أفضل  مئة  مدونة

Sunday, October 22, 2006

البالونه يا ريس

كل عام و هــم بــخير وانتوا منفوخيــــين
وأنت طيب يا أسطى
كرباج ورا يا حنفى
نظرآ لحلول العيد فقد قررت حكومتنا الذكيه اللى أسمها وطنيه وأساسآ كانت بنت بهيه أهداء كل مواطن بلونه وليس العكس بأعتبار أن الشعب مش منفوخ ولا هيطرشأ من الأنبساط بلأضافه الى خبور طويل بطول متر أو يزيد حسب طول المواطن لأستخدامه كسواك أو لأغراض أخرى ستعلمنا بها الست أعتدال نفخو ممثلة الحكومه تباعآ
خابور لكل مواطن منفوخ
وقد علمنا من مصادرنا المسطوله أن البالونه والخابور ليست أختياريه بل أجباريه وستقوم أعتدال نفخو بنشر قواتها فى أيام العيد بقيادة القائد الهمام بمب الدين حرب الحبش ناشر الفتن الطائفيه بين جموع شعب بهيه و سيقوم سيادته بالتأكد بنفسه
من أن كل مواطن يضع البالونه فى مكانها الصحيح ويرتدى الخابور
بخفه ومرح
تحــت شعار الشعب المنفوخ
=================================
وقد تبنت حركة العقلاء فى بهيه
حمله جديده ضد أعتدال نفخو والقائد بمب الدين حرب الحبش
والأفكار العنصريه والوهابيه
وذلك لأطفاء نار الفتن والأحتفاظ بالوطن متوحد و تحقيق مبدأ المواطنه لكل مواطن منفوخ وهى رفض الخابور ورفع شعار جديد فى كل أرجاء الوطن وكل ده عشان أحلى بهيه مفاده
كلنا جرجس وكلنا طه
من نسل بهيه
أنتهت الأخبار واليكم النشيد وبالطبع النشيد صاحبه مجهول
وقيل أنه متخلف عقليآ

من يقوله؟!
آخرتها بعد خمس و عشرين أنكسار..
وبعد خمس و عشرين انتحار..
اجمل شهادة!!
من يلاقي مثل تقديري
كويس فـ البلاده
أنا بليد
!!!
مع تحيات أوسه الصغيره جدآ ولا يجوز محاسبتها أو أقامة الحد عليها
نظرآ لحداثة فكرها قبل سنها
ولشعورها بالنفخه الكدابه
نياهاهاها
العيد فرخه

82 comments:

Me2 said...

كل سنة و إنتي طيبة يا قمر و كل اللي تحبيهم طيبين

ahmedsobhy said...

ابلة اوسا يابتاعت الغلابة
كل سنةوانتى طيبة
واجو منك اذا كان العيد فرخة زى ماانتى كتبة ادييييييينا حتـــــه

Lasto-adri *Blue* said...

يوووه يا اوسة.. جت ايه يا بنتى
يخرب عقلك
دمك شربات منفوخ
لوووووووووووول


كل سنة وانتى طيبة يا لالا
وعقبال البلانة ام رز ان شاء الله

nirfana said...

هههههههههههههههههههه
يخرب بيت كده
عسل يا بت
سخرية رهيبه ... من واقع حئير :)



كل نفخه وانتي طيبه
سورى
قصدى كل فرخه وانتى طيبه


وعيد سعيد

caesar said...

طيب مفيش فزلين مع البالونة والخابور ؟! ولا هيتوزعوا كدو

BaTaBeeT said...

kol sana wenty tayeba ya 2ooooosa
kan b2alee keter magetsh...lesa ta2a zai manty :D

nice bloggggg

Ahmed Shokeir said...

إيه ده !! هما غيروه من عيد الكحك لعيد النفخ ؟

lastknight said...

الأميره أوسه بنت بلدى الأصيله
كل سنه و انتى طيبه و الأسره بخير .. شكرا على تعليقك على مدونتى .. و يارب العيد الجاى يكون احسن من كده

Aoossa said...

مساءء الفل يا بشريه


Me2
كل سنه وأنت بخير
والأسره بخير شرفتينى
================
ahmedsobhy
أتفضل الفرخه كلها
دى حتى عندها الفلونزا حاده
كل عام وأنت طيب جدآ
================
Lasto-adri *Blue*

لووووووووول
أهلآ يا ختشى
أنت اللى عسل نحل
هاتى قطفه بقا
كل سنه وانتى بخير
أشوفك فى بيت عدلك يارب
جبتى لبس العيد
===============
nirfana
فعلآ الوائع حئــير
بس نعمل أيه
الفرخه حلوه
خدى بالونه حمره
عيد سعيد صالح عليكى
=============
caesar
لا خد خابور
وأشترى فزلين من الصيدليه
اللى تحت البيت
وبعدين ؟؟؟
أتصرف بقا
ههههههههههه
كل سنه وأنت طيب
=============
BaTaBeeT
بطابيط السكر
بطابيطو
كل سنه وأنتى طيبه
عاش من شافك
دراسه بقا
يارب تنجحى
============
Ahmed Shokeir
لا مفيش كحك
فيه بالالين
وحاجات تانيه
مصر بخير
مش تقلق

Aoossa said...

lastknight
أهلآ فارس
لا شكر على هومورك
العيد ده كلنا هانتنفخ
ههههههههههه
أشوفك قريبآ

tota said...

اوسة الجميلة

كل سنة وانت طيبة وبصحة وسلامة انت واسرتك
بلاش كحك كتير علشان بيعمل تلبك جامد مع النفخة بيعملو دويتو مش حلو تحياتى

Lasto-adri *Blue* said...

انا اجيب لبس العيد ليه؟؟؟
هو اللى يجينا يا ماما

الناس مقامات برضو

ههههه

yasser shams aldien said...

الوحده الوطنيه شبه البت نوويه و عيد سعيد لانى ما بحبش اقول عيد محمد حسنى مبارك صباحين وحتتين
وادينا بالونتين
وكعكتين

بالنسبه للخابور مش ناقصه ولو عايزه ادورلك على سليمان الحلبى اكبر واحد اتخوبر فى المحروسه

ممكن نلاقيه عند جرجس او الفارس القديم او ندور عند مزجانجى باشا

كلام سنه والمصريين طيبين
سلام خلص الكلام

sarah la tulipe rose said...

كل سنة و انت طيبة و عيد سعيد و جميل بس بلاش الحكاية الي ماشية انه عيد مبارك
يعني سيبولنا العيد خلوه سعيد بس!!

H Y M N S said...

هشتكنا وبشتكنا يا ريس : )
كل سنة وانتو بـ بلالين حلوة : ))
و اكيد هنحتاج الخابور ف يوم ; )

nice misery I mean " Irony topic "
Ossa (F)

الســـاحر said...

اولا كل سنه وانتى طيبه
وحلوة اوى حكايه بالونه لكل مواطن
ومواضيعك عجبانى بجد
ربنا يوفقك

LAMIA MAHMOUD said...

ولما العيد فرخة يا ست اوسة حنعمل اية في الانفلونزا
بقولك اية من الاخر كده كل سنة وانتي طيبة وخلي العيد يعدي على خير يا بنتي
وبعدين يا حبيبتي الشعب منفوخ حتى اسلي وطنية حتعرفك اية اللي نفخه

cigara... said...

كل
سنة
و
انتي
طيبة
يا
اوسة
يا
جميلة
اموووووووووووووووه

Rasha said...

اوستي

الله عليك يا جميل وعلى دمك وعلى شقوتك وذكاك انت مش بس اوسه بيكاسو
ولا اوسه جاهين

انت اوسة قلبي الجميلة

كل سنة وانت طيبة

(f)
(k)

في كمان بس المرة الجاية
;)

المزاجنجي said...

كل سنة وانت طيبة ولو انه اسمي مش مكتوب ههههههههههه



حتة عكننة بس

gwad said...

كل عام وانتى بخير وتقبل الله منا ومنك صالح الاعمال

شــهــروزة said...

يا لهوووى
انا جيت بعد كل دوووول؟؟؟
معلش يا اؤختشى انتى عارفة بقا ظروف العيد والتنفيض والكركبة


يختى قطيعة تقطع البلالين والنفخ وسنينهم
الواحد طرشق من كتر النفخ
لدرجة انه من كتر الانتفاخات
مفيش مكان للخازوق


كل سنة اونتى طيبة يا حبيبة البى وعيد سعيد عليكم ياا رب
امووواااااااااة لعيونك يا قمر

cat_eyes said...

هههههههههههه يا شيخة كنت داخلة اقولك كل سنة وانت طيبة لقيت نفسى اتنفخت هههههههههههههه
لا بجد انتى دمك زى السكر
كل سنة وانتى طيبة يا اجمل بنوتة واسكندرية بجد بتناديكى وحشتيها
انا رديت على الكومنت بتاعك فى البلوج عندى بس قلت والله ابدا لازم افوت على البت اوسااااااا اخد منها الكحك .... ملقتش عندك الا خوابير ونفخ ....... يلا ماشى كلو كويس ههههههههههه

saso said...

ايه ده ايه ده
قصدك تقولي ان في مواطن واحد في المملكة متضايق وهيطق.. لا انتي اكيد بتتكلمي عن ناس تانية في بلد تانية وانتي واحده تانية
بالونتي عاوزاها ملونة مش لون واحد يعني وياريت لو علي شكل كلب او بطة
بلاش شكل المسدس علشان الامن المركزي انتي عارفة

Anonymous said...

كل سنا وكلنا حلوين

Lion king™ said...

كل سنه والكل بخير
عيد سعيد على كل البلالين
بلونه بلونه

Aoossa said...

tota
الدكتوره الجميله
أنا لسه مكلتش كحك
أتفضلى بيتفور وبسكويت
عملاهم بالزيت الحار
أنا شاطره فى الحلويات
لوووووول
توته جات عيدت عليه

Aoossa said...

Lasto-adri *Blue*
الدنيا كلها تجيلك يا حبيبة قلبى
ده أنت بلو على سن ورمح
أتفضلى بالونه على شكل حنفى

Aoossa said...

yasser shams aldien

عيد مبارك
و يا جمال العيد
أتفضل البلونتين
وكمان كحك
و عدد أتنين خابور
تحت أمرك يا باشا

Aoossa said...

sarah la tulipe rose

خلاص عيد سعيد
ويسعد أيامك
وينولك اللى فى بالك
أأأأأمواه

Aoossa said...

H Y M N S
حمدلله على السلامه
وعيد سعيد
و حيث أنك مواطنه مصريه
فأجمل بلونه وخابور هديه
وكلوا من خيره
العيد فرخه
كاك كاك كاك

Aoossa said...

الســـاحر
الله يكرمك
وكل عيد وأنت سلفستر ستالونى
خد بالونه حلوه أهى
أمسك

Aoossa said...

LAMIA MAHMOUD

أزيك يا رفيقه لمياء
بتوحشينى
السجن بيحب اللمه
تخدى بالونه لونها أيه
أتفضلى
عيد كويس

Aoossa said...

cigara

أجدع سلام لبنت خالتى سيجاره
و أنت بخير وسلامه
هانولع فى البلد أمتى
مستنياكى
أأأأموااااه

Aoossa said...

Rasha
أنت حبيبة قلبى
يا فنانه يا رقيقه
خدى الباونه الزرقا
لون السما
ولون البحر
ولون عنيه
حتى بصى
عيد سعيد

Aoossa said...

المزاجنجي
أزيك فينك أنت مسافر
كل سنه والأسره بخير
هات العديه

Aoossa said...

gwad
ربنا يتقبل من الجميع
ويكرمك
عيد سعيد عليك
وعلى الأسره

Aoossa said...

شهروززززززززززززززززززززز

أختشـــــــــــــــــتتتى
وحشانى يامضروبه
بعتلك رساله على الموبيل وصلت
زمانك تعبتى من التنفيض
كل سنه وانت طيبه
وأسرتك بخير
وأخوكى بخير
و الجو بتاعته بخير
لوووووووووووووول

Aoossa said...

cat_eyes
أهلآ بست البنات
وجميلة الجميلات
أسكندريه وحشانى
والبحر والمنشيه
وأبوقير
والرمل
و كل حته فيكى يا مدينة الزعفران
عيد سعيد عليكى
ويسعد أيامك
أأأمواه

ادم المصري said...

اوسه الجميلة تملي
دايما انا بيحصلي
تربنة جوة النخاع


بلوجك جماد وصاحي
وانا دايما رافع سلاحي
احتياطي م الخداع


اكمني واد مخلص
يعجبني كلام بيرقص
ويرقص السباع


وعشان اكمني سبع
اخوف اي ضبع
عدوك يا حبي ضاع

سلامي ع الرجال
سلام تقيل امال
سلام بدون وداع

مفلس افندى الرايق said...

من الشعب المنفوخ
الى اوسا بداخل الكوخ

وحشانا يا باشا
كل سنه وانتى طيبه
وتحيا مصر المنفوخه

فانتوماس said...

كل سنة وانت طيبة عجبني النشيد قوي يا ريت تبقي دي الروح اللي جوانا مش الخوابير اللي جوانا

زعرورة said...

بعد كده نغنى

نفخونا وقفلوا الاجزخانات لاقالولنا ازيك ولا سلامممات ..نفخونا*-)

كل سنة وانتى طيبة ولسانك طويل وبسطه كل اللى يحب جنازة ويشبع فيها لطم زى حالاتشى:D

مافيش بلاليين رروز؟

Aoossa said...

saso
أنا بريئه يا بيه محدش ياخد على كلامى
أنا مبسوطه من البلد جدآ
والحكومه حنينه
تاخدى بلونه شبه الكلب بلوتو
وتجيبى قطه حلوه زيك
كل سنه وأنتى طيبه
أشوفك فى بيت عدلك قريبآ
أأأأموه

Aoossa said...

Anonymous
وأنت حلو
وأنا حلوه
خد بالونه وخابور حلوه

Aoossa said...

LionKing™
أزيك يا أسد
أخبار الغابه أيه
سمعت أن القرود عامله مظاهره

Aoossa said...

أدم المصرى
طول عمرك سبع السباع
تخوف الفيران قبل الضباع
صباحك بيتفور
وأحلى خابور
مع بالونه
سبور

Aoossa said...

مفلس افندى الرايق
من داخل الكوخ
أنا بعمل دماغ و أعلي النفوخ
تاخد بالونه ولا أنت منفوخ
أتفضل خابور تاخده وتدوخ
كركركر
كل سنه وأنت كويس

Aoossa said...

فانتوماس

شكرآ يا باشا
ده النشيد الجديد
بدل بلادى وأولادى

كل عام وأنت طيب جدآ

Aoossa said...

زعرورة
الأسم زعروره وهى أجمل من أى زهره أو صوره

هيا بنا نلطم سويآ
ونغنى ونقول
على الخابور
على الخابور
أحنا الشعب المكسور
جمعونا فى بوكس
وعملولنا حفلة طهور
وااااااااااءءء

Sampateek said...

اوسة حبيبتي و نور عيني وحشتيني جدا و الله عاملة اية؟
يا رب كله تمام و عال العال
اية موضوع ان البلونة و الخابور دول اجباري؟!! انا شخصيا ممكن اخد البلونة بس الخابور ده متنازلة عنه
و كمان البلونة دي انفخها من الاتجاه اللي يعجبني لحسن تفرقع بعدين و تبقي زي المفاعل النووي تشيرنوبيل اللي انفجر ده و زروط الدنيا
يا بنتي الناس منفوخة و من حقهم ينفخوا
ابني بيسالني ماما هو ده عيد الماااااء قلتله لا ده عيد الكحك
ثقافة باطنية خربة
قبلاتشي و حبي
العيد فرخة مااااء مااااء

Sampateek said...

فيلم العيد
اقوي افلام الرعب
كلبوزة علي الجبل
تعالي

hend said...

كل سنة وانتم طيبين وكفاية نفخ كده

7arnkash said...

كل سنه وانتي بالف صحة وسلامه

وبالنسبة للنفخ
فنحن نسير بخطي ثابته
لجعل الشعوب في المنطقه اكثر نفخا

shoowbash said...

المنفوخين اهمه
حيوية وعزم وه\مه
جيل بعد جيل منفوخييييييييين

كل سنه اونت طيبه

Layaly said...

حلو جدا

MAKSOFA said...

والله
يأوسا
انا عندي القولون
وعلي طول
منفوخه
من غير حاجه

كل سنه وانت طيبه

أنـــا حـــــــــرة said...

أوسا
شكلى هاجى أقيم فى البلوج
أصل من الناس اللى قالت عليهم زعرورتى اللى بيحبوا جنازة و يشبعوا فيها لطم

غير ان مادام المسألة فيها تجمعات نسائية فأنا خير من يمثلكم بقى

أنا كمان بكتبلك وورايا بلاليينى فى الاوضة ... كل سنة و انتى طيبة و يارب دايما تنفخى و لا تتنفخيش

soosa el-mafroosa said...

اوسه يا ننوسة

ايه يا حبيبتشي الحلاوة دي

كل سنة وانت طيبة

و سلميلي على مدام نفخو و حشاني و الله

قبلاتشي

أممممواه

حالة حب said...

اوسا
كل سنه وانتي طيبه بس ملقتش بالنين لما جيت كانوا خلصو
يا ريت تزوريني
شكرا

Mahmoud Serag said...

بين النافخ و المنفوخ
قرش حشيش
و خابور
و صاروخ
قبل النفخ بنضرب فيهم
بعد النفخ منين نلاقيهم
!!

كل سنة و أنت طيبة
:D

Ma-3lina said...

loooooool kol sana we enty taiba

i got my balloons min el 7okoma katr alf 7'erhom

enty 2doky kam balona ???

3rby said...

دمك شربات...يلطش
بقي ماتجيش تعيدي عليا يا بت يا اوسه؟

كازانوفا said...

ايه اللى بيحصل ده ايه اللى انا شايفه ده

وبلالين وحاجات بتفرقع هههههههههههه

أروى الطويل said...

يا اوستى يا بسبوستى كل سنة وانت طيبة

Sampateek said...

اوسة
ياتلحقيني يا متلحقينيش
انا عايزة رجيم قوي و فتاك و ليس ذو قوة واحدة بل ثلاثة
لان كحك العيد عمل قفلة و الكهربا قطعت مع البيتيفور و عايزة انزل خمسة كيلو في الدفاسة كده من غير ما حد من البلوجرية يشم خبر
يلا اهبديني دايت في الكلتش و فيشي الهوامش
حووووول

Epitaph said...

looooooooooooooool

كل سنة و انتي طيبة يا اوووووووووووسة

انا قلت اتأخر تكون البلالين و الخوابيير خلصت هههههه

:))) كل سنة و انتي طيبة

Sampateek said...

مطلوب توقيع الكشف الطبي علي الاميرة اوسا لاثبات عدم صحة الاوشاعة الرائجة في اوساط البلوجرية انها راجل و اسمه حنفي
حتكشفي هنا و لا قدام الظابط؟
;)

مفلس افندى الرايق said...

انتى بخير يا بنتى

Anonymous said...

إيه العظمة دي
كتابة جميلة وزرشيقة ودمها زي العسل وفيها ملامح عمق
ربنا يوفقك

ody911 said...

رايا وأطمن
طبعا رايا


جميل حقيقى
وكل سنه وإنتى منفوخة
قصدى بيضة
قصدى كويسة كويسة يعنى
وعادى بقة
أودى

مصريون بلا حدود said...

دمك شربات
بس بدون سكر
دلع يعني
بكسر الدال
عموما كل سنة وانتي طيبة
ومتزعليش نفسك

3lool said...

هههههههههههههههههههههه

جامده جدا بصراحه
دي اول مره ازور صفحتك بس بصراحه الواحد يدخل صفحتك متضايق يطلع منها منفوخ وبيطير زي العصافير هههههه

تحياتي

أُكتب بالرصاص said...

النفخ ده
إجباري والا اختياري

والمنفوخين في الخارج لهم نصيب من الخوازيق
والا الخوازيق على قد الموجودين بالداخل ؟!

والا كل واحد مننا ممكن يروح السفارة ياخد الخازووق بتاعه من هناك ؟

MAKSOFA said...

الشقيه أوسا

ماتسمعيش كلام كلبوزة
فهمتك النكته بتاعه هيفاء وهبي غلط
وبتقول لك أني قصدي ناكل جزر علشان البيض بيجيب كوليسترول

وعلي فكره
اوعي تتأثري وسلامه نفسيتك من الأنونيموس اللي
ماشيين يقولوا عليك راجل
انا جاني تعليق
بيقول مفجأه أوسا
طلعت راجل وأسمه حنفي
بس انا مارديتش أنشره
لأنهم برضه شككوا في اول ما طلعت
مدونتي وقالوا علي راجل بشنب


وكنت مع التشلت مع احد البلوجريه
باكلمه علي شقاوة أسلوبك
وقلت له علي تعليق الأنونيموس اللي بيقول انك راجل

وقلت له
راجل
ولا ست
انا بحب أسلوبها

وبعدين ايه المشكله

مفيد فوزي

كتب عن مشاعر وقضايا المرأه
في باب ثابت
في صباح الخير
باسم مستعار

وهو
ناديه عابد

Sampateek said...

اوسا
يا اووووسة
انت فين يا بنتي صوتي اتنبح
تعالي خديلك اتنين بلمبة نيون
ريفيوز في الفيوز
لزوم التحرش الجنسي
و صلحه

Anonymous said...

هايل يا أوسة ع المدونة الفظيعة دي
أنا اسمي مؤمن المحمدي المحرر العام لجريدة الغد (تبع أيمن نور) واخترت مقتطفات من مدونتك نشرتها في عدد النهاردة
إنتي كاتبة هايلة وأنا متفاجئ بالمستوى المذهل ده

مؤمن المحمدي said...

هايل يا أوسة مدونة فظيعة أنا اسمي مؤمن المحمدي المحرر العام بجريدة الغد
(فرع أيمن نور) واخترت مقتطفات من مدونتك نشرتها في عدد النهارده
مستواك هايل إن شاء الله دايما للأمام يا روميل

مصريون بلا حدود said...

هوه العداد وقف عندك ليه
ممكن ارجعهولك لو تحبي

Aoossa said...

شكرآ يا جماعه على تعليقاتكم
جميعآ
مؤمن محمدى
شكرآ سأحاول البحث عن العدد
ربنا يوفقنا بقا
لوووووووووووووووووووووول

Anonymous said...

نفسي حد يصمملي بلوج عشان انا ايديا مقطوعة ويزودهولي بفيديو صوتي لاغنية من اغنيا لاني انا لساني مقطوع وكمان فيديو ليا وانا في القهوة عشان انا اعمي ما باشوفش واطرش ما باسمعش


انا اعيش في عصر مبارك اذن انا طشت او بستلة غلية او اي شئ

مواطن ترللي من العصر العثماللي

arab girlscool said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة