أفضل  مئة  مدونة

Thursday, October 05, 2006

أمتحان التاريخ

كله يبص فى ورقته

أمتحان التاريخ للصف الأول
من المرحله التدوينيه
مدرسة أم المصريين المشتركه
أدارة حنفى التعليميه
زمن الأمتحان خمس دقائق
أقرأ أو أقرأى القطعة التاليه ثم أجب أو أجيبى عن الأسئله و فسر وعلل وهلل ملحوظه ممنوع الغش و البرشام أحنا فى رمضااااان

الأحتلال البريطانى لمصر أستمر حوالى سبعون عامآوذلك لأسباب سياسيه وأقتصاديه ورغم تعسف الأحتلال ومساوئه وتعرض الشعب للسحق خاصة فى حادثة دنشواى المشهوره الا أنه أقام بعض المشروعات كالصرف الصحى وأنشاء واحده من أكبر شبكات السكك الحديديه فى العالم والتى أصبحت بعد ذلك شبكه لربط المواطنين بمشرحة زينهم ومقابر المحروسه كذلك قام الأنجليز بتعليم المصريين كيفية نشر الغسيل وبعد زوال الأحتلال البريطانى ورحيله عن مصر بعدة سنوات تعرضت مصر للأحتلال المنوفى من ناحية شرق النيل الملوث
س أذكر أهم أنجازات هذه الأحتلال ومساوئه
س ماهى أسباب الحمله المنوفيه على مصر
سؤال صعب جدآ متى سينتهى هذه الأحتلال
ملحوظه الأجابه لا تقل عن سطر ولا تزيد عن خمس وعشرين سســس سطر
تقدم الأجابات مصحوبه بقرص حلاوه لأقرب قسم شرطه
شعارنا فى هذه المرحله الله الوطن حنفى
مع تحيات الست الناظره

71 comments:

زعرورة said...

اهم الانجازات وقد يكون الاوحد :

مكتبة ام جمال

المساوئ :

ان الحاكم ... مايحكومشيييى *-)


بوست فى الجووون ;)

Aoossa said...

أنت اللى مدونتك فى جون
وأن كانت مغلقه فى رمضان
أجابتك ممتازه
أدعى بقا
يقبلوا أوراقك فى مدرسة سجن النسا السنه دى
الأقبال عليها كتيررررررررررر

ROMIL said...

أعذريني أيتها الاميرة أوسا
أنه الحقد الأسود
لماذا كل هذا الحقد على المنايفه
طب لما الصعايدة مسكوها عملوا ايه ... ضيعوا البلد
وبما أني منوفي فأنا أقدم أعتذار رسمي لكل أفراد الشعب المصري عما حدث سهوا منها وأنجبت ذلك الشيء اللى ماسك البلد
أنا أشعر بالعار لأنه رئيسي

Aoossa said...

ROMIL
أهلا بيك أيها القائد المغوار
الشعب قبل أعتذارك
الى الأمام يا روميل
ربنا معاك
والشعب وراك

tota said...

اوسة الجميلة

نسيتى اهم انجازاته مترو الانفاق والمحور اما المساوئ ممكن اطلب ورقة اجابة تانية اصل ورقة واحدة مش هتكفى

احتلال المنايفة للسلطة احتلال غير قابل للنزع واضح انه لازم نشيل الكرسى كله لان صعب نبعدهم عنه
تحياتى يا جميلة على البوست الجميل ده

Sampateek said...

الله عليكي يا اوسا بوست مية مية و الله براوة عليكي خفة دمك لا مثيل لها لا و موظفاها صح
بسم الله ما شاء الله عليكي يا سكرتنا
س أذكر أهم أنجازات هذه الأحتلال ومساوئه
ج-اهم انجازاته انه نقل تمثال رمسيس بستة مليون جنية و اما مساوؤه فانت قلتي مش اكتر من 25 سطر و مينفعش اكتب ربع المساوء بس
س ماهى أسباب الحمله المنوفيه على مصر
ج-اسبابه ان احنا باين علينا واقعين في ملقف و اللي بيحكمنا مش بيسلانااو يمكن يكون عامل لنا عمل بالمحبة علي جناح غراب اعرج مابيطرش
سؤال صعب جدآ متى سينتهى هذه الأحتلال
ج-لما نصحى
---------------------
انا بحبك موت و نفسي يجي يوم اشوفك و ابوسك اموه اموه

Sampateek said...

الي العزيز الغريب
افرج عن الكومنت لنتمكن من مواصلتك مش كل يوم حاجي عند اوسا و ازعق عليك من البلاكونة تحدفلي مشبكين
وحشتنا يا اخي

Aoossa said...

tota
أنت واضح أنك محتاجه رزمة ورق
عشان تكتبى
ناجحة أن شألله ومنقوله لأولى تانى
تحياتشى

Aoossa said...

كلبوزة لكن سمباتيك
ربنا يقرب البعيد
وأشوفك على خير وبصحه
يا أرق من النسمه
وأجمل من القمر
بكتيرررررررررررررر

شــهــروزة said...

اسئوستى

انا عاوزة اجاوب

الفوائد فى الاول كدة علشان مش حتاخد اكتر من سطر

الواطى على والعالى وطى

المساوىء
مكتبة اسكندرية باللى اتصرف عليها..فايدتها اية دلوقتى؟؟
توشكى..وخراب جيوبنا فايدة امه اية؟
بيع عمر افندى وخلوه عمر بية فلوسه فين؟
قناة السويس..مش خصخصوها فى جيبهم برضة؟؟
الاهرامات...مش كتبوها باسمهم؟؟
التعليم..مش امركوه؟؟
الصحة..مش دهولوها؟؟
السرطان..مش عمموه؟؟؟
الصحرا...مش شحوروها؟؟
والمجلس الموقر...مش امموه؟؟
الشباب...مش كتموه واحبطوه؟
الاخوة العربية...مش باعوها؟؟
الدم العربى اولا..مش دفنوه؟
الدم المصرى..مش سيسوه؟؟


------
شكلى حاحتاااج اكتب كتاب


كتاب فى الفساد

انتى سبتى لى مفاتيح المدونة فى اى اميل
ياهوو ولا هوتميل؟؟
مش لاقياهم

امووووووووة من هنا ومن هناك

جندي الفضيلة said...

السلام عليكم ورحمة الله

أختي الكريمة أوسا إلي النسوان منها مفروسة

أرجوا أن تشرفينا بزيارة مجموعتنا التدوينية " شباب عايزة تتجوز "

و تشاركينا في حل هذه المشكلة الإجتماعية المستعصية

و أدعوك إلى الإنضمام مجموعة عملنا التدوينة لدعمنا في قضيتنا العادلة و دفع كفاحنا نحو حياة كريمة عفيفة سعيدة

و تفضلوا بقبول فائق الإحترام و التقدير

http://elzawaj.jeeran.com/



كتبه / جندي الفضيلة
مصر - القاهرة

for_elzawaj@yahoo.com

شــهــروزة said...

اااة يا اوسا نسيت اقولك

مش هم امموا الشعب؟؟
بقا الشعب ملك للحكومة تمسخر فيه زى امهى عاوزة يعنى ولا اية؟؟

اة
احنا حكومة وطلع لها شعب
تحياااتشى

Aoossa said...

شهروزة
هو انتى لسه هاتكتبى كتاب فى الفساد
ده أنتى كتبتى كتب
دعواتك أنتى عليهم
حاتجيب أجلهم
هو العيد أمتى
أنا عاوزه أعيد

Aoossa said...

جندي الفضيلة
جيالك على عينى جيالك

3rby said...

ابص ازاي فالورقة والمزز ديه كلها في اللجنة...ألحمد لله اني باكتب بالليل:)
الانجازات:لاااااااااااااا يوجد والله لا يوجد

المساوئ:انا اصايم وفي مدونة بنت ولما بافتكر باشتم

متي ينتهي الاحتلال:موت يا حمار

Gbalawy said...

برنسيسه اوسه

الاجابه بمختصر المفيد
اجابه السؤال الاول:
الانجازات:
اجابه السؤال التانى:
المساوىء:
اما اجابه السؤال التلت بقى
الحكم هاينتهى بعد:


ملحوظه: دى طريقه الاجابه اللى متعود اجاوب عليها فى اى امتحان فى المدرسه
والحمد لله بنجح من غير ما اجاوب ودى احد الانجازات

ويجعله عامر

Mahmoud Serag said...

عاوزيين اية تانى من الحكم المنوفى باع البلد و باع القضية علشان يقدر يوفر المخدرات للشعب !! و يخلى فى ايد كل واحد موبايل بيشحت علشان يشحنه و كل بيت فيه دش شغال كليبات و افلام 24 ساعة مفيش حاجة بتتمر عاوزيين اية تانى ، مش ناقص غير انكوا تقولوا عاوزيين نعيش بنى ادمين !!

Mahmoud Serag said...

أهم الانباء (التليفزيون المصرى)
==================================
قامت القوات المنوفية الباسلة بمهاجمة لجنة الاختبار التى تقيمها الارهابية المدعوة أوسة لمجموعة من نشائط الحركة التفكيرية و قام جنودنا الشجعان بالقبض عليهم متلبسين بتهمة التفكير و تؤكد التحريات ان المجموعة المقبوض عليهم غير مستقريين نفسيا و مختلين .

ROMIL said...

أعترض
اللى حاقوله ده ليس دفاع عن الريس
الشعب برضه مش مسلوب الاراده
علشان يشحت علشان الموبايل والدش والدرتي

أُكتب بالرصاص said...

اللهم اني صابم
هأرجع لك بعد الفطار علشان الواحد يشتم براحته


والا أقولك لك
..

حسبنا الله ونعم الوكيل
حرااام
كفاااية
حراام
كفاااية

Aoossa said...

3rby
متهربش حاول تفكر وتجاوب من غير ماتشتم
مش جايز تجيب درجات عاليه
وتدخل سياسه وأقتصاد منزلى
أو تدخل أداب قسم أعلام مع أروى الطويل
وساعتها منجى يموت بحسرته
هو صحيح فين جرجس غطسان فيه
أوعوا تكونوا شربتوه جيل

Aoossa said...

Gbalawy
راسب يا جبلاوى
ومش بس كده
ده أنت لازم تجيب ولى أمرك
وأحتمال المنوفيين يطردوك بره مصر
أرجع جاوب
يا راسب
يا راسب

Aoossa said...

Mahmoud Serag
أنت عارف أن عندك حق
الموبيل والدش ده سبب لزيادة تخلفنا
وبعدنا عن الصديق المفيد اللى هو الكتاب
كان الواحد يزهق من القناه الأولى والتانيه فيمسك كتاب أو جريده
و زمان أنا فاكرة كان بيجينى كل يوم جواب بريدى من معارفى
دلوقت رنات رنات
بس ايه ده هو أحنا طلعنا مجانين كمان
لووووووول

Aoossa said...

ROMIL
الشعب بيحب التقليد
والنفس أماره بالسوء
طيب بزمتك مش عندك محمول
وبتتفرج على هيفا حنفى

Aoossa said...

أُكتب بالرصاص
كفايه حرام
لما المناضل أكتب بالرصاص يرفض ألأجابه ويكتفى بكفايه حرام
أحنا نعمل أيه
أيها الرفيق جاوب
من أجل مصر

3rby said...

ادخلي اقري القصة اللي كاتبها...ساعتها هاتشتمي بالاوي

شــهــروزة said...

اسئوستى
هو انتى يا مفترية عاوزة تحطى صور مزز بالشكل دة
وفكرك ان حد حيبص فى ام ورقة الامتحان؟؟
يأخى ناااه

طل واحد فيهم حيبصله فى كتف ولا دراع ولا رجل
ولا حتى شعر المزة اللى ادامه

جرجس متضايق اليومين دول يا اوسا مش بيظهر حتى يختى فى اى مدونة
روحى عنده وانتى تعرفى ماله
هو باعت لك السلام على فكرة اوى

اموووووة يا رفيقة اوساا

Aoossa said...

عربى
لسه كنت عند جرجس وأتصدمت
لدرجة أنى كتبت تعليق وأنا دماغى مشغوله
تخيلت المنظر وحزنت
وأكيد الحقيقه كانت أصعب

Aoossa said...

شهروزة
فين المزز بس اللى فى الصوره
الشارع مليان مزز
وبعدين اللى خايف على مستقبله يحل الأمتحان عشان ينجح
المدونين مش مذاكرين
وصلك الدعوه

Epitaph said...

ممكن احول علمي متأدب عشان مش عارفة احل سؤال التاريخ؟؟
:))

lastknight said...

الأميره أوسه
أولا السؤال نفسه فيه غلطه .. قوليلى أزاى ؟ أقولك .. المقارنه تبقى بين حالتين مختلفين .. يعنى حالة احتلال بحالة تحرر .. لكن فى سؤالك الحالتين أحتلال .. البريطانى و المنوفى .. المشكله بقى أن فى بداية الأحتلال المنوفى كان فيه راجل محترم أسمه أنور السادات الله يرحمه ...و بالتالى مش قادر أوقل أن كل فترة المنوفيه احتلال ..لكن على العموم لو قارننا بين الاحتلال البريطانى و بين نظام مبارك .. بصراحه و من غير زعل .. البريطانى كان أحسن بكتييييييييير .. على الأقل كان جاى من بلده و عنده قواعد حضاره يعلمها للناس .. لكن مبارك .. الله يلعنه بحق الشهر الكريم

Aoossa said...

أبيتاف
حمدلله على السلامه فينك يا بنتى
طيب حولى براحتك وجاوبى
===================
فارس قديم
بالعكس أنا ذكرت أن الأتنين أحتلال
وطبعآ البريطانى أحسن بكتير
على الأقل كان فيه فلوس وكان خير مصر مغرق الدول العربيه وعدد المعتقليين كان أقل
دلوقت مفيش فلوس والدول العربيه بتشترى وتبيع فينا والمعتقلين كتيررررررررررر

المزاجنجي said...

ميث ميث هو هايبقى فيه لجنة رأفه على الانتحان ده طيب منكن اجاوب
السؤال الاول الانجازات: لا يوجد اي إنجاز ده ان جاز
المساويء: ان مفيش اي ان جااااااز ماهم صدروه كله لاسرائيل الشقيقة
متى ينتهى هذه الاستعمار:
عندما تهيفق العتاريس في ولج الصبح
ميث انا شاطر ؟




انبي دمي محروق

شــهــروزة said...

اوسااااا
يا بنتى يا ضنايا ربنا يهديكى
انتى شكلك بعتى مفاتيح المدونة على اميل تااااااانى
موصلنيش حاااااااجة
مزنوقة فى بوست وعاوزة اكتبه

sarah la tulipe rose said...

بوست جمييييييييييل
متهيألي اهم الانجازات : ادخال الاحذية في الحوار الديموقراطي و الحرص علي عودة الاحتكار
اهم المساوئ ماتعديش

Aoossa said...

...
شهروززززززززز
لسه بعتالك اليوزر
والباسورد
أدخلى وعيشى حياتك
أأأمواه

Aoossa said...

المزاجنجي
طول عمرك شاطر وبتقعد فى أخر صف
برافوا عليك
سلم نفسك فى أقرب لجنه على طرق جسر السويس

Aoossa said...

sarah la tulipe rose
أنت كده كتبنى مساوىء
يعنى مفيش ولا أنجاز
على العموم ناجحه ومنقوله للصف التانى الف مبروك فرحتلك
لووووووول

ody911 said...

لا تعليق
منوفى أنا آه
رافض أنا آه
قول ورايا
تسقط أودت الفران
تسقط الفلكة
ياعم حمزة حلمك علينا
دحنا المنيفة
وبكرة لينا
ههههههههه
يعنى هيه جت علية
عدوها بقا
أودى

The Traveler said...

العزيزة اوسة
الانجليز لم ينشؤا السكة الحديد ,فهى اقدم من احتلالهم لمصر . ووجودهم فى مصر لم يكن لسبب اعمارها و لكن لشفط خيراتها حيث كان اللورد كرومر من اغنى اغنياء العالم بسبب تجارته للقطن المصرى ولا يزل النهب مستمرا لحقول البترول و الغاز المصرى عن طريق شركة بريتش بتروليوم

LAMIA MAHMOUD said...

طب بصي بقى يا اوسة بما ان ناس كتير ردوا عليكي
فالموضوع مبقاش قرص حلاوة واحد
وعد مني اول ما اعرف اوصلكوا .. ويتعرفلكوا سكة
حبقى اجيب ال40 قرص حلاوة
وعشانك خليهم 41 حتوحشيني يا بنتي بجد
امووووووووووووووووواه
امووووووووووواه
امواااااااااااااه
حد عارف اية حيحصل بكرى واحدة للنهاردة و2 شيليهم للزمن

Gbalawy said...

ندهولى من على القهوه وقالولى الست الناظره عايزاك

طب اقولك على اهم الانجازات اللى شوفتها وعجبانى جدا
اكادميه ابو علاء للامن-الشرطه سابقا

ها بقى ارجع القهوه ؟؟؟

gwad said...

الى اميرتنا اوساااااااااااااا
ممكن تجيبيلى الادوات عشان اجاوب
الادوات مرزبة نص كيلو ومسمار نص متر عشان ميخلصش وانا بجاوب
طبعا الورق مش عينفع
انا حكتب المساوىء على احجار الاهرامات واتمنى ان تكفى

بوست فى الجون وكمان فى المقص
تحياتى

FrEe.PhArAoH said...

بوست تمام

بس على فكره المنايفه اجدع ناس عشان ميزعلوش مننا

اما عن اللى فوق فمسيرة هيقع على جدور رقبته هو وولاده والست بتاعت القراءة للجميع دى .. يلا اهى من ريحته هى كمان

تحياتى للجميع

cigara... said...

اووووووووووووووووووسة
!!!!!!!!!!!!!!!!!!!!
ايه
الصورة
اللي
انتي
حاطاها
في
البروفايل
؟؟؟؟؟؟؟؟؟؟؟؟؟؟؟؟؟؟؟؟؟؟؟

mohamed said...

أهم الإنجازات :-
الإحتلال المنوفى قرب الشعب من ربنا وخصوصاً فى رمضان . لدرجة إن الشعب بيذكر الإحتلال المنوفى فى الصلاة والدعاء كذكره لليهود (( اللهم إحصهم عددا ...واقتلهم بددا ... ولا تذر على الأرض منهم أحدا ))
أهم المساوئ :-
طب بذمتك ... هو ده سؤال ...رمضان كريم ...
متى يرحل :-
زى إجابة السؤال اللى فات
إقبلى تحياتى وبلغينى بالنتيجة ... وربنا يجعل فى وشك القبول ...

Aoossa said...

ody911
هو أنت من المنوفيه
طيب أتوسطلنا كده
نفسى فى بلوج على النيل
وشاليه فى مارينا
وشندويشت مربى

Aoossa said...

The Traveler
جبت معلومه السكك الحديد
منين أيه مصدرك
اللورد كرومر ماشى ممكن دى
جاوب بقا على الأحتلال المنوفى
عشان تنجح

Aoossa said...

LAMIA MAHMOUD
أنا هاخد التلات بوسات مره واحده
على الفطار
أنا لو هاتحبس مش هانساكى
هابلغ عنك عشان الصحبه ونقعد نرغى بقا فى المعتقل
أأأأأأمواه

Aoossa said...

Gbalawy
أيه الصوره الحلوه دى
بتدخن فى السن ده
شاطر بجد وكمان رايح القهوه
مش ناجح فى سنتك
عندك ملحق

Aoossa said...

gwad
أنت كده هاتشوه الأهرام ودى من أملاك المنوفيه وبيفكروا يخصخصوها

Aoossa said...

FrEe.PhArAoH
فى الغالب أحنا اللى هنوقع
الناس دى لو وقعت هاتوقع علينا
تكسرنا دول ناس تقال

Aoossa said...

...سيجارة
دى صوره لجنه أمتحان مدونين بلا حدود
لا وطن
ولا دين
أمتحان الكيمياء للسنه التانيه
مجاوبتيش ليه بعدين تخدى صفر
وتعيدى السنه
أأأأمواه

3rby said...

يا اوسة ماتعرفيش ايه اللي حصل لسوسة وwanna be a bride
شكلهم ماتوا ولا ايه؟

islamventura said...

لما يوفوق الشعب ده من نومه او من حشيشه او من هبله او من ضياعه

لما يعرف فين مصلحته و هو عايز ايه
سيبك

Rasha said...

انا راحت عليا نومة ممكن ادخل الامتحان محنا اصحاب واحباب يا اوسه ولا نسيتي
:)
بوست جميل وحتى لو دخلتيني انا مش حنجح طول عمري خيبه بالتاريخ..

ادم المصري said...

احه ايه المزز دي انا عايز امتحن معاهم
واحجزيلي البت اللي قاعده في الاول دي

دي هي المزة اللي فيهم


احه تاني
بسرعة بقي

Epitaph said...

اوسة بلاش موضوع الامتحانات و الملاحق و السقوط
الملافظ سعد يا عبعال
احنا في جو كليات و بتاع برده

حرام عليكي

كدة فال مش حلو يا اوووسة

عااااااااا

ody911 said...

إيه دة ؟؟؟؟
أنته أكلت المرحوم
دى منبة يا معلمى منبة
كان ال..... نفع نفسوا
وعادى برضوا
أودى

تمر حنه said...

ياختى مشوارك بعيد عليا و المراتيزم بينشر فى الركب - قطع سكن العلالى
ادينى خدت نفسى أهو
انتى بتقولى ايه؟
أيام الأنجليز كان فيه أورنس يا ماما
الأنفتاح و البرادس و صلىىىىى
من أهم انجازات الأحتلال يا ماما ان الطبقة الكادحة من بائعات الهوى كانوا لازم يتعلموا الأنجليزية حتى يستطيعوا التعامل مع الجنود: جونى جيفيت مونى - جيفيت باكشيش
و يشهد على ذلك أغنية الحاجة شادية نو يا جونى نو
دلوقتى للأسف المزز مبيهتموش باللغات لأنه لا يوجد حافز لديهن
من مزايا الأحتلال البريطانى أيضا انتشار الدخان الأنجليزى ماركة لاكى سترايك و كوتاريللى رفيع و الشرابات النايلون - الله فييين أيامها
للأسف يا أوسه أنا جربت المعسل المنوفى القص و وجدته ردئ للغاية و ريحته زفر بعذنه معسل ضانى يا أوخشى
هييييه كات ايام حلوة و راحت لحالها
ميس ميس - ممكن تؤمريلنا بولعة فى اللجنة؟

Aoossa said...

3rby
بعد الشر يا أخى
سوسه بنت خالتى مشغوله فى رمضان شويه
و برايد بنت عمتى واخده أجازه فى رمضان
و أنا هنا قاعده على قلبكم
أخبار الحاج جرجس أيه
قلقانه عليه
ربنا معاه

Aoossa said...

islamventura
صدقنى الشعب نفسه يفوق
بس هم يبطلوا ينيموه من المغرب
بزمتك لو لقينا فرصه نحقق فيها ذاتنا
ونسابق الدول المتقدمه مش هنعمل

Aoossa said...

Rasha
ده أنتى حبيبتى وأختشى كمان
ومش مهم تحلى الأمتحان ناجحه بدرجة أمتياز ومنقوله للصف التانى
أنا كنت أدبى وشاطره فى التاريخ
بس دلوقت مش بصدق التاريخ
المؤرخين دول كانوا ناس بيكتبوا بالطلب
أأأموه

Aoossa said...

ادم المصري
خلاص أقعد جنبها بس بلاش غش
وبلاش أيدك من تحت الدسك
البنت دى أبوها موجه فى التربيه والتعليم دى بنت ألأستاذ كرم طبعآ عرفه

Aoossa said...

Epitaph
خلاص مش تزعلى
أنا نفسى تسيبك من التعليم وقرفه
وأعملك مشروع كبير
أيه رأيك فى كشك فيشار
وبطابيطو تشوى دره
وشهروز تشوى بطاطا
وسوسه تبيع غزل البنات
وأنا أوزع مخدرات
أيوه يا حبيبتشى الحياه كفاح
أأأأأمواه
ربنا يوفقك فى الكليه

Aoossa said...

ody911
أنتوا اللى واكلنها والعه
سمعت أم كل منوفى بيدوله شقه بمنافعها
وخمسه سم أرض يزرعها
صحيح الحوار ده ولا اوشاعه

Aoossa said...

تمر حنه هانم

شيشه حمي و ولعه ومعسل سلوم ونص قرش حشيش على ديسك تمر حنه يا واد يا حرنكش مع كباية شاى وصايه
والله أنت عسل يا تمررر يا أختشى
فاكره الكلام ده أزاى وأنواع السجاير
ده الكلام ده فات عليه يجى عشر سنين
الأنجليز قعدوا فى مصر كتير بس الشعب بتاعنا دماغه ناشفه معرفش يتعلم أنجليزى هم فعلآ كام كلمه على الماشى
أنا زمان كنت بشتغل مع الأنجليز
كنت شغاله سكرتيره عند المندوب السامى
كان أجرتى تلاته صاغ وأتنين مليم
ومعاهم واد أنجليزى صغير
وكنت عايشه أحلى عيشه
أيوه بنات الهوى دول كان مصرح بيهم
وتم الغاء قانون البغاء فى منتصف الأربعينات من القرن العشرين
بس كانوا بنات مثقفين و ولاد ناس عليوى دلوقت بنات الهوى وحشين وطالعين فيها
أنا هاهعزل فى الدور الأرضى عشان ماتعبكيش
أنبى تكتبى بوست جديد
أأأأأأمواه ليكى

3rby said...

الواد يا حبة عيني مكتئب...وقال ايه اروي الطويل كاتبة بوست بتقول فيه ان اللي قاله ده غلطش

أُكتب بالرصاص said...

ايها الرفيقة أوسا

من واجبي تجاه الكفاح المشلح
ان امتنع عن الاجابة اللي ممكن تودينا في
س
وج

ونون كمان

خلينا ماشيين جنب الحيط
أقولك

عايزين نربي العيال

والا ان شالله عمرهم ماتربوا

:)
كل عام وانت بخير
واوعدك هأجاوب عليك
بس
مش السنة دي

أنـــا حـــــــــرة said...

فعلا الانجاز اليتيم مكتبة خالتشك سوزان

أما المساوئ يوووووووووووه

و النبى كفاية ان البلد بقيت بطيخ

بس ايه الحلاوة دى
معا فى عنبر واحد ان شاء الله

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة