أفضل  مئة  مدونة

Sunday, October 08, 2006

شر البلية مايضحك

أخبار بتوجع
ألرفيق ألفنان المناضل المثقف الثورى
تامر حسنى يتقاضا مليوووووون جنيه
نظير أحياؤه حفل فى خيمه رمضانيه
وذلك بعد عودته من الداخل
تامر مسكين قبل هذا الأجر الرمزى على مضض





أم تلقى بطفلها من الدور الرابع من مجمع التحرير

بعد رفض الموظفه أستلام الطفل وأيداعه ملجأ

بسبب عدم قدرة الأم على رعايته

الغريب أن الطفل قام من على الأرض وجرى على مامته

أيوه عارفه أن ده خبر قديم شويه


أب يعرض أولاده للبيع لعدم قدرته على ألأنفاق عليهم بعد طرده من عمله نقلآ عن جريدة المزجانجى

===================

مواطن مصرى يعرض كليته للبيع ومعاها بنكرياس هديه

====================

تزايد أنتحار خريــجى الجامعات بعد يأسهم من أيجاد فرصة عمل

وأنتظارهم أعوام فى ظل البطاله لعدم وجود واســطه وأسألوا

مركز السموم

====================

حتى الأن لم تستكمل مستشفى الأطفال للسرطان رغم التبرعات

الأجباريه والأختياريه


البلد رايــحـه فى داهيه نقلآ عن سبعين مليون مصرى وشويه

57 comments:

أُكتب بالرصاص said...

ما لونك حزايني كده يا معلم فسواني .

ليه على الصبح النكد ده ،

هي دي مصر يا عبلة .. واحنا عارفين

السوس نخور في جذورها ، وحتاجة سنين علشان ترجع تاني

بس

وشرفك يا بلدي سحابة وتعدي

تشكرات جزال على هذا البوست

gwad said...

سيدتى العزيزة
هذا ما نسمعة او بنقراة فى الجرايد
بس للاسف ما خفى كان اعظم
تيجى نعد
كام واحدة قتلت عيلها عشان قلة الفلوس
كام واحد باع عيالةعشان الحوجة
دة غير الى بيعرض
سيدتى انتى دخلتى فى عش من الدبابير
الواقع امر من كدة بكتير
بس عشان ندى كل واحد حقة

البلد مليانة شغل والمواصلات كتيرة وفاضية ومش لاقية الى يركبها
والمرتبات زى العسل
واخيرااااااااااااا
اخترناك اخترناك
عاوز اعيد وسط اهلى تحياتى

mohamed said...

البلد مش رايحة فى داهية وبس .....
لأ دى رايحة فى سبعين مليون داهية .....يعنى رايحة ... ومش راجعة تانى .... على رأى اللنبى .
وهى دى أخبار توجع ... دى أخبار تفقع ... والله المستعان.

Epitaph said...

اخرتي مركز السموم يا اووسة

يعني لا تعليم نافع و لا كشك الفشار نافع؟؟

ايه يعني...البنات تتجوز تامر حسني يعني؟؟ ما هو ده اللي ناقص كمان

اللهم اني صائمة


_____
واكد الخبر مصدر رفيع المستوي اخر ان البلد رايحة في ستين داهية

BackBone said...

فعلاً البلد ريحه في داهيه

احنا ضيعين ضيعين ضيعين

المشكلة ان اخلاقيات المجتمع بدأت تتغير و ده نتيجة الفساد و قلة الدين

Shower-Mirror said...
This comment has been removed by a blog administrator.
Shower-Mirror said...

لأ طبعا البلد مش رايحه فى داهيه ... حرام عليكى يا شيخه ليه بس تقولى كده .


البلد غارت فى ستين داهيه من زمان ...صباح الخير ..صح النوم... قومى ياهانم المغرب قرب يأذن

ROMIL said...

طريقك مسدود مسدود يا ولدي
هي الحكايه نلقصة أيتها الاميره النكديه
أسف بس هو ده شعوري عند قراءة هذا البوست المجمع
أنا فعلا قرأت معظم هذه الاخبار ولكن على فترات مش مره واحده كده يا أوسا

Aoossa said...

أُكتب بالرصاص
كل دى سحابه وتعدى
دى سحابه طويله جدآ
سحابه سوده
لسه مكتبتش حاجه جديده
أكتب يا عم

Aoossa said...

gwad
طبعآ الحقيقه أسوء بكتير
وبرضه مش تعيد فى بيتك
كلنا هانعيد على نفقة الدوله

Aoossa said...

mohamed
صدقت يا محمد أفندى يا كبير
طيب الحل أيه
الحل أييييييييييييييييييييه

Aoossa said...

Epitaph
لا يا بنتى
كشك الفيشار نافع
ده مستقبلك يا أبيى
اوعى تفرطى فى الفيشار

Aoossa said...

BackBone
حمدلله على السلامه
أنت فين من زمان
من ساعة ماخطبت وأنت معتكف
وأخبار رجلك أيه سمعت أنها فى الجبس
سلامتك

Aoossa said...

Shower-Mirror
مرايه باشا
هو المغرب خلاص
النهار عدى بسرعه
طيب أقوم أحضر السحور بقا

Aoossa said...

ROMIL
لازم تاخد الجرعه مره واحده
عشان الصدمه وكده
بالشفا

MAKSOFA said...

يالطيف اللطف
يارب

MAKSOFA said...

اوسا غيرت
ليه
صورتك
مع أن الصوره
الجديده
حلوة
بس انا موش
بحب النسوان
المستخبيه
تحت البرقع
والخمار
والذي منه
مجرد راي
ياأوستي الحلوة

sarah la tulipe rose said...

هي البلد راحت للداهية بس الداهية اعتذرت و ما قبلتش استضافتها! احنا خلاص لفينا علي كل الدواهي و المصايب و يفينا كومبليه و ربنا يستر و يشيل الداهية التانية الي جابتلنا داهية اصغر

شــهــروزة said...

اسئوووستى
يختى جاله حلو؟؟
يختى شبابه حلو؟؟؟

هو تامر لسة فيه نفس يغنى بمليون جنية؟؟

-------
اة
مش الراجل دة محمد بتاع اسكندرية؟؟
قلتلكم ومصدقتوش يا اؤختشى
ولسة يامااا حنبييييع
--------
مش الواد لما اترمى قام يجرى؟؟
طيب كويس
نفد بجلده من فقر امه
------
مين بتاع السرطان دة؟؟
منتزة جديد اتبنا؟؟
ولا جمعية استهلاكية؟؟
--------
فساد اية وبتاع اية يا طيبة
دى البلد فل الفل
احنا اللى مبيطمرش فينا اى حاجة
شعب ياكل وينكر
كل المعروفات دى
ومش معترفين بيها

يااااااااى عليكم
جاتكوا القرف
مليتوا البلد

Mahmoud Serag said...

اية الاخبار الغريبة ديه ؟! مش عارف بتجيبوا الكلام ده منين

انا بقرأ الجرنان دلوقتى لاقيت فيه شويه اخبار وسط الاعلانات ..

- تخفيض أسعار البنزين علشان اللى عاوز يولع فى نفسه .

- زيادة الدعم على السكر علشان يعوض المر اللى عايشينه .

- هزيمة "منحة عيد ميلاد بابا" 1 - 5 فى المباراة السنوية مع "زيادة الاسعار"

و سلمى لى على الصحف القومية

الا بصحيح يعنى اية قومية :)

ام العيال said...

هيه ناقصاك انت كمان
ليه بس
اعمليلك دماغ اشربي 2 نسكافيه
و سوف تعودي الى قواعدك سالمه
تامر خد 2 مليون
بيعوض الركود الي شافه في السجن

الست الي رمت ابنها
هي مش قصدها كانت بتوريه الناس تحت صغيره ازاى ووقع من ايديها

الشباب ما بينتحرش
ده يحاول البحث عن الذات في العالم الاخر اصل العالم بتاعنا زحمه شويع

بعدين بالنسبه لمركز السموم سيبو الناس تشتغل شويه بقه
بعدين مستشفى السرطان ما اشتغلش علشان و لادنا بخير و لا هي عافيه حنسرطنكو بالعافيه علشان يشتغل


بعدين صوره المنقيه دي تبع رمضان
بس ايه منقبه على الموضه

المزاجنجي said...

اوسا منك لله انت حقودة.... امال لو مش تامر اللي يلهف المليون احنا اللي هانخده جتنا نيلة في حظنا الهباب
ما هو ده النظام الجديد الرجالة يترموا فالسجون والمزورين واللي بيهربوا من الخدمة العسكرية يا خدوا الملاين عجبي عليك يا مصر فيكي حاجة محيراني ازع القرع فسنين تطلع الكوسة فثواني
تعالي كلي

Anonymous said...

الدنيا معاكى سودة ليه
من زرع حصد
ومن قعد على القهوة شرب شاى

tota said...

اوسة
اه العدوى وصلت ليكى من الاخت شهروزة
يعنى الحقد الطبقى الموجتماعى توغل وانتشر عبر المدونات ووصل ليكى
وادى النتيجة انك بتحقدى على تامر حسنى الفنان الرقيق اللى يستحق اكثر من مليون بس مظلوم
فى الحقيقة يا اوسا الاطفال خانقة مش بيبطلو دوشة فالاهالى عايزة تريح دماغها يا اما تبيع يا اما ترمى بقى يا اما تبعتهم مستشفى اللى بنسى رقمها دى من كتر ما بيلموا عليها فلوس ومعرفش بتروح فين

لو السبعين مليون رايحين رايحين ممكن ما روحش معاهم المرة دى خلينى فى الوفد التانى اصلى مش بحب الزحمة

اعمل فيكم ايه انتى وقرينتك شهروزة

تحياتى

bluerose said...

الطفل اللي وقع م الدور الرابع كان متبهدل , الأم حاليا في مستشفى الأمراض النفسية , الطفل نفسه "فارس" شفته في الجمعية الشرعية في السيدة زينب من حوالي 3 أسابيع , اتعالج و كان بيلعب و يتشاقى عادي جدا و الحمدلله
ماعرفش ليه قلبي وجعني لما شفته بيلعب بطبيعية مع باقي الأطفال في الجمعية , حسيت انه لسة مش عارف اللي حصل له و مش شايل هم اللي هايحصل

حبيته فعلا

Aoossa said...

MAKSOFA
أنا متنكره فى زى بدويه
عشان الضرائب
بعد العيد هارجع لطبيعتى
مفيش أحسن من السمن البلدى
====================

sarah la tulipe rose
حتى الداهيه رفضت أستقبالنا
طيب نروح فين أحنا داخلين على الشتاء
============================
Mahmoud Serag
أنت عارف مصر اليوم فى عيد
ممكن تسلفنى كوباية سكر
عشان أعمل عصير
======================
شهروزة

مصدقينك
أنت ليه مش نشرتى الغسيل عندى فى المدونه
وكمان المدونه بتاعتك مش ظاهره يظهر عندك مشكله أحتمال يكون ضربوها بصواريخ رمضان
طمنينى عليكى من خلال الشات بوكس
تحياتشى قبلاتشى
=================
ام العيال
يعنى الدنيا بخير
طيب نفسى تقوليلى كده فى الخباثه
صورتك دى بتاعت مين
هى دى فيروز
بجد الصوره فى هيبه كده
أأأمواه ليكى
=====================
المزاجنجي
شفت كتبت أسمك كمصدر للخبر
عشان تعرف أن المدونه بتاعتى فيها مصدقيه و حنفيه
أنت عامل أيه من غيرى
=====================
Anonymous
أهلآ بيك
وبنصايحك الغاليه
أنت أسمك أيه
قووول متخفش
قووول بسرعه
==============

توته
الرفيقه توته
المستشفى دى فضيحتها بقت بجلاجل
و مصممين برضه يطلبوا تبرعات بعد مالموضوع ماتكشف
أما تامر حسنى ده فانا هدعى عليه دعوه
أنما دعوه
مليون جنيه وأنا مش لاقيه أكل
تقوليش عالم ولا فيلسوف
كتهم القرف ده عبد الحليم ماخدتش زيهم فى حفله
العواف بقا

Aoossa said...

bluerose
الله خبر جميل أن الطفل بخير
لأن موضوعه متعرفيش أد أيه وجعنى و وجع ناس كتير
ربنا يحفظه
ويحفظك أنت كمان على جمال شخصيتك
وأسلوبك
تعيشى دايمآ لعمل الخير
ويكثر من أمثالك
أأأمواه ليكى بجد

lastknight said...

ان الله أذا أراد أن يهلك قريه .. أمر مترفيها .. ففسقوا فيها ..فحق عليهم العذاب
لاقوة ألا بالله

ادم المصري said...

اوسة الاميرة
تامر واللي عملوه هما الناس

والمستشفي واللي عملوها برده هما الناس

والراجل اللي بيبيع ولاده باع ولاده لانه مش عارف يعيش وسط الناس

والراجل الللي باع كليته باعها عشام ياخد فلوس يتعامل بيها مع الناس


من واقع الادله والشهود
حكمت المحكمة حضوريا بالاعدام شنقا علي الناس

خلينا نستريح بقي

ومقد بدانا فعلا في تنفيذ القرار السابق دون علم الناس

ياعني علي غفلة كده من الناس
حيث تم تدبير محرقة بني سويف الشهيرة
وتغريق العبارة الكبيرة
وتخبيط كام قطر في بعضيهم
وحدوادث ما بنعرفشي نخبيهم
اشي عربيات علي جرارات
علي تسمم في المستشفيات وخلافه

وباذن الله تعالي سوف يتم تنفيذ باقي الخطة علي مراحل قادمة

mohamed said...

بصى يا ست أوسة انتى قولتى إن تامر حسنى -الى هرب من التجنيد وزور شهادة الجيش وشهادة الجامعة- لما ياخد مليون جنيه فى حفلة ده يبقى ( خبر يوجع ).... طب لما تامر حسنى ومعاه زميله فى السجن -هيثم شاكر- بنفس التهمة ( التهرب من التجنيد )يكونوا نجوم الحفل الرسمى اللى عملته القوات المسلحة إمبارح .... تسمى الخبر ده إيه ...يوجع ولايفقع ولا يفطر فى رمضان ولا إيه ..... مش قولتلك البلد دى رايحة ... ومش راجعة تانى خالص

islamventura said...

عركة بالسنج و المطاوى بنادى الزمالك و نهاية الموضوع اصابة لاعب برقبة زجاجة فى ذراعه و كأننا فى خمارة و لسنا فى نادى

تاجير جزء من ملعب الكلية و الحيوى جدا لطلبة الكلية للاكاديمية العربية و الجزء المتبقى تم تجريفه و بناء مبنى جديد لقسمين جديدين من الممكن ان يكونوا اهم من قسمين اخرين

فتاوى فتاوى
كل الناس تسمع فتاوى و المشكلة انها مواضيع ملهاش لازمة و لكن شر البلية ما يضحك

و كفاية كمان ظابط الشرطة صديق الشعب

التعليم الناجح الذى لا يعتمد اساسا على الحفظ فقط و لكن يعتمد على واحد حمار شغل و مش مشكلة طريقة التفكير و لكن بلا هدف

مستويات تفكير يتعجب لها الانسان

شوارع ممهدة و سهلة و قانون يسرى على الجميع و لكن العيب فى الشعب الذى لم يعتاد ذلك و يحب الزحمة و يعشق الوسطة و لكن فى وجود ممانعة من اصحاب السلطة

اشغال سهلة جدا و تحتوى الموظف و قدراته العادية و لا تتدخل الواسطة فى اى اختيار ايضا لشغل اى وظيفة

طهارة ايدى كبار موظفى الدولة من دمائنا و ذلك يظهر تماما فى امكانيات دخول اكاديمية الشرطة و لذلك يجب ان يخرج ظابط شرطة يعرف ربنا و يعمل على المساواة بين الشعب

و لا احتاج ردود و لكن مش مشكلة كل هذا لا يحدث فى مصر

و لكننا فى 60 او 70 او 100 مليون داهية لاننا هذا الشعب الصامت
اما انه مشارك او انه عاجز
و اظن انه الاثنين معا

cigara... said...

يا
بنتي
غيري
الصورة
اللي
انت
حطاها
دي
بصراحة
مش
حلوة
مش
حلوة

cigara... said...

في
ستين
داهية
و
كل
البلدان
العربية

شــهــروزة said...

اسئوستى
الظاهر كان فيه اقتحام للبلوج كل اللى بيدخلوه اشتكوا من نفس المشكلة
انا احبنى حواليه سور
ووراه شوية مدافع وسكاكين
وبعدهم حفرة مليانة طين

علشان اللى يقتحمنى تانى
يتطين بطين


شغالة كويس دلوقتى
اموووووووة ليكى يا حبيبتشى

طبيب الحب said...

حلو اوى
البلد رايحه فى داهيه
البلد رحت خلاص
واللى كان كان
بس والله انا عجبنى جرئتك
فى عرض الموضوع
وياريت تشرفنى بالزياره

Aoossa said...

lastknight

طيب أنا والله مش من المترفين
ده أنا من الشقيانين التعبانين
المنحه يا فارس
بجد مستقبل الأجيال الجديده فى خطر
أيه الوضع بعد خمسين سنه
أتصرف يا فارس
==================

ادم المصري
الحكومه بتقول عددنا كتير
فبتحاول تخفيض العدد
المشكله أن الضحايا دائمآ فقراء
لازم ينوعوا شويه
ولا الأغنياء مش طالبه معاهم موت
معلش أصلى بحقد على الأغنياء
وراثه بعيد عنك
====================
mohamed
الخبر بتاعك ده بيعرى أوضاع كتير
أنا أعرف واحد مرحش أستدعاء لأنه كان عامل عمليه جراحيه ورغم أن القمسيون الطبى العسكرى كشف عليه وكتب تقرير مفاده أنه غير قادر على حضور الأستدعاء
لكن كانوا هيسجنوه بتهمة التهرب
لولا تدخل الله ومسؤل كبير لأنقاذه من الظلم والسجن
والله على ما أقول شهيد
=================

islamventura
صدقت يا شيخ العرب
أحنا العجز هو اللى ضيع مننا احلامنا
وضيع البلد
الناس غلابه وبتدور على لقمة عيش لعيالها ومش قادرين يصرخوا من الآلم
السكوت مننا أعتبروه علامة رضا
قبولنا للذل هو السبب
====================
cigara
معاكى فى ظل الظروف دى
فى ستين داهيه بلاد النفط والبترول العربيه لكن دى مصر يا سيجاره
غنى معايه
مصر هى أمى
نيلها هو دمى
شمسها فى سمارى
حتى نابى أزرق لون نيلك يا مصر
الصوره دى هاتتغير بس لما أعمل نيوولوك
==================
شهروزة
دى شغلانه مطينه بطين
ده هجوم على مدونتك
وأى هجوم عليكى
أنا بعتبره هجوم عليا شخصيآ
لازم تبنى قاعدة صواريخ
وأنا هابعتلك طيارتين فانتوم
وشوية صواريخ على بمب
الله الوطن حنفى

Aoossa said...

طبيب الحب
شكرآ ليك
و مرحبآ بك فى مدونتى
وأتشرف بزارتك
وطبعآ جيالك حالآ

lastknight said...

أوسه .. أتصرف أيه ؟ هو أنا خلفتكوا و نسيتكوا ..؟؟ هاهاهاه ..
الأميره أوسه .. أعتقد على كل الواعين أمثالنا مسؤليه هامه ...فعلا مسؤليه كبيره .. على الأقل نعلم أولادنا أزاى يدافعوا عن حقوقهم .. و يختاروا اللى يحكمهم .. أما المعارضه و الأحزاب الكرتونيه .. فأيدك منهم و القبر

تمر حنه said...

يامّا تمورة خارج من السجن مأشفر - الجدع نسى معجون الحلاقة و الجيتار و منطلون جينز فى السجن لأنه كان متلهوج و هو خارج
لازم يعوض خسارته
ثم انو هيأدى الخدمة العسكرية اجبارى فلازم يعمل للمستقبل
حسوا بقى بمعاناة البشر يا ناااس يا أعداء النجاح - مش تامر ده روح؟ روح ده ولا مش روح و لازم يعوض معجون حلاقته
مكنتش فاكراكى سوده كده من جوه يخص عليكى

Gbalawy said...

اوسه النكووده

منك لله ياشيخه بوظتى ام الدماغ اللى عاملها
والناس عندك كلهم فرحانين اهو وبيقولولك 60 داهيه
الا صحيح هى داهيه دى على حدود ايه

*********************

خلاصه الكلام اللى قولتيه حاجه واحده

تامر خد مليون بس هايجيب بعد الحفله كام مليون؟

يعنى لو حسبتيها فى باقى الكلام تعرفى ان رزق الهبل على المجانين


سلام يا أس أوسه

Aoossa said...

lastknight
طيب أزاى نعلم عيالنا يختاروا
و أزاى يدافعوا عن حقوقهم .. و يختاروا اللى يحكمهم ده أحنا نفسنا مش عارفين ندافع ولا نقدر نختار
أتحرك يافارس أنت أمل مصر

Aoossa said...

تمر حنه
هو مين اللى مأشفر يا تمرمرمر
ده أنا اللى مأشفره
نفسى فى عــجله أروح بيها الشغل
ويلسلا بقا لو توكتوك
عارفاه ده عربيه بتلات عجلات
أبعت ياررررب

Aoossa said...

Gbalawy
معلش أعمل دماغ تانيه
أنت عامل دماغ أيه
قمر الدين
شكلك مدمن قطايف

Ahmad El-Saeed said...

اللى مزعلنى يا أوسة إنك ماجبتيش جديد

كل ده معروف

الجديد بقى , إنك يا إما تقوليلنا نعمل إيه ؟

Ahmad El-Saeed said...

يا إما تقوليلنا نهرب من البلد دى إزاى ؟

FrEe.PhArAoH said...

والله ملاقى كلام اعلق بيه

ربنا يستر

بوست روعه

خالص تحياتى

كمانجه said...

بيقولك مره واحد قال البلد بتروح فى داهيه راح ورى الشمس

على العموم ماتخفيش العيش لسه ماغليش والحلاوه لسه زى زمان

ولا أنت فاكره ان الناس ماعدش عندها مرؤه وانسانيه

LAMIA MAHMOUD said...

يا بنتي يا حبيبتي هم يضحك وهم يبكي
وبعدين مستكترة على تامر المليون
الراجل لسة خارج من السجن وراه مسئوليات
طيب قوليله كفارة

الوردة السوداء said...

انتى نسيتى تقولى
ان قناه السويس
مدفوع اجر تعدية السفن منها
من امريكا ورسيا والصين
لمدة عشر سنين تبدأ من 2005
حسبى الله ونعم الوكيل

شــهــروزة said...

يا لهوووى يا أأمااا
هم قبضوا تمن تشغيل قناة السويى
مقدم لعشر سنين ادام؟؟
يعنى خلاص؟؟
ناوى يلزق عالكرسى؟؟

اللة يكرمك يا وردة يا اؤختشى على الخبر دة
خلتينى عاوزة اولع فى البلد وحنفى

يا لهوى
الواحد بعد كدة يخاف على الفانلة اللى تحت السديرى
احسن ينشلوها

ody911 said...

ممكن أضيف حاجة
هيه كانت رقاصة وبترقص
وتحيا الوحدة الوطنية
وعادى بقة
أودى

واحد من الناس said...

انا مش عارف اذا كنا متجهين نحو الهاويه ولا الهاويه هي الي متجهه الينا
بس باختصار احنا ضايعين ضايعين

فانتوماس said...

اول مرة تاخدي بالك اننا رايحين في ستين داهية لسة واحد اجنبي صديق قاللي
This country is going NOWHERE
وجعتني الكلمة بس حقيقية يلا نتقابل كلنا في داهية

ام العيال said...

اوستي
دي صوره فيروز بمممممممممممممموت فيها
لما اكون مبسوطه مدايقه زهقانه اي حاله هي الوحيده الي بحب اسمعها علشان هي حاله فريده وبتعبر باحساس ملوش حل جربيها كده

سلام بقه

Aoossa said...

كل سنه وأنتوا طيبين

أنـــا حـــــــــرة said...

والله مفيش اكتر من الحوادث دى
طب ايه رأيك فى واحدة دكتورة فى الجمعة الامريكية ترفع قضية طلاق علشان جوزها بيكلمها بالعربى فى البيت و هى عايزاه يكلمها بالانجليزى و المحكمة حكمتلها بالطلاق فعلا

و ده كان خبر منشور فى جريدة معروفة

هى البلد اتوكست من شوية

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة