قرر الشيخ العجوز المدعو وطنى
أن يتزوج مره أخيره من عذراء شابه
علها تعيد له شبابه المفقود وتنقل شىء من صبابتها أليه
ذهب الى سوق الجوارى وهناك أشترى فتاه فى السادسة عشر ربيعآ
تدعى نوويه رافقها الى منزله وتزوجها
وأقام حفل عرس كبير لم يشهده أحد من قبل
وبعد المأدبه وتناول الطعام وأنصراف المدعوين
تناول قرص الشجاعه ليستعيد شىء من قوته
دعها لتشاركه مخدعه ثم تركها ليذهب لمستشفى أم المصريين
ليمارس رياضة التنفس الصناعى التى يعشقها
بينما جلست نوويه على طرف الفراش تلاعب دميتها الصغيره
وتهز قدميها فى فرح
تمـــــــت
القصه من سلسلة تخاريف أوسه تشيكوف فى رمضان
50 comments:
انيهاهاههاهاها
انا اول كومنت عند الاميرة اوسه
انيهاهاههاها
علي فكرة بقي عيب لما تجيبي في سيرة الناس
افرضي ياعني
اني مش عايز اروي اللي حصلي
وانا في المستشفي
ولا اني مثلا مش عايز اقول للناس
كده تفضحيني ؟
هي كانت جامدة حبتين
زي حلات النووي
زي حالات مصر بالظبط...ازاي دولة لسه بتحاول تمنع حوادث القطارات والعبارات وعاوزة تبني مفاعل...اذا كنا مش عارفين نحافظ علي قطر من الحوادث
ايه اللي يمنع ان تحصل داهية مهببة زي شيرنزبل هنا
اقري مقالة اسمها نووي يا محسنين في موقع القدس العربي
اعملي سيرش لانها من يوم السبت اللي فات
www.alquds.co.uk
انا اتعديت منك وغيرت اللوجو
ايه رايك فيا كده وانا متحنظل؟
وبعدين عملت ايه الاخت نووية رمت نفسها اكيد في حضن شاب نغنوش اسمه جيمي ولا نووية دي غير دي وابقى ادينا عنوان الراجل فالمستشفى علشان نزوره يا ست العاقلين وشرفتي وانستي
ههههههههههههه
نووية بقي سيرتها علي كل لسان و علي صفحات الجرائد و المدونات
و يجعله عامر
هممم
حلو
اوي
مممممممممممممممممممممممممممممممم
حلوة
يا اميرة اوسا
بس ليه كده
يعنى كده ادم المصرى مش
يقولك على حاجه تانى !!!!ها
مممممممممممممممممممممممممممممممم
حلوة
يا اميرة اوسا
بس ليه كده
يعنى كده ادم المصرى مش
يقولك على حاجه تانى !!!!ها
حرام عليكي سيحتي للبنت والولد ااقصد والعجوز ههههههه
هو شكله مش هينفع معاه ذرية ولا نووية
الصيام ماثر معاكي اوي
اوسة الجميلة
والله القصة وهدفها السياسى تحفة فعلا
فلن يفلح العبقرى من زواجه من نووية حتى للاغراض السلمية ورغم موافقة العالمة باشا على هذا الزواج المبارك وانها لا تمانع تماما بس العريس الحمد لله ما استحملش وما اظنش نووية هتاخد غير لقب حرم المرحوم او الارملة الطروب
تحياتى يا جميلة
اسئوسه الريوائيه
النهايه غير مقنعه للقارئ
البت نوويه قصدى الست نوويه بعد مقام وسابها. سابها فى جراح هاتخليها معوقه طول العمر
من سنه 1969 ولحد دلؤتى كل ما واحد عايز يسكت اللى حوليه بيروح يتجوزها لحد ماتبهدلت
مش تقوليلى بتضحك وابصر ايه ومادرك ايه
أوسا...
في المعتاد...باكرهك..ومش طايق اللي بتكتبيه....
بس البلوج المرة دي حلو ومعبر ونووي
ههههههههههه
اخر تقاليع الرجل المريض
ال نووي ال!!
وتلاقيه سايب ام العيال اللى وقفت جمبه وطلع عين اللى خلفوها وهى بتربيله عياله وشايله همه وهمهم
حاجة هم ..رجاله عايزة الحرق والله
ادم المصري
لازم تتجوز نوويه
نوويه حامل فى بنت وأسمها حربيه
يا فضيحتك يا أدم فى عالم سمسم
========================
3rby
صدقنى مش عايعملوا مشروع نووى
أسرائيل رافضه
وبعدين دى مجرد تصريحات حنجوريه
أحنا بنستورد بمب وصواريخ رمضان
==========================
3rby
حلو الوجو
أنت واقف وعطينا ضهرك
و بتطلع دخان من ورااااااا
ههههههههههههههههههه
========================
المزاجنجي
الراجل فى مشتشفى أم المصريين
ونوويه مستنيه راجل أفندى زيك كده
يستر عليها
قولت أيه
================================
Epitaph
حد قالهم يتفشخروا ويجيبوا سيرة نوويه
أخر مشروع نوويه كلفنا ملايين
وطبعآ كلها خساره علينا وفينا
تصبحى بالخير
====================
Mongey
أيه رأيك فى الطعم
======
أجدع واحد في الشارع
كل مره أفضحه يرجع يحكيللى
هو مش بيحرم
أدم مزواج
=======================
Nouran
أزيك يا باشمهندزه
منورانى
الصيام مبهدلنى بصراحه
المهم كليتك عامله أيه
بالتوفيق يا رب
================
tota
توته يا حبيبتشى
نوويه عايزه دوله فتيه
وفكر وديمقرطيه
وتكنلوجى أويه
مش أبن فتحيه
وهو كلوا أسقاطات سياسيه
و عجبى
=====================
Gbalawy
أشمعنا أيران وكوريا
أهم حاجه النيه
مش مجرد تصريحات
أسترها يا رب
====================
mohamed
باطل
بــــاطـــل
بــــــاطــــــل
========================
Anonymous
طيب ليه تكرهنى
الكراهيه شعور فزيع ومريع
وأنا بحبك
ربنا يهديك و تحبنى
==================
sarah la tulipe ro
شوفتى الراجل المرضان وعمايله
بدل ميروح دار مسنين
==================
زعرورة
ست البنات الزعروره الأصل أحلى من الصوره
هم الرجاله كده
يكلوا وينكروا
تشرفات
برضه .. خالته اسمها نوويه
اميرتنا اوسا
لا الباشا اخد حبيتين شجاعة
وتقمص شخصية القرموطى
وحيقلبها نوووووى
بالصلاة على النبى
وسلامى لمرعى بتاع الكليمة
تحياتى
نووى ايه هما بعد ما خربو ام البلد عايزين يفجروها ولا ايه وبعدين يعنى ايه طاقه اللى بيقولو عليهاديه يا جدعان عايزين القرش لكل مواطن اقصد عايزين ناكل اختراع اسمه لحمه ولو النوويه ديه بتطلع لحمه ماشى نبنيها واهو يكسبو فينا ثواب ياكلونا لحمه وبعدين يفجرونا بالنووى عادى يعنى تغير يا اوساااااا يا مجنوناااااااااااااا
وبعدين البت نوويه ديه مش متجوزه ايه اللى يخلى جمال وحسنى يتكلمو عنها والله عيب
مجنونااااااااااااا
اوساااا اوعى تزعلى انى قولتلك يا مجنونا لانى انا لاسع اساسا فعادى يا ريت تقبلى الكومنتات بتاعتى زى ما هى لانى بحب المجانين
مزجانجى الاقيش معاك قرش والنبى يا خويا طيب سيبلى نفس لو كان معاك
lastknight
أكيد خالته أسمها نوويه
وعمته حربيه
أزيك
=======
gwad
دت تقمص شخصية أسماعيل يس
المهم أنت عملت الكحك بتاع العيد ولا لسه
كل عيد وأنت طيب
============
yasser shams aldien
فكرتنى باللحمه
فاكر أيامها ذكرياااات
دلوقت فيه لحمه أثيوبى بعشرين جنيه
يا ترى هاتطلع لحمة أيه فى الأخر
مين قال أنك لاسع
ده أنت العاقل الوحيد
لا أنا مش سعلانه
أنت سعلان
مزجانجى بيبيع حشيش فى جسر السويس
ايه يا بت الخفة ديه
ماشاء الله عليكي...عسل والله
مش قادر امسك نفسي
دانا هاموت من الضحك
=====================
حلوه عاطينا ديه
انتي بقه بتكتبي من ورا الجاموسة ولا ايه؟
:)
الأميره أوسه
الحمد لله أنا كويس . وفى أنتظار تعليقك التفصيلى على آخر مواضيعى .. أيضا بانتظار مشاركتك فى المعركه العنيفه الدائره عند الحاج جرجس
عادى
ننجرح عادى
نتنسى عادى
الألم عادى
والندم عادى
والعزاب عادى
الألم والندم والعزاب
أى حاجة
كل حاجة
مش غريبة
وعادى
عادى بقة
أودى
اسئوووستى
حلوة الراجل العجوز بتاع الشجاعة دة
فطس يا ولداااه من اول حباية
بس البنت نووية طلعت جامدة
عملتى الكحك ولا لسة؟؟
اموووووووووة من هنا ومن هنا
وحشااانى موووووت
عربى
أنت ليه يا واد أبيح كده
جاموسة أيه
يخربيت السانويه العامه
بالسين مش الشين
lastknight
روحت وعلقت عندك و عند جرجس
أنت عامل أيه
==================
أودى
أنت كاتب زجل
كله عادى
فى السويس أو فى المعادى
وعادى بقا
شهروزه
أنت فين
مش بشوفك عندى ليه
أيوه عملت بسكويت وشوية قرص بالعجوه
بس لسه الكحك
متغبيش يا بنوته أنتشى
بموت فيكى
أأأأأأأمواه
اوسه انا روحت للمعلم مزجانجى وهو تقريبا غير النشاط بقى بتاع مزيكا بيفكرنى بالعم باخ و بالنسبه لموضوح سعلان او مش سعلان عايز اقولك انى مش سعلان انا ياسر
لصحتكم نمنع الرؤيه والمشاهده لمناظر فرح الست نوويه
والمشاهدة لتلك المناظر ستؤدي الى ازمات ونزلات معويه
وانكشاحات عقليه وفكريه
وبمجرد التفكير ستتعرض لصدمه عاطفيه جافه
والجفاف في هذه الحاله ... عاله على الرجل
والرجل هذا الكائن الحي الطيب الرحوم الجذاب
وجاذبيته في قوة شخصيته
وشخصيته باللكاب او الطاقيه او الطربوش كل
واحده تختلف به ميوله
وميوله اهلاويه والاهلى اتغلب من اسيك 2 صفر والصفر اخدناه فى المونديال والمونديال كسبته ايطاليا اوسااااااااااا انا ماشى انا زهقت خلاص
لاء يا اسوة كده ازعل
حبة الشجاعة دي يا حبيبتي ما تنفعش مع المدعو جدو وطني
بس ملعوبة يا جميل
حلو بس حاسس انه ناقص حاجة وعموما الحباية كدة كدة مش هتجيب نتيجة
معلش يا اوسا انا هخرج عن الموضوع شويه لانى قريت جزء من مدونه جرجس كفايه حرام ونرفزنى جدا الكلام اللى كاتبه لانه معظمه كذب وبالذات حكايه ابوه اللى اضرب وكمان بيقول ان فى كل قريه الكنايس بتتحرق وبنقطع فيهم ده كلام يا ريت لو حد يعرفه يقولو ما يكتبش عن الاسلام انا رديت عليه فى المدونه بتاعته بس لو انتو تعرفو قولولو عيب كده
يعيني
البنت ضحت بشبابها هدر و النبي
و بعدين الراجل راح المستشفى ليه؟
هه ليه؟؟؟
يا حرام انا بعتلو 2 كيلو برتكال
ياسر
أنت لحقت تتكلم
لسه بدرى
طيب مستنياك
===========
لامياء
أنتى حبيبتشى
وطنى محتاج الف حباية شجاعه
وبرضه مفيش فايده
نوويه لسه بصحتها
===========
elkamhawi
طبعآ ناقص أهم حاجه
وطنى هايطلع من المستشفى
ولا هايموت بقا ويريحنا
================
yasser shams aldien
كل واحد من حقه يكتب
و حق النقد مكفول للجميع
=============
ام العيال
الراجل ماستحملش
مجرد شاف نوويه
جتله أزمه قلبيه
خساره فيه البرتقال
هاتى برتقاله
اوسا انا عازمك على موضوع عندى ممكن تيجى وتجيبى معاكى حتتين جاتوه واتنين شوبيس ويا سلام لو سندوشتين كفته ويا ريت اتنين كيلو مانجه ولا اقولك خليهم كيلو عشان انا عارف العمليه ماشفره
وياريت مزجانجى وكلكم يا جماعه بس اوسه ومزجانجى بالذات
تعالى على حدوته ماشى وما تنسيش الحاجات اللى قولتلك عليها عشان اخوكى اللى هو انا واقع من سابع دور
هما موضوعين
ناس متشفرين
واسطوره اضطهاد المسيحين
ماتلقحيش بالكلام علي ابن عمي يا اوسه احسن والله اخليكي تعملي 3000 غرزه في وشك...هادوبه من الاخر
اسئوستى حبيبتشى
وهو انا برضة اقدر اغيب عنك؟؟
دة انا وانتى بقينا مربوطين فى ديل بعض
تحبى اجى اساعدك فى نقش الكحط والحركات دى؟؟
دة انا لهلوبة واعجبك اوى
بس حاكل نصه
هههههههههه
انتى اللى وحشانى اوى اوى
ومقدرة انشغالك يا حبيبتشى
اللة يكون فى عونك
امووووووواة من هنا ومنا هنا ومن على مناخيرك
هههههههههه
عارفه انا البت نووية دي
حتى كانت على قناة المحور من كام يوم شفتها انا
ماشي مشيها وطني ونووية
بوست جميل جدااااا
فكرني برواية ماركيز - عاهراته الحزينات
يعني يعمللكو كباري مش نافع
وتوشكا
بردو مش نافع
وينقلو رمسيس
مش نافع
حتى النووي مش نافع
غلبتوه معاكم
الراجل وابنه قايدينلكم صوابعهم شمع
ده احنا شعب غتت
والله كتر خيرك يا سيد جمال
الا يعني ايه حضرتك كلمة سيد دي
زي باشا بردو وللا زي دكتور
لا اكيد اكبر من دكتور
خيبتك تقيله بس عامل ديك
ف وسط عيله كلها نسوان
وشلت شيله حتماً ماهياش ليك
نيّلتها بنيله دخنتها بدخان
يا جيمى يا امير ا ولى عهد
مملكه مباركستان
يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال
كل سنه وانتي طيبه
دي أول مرة أزور مدونتك ولقيت في وشي وطني ونوويه
انا بقول تعملي حلقات قصيرة كلها عن وطني ونوويه وتتعرض في رمضان على القناه الأولى
ايه رأيك؟
بدعوكي لزيارة مدونتي والتواصل
صباحين وحته
يااه انتي لسه عايشة بعد ال3000 غرزة اللي عملتها في وشك؟
رسالة من تحت الماء
ايها الراقدون تحت التراب افيقوا
انهض...انك لست بميت(كتاب الموتي)؟
هه..انتي قلتي الكلمة وجريتي ليه ماتردي
انت جباره
يأوسا
والله قصه حلوة
وموش تخاريف
كل سنه
وانت طيبه
ياحلي أميرة
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي
yasser shams aldien
3rby
شهروزة
كراكيب
مصريون بلا حدود
shoowbash
tamer afify
MAKSOFA
كلبوزة لكن سمباتيك
كل عام وأنتوا بخير
شكرآ على تعليقاتكم جميعآ
أراكم فى البوست القادم
أو فى مدوناتكم
سلامو عليكو
هههههههههههههههه
أحسن
و الله أنا من اول ما قريت البوست و قلت هو أخرة سبع البرمبة ده فضيحة ان شاء الله .. قال رياضة تنفس صناعى قال بلاوكسة خليه يشمله حبة اوزون و للا عوادم سيارات و هو هينفع
أما بقى بخصوص نووية فهى لسه صغيرة قوليلها ما تقلقش ... و خليها تهدا كده و كل شئ هيتصلح الجايات كتير
This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول
Post a Comment