا مرحلة القول و لابد من مرحلة العمل


هو انا قلت اية


انت نسيتي حاجة في يونيفورم العزاء

الطرحة

لكل الحكام العرب


البقاء لله
خالص مودتي و احترامي لشخصيتك الحبيبة

مصرى said...

یا ملوک و رویسا العرب
صبری عليكم طال
من المحيط للخليج
ينعن أبوكو أندال

أنا ماحترمتش صدام قبل ما يموت بس بعد ما مات زاد إحتقاري لباقي الحكام العرب و الغرب أكتر مانا كنت محتقرهم

Sampateek said...

لزم التنويه ان الحكام العرب كانوا واخدين اجازة العيد و معرفوش لسة الخبر المفجع ده


و انتم عارفين الفتة و اللحمة و كل عام و انتم




عرب

مصرى said...

أنا نسيت أقول رغم إني معارض لأي ديكتاتور و أكيد منهم صدام لكن اللي حصل إغتيال مش إعدام

صفصف لادي said...

واعروبتاه

Reformer1976 said...

حولوه إلى بطل وشهيد
بل وإلى أضحية وكأنه يموت فداءا لأمته الجريحة الأسيرة
أرأيتِ عبثا وغباءا أكثر من هذا؟
تصوير بالفيديو أيضا جعل منه بطلا في حياته وأيضا في موته وربما في كتب التاريخ كذلك

كان الأجدر بهم أن يحولوه إلى محكمة دولية وكان سيدان بالطبع عن الجرائم التي ارتكبها بالفعل
ولكنهم فضلوا هذه التمثيلية الخائبة التي شاهدناها جميعا وآلت إلى كارثة تحويل المجرم إلى بطل بل وشهيد إسلامي عظيم

الله يخرب بيت غباءك يا بوش

cat_eyes(همس الليل) said...

دا كان اعدام للحريه والرجوله
كان اعدام لكل انسان مسلم حر
اعدام للسنه فى كل مكان
حسبى الله ونعم الوكيل اللهم ارنا ايه فى بوش الكلب
عموما الحكام العرب عارفين دورهم كويس عشان كدا كل كلب بيعض فى عضمتو وقاعد لا بيهش ولا بينش
صدام راجل انا بحترمو

الحصان الأسود said...

حلو تعبير كل كلب قاعد يعض في عضمتة دة
اللي استخدمتة الأخت همس الليل

فعلا يعبر عن حال الحكام العرب جميعا

زي أمريكا معلقة لهم الجزرة

انا لا أحترم صدام ولا شك انا أذكر جيدا ما فعلة بشعبة قبل الآخرين

حرب ايران-حرب الكويت-قتل الأكراد- و...... الخ الخ ولكن لا شك انة الوحيد الذي وقف ووقال لأ كبيرة قوي لأمريكا

فلا تجوز علية إلاالرحمة برغم كل شيء

بيجاسوس المصرى said...

اين العر ب
اين العرب

هذه اهانة لكل عربى فى العالم
هذه اهانة بكل معانيها

اين انتم يا حامه العروبة
حسبنا الله ونعم الوكيل
حسبنا الله ونعم الوكيل

Aoossa said...

سبماتيك

هم لابسين الطرح من زمان
وبعضهم بيحط روج ومكياج كمان
البقاء لله با سمباتيك يا جميل

Aoossa said...

مصرى
ألأحتقار وحده مش كفايه
لازم تلعنهم أكتر
يمكن يحسوا

Aoossa said...

Sampateek
يا أختشى عرفوا الخبر
حنفى لف عليهم واحد واحد
بس عاملين روحهم مش عارفين
كهن حكام بقا

Aoossa said...

مصرى
طبعآ ده أغتيال
و المحاكمه كانت هزليه

Aoossa said...

حفصوتشا ام مصطفيتش

دى خيبتاه
والعروبتاه خلاص بح
فى أمريكتاه

Aoossa said...

Reformer1976

شفت جورج وعمايله السوده
الواد ده خايب من يومه
أنا ناويه أسحب منه الثقه

Aoossa said...

cat_eyes(همس الليل

كلامك حكم
الكل مشغول بالعضمه وأزاى يسيبها لأولاده وأحفاده
الشعوب العربيه أصبحت ضاله
متهيألى يلغوا كلمة عربيه يستبدلوها بالشعوب الكسيحه

Aoossa said...

الحصان الأسود

للفقيد الرحمه
لم يحاكم على أفعاله بل حكموا على عروبته

Aoossa said...

pegasuselmasry

العرب بيعيدوا
بعضهم فى البيت والبعض سافر المغرب
زى السعوديين وأهل الخليج عشان يهيصوا
العيد عندهم عربده

sherefins said...

انا اول مره ازور المدونه بتاعتك يا اوسه بس انا هاقول كلمه واحده بس علي صدام (صدام فعلا راجل) وانه مفيش حد كان يقدر يجكم العراق زيه

شــهــروزة said...

كان مثيرا للجدل فى حياته
وأصبح أكثر اثارة للجدل فى مماته
ان كان صدام ديكتاتورا
فالحكام العرب والامريكان هم المادة الخام للديكتااورية
وسجون و معتقلات الدول العربية تشهد على ذلك
فالكل سواااء
ومفيش حد أحسن من حد

الكرامة المجروحة المرة دى
صعب يندمل جرحها يا عزيزتى
صعب لأبعد مدى تتصوريه

المرة دى تخطت كل الخطوط الحمرا
وربنا أعلم كان عيد شكله ايه السنة دى

يلااا
مفيش كلام يتقال
كله تحصيل حاصل
فعلااا
مفيش فايدة
مفيش أمل
انتهت الحكاية

Mo'men said...

http://www.youtube.com/watch?v=pqty3ZEcvHc

انا مش مهتم باعدام صدام لانه فى الاصل مسرحية من انتاج و اخراج واشنطن
reminds me of the movie "Wag the dog"

انا مهتم بالرسالة الي ارسلها بوش الى كل العرب و المسلمين كافه

حنطاطى بعد كدة نروح على فين؟

sherefins الى
انا متفق معاك تماما ان صدام هوا الوحيد الى كان يقدر يجكم العراق
دة شعب قلبه غليظ و القسوة و العنف من اسس حياتهم

و انهار الدماء اليومية دليل علي هدا

BackBone said...

احب اهني العالم العربي بمناسبه اعدام صدام و اسمع اغنية

كتكوا القرف كتكوا القرف

Aoossa said...

sherefins

عندك حق شعب العراق عباره
عن عشاير و طوائف
يعنى محتاجين حاكم من نوعية صدام

Aoossa said...

شهروزززززززز
معلش أن كنت أزعجتك النهارده الصبح
يوم تصحى على قتل صدام
ويوم على صوتى
لسه فيه أمل يا شهروزه
أنت لازم تقودى حملة الأصلاح فى البلد دى
لازم تمسكى البلد بأيد من حديد
و كلنا وراكى
متيأسيش الطريق لسه فى أوله
بس يا ترى هايسبونا ندون السنه دى
متهيألى مش هايسيبوا المدونات مفتوحه
أنت أيه رأيك

Aoossa said...

Mo'men
خلاص مفيش حاجه أسمها نطاطى
أحتمال السنه دى نسحف

Aoossa said...

BackBone

أزيك أنت فين
وأيه الصوره النيجاتيف دى
الاغنيه مش عندى الرابط بتاعها
فيه أغنيه يا جعانين يا شحاتين
أسمع كده
وااااااااااااعع

mansourawy said...

تصدقى فعلا الراجل ده عمرى مشوفته مهزوم
والتصويره اياها اللى كانت اتعرضت فى التلفزيون كان متخدر فيها
فعلا رغم انى اختلف معه فى بعض القضايا الا انه محترم والمحترمون قله فى زماننا

yasser said...

والله البوقين بتوعك دول اثبات انك بنت بميه راجل
فعلا اللي ميشوفش نظرات العزة والكرامه والكبرياء في عيون صدام اثناء شنقه هو اعمي
الراجل دة عاش بطل ومات شهيد
الله يرحمه ويجعل مثواه الجنه
واللي شمتان في موت صدام هساله سؤال واحد
هي دي المرجلة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إنـســانة said...

حسبنا الله ونعم الوكيل

تحياتى ليكى ولمدونتك الجميلة

Aoossa said...

mansourawy
أهلا بيك
بالفعل صوروا صدام وهو شبه مخدر
فى مرات عديده
حاولوا هزم أرادته لكنهم فشلوا
فمات كما يموت الشجعان

Aoossa said...

yasser

لا يستحق سوا الرحمه
الخزى والعار للجبناء الذين شنقوه
ودفنوه سرآ

Aoossa said...

Human
أهلآ بيك
أيها البشرى
فى مدونتى المتواضعه

ROMIL said...

انها الحرب
قد تثقل القلب
ولكن خلفك عار العرب
لا تصالح
ولا تتوخ الهرب


ROMIL

Aoossa said...

روميل

الى الحرب
هذا هو السيف و البيداء متسعه
أحنا يدوب نلعب فى مناخيرنا
سنه جديده سعيده عليك روميل

Epitaph said...

لعبوها صح يا اووووسا
واخدنا القفا يا محترم
واحب اسمع
اغنية
اه يا قفا

Aoossa said...

أبيتاف أنا مشغله
فى الكاسيت بتاعى
أغنية أبكى
لمحمد منير
أيوه هو اللى بيلعب كوره ده

أنـــا حـــــــــرة said...

اوسا

انتى قلتى كل حاجة

العروبة اتبهدلت
و كلنا بندفع التمن

صدام اه غلط
بس يكفى انه فى موته كان صورة مشرفة
وهو اللى قال لامريكا لا
دفع تمنها حياته
بس هيفضل فى كتب التاريخ فوق الزمان بزمان

Aoossa said...

أنا حره

يسلم كلامك ولسانك
هو ده الكلام

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة