صدام تعرض للضرب بالاقدام على راسه بعد اعدامه
نقلآ عن جريدة دنيا الوطن الفلسطينيه
أضغط هنا وأقرأ الخبر وأيضآ التعليقات التى تعبر عن ردود أفعال الشعوب العربيه
لا تأسفن على غدر الزمان لطالما رقصت على جثث الأسود كلاباً . مابالها تعلو على أسيادها . تبقى الأسود أسودا والكلاب كلابا
27 comments:
انا فعلا لاحظت في الشنق وشه كان سليم
لكن صورته لما اتنشرت بعد كدة و وشه في اثر كدمات
مش من الحبل يعني
ده اكيد اتبهدل
والمصيبة ان الاثر اللي كانوا عايزنه بقي عكسي
يعني بدل التنكيل بصدام و انه مجرم
بقي دلوقتي بطل في موته
بس هو فعلا بطل في موته
عشان اللي حصل ده كان اوووفر يا اختشي
أبيتاف
اللى ضربوه بعد موته أندال
مين يعمل كده فى جثه
أيبى أعلنى الحداد خماشر سنه
يدوب يكون الواحده نسيت
أطيعه بقا
السنه الجديده سرها باتع
ولا تكونش دى بواقى 2006
ماذا يفيد الشاه بعد ذبحها
الاوغاد من الاول
سمحو انه يتحبس
ويتحاكم
ليه بقي شعوبنا
زعلانه
ولا احنا كده اخر من يتكلم
عموما دوري بعد اسبوعين عن حد فاكر الخبر ده
اتحداكي
صح الكلام يا أوسة
تبقى الأسود أسودا والكلاب كلابا
وهية كلمة
طوول ما ندى ظهرنا للترعة عمر البلهارسيا فى جتتنا ما ترعى
وعادى بقة
هيه جت علية
أودى
تبقى الأسود أسودا والكلاب كلابا
احنا مين فى دول
هى دى القضية
الاختيار فى ايدنا
ربنا يحرق اللى بينكدوا علينا
ولو ان حرقهم مش هو الحل
أمى سألتنى سؤال أول ما شفنا صورته دى فى التليفزيون
هو يا بنتى اللى بيتعدم دة
يبنزل دم من بقه؟؟؟
لاحظت ان أمى دقيقة الملاحظة جداا حتى وهى بتبكى على صدام
وقتاه افتركت كل اللى قريته عن تكنيك عملية الشنق
من انها بتكسر الفقرات العنقية
وتكسر الحنجرة
والنزيف بيبقا داخلى
يعنى مفيش دم بينزف فى عمليه الشنق
يبقا بالفعل حصلت حاجة تانية بعد الشنق
وهى زى ما اتنيلنا على عيننا وشفنا
ركل بالأحذية لجثة ميتة
شجاعة لا توصف
اقدام فوق الوصف
منتها الجسارة والقوة
الركل فى الميت
فى عرفهم
ان الضرب فى الميت مش حرام
الضرب فى صدام الميت
عين الحلال
خلاص يا اوسا
مفيش بنى آدمين بعد كدة
احتمال لو كانوا سابوهم شوية
كانوا مثلوا بالجثة وصوروا التمثيل بيها
حسبى الله ونعم الوكيل
وتبقى الأسود أسود
أمى سألتنى سؤال أول ما شفنا صورته دى فى التليفزيون
هو يا بنتى اللى بيتعدم دة
يبنزل دم من بقه؟؟؟
لاحظت ان أمى دقيقة الملاحظة جداا حتى وهى بتبكى على صدام
وقتاه افتركت كل اللى قريته عن تكنيك عملية الشنق
من انها بتكسر الفقرات العنقية
وتكسر الحنجرة
والنزيف بيبقا داخلى
يعنى مفيش دم بينزف فى عمليه الشنق
يبقا بالفعل حصلت حاجة تانية بعد الشنق
وهى زى ما اتنيلنا على عيننا وشفنا
ركل بالأحذية لجثة ميتة
شجاعة لا توصف
اقدام فوق الوصف
منتها الجسارة والقوة
الركل فى الميت
فى عرفهم
ان الضرب فى الميت مش حرام
الضرب فى صدام الميت
عين الحلال
خلاص يا اوسا
مفيش بنى آدمين بعد كدة
احتمال لو كانوا سابوهم شوية
كانوا مثلوا بالجثة وصوروا التمثيل بيها
حسبى الله ونعم الوكيل
وتبقى الأسود أسود
باين 2006 اثرت على 2007
حسبنا الله ونعم الوكيل
وصل الضرب للجثث كمان
ده حتى الضرب فى الميت حرام
ولا حتى دى اخلاق الاسلام وحتى مش من الانسانية بغض النظر عن الديانة
بقا يبقى فى حد هيتشنق وبيتشاهد واحنا نقوله إلى جهنم وبئس المصير
وعاش مقتدى
ايه الناس دى
حسبنا الله ونعم الوكيل بجد
هيثم ابوعقرب
ازيك
مش بسهوله الناس تنسى حدث
زى ده
اللى عاصروا أغتيال السادات لسه
فاكرينه
واللى عاصروا محاكمة صدام الهزليه
أكيد مش هينسوها
مابالك يا أبو العقرب بشنق وتنكيل بجثه
ody911
هم لو يعرفوا المقوله بتاعت الترعه
أكيد كان الوضع أتغير
ههههههههههههه
روح يا شيخ
أنت من الثوار يا أودى
أنـــا حـــــــــرة
أهلآ بيكى فى البرنامج
أطمنى احنا مش أسود ومش كلاب
أحنا زى الغربان السوده
واقفين فوق الشجر بنتفرج
على الأحداث وبقايا الجيف
شهروزة
أنت لو تابعتى الأحداث الحاليه
هتلاقى كل يوم فى ضحايا فى العراق
وجثث بيكتشفوها وعليها آثار التعذيب
العراقيين أصحاب بأس
والقتل عندهم عادى
لو دخلتى على المصدر اللى جبت منه الخبر
هتقرأى تعليقات من العرب غريبه
المهم كلهم أجمعوا فى تعليقاتهم
على ان اللى يستاهل الشنق
هما أتنين من حكام العرب
طبعآ عارفاهم
Human
تعليقك مؤثر جدآ
بس لو رجعت للوراء
هم دول نفسهم قتلة على والحسين
قتل وتعذيب
ادخل على التعليقات وانت تعرف
التعليقات الموجوده فى الرابط بتاع الجريده
لا اله الا الله!! هو احنا مسلمين ولا كفرة ولا ملتنا ايه بالظبط علشان نفرح فى واحد ميت؟... لا, و الأنيل نضربه بالجذم كمان
حسبى الله ونعم الوكيل!! والله الواحد لما بيقرأ الكلام عن الأفراح اللى بيعملوها فى انحاء الوطن العربى بسبب اعدامه, بيتحسر على حالنا
معلش!! الكلام خدنى... كل سنة وأنتى طيبة يا أوسة يا جميلة
:)
manal
هههههههههه
عادى يا أوسة
وبعدين هيه الثوار دى شتومة
أصلى مش عارف معناها
وعادى برضوا
أودى لن يستسلم
aymen.farouk
لكن غصب عنهم مات كما يموت الشجعان
شكرآ على تعليقك
albida
وأنت طيبه يا جميله
كل ده هايتحول فى ميزان حسناته
أطمنى ربنا موجود
ody911
لا تستسلم
لا تزحف أو تتقهقر
لا تأسفن على غدر الزمان لطالما رقصت على جثث الأسود كلاباً
يا ست اوسة
ايه بس اللي خلاه اسد .. من انهي زاوية يعني؟؟؟؟؟
اولا دي تقارير غير مؤكدة
بتاعة الجزم والحركات دي
التقارير المؤكدة كانت في الشريط اللي اتسرب وهو انه اتعرض لاستفزاز وكان فيه مشادات كلامية بينه وبين بعض الحراس
اما حكاية اسد وخروف وبتاع ...
اسد منين ؟؟؟؟؟؟ ايه في مواقفه صدام حسين تجعل منه اسدا وفقيد الامة وشهيد الاسلام ...؟؟؟؟؟؟؟؟؟؟
حد يفهمني يا جماعة
لازم نفرق بين حاجتين مهمين جدا
كون ان المحكمة كانت مسيسة لا يعني اطلاقا ان الرجل بريء ...
صدام حسين كان سفاح سافك دم
قاتل الالاف من الشيعة والاكراد والسنة كمان من شعبه وشعوب أخرى ...
هل تحالفه مع الامريكيين زمان جعل منه اسد؟
هل غزوه للكويت جعل منه بطل؟
هل قتله بالسلاح الكيماوي الالاف من الاكراد والشيعة لقمع تمردهم بطولة
ايه اللي خلاه بطل ولا اسد ولا عفريت ازرق
الرجل كان دمويا طاغية
ربما كانت له محاسنه لا انكر
لا يوجد في الارض ملائكة وشياطين ....
ولكنه نال جزاء افعاله
ربما كانت له محاسن في يوم ما في العراق وقد نال مكافأته وعاش كالملوك في اغنى دول المنطقة على وسائد من ريش نعام
عاش إلها في العراق
كما انه كانت له مساؤه وجرائمه في حق الانسانية ونال عنها ما استحق
عايزه اعرف بس
ما الذي جعل منه فجأة بطلا ننوح عليه بهذا الشكل؟؟؟؟؟
ومنذ متى توجعنا الزعامة العربية إلى هذا الحد ؟؟؟
كلنا نعلم ان الزعماء العرب ما بين مهرج ووريث وطاغية ودكتاتور وامير نفط ...فعل من نبكي ؟؟؟ ولماذا نحول الطغاة ابطالا لمجرد انهم اعدموا بإيد أخرى؟؟؟؟
bluestone
لو قريت البوست اللى فات
أنا فيه بقول أن توقيت الأعدام
قد يحوله من ديكتاتور الى فقيد أو شهيد
من وجهة نظر البعض
وبالتأكيد مش وجهة نظرى أنه شهيد
لكن بعد رؤية آثار الضرب عليه
المشهد ده أنا أعتبرته أسأه لجثة أنسان
والتنكيل بجثه نوع من الغباء
وده مايمنعش أن فيه ردود أفعال مختلفه
أنا قريت تعليقات فى الرابط بتاع الجريده اللى نشرت الخبر متباينه
وأن كان أغلبها يرفض الأسأه لجثث الموتى
وأنا رأيى أن هذا النوع من الأساه
مثله مثل الشماته تندرج تحت الأفعال المشينه التى ترفضها الأديان
ولو أنت شايف أنه يستاهل الضرب بعد الموت يبقا ده نوع جديد من اعداله التى يستوجب تطبيقها على شارون وبوش
و كل الحكام البواسل بتوعنا
لكن العداله الغير مطبقه على الجميع ليست عداله
أما عن موضوع الزعامه العربيه
فطظ فى القوميه العربيه
فقط هى الأنسانيه التى تثير مشاعرى
مثلما أتوجع من الممارسات الأمنيه ضد الأحرار وقمع الحريات
العداله مثلها مثل الحريه
لا تحتمل الأزدواج والكيل بمكيالين
أشكرك على أهتمامك بالتعليق
و سنه سعيده على البشريه
قريت فعلا عن توقيت التنفيذ
بس فعلا توقيت التنفيذ ده كان مطلب عراقي مية في المية لاسباب كتير جدا
مسؤول عراقي كان بيقول ان المالكي
كان قلق جدا على الموقف الامني وخاف ان صدام يتخطف من العراقيين بعد تسليمه وساعتها الحكومة هيبقى شكلها زفت
الامريكان سلموه واخلوا مسؤوليتهم
ولو صدام كان اتهرب ولا اتخطف كانت بقت مصيبة
قبل اعدامه ب48 ساعة تقريبا اتخطف اكتر من 35 واحد من الكوفة بس
الكلام بتاع الجريدة غير موثوق فيه
لسبب بسيط .. اولا في تقاليد الصحافة
لا يمكن الاعتماد على رواية صحيفة غير موضوعية اولا لانها مش عراقية
ولا دولية
ثانيا لم يكن الصحفي كاتب المقال شاهدا على الاعدام .. ده اتفرج على الصور
ثانيا مفيش مصادر اخرى اتكلمت عن الواقعة دي رغم ان الشريط اللي اتسرب قتل بحثا
ولوكان الكلام ده صحيح كان اكتر من مصدر اتكلم عنه
هو بس نقطة بسيطة يا اوسا
غالبا احنا مااتعرفناش او ماشرفتنيش في مدونتي قبل كده
انا هي مش هو
انتي مش انت
ثانيا :: انا اصلا ضد عقوبة الاعدام
بشكل عام
لكن انا ضد ان الشعارات تاخدنا والناس اللي قعد تهلل الكرامة العار العربي المش عارف ايه ..
كل الكلام ده تهريج في رأيي
كرامة ايه وبتاع ايه
الرجل كان طاغية سافك دم
ومن فعلوا به هذا عراقيون صرف .. ثمرة اعماله يعني
ان حدثت إساءة كما تقول الصحيفة فهذا امر مشين وسيء جدا لانه ضد الانسانية والاديان وهو امر غير مقبول سواء كان المعدم صدام ولا شارون .. لانه في النهاية بني آدم .. والاساءة لجثة ده عمل منافي للادمية ولحرمة الموت
مالوش علاقة بالعار العربي والخزي القومي والانبطاح العروبي .. والحوار ده يا اوسة
/ العداله الغير مطبقه على الجميع ليست عداله /
منقدرش نقول كده والا يبقى مفيش طاغية هياخد جزاءه على البلاوي اللي عملها
كل طاغية وليه نهاية
صدام كان نهايته النهاردة
غيره نهايته بكره
والدنيا دواره
والكرسي خشبه بيسوس
والحساب يجمع
وذاكرة الشعوب اقوى من ذاكرة التاريخ
--اتمنى بجد انها تكون سنة سعيدة على البشرية وان كنت اشك .. على الاقل في منطقتنا العامرة
وربنا يستر
بلو ستون
بالعكس
انا أفتكرتك كده
وجيت مدونتك كتير
معلش أنى أتكلمت على أنك مذكر
ههههههههههههه
أنت ست البنات
أتمنى تتحقق أمنيتك
الموضوع دا بجد جابلى اكتئاب انا حاسه ان بجد هيجى يوم والاقى امى واو اختى او اى انسان مسلم بيشدوة من حجابو او بيمنعوه عن الصلاه
الاسلام اتهان اوى
الموضوع مش موضوع صدام
الموضوع اسلام بيتهان
حسبى الله ونعم الوكيل
والله اللسان بيعجز عن التعليق يا اوسة
لان اللي حصل في مجمله اكبر اهانة اتوجهت للعرب كلهم في القرن ده
جريدة الاسبوع بتقول انه تم ذبحه
شىء تقشعر له الابدان
منتهى اللاآدمية واللا انسانية واللادينية واللا اخلاقية باختصار حيوانات
حسبنا الله ونعم الوكيل
والله ياوسا انا قعدت مكتئبه علي أعدامه يومين
لكن خلينا نشوف مين حا يقدر يحكم العراق وهذا الخليط الغير المتجانس من البشر كما حكمه صدام
وكل كلب ضربه بالحذاء في وجهه
وهو ميت
كان هذا الكلب يبول علي نفسه اذا سمع صوت صدام ولو من بعيد
نعم صدام كان له أخطاء
واهمها غزو الكويت الذي ورطته فيه امريكا واعطته الجرين كارد ليفعل ما فعل ثم تركته
الا انني ايضا اعتبره زعيما قويا لايلين
This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول
Post a Comment