أفضل  مئة  مدونة

Tuesday, August 15, 2006

شعوب منبطحه

أنبطاح نفسى

أسدكائى سديكاتى محادرة النهارده حول ظاهرة الأبنبطاح السياسى والنفسى والأجتماعى وكلها مواضيع منفصله ومتصله برضه يعنى بنظره موضوعية على طبيعة العلاقات بين الدول وشعوبها من ناحيه وبين طبيعة العلاقة بين الرجل والمراءة فى مجتمعاتنا المستهويه وعلاقة الأنسان المحاصر ســورى المعاصر بذاته هنلاقى أن جميعها يخضع لنظرية الأنبطاح لو بدانا بالشعوب المنبطحه حنلاحظ مع بعض أن فيه شعوب طول الوقت مصدره العبيط يعنى ملهاش علاقه أو دور فى الحراك السياسى الداخلى وعدم تبنى أهداف على المستوى الداخلى والرغبه فى تحقيقها أو عدم وجود رغبه فى التعاطى مع المشاكل الداخليه والسياسيه بدعوى الخوف أو بأدعاء عدم الفهم كذلك الدول المنبطحه وده حال معظم الدول العربيه يعنى الدنيا تنقلب رأس على عقب والعالم بيتغير و شعوب بتقرر مصيرها ومصير غيرها وبتتحكم فيها وهى فاتحه بوقها ومدلدله ودانها وعملا تلاهى ولا بتسمع ولابتشوف وكاتما على نفس شعوبها وعايشه فى دور الست المستحيه تسمع كلام دوله تانيه وتقولها حادر تحت شعار ألأدب فضلوه عن العلم وأساسآ مفيش لا أدب ولا علم ويوم متفكر تتفاعل مع الخارج تقلبها سياسة أنفتاح وتعرى نفسها وتغرق نفسها فى الديون وتتجه بس للأستيراد شوية بندق على عين جمل وشغال وتنسا أن سياسة أم شاديه بتــقول هات وخد تفضل تاخد تاخد لحد لم يجلها تخمه، و تفرج على نفسها الدول الصديقه والعدوه أما عن علاقة الرجل بالست فمبنيه على الأنبطاح يعنى طرف منبطح للطرف التانى وسايــبله الحبل وبعدين يرجع يشتكى يعنى كده مفيش نديه فى التعامل ولا أحترام وناس عايشه وخلاص وضل حنفى ولاضل حيطه وعيال بتــتولد راضعه أنبطاح تسمع كلام مــس لواحظ صح غلط مش مهم اما الأنبطاح الذاتى وهو أخطر الأنواع فهو مرض نفسى توصلت أليه من خلال أبحاثى المعمليه وهو مزيج من مرض الفوبيا ومرض الاكتئاب يخلى صاحبه منبطح جوه نفسه طول الوقت وعايش فى حاله رعب وخوف والكل يلطش فيه بالنهار ، وهو يلطش فى روحه بالليل قبل ماينام بأنه يفضل يفتكر أيه اللى حصله ويفضل ينكد على روحه لحد لما الديك يقول كوكوكو ،والانبطاح مرض يمكن علاجه على جميع المستويات المهم النيه تكون خالصه كده وبداية العلاج أن الناس تبطل خوف وتبطل أنهزام وتبطل سجاير لو لزم الأمر والتــحول من حالة الأنبطاح الى حالة التفاعل والحراك بيحتاج تــغــير فى الطبائع يعنى بيحتاج وقت يجى تــلت تيام كده المهم كفايه كده عليكوا بلاش أطول عليكوا عشان مـتــنموش منى فى السكه وفى أنتظار تليفوناتكم وأى أسئله يا شعب
الأميره أوسا أتنين دكتوراه فى علم النفس والسياسه
أول مصريه تحوز على جايزة نوفــل للعلوم

54 comments:

? said...

nice blog

Shower-Mirror said...

على فكره المشكله يا قطه مش فى الانبطاح .. و الله الانبطاح مش عيب و اللى انبطح ممكن يتصلح !! . المشكله ان المنبطحين امثالنا مابتقوملهومش قومه تانى ..!! خلاص بتعجبه الحياه من الوضع منبطحا .. و من خلال الملاحظه المستديمه و الملاصقه لاوضاع المنبطحين ، و احقاقا للحق اقول : ان الاستمرار على الحياه من الوضع منبطحا يكون لاحد سببين - والله اتنين مش تلاته و لا اربعه - اولا : ان يكون الشخص بيحاول يقوم جاهدا و لكنه بياخد قفا محترم فينبطح تانى فى ساعتها .... ثانيا : انه يكون استحلاها و عجبه الانبطاح .. عملا بالمقوله الشهيره نام بينا نام و بكره تفرج و يا عم وانا مالى ... وهكذا دواليب و سراير ... و على رأى الصحفى اللى سأل احد المسئولين الكباااار أوى أوى أوى ... و قاله : ايه احسن الاوضاع للجنس ..؟ فرد المسئول عليه رد الخبراء : شوف يابنى ... مافيش احسن من الوضع الحالى .... و سلمولى على السجاده اللى انتو منبطحين عليها .... تشاو

Anonymous said...

Ma3lesh ya benty..el pc mara wa7da ze3l w mosh rady yekteb 3araby

sheeret el cassette ely konty sa2lteene 3alih ana lesa fakra..bageebo mn 3ala www.6arab.com./..wel code beta3 el realplayer 3al site beta3 bmadvice

a7'er 7aga a7eb a2oulha.....

enbate7ooooooooooooooooooo!!

:D

salam ya tootaaa))

MAKSOFA said...

من أول مره علقت عندي وانا قلت البت اوسا دي اللي هي وفعلا كلامي مظبوط ، لك أسلوب مميز مافيش حد يقدر عليه الا انت

كلبوزة لكن سمباتيك said...

sa3eda ya 2osa ya o7'tshy 3amla eh
ro7tshy el so2 elnahardah?
ba2olek eh
eh el sora el maneyala ely 7ataha de
gaybaha men ay mawke3 seko beez
el set de sheklaha battaal 7'alees
ate3a mana 3arfaky temoty fe el sha2awa zay 3eneky
yala 7asal 7'eer bas el mara el gaya eb2y 7oty el sora kolaha balash as
ela feen el bashmohandes bta3ha?
hhhhhhhh
3awaf

الأميره أوسه said...

wow
Your comment is so mush Enough
There Is nothing to be replaid

الأميره أوسه said...

مرايه
الأنبطاح يظهر بقا من المسلمات فى عصرنا
أتفضل ريح شويه على السجاده أنت جى من سفر

الأميره أوسه said...

أبيتاف
شكرآ على الكاسيت
وعندى كام شريط أسهال على مغص
لكن حاجه حلوه خالص
لو الكمبيوتر بيكتب أنجلش بس
أدخلى على كونترول بانل
وبعدين أختارى
regional and language
then you have to Select Advanced Option Then Select arabic
from dialog box (Arabic (Egypt) )
and Press Ok then Press Apply
you will have The affect That you need
وعيشى حياتك بقا
con mia contento

الأميره أوسه said...

كلبوزه
أيه حكاية الأنجليزى المستعرب ده
أنتى لو عرفتى حكاية البنت اللى فى الصوره تصعب عليكى
بعد ماتجوزت راجل وسيم طلع
من الرجاله المنبطحين
طول النهار منبطح
والرجاله رايحه جايه عليه
تقوليش هند رستم
مش كفايه بنات اليومين دول
اللى عاملين أكتفاء ذاتى
العواف هليكى

الأميره أوسه said...

مكسوفه
ده أنا مسكينه ومحتاجه
حد يسلفنى أتنين جنيه عشان أحاسب السيبر
بس عينى عليكى بارده جايه من المصيف
تقوليش غاده عبد الرازق
أوعدنا يارب

islamventura said...

انتى تعرفى ان زمان كان سيد درويش بيغنى بيقول

لجل ما نعلى و نعلى و نعلى لازم نتطاى نتطاى نتطاى

ومعاكى حق فى كل اللى قولتيه
الشعب ورث من اجدادنا قدماء المصريين الديسك فى الضهر و اصبحت وقفته منحنى و استقراره منبطح و لكن هذا تغيره بتغير مين ؟

الناس و لا الظروف و لا الاشغال و لا ....كتير قوى

بس انا حاقولك ان العيب فينا كشعب تعود ذلك او ورثه
http://islamventura.blogspot.com/2006/08/blog-post.html

أُكتب بالرصاص said...

انا بأحذر من موكعي هذا

لا تبطح

ارفع رأسك يا اخي

وكل واحد يخلي باله من



لاغاليغو



تتصوري

الواحد بيشوف مظاهر كثير للانبطاحية في حياته اليومية

بس عمري ما فكرت اكتب عنها

بعد اذنك بقى لما انبطح لي شوية
القيلولة

Mamdouh Dorrah said...

جدعة يا اوسة
و سمعني سلام الشجعان

الأميره أوسه said...

أسلام
تعرف أن مجرد رئيت الناس لظابط شرطه بيجيلهم أسهال
الناس عايشه منبطحه وخايفه من أيام خوفو و خفرع
الأحتلال على مر العصور خلى الجينات عندنا عندها فوبيا

أكتب بالرصاص
بيتك ومطرحك مدد شويه
تحت السرير
شكلك مرهق ممكن تكتب أنت كمان فى الأنبطاح ده تاريخ طويل عريض
محتاج صفحات طويله

كورتيكس يتحدى رامبو

شرفت يا أبو الجدعنه
بلادى بلادى
لكى حبى و مرارتى

islamventura said...

و الله انتى عارفة ا/ابراهيم عيسى

قال : ان زمان و هم بيبنوا الهرم الكبير كان 75% من الناس بتبنى والباقى واقفين بالالات الموسيقية بيغنوا علشان يعلوا من عزيمة البنائين و كان معدل الوفيات خرافى جدا و على مدى 20 سنة هى عمر بناء الهرم الاكبر و الى ان تبقى مجموعة لا بئس بها اكملت المسيرة و حاولت بناء الهرم الاوسط و نجحوا و الهرم الاصغر و ايضا نجحوا و لكنهم قد انتهوا و لم يتبقى غير الموسيقين فى النهاية


يبدوا اننا احفاد هؤلاء الموسيقين

islamventura said...

اتمنى منك قراءة بوست عندى اسمه الورثة

كلبوزة لكن سمباتيك said...

الدمعة فرت من عيني عليها
ظلمنا البنت
و بعدين يا اختشي مفيش احسن من الاكتفاء الذاتي
و قالوا في المثل

اكتفي بذاتي و لا تمرمطني حماتي


تعالي نقعد فوق السطوح نقزقز لب و نجيب في سيرة البلوجرية
عواف

admelmasry said...

هههههههه
اول مرة اصبع حكاية الانبطاح دي بس بصراحه

دخلت دماغي

تحياتي
ادم المصري
اول دكتور احه

Anonymous said...

واللة يا بنتى الانبطاح دة انا عن نفسى لقيتهم بيعلموه لينا فى المدرسةواحنا صغيرين يعنى..يعنى عيال عدم المؤاخذة...من اول ما الست المدرسة تخلى العيال ولادالناس العادية ينبطحوا لاودلا المدرسين زمايلهم اللى فى المدرسة..وفى الجامعة علمونا الانبطاح لاولاد الدكاترة بتوع الجامعة عشان ياخدوا مكاننا فى هيئة التدريس..يعنى الانبطاح موروث ومكتسب ...وخلينى ساكتة بقا عن باقى الانبطاحات احسن الطم على وشى منها

بعدك على بالى said...

ماحنا بنتفاعل وبنتحرك و... تفتكرى قدرنا نتخلص تماما ونهائيا من الخوف فى كل صوره واشكاله ؟؟؟؟؟؟

أتمنى

إسلوبك جميل ومميز سواء فى مدونتك هنا او فى تعليقاتك بشكل عام


خالص تحياتى ياأميرة

صاحب البوابــة said...

اسلوب ساخر لكلام يحزن القلب

تحياتي لعذوبة فكرك

هشام علاء said...

عزيزتى الاميرة اوسا
اللى النسوان منها مفروسة
اييك بشدة على البلوج الحميل
اللى بجد
يستاهل بوسة

ايه ده؟
انا هاغنى ولا ايه؟
ما علينا

بالنسبة لموضوع البوست و هو الانبطاح بجميع مستوياته و اشكاله

فالحقيقة فى جميع الاحوال اللوم يقع على المنبطح الذى رضى بالانبطاح

و لكن حتى المنبطح يمكن تصنيفه على حسب دوافعه للانبطاح

فهناك من ينبطح بمقابل مادى او معنوى
زى الحكومات العربية مثلا فهى لاتضرب طناش الا لانها مستفيدة بشكل ما..اما عمالة لدول اقوى او مقابل طناش متبادل من هذه الدول على ما تفعله بشعوبها

و هناك من ينبطح لانه يتلذذ بالانبطاح

و هناك من ينبطح لانه لا يملك اى خيارات اخرى سوى الانبطاح و مثال ده للاسف الشعوب العربية المغلوبة على امرها..الشعوب اللى هزمت نفسها قبل ان يهزمها حاكمها و اصبحت لاتقدر على شىء سوى الاستسلان للعبودية و الظلم و التعسف مبررة ذللك انفسها بأنها لاتقوى على الحاكم و احنا مش قدهم ياعم

و علشان ما طولش عليكى الملخص كله فى مثل شعبى بيقول

قال يا فرعون ايه فرعنك
قال ما لاقيتش حد يردنى


تحياتى

Gid-Do - جدو said...

الدكاترة اوسـا
بحث حرشحة لجائزة عوكل وهى اعظم من جائزة نوفل وبما ان نوفل كان غنى فطبعا ختيلك هبرة مالية لكن عوكل كان شاويش فى الجيش وعندة اورطة عيال فالجايزة بتاعتة حاجة كدة زى كوز اقصد كاس الانتاج اياة رمزية على اسم مرات عوكل ـ لك تحياتى

الأميره أوسه said...

أسلام
طبعا عرفه أيراهيم عيسى
أحتمال يمسك رئيس تحربر المدونه بتاعتى
على الأقل يأكل يعيش

الأميره أوسه said...

كلبوزه
المثل ده جديد
تعرفى ممكن تعملى بوست على المثل ده
ألم الغسيل وأجيلك
عواف يأوختشى

الأميره أوسه said...

أدم المصرى
ياريت تنشر موضوع رسالة الدكتوراه بتاعتك عشان الناس تستفيد
وتتعلم فوايد أحه

الأميره أوسه said...

شهرزان
كلنا واخدين كورس أنبطاح
الطمى يأوختشى وأنا أرقع بالصوت
********************
بعدك على بالى
أنا سعيده بزيارتك خاصة أنى حافظه المدونه بتاعتك وأسلويك أسلوب كاتبه موهوبه
أنتى عسل
*******************
هشام
ظهرنا وجعنا من الأنبطاح
والفراعنه كتير عمرهم مابيخلصوا
أنا نفسى فى سندوتش مربى
******************
جدو
برضه مكلف نفسك وجايبلى عريسين
أخر عريس جبته لسه فى التلاجه
مخلصتوش
على العموم ربنا يخليك ليه
******************
أم المريله كحلى
أحنا اللى بنصدر الأنبطاح
ولنا الرياده
الله يبارك فيكى
دول أتنين دكتوراه مش واحده
********************
طموح بلا حدود
خلاص خلاص أيه
أنت دايما مستعجل كده
طيب شوية شاى
*******************
سانشو
بيتوا للصبح منبطحين فى القسم
وبعدين أتعمل فيكوا أيه
قول ماتتكسفش
**************
معلش الردود أتأخرت
الكمبيوتر عندى كان مريض
ياريت حد يرسلى لاب توب
وعربيه الفول
عشان جعانه

lastknight said...

الأميره أوسه
موضوع رائع .. وواقعى بشده .. أحب أضيف أن الأنبطاح فى الحقيقه هو اختيار .. و الأختيار هنا لا يكون بين وضع الأنبطاح أو الأنتصاب واقفا .. لكن يكون أختيار لما بعد الوضع .. بمعنى .. أن من يختار الأنبطاح فى مجتمعنا الحالى .. فهو بالطبيعه ينضم لحزب الأغلبيه .. فالأغلبيه منبطحه .. أيضا من ينبطح .. فهو يتفادى جميع الضربات الموجهه للرؤوس .. و تأتيه فقط ضربات ما تحت ذلك .. و لأنه منبطح .. فبيتعود بعد فتره و المسأله مابتوجعوش .. أيضا المنبطح غير مطلوب منه تغيير أى شىء أو فعل أى شىء .. فهو من وضع الأنبطاح حتما لا يمكن أن يكون فاعل .. فهو فقط مفعول به .. بينما اللى مخه راكب شمال .. و مزعج و مقرف زى ناس اعرفهم .. و يختار وضع الأنتصاب واقفا فهو أولا خارج عن المجموع .. و بالتالى فهو منبوذ .. و بما أنه يشعر بالوحده الشديده .. فهو دوما يحاول ضم ناس جدد لمجتمعه المنتصب واقفا .. و بالتالى يحاول أنهاض المنبطحين .. و هذه المسأله مجهود كبير فى حد ذاتها .. أيضا و أخطر من ذلك .. فأن أغلب المنبطحين المستمتعين بالنبطاح ( بعد المسأله ماسلكت و مابقتش توجع ) بيعتبروا أن الناهض واقفا هو عدوهم .. و محاولاته لأنهاضهم من الأنبطاح هى محاولات لقطع لذتهم و استمتاعهم .. و بالتالى فالمنتصب واقفا ليس فقط وحيدا .. لكنه أيضا فى كثير من الأحيان يعتبر عدوا للشعب

المهم بقى أن من اختار الوضع منتصبا .. فعليه دوما أن يدافع عن الضربات العنيفه الموجهه للرؤوس .. طبعا .. فالمنبطحين تمر الضربات من فوقهم ولا يطالهم أذى .. بينما الواقف .. فعليه دوما الدفاع عن رأسه ووجهه .. أحيانا ينجح فى الصد ..و التفادى .. و أحيان أخرى كثيره .. تصيبه الضربات .. التى عادة ماتكون عنيقه ..( و ليست حميمه كتلك الموجهه لمقعدات المنبطحين ) و ينتهى الأمر بالواقف بوجه متورم .. و عيون مزرقه .. و رأس دامى .. غبى .. لكنه مادام اختار .. و قرر بملىء أرادته أن يقف منتصبا فعليه أن يتحمل .. و يتعلم أن يستمتع بموقفه .. المشكله هى فيمن لم يختاروا بعد .. و ينظروا للأمثله أمامهم .. الأغلبيه منبطحه و مستمتعه بالألم اللذيذ ( كما فى الصوره )و طبعا على سنجة عشره .. متزوقين و مروقين و متكيفين و متريشين .. و على الجانب الآخر .. أغبياء (مثل ناس نعرفهم ) قرروا الوقوف .. على وجوههم الألم .. أثار دماء المعارك التى خاضوها فى حياتهم .. ملابسهم رثه .. ممزقه .. غالبا مفلسين أو على وشك ..

المشكله فى من لم يختر طريقه بعد .. هل سينبطح ؟ أم سينتصب واقفا ؟ اختيار الجيل الجديد هو ماسيضع قواعد اللعبه .. و قد يغير وجه العالم .. ..

الأميره أوسه said...

لاست نيت
الجيل الجديد أضعف عودآ من سابقه
فليس لديه هدف أو توجه
أيضآ ولد فى عصر غابت فيه الهويه والمثل العليا
أجساد غابت عنها الأرواح
وعقول حائره تبحث عن أى فكره لتتبناها فلا تجد
شكرآ على تعليقك
خالص أمتنانى

Mamdouh Dorrah said...

مين رامبو ده يا أوسه؟
ايكي يكون اللي بالي بالك؟؟؟؟؟؟؟
هههههههههههههههههه

lastknight said...

الأميره أوسه
أختلف معك .. الجيل الجديد متمرد .. و أيضا استفاد من حالة ضياع الهويه .. فلديه الآن الفرصه ليبحث عن هويته بنفسه .. مسألة حتى يتحول البحث الدؤوب و الملل من الحاله الشائنه ألى تكوين مبادىء حقيقيه واقعيه و طبيعيه للحياه .. أهدافها العدل و الخير و الجمال كمطلب طبيعى لأى مجتمع بشرى ..
و بعدين اعتبرينى متفائل من غير سبب .. مش لازم تنكدى عليا يعنى

admelmasry said...

والله نشرته

بس الناس مااتعلمتشي
هههههههه
خليها تجرب بقي

الأميره أوسه said...

كورتكس يتحدى رامبو
فى حياتنا مليون رامبو
وأحنا أختارناك للتحدى
انت البطل
********
لاست نايت
خايفه عليك من التفاؤل ده
مفيش فيده
مفيش فايده
مفيش فاديه
بص فى عنيا
نام
نام

************
دكتور أحه
هم اللى خسرانين
مش فاهمين
هايندموا وبكره مؤلفاتك الناس تعرفها
وتفهم ويدوك جايزة نوفل للأبداع
أنت فيلسوف
أحه

i love you said...

يبطله
سجاير
ليه ؟؟؟؟؟

غرييييييييييييييييبة

الأميره أوسه said...

سيجاره
ده مجرد تعبير مجازى
شرفتينى
هاتى سيجاره
نخمس
بجد
بحبك
بحبك

msafa said...

اكتشفت بعد القراءه انى اربعين سنه منبطح
البوست رائع

بعدك على بالى said...

تعرفى .. ردودك على التعليقات تدوينات منفصله .. انا ادمنتها

تجننى ,,, اوعى تفقدى الروح دى

تحياتى

tona said...

مش عارفه ليه حاسه ان الانبطاح دا نتيجه طبيعيه للقهر اللي احنا عايشين فيه



ايه دا هما بقيوا يدوا جايزة نوفل في العلوم !!


تحياتي ليكي ولدماغك اللي مكتفيتش بانها تكون جميله من بره وبس

الأميره أوسه said...

مسافه
كلنا منبطحين
حتى شوووف
***********
بعدك على بالى
تشرفى دايما
أنا من أشد المعجبات بكتابات
أنتى شرفتى كل البنات بكلامك الرائع
معندكيش بقا عريس
******
تونه
جايزة نوفل للعلوم والطبيخ والنميمه
دى أحسن جايزه فى العالم
أنتى اللى عسل
هاتى بوسه

ayman_elgendy said...

في تناول استقرائي منهجي لتنظير الانبطاح الايدرولوجي اللامظهري من حيث ابعاده السيكولوجية والدوجمائية تم قبول رسالة الدكتوراة المقدمة من الطالبة اوسة فتح الباب بتقدير امتياز........

ايه التدوينة دي؟؟

:))

تحياتي

الأميره أوسه said...

شكرآ ياعم أيمن
امتياز مره واحده
فعلآ من جد وجد
صبح بح

Khaled gad said...

انتى جبتيها من الاخر
و فعلا ده اللى كل اللى كتبوا فى السياسة كانوا بيحاولوا يوصلوله بس ماعرفوش
لازم تشتغلى صحفية و يا سلام لو تكتبى كتاب يناقش القضايا السياسية المحلية و العربية و مايضرش السياسة الدولية علشان خاطر اخوتنا المنبطحين فى كل مكان
و تتشهرى و يستضيفوكى فى الجامعات الامريكية تشرحى نظرية الانبطاح

lastknight said...

نامى انتى
شدى اللحاف
نامى
ناااااامى

الأميره أوسه said...

بحب مصر
مرحب بيك أولآ
ثانيآ أنا لسه جايه من روسيا
كنت بتكلم وبحاضر هناك حول ظاهرة الأنبطاح المركزى وتأثيرها على دودة القطن
أما الجامعات الأمريكيه فمعلش خلينى براحتى أن عامله مقاطعه معاها
من يجى سنتين كده وفرنسا حاولت تتدخل وتصالحنا على بعض بس بصراحه قلبى شايل من أمريكا وبفكر أنزل عليها عقوبات
المهم شرفتنى فى عالم سمسم

daktara said...
This comment has been removed by a blog administrator.
daktara said...

المشكلة ان الشعب لو بطل انبطاح هيقف وده غلط علي النسل وازمة السكان وكده يعني

الأميره أوسه said...

دكتره
لا أنت لازم تفضل منبطح
خليك منبطح
شرفتنا ومتجيش تانى

admelmasry said...

يدوني جزمة نوفل ؟
هههههههههه
لا يا ستي اكيد ريحة الشراب وحشة

Shower-Mirror said...

يا مذماذيل اوسه ...ازيك انتى هاتفضلى منبطحه كده كتير !!؟ و حشتينا يا ستى ....عايزين نسمع منك كلام جديد ... انا زهقت من الانبطاح .! بصراحه كده ضهرى و جعنى ....

الأميره أوسه said...

لاست نايت
أنت منوم مغناطيسى

أدم
متخفش الشراب لسه مغسول
حتى شم


مرايه
لو ضهرك وجعك خد مسكن
البلد كلها ضهرها وجعها
وعايشه على المسكنات

ody911 said...

جزء من حاجة مسرحية فلم مسلسل والله مانا فاكر
((الموضوع كبيير كبيير يعنى ))
أشرف عبد الباقى تقريبا
وعادى بقة

الأميره أوسه said...

أودى
تعليقات لها مكانه كبيره فى قلبى وفــ مرارتى
أنت بتقووووووووول أيه

zakawi said...

nice way how u expressed that..

واحـــد مـــــن الـنـــاس said...

يادي الانبطاح وسنينه !!
يا ناس مالكوم انتو و مال الانبطاح
متسيبوه في حاله يا ناس
الله ...استغفر الله العظيم
متخلونيش اقول كلام مينفعش يتقال ,,
اولا يعني
ماله الانبطاح ؟؟ ..انتو تطولو تبقو منبطحين اساسا ؟؟؟؟
طب ادفع الربع جنيه اللي في جيبي ..لو كان حد فيكم جرب الاحساس الفظيع الشنيع المريع بالانبطاح ده قبل كده

والله انتو ظالمين الانبطاح ...

ده حتى المواطن المصري جرب كل انواع الانبطاح قبل كده...واتعايش معاه ...او بالاحرى ((اتكيف معاه )) ...وبقا بينهم عشرة ...وعيش وملح وانبطاح كمان
وجايين في الاخر تشتمو الانبطاح
خسأتم والله
خسأتم

لكن انا كمواطن مصري انبطحت سحلوميت مرة قبل كده ..احب اقول اني مش ناكر للجميل ..ومش زي القطة اوسة ..تنبطح وتنكر ....انا بحب اهدي تحياتي الى الانبطاح ..وبتنماله التوفيق في حياتنا الانبطاحية ..ويارب يفضل قائد لمسيرة الانبطاح علطوووووووول ..

وبحب اقول لفخامة الانبطاح
حبناك وبايعناك
وعشان كده احنا اخترناك
اخترناك اخترناك
واحنا معاك لماشاء الله
الله الله
يا انبطاح

واشوفكم منبطحين بعون الله

أفضل  ألف  مدونة