أفضل  مئة  مدونة

Monday, December 18, 2006

مؤخرتك يا وطن

لا للعبث بمقدرات المصريين أو مؤخراتهم

نظرآ للأحداث الأخيره وهى تفاقم العنف ضد مؤخرات الشعب و ذلك بأستخدام الخوابير و العصيان و أشياء أخرى ضد مؤخرة الشعب تحت مزاعم أمنيه وهى مساعدة الشعب فى علاج البواسير أو تدليك البروستاته كعلاج بديل لأقراص الفياجرا الغالية الثمن فقد تشكلت جبهه للدفاع عن حقوق المؤخرات وحقها فى العيش فى سلام
هذا وقد تبنت عدة مواقع القضيه و دعت للكف عن ملاحقة والعبث بالمؤخرات ومنها السيد وائل عباس فى موقعه الشهير الوعى المصرى وقد بدأ الحمله المدون المعروف دماغ ماك وقد كان سباقآ فى نشر أنتهاكات تمارس ضدالمواطن عماد وأن لم يكن الضحيه الأولى لمثل هذا النوع من التحرشات الأمنيه
كما قام السيد جرجس بالأشاده بجريدة الفجر لنشرها هذه القضيه ودعى لكشف الحالات المماثله من أنتهاكات
وقد أفادنا مراسلنا فى أوربا السيد باتوكس كاكا عن تظاهر الآف المؤخرات منددين بالأفعال المشينه الذى يرتكبها الأمن المصرى فى حق عضو مهم وهو المؤخره ونتيجه للأحداث المؤسفه وحالة الهلع والخوف التى أصابت المؤخرات مما أدى تباعآ لأصابتها بالأسهال الحاد للدفاع عن نفسها بشكل تلقائى فقد قام السيد وزير المحاليل بتوزيع أقراص الفلاجيل على المواطنين و نظرآ لتفاقم الأوضاع فقد أعلنت منظمة حقوق المؤخرات مصر كمؤخره منكوبه وقام بعض المواطنين بضرب سياج حول مؤخراتهم و زرع الألغام وأستخدام الأسلاك الشائكه لحمايتها بينما فضل البعض الأتجاه لشراء اللباس الواقى من التحرش والذى أخترعته ألزميله كلبوزه لكن سبماتيك لحماية منطقة الفخدين من أى أعتداء
من أى نوع وقد أعلنت عن توافر اللباس بألوان ومقاسات مختلفه
و نظرآ لحالة الهياج الأمنى على مؤخرات الشعب فنحن نناشد المواطنين عدم كشف المؤخرات أو عرضها فى الهواء و ضرورة أرتداء القناع الواقى بس من تحت عشان الحسد وقد أثبتت الأحداث الأخيره ضعف مزاعم أن مصر عاليه وقد تحدث الجغرافى الكبير عبده أطلس أن هناك مخاوف من تغير تضاريس الشعب المصرى بسبب العبث بــ ط ... مؤخرته كما قرر الفنان محمود عبد العزيز بعد أن تغنى بالقفا أن يتغنى بالمؤخره وذلك بالتعاون مع كل من المطرب الهارب من التجنيد و مطرب الفواكه
هذا وقد وافنا مراسلنا السيد بيبــي عن حدوث مواجهات والتهابات بين قوات الأمن وجموع المواطنين الذين قاموا بأطلاق الهتافات المعاديه للخابور مثل أدينى يا باشا على قفايا وبلاش المقطوره اللى ورايا وحملوا لافته على مؤخراتهم بتقول متبصش بعين قويه بص للخابور اللى فيا كما أطلقوا غازات الأنتفاخ ضد الأمن الذى رد عليهم بحبوب الفحم وشراب النعناع المحرم دوليآ وقد ناشد السيد وزير الخوابير الطرفين بضبط النفس و نفى قيام وزارته بأستيراد الخوابير من الصين وأكتفائه بألأنتاج المحلى لتشجيع المشروعات الصغيره وألمؤخرات الكبيره
و أنه سيتم محاسبة أى معتدى مهما بلغ حجم مؤخرته وكل من تسول له نفسه بالعبث بفلنشة مواطن التى هى شرف الوطن هذا وقد قام بعض الناشطين والناشطات بتنظيم وقفه أحتجاجيه أمام نقابة التواليتات وقد أتشحت مؤخراتهم باللون الأسود وقد صرح النائب حنفى بيه النايم بأستيائه مماحدث لبعض المواطنين وضرورة العودة لأستخدام قانون الجزم الذى ثبتت فاعليته بدلآ من قانون الخوابير الذى أضر بمصلحة الوطن العليا وأساء لسمعة مصر فى الخارج حيث أعلنت منظمة آآآآس رايتس أن مصر على رأس قائمة الدول التى تنتهك فيها المؤخرات بشكل علنى ومقنن ومن منبرى هذا أدعوا جميع المدونين الشرفاء الى الوقوف بجانب ضحايا الأنتهاكات ونشرها وفضح المتحرشين لأن مؤخرتك يا صديقى لم تعد بأمان وأن لم تواجه الخابور فسيطولك ويطول الجميع وأعلموا ان وطن بدون مؤخره كجندى بغير سلاح
لقد أنتشر فيديو التعذيب فى كل انحاء العالم وأصبحت مؤخرة الوطن مكشوفه عاريه وأصبحنا مستباحين فمن يستر عورة الوطن


56 comments:

Ahmed Shokeir said...

لاشك ان ظاهرة العبث بالمؤخرات التي ظهرت مؤخرا تحتاج تدخل من المنظمات الدولية مثل مؤخرات بلاحدود وحركة مؤخرات من اجل التغيير عشان اللي له مؤخرة مايضربش على بطنه ، وارفع مؤخرتك يااخي فقد مضى عصر الإحترام
ومؤخرة تفوت ولاحد يموت

مراقب مصري said...
This comment has been removed by a blog administrator.
مراقب مصري said...

ومن واشنطن دبليو سي (بدل دي سي يعني) يكتب الحاج جرجس مراسل منظمة كَفَر يور آس الحقوقية التي تهتم بحقوق المؤخرات أن ما يحدث في عزبة مصر العربية المنوفية من انتهاك فاضح للمؤخرات هو أمر لا يمكن السكوت عليه... ونؤيد كل مطالب السيدة الفاضلة الأميرة أوووسة سيدة العزبة الأولى وراعية حقوق المؤخرات الأولى... ونؤيد جهود الفنانة الكبيرة الدلوعة آس-مين عبد العزيز لقيامها ببطولة فيلم تسجيلي بعنوان مؤخرة في الظلام... ونحيي بالطبع المخرجة العظيمة إينـ آس الدغيدي على "إخراجها" المتميز لفيلم مذكرات مؤخرة منتهكة... ونشكر هيئة الكتاب والأستاذ جابر آس-فور لجهوده المذهلة في التثقيف الصحي من خلال الكتب عن أضرار انتهاك المؤخرات

هذا وتعلن منظمة كَفَر يور آس عن تنظيمها حملة للمدونين ترعاها وتشملها برعايتها الأميرة أوووسة ويتم لطع شعار الحملة على مؤخرة كل مدونة شريفة في هذا الوطن المنتهكة مؤخرته

كان معكم الحاج جرجس من آس-بانيا

abderrahman said...

متخيل شكل البانر بتاع الحملة دي
:)

Ahmed Shokeir said...

معلش مداخلة صغيرة لمزيد من الإفادة برجاء مراجعة

البراء أشرف مع العصايا

الأميره أوسه said...

أحمد باشا شقير
يا مرحب بيك
أنضم لحركة المؤخرات
وساعد فى أنقاذ أى مؤخره

الأميره أوسه said...

جرجس أفندى
حلوه أينــ آس الدغيدى
وهى فعلا عليها آس محتاج قطعه
دى بتستخدمه فى التفكير
أرجو أنك تنظم وقفه أحتجاجيه
لتضامن مع آس المعذبين

الأميره أوسه said...

Abdou Basha
البانر ممكن يكون على شكل خابور
أو شكل آآآآآآس

الأميره أوسه said...

أحمد باشا شقير

دخلت على مدونة أشرف من اللينك اللى أنت سايبه
بس صدقنى ده توارد خواطر
بس كانت فرصه أتعرف على مدونه جديده
شكرآ يا زعيم

Anonymous said...

أخر يتأخر تأخرا فهو متأخر فى المؤخرة الأخيرة


أخر يتأخر تأخرا فهو متأخر فى المؤخرة الأخيرة


أخر يتأخر تأخرا فهو متأخر فى المؤخرة الأخيرة


لما فكرت فى الجملة دى
عرفت لية وزارة الآسات
بتحارب الشعب المصرى فى مؤخراته

علشان تقضى على التأخر المخزى لشعبنا المبارك بين صفوف شعوب المنطقة
وشعوب القارات المجاورة

تغزّه فى مؤخرته
يقوم يتنطر منطورا للأمام

وللأماااام دائما يا مصر

المصيبة يا اؤختشى ان العدوى تتنقل لما بعد المؤخرة
تبقا كارثة لو فكروا فى المقدمات الحريمى
ولا هم فكروا وخلاص اللى كان كان والحريم اللى اتسحبوا من مقدماتهم مكسوفين يتكلموا ومحدش سجلهم فيديو؟؟

احيــــــــه لو حصل


يا حبيبة البى معلش عالتأخير انتى عارفة انتى أول صفحة بادخلها من عندى
كلامك بقا ادمان عندى يا شابة بعيد عنك
امواااااة لعيونك
وخللى بالك من مقدماتك يا اؤختشى
اااااة
بعد كدة منضمنش

الأغاني للرأفتاني said...

اعتقد يا أوســـــــا
ان العصا كانت موجوده فى مؤخره الوطن منذ ايام الثوره.. وظلت هذه العصا موجوده..بس العصا كان حجمها مناسب ايام زمان ولذلك لم يشتكى الشعب والوطن الجريح..لكن اليوم العصا بدأت تكبر وتكبر وتتخن وتعرض..فخلاص..مفيش مكان...

والحل ان الناس دى يدوقوا طعم العصا اللى احنا بقالنا قرون دايقنها

elgharep said...

ليست المؤخرات فقط هى المتاحة أمامهم بل اتسع الأمر الى كل جسد الأمة المسحوق
الغريب

Scorpio™ said...

خبر عااجل:
اعلن السيد خازوق ابو راسين وزير المؤخرات عن وقف العمل بقانون "خابور لكل مؤخرة مصرية" الشهير بقانون الطوارىء واستبدالة بقانون "ال--ك فالميت حرام"...يأتي ذلك بعد الانتهاء من عمل الواجب مع كل المؤخرات المصرية وحشوها بإحكام بالخوازيق التمام

Ahmoss said...

يا أوسة هانم لو كل واحد مؤخرته إنتهكت عمل مظاهرة.. البلد كلها هتبقى في الشارع.
ده لو إعتبرنا إن المؤخرة هنا رمزية للدلالة على الكرامة والحقوق.
أنا بقى بقترح إننا نفضح الظابط ونسميه التوربيني لأنه أكيد حصلتله حادثة مشابهة لبتاعة رمضان التوربيني وهوصغير.
بس تخيلوا إحساس مراته وأهله لما ده يحصل .. أظن ماحدش هايسلم عليه تاني لأن إيده ملوثة ب ... دماء الشعب ههههههه

الأميره أوسه said...

شهروزة
ههههههههههههههههههههههه
أيه اللى أنت كاتباه ده
مقدمات أيه
هو أحنا حمل قفا واحد
ده لو حد صرخ فى وشنا
هيغمن علينا
طيب ممكن يكون الخابور ده لمعالجة تأخر المؤخرات
طيب أتأخروا ليه فى العلاج
الأحسن كل واحد يشيل مؤخرته فى البيت
الشارع مش مضمون
سلامات يا شهرووووووووووووو

الأميره أوسه said...

المهــــاجر المصـــــــرى
بجد أنا سعيده
أن الناس بدأت تفهم الثوره دى بهدلت البلد وأخرتها كتير
زمان درسنا الثوره وأهدافها
بعد كده أكتشفنا أنها كانت أنقلاب
وأن عيوبها قتلت أهدافها
و الضحيه الشعب
تحياتى يا مهاجر
بس انت مهاجر فين

الأميره أوسه said...

elgharep

كلنا مستباحون فى زمن العهر
ودمائنا وأعراضنا حلال لهم

الأميره أوسه said...

dr_megamokh

كده المؤخرات مش هتعرف تتنفس

كله من قانون الطوارىء

Anonymous said...

ما هو يا اؤختشى لو اتديروا على مقدمات الحريم زى ما عملوا فى جميلة بوحريد كدة
مش حنبقا حريم ولا ستات
حنبقا مرضعات قلاوون

واديلوو كهربا وابصر اية فى المقدمات
يختــــــــى

يبقا الرجالة من المؤخرات واحنا نتسحب من المقدمات
وتبقا هيصة يا معلم ولا ابوغريب
ولا سجن الجستابو فى زمانه

هى سنين سودا انا قلت قبل كدة
ومش حينفع لا نتغطى ولا نصوت
وخدوا خابور رايح
وخدوا خازوق جاى

Ahmed Shokeir said...

أوسا

أبدا لم اقصد أي معنى من لينك البراء اشرف خالص

المعالجة مختلفة تماما ، أنا ذكرت اللينك من باب التواصل مع معالجات اخرى

آسف لو أ ُسيئ فهمي

يا مراكبي said...

مؤخرة الوطن مجروحة .. ما تحتمل أكتر

نهرب وفين هانروح .. لما الخوابير تكتر؟

الأميره أوسه said...

شهروز
التعذيب فى مصر مدرسه تفوق أى مدرسه
فى العالم
وفنونه تشهد بها القلعه
والمعتقلات
أفخرى بلدك ليها الرياده
هو أحنا نافعين غير فى الخيبه
جود نيت

الأميره أوسه said...

أحمد شقير

أنا عارفه قصدك
أنا أستغربت من التشابه فى البوستين
الموضوع ميستهلش أسف
ده أنا بشكرك على الرابط
ليه كده يا أحمد
ده أحنا دفعة جيش واحده
خالص تحياتى وتشكراتى

الأميره أوسه said...

يا مراكبي

مؤخرة الوطن فيها واوا
بس صراحه من قبل الخوابير
أصلها مضطهده من زمان

الأغاني للرأفتاني said...

انا مهاجر فى امريكا يا ست الاميره..حيث لا توجد عصيان للمؤخرات
ههههههههههه

tota said...

اوسة

ما هذا الذى يحدث فى مؤخرة الوطن انا كنت فاكرة بس مؤخرة عماد
هى العدوى انتشرت للمؤخرة الكبيرة الوطنية

ثبت علميا ان كشف مؤخرة الوطن وتعرضها للعراء قد يسبب نوع من انواع التلوث الذى قد لا يستطيع بعده الوطن تكملة المسيرة او القعدة

ولا عزاء للمؤخرات

Anonymous said...

shocked!! But it's true!!

loooool @ gerges' comment!

أُكتب بالرصاص said...

وستذدهر الحركة اليقافية وتكون حقبة من الزمن يتحاكي بها الاجيال القادمة

وتنتشر كتب
مقدمة بن خلدون

وتترجم اغنية هيفا بوس الواوا
إلى
Kiss my ass

وتنشتر أفلام من نوعية

خائفة من شيء ما
أو
شيء في صدري
- بعد التحريف-

العصاية لاتزال في جيبي ..
قصدي ..في ...!


وتفضل الحكومة تذيع لنا يوميا فيلم
التوت والنبوت

ويصبح الفيلم الرسمي هو

أي ..أي

islamventura said...

مصر بدولاها الاقليمى حيث انها تاتى بمؤخرة العالم فلا بد من كل الانتهاكات الموجودة اذا كان بالمؤخرة او بالعضو نفسه بقطعه او تعذيبه
و لا جديد سوى اننا لا نأمن على انفسنا فى هذا الوطن

الأميره أوسه said...

المهــــاجر المصـــــــرى

هنيآ لك بدوله تحترم حقوق الأنسان
كده أنت فى الأمان
عقبالنا كلنا لما نهاجر

الأميره أوسه said...

توته الجميله

مــؤخرة الوطن مكشوفه مكشوفه
ومستباحه و الكل مستباح
فى زمن تحكمنا فيه عصا أو خابور
بيخترعوا طرق للتعذيب
ودايمآ الضحيه أنسان غلبان

الأميره أوسه said...

أبيتاااف
دايمآ الحقيقه مصدمه
خلاص يا ابيتاف
أرتفعت الخوابير وأنكشفت المؤخرات
وضاعت الأعراض
مش أعراض البرد أقصد أعراض الوطن

الأميره أوسه said...

أُكتب بالرصاص
الفيلم هو التوت والخابور
والشعب بقا صرصور
والباشا صار مسرور
ونقلوه المطافى
عشان قلبه صافى

الأميره أوسه said...

islamventura

لقد صرنا أغراب فى وطننا
والحل هو هجره جماعيه
مع الشتاء القادم
الى المناطق الدافئه من العالم
نهاجر بقا مع البط العراقى
خلاص أصبحنا لاجئين

Adem Salhi said...

اخي العزيز؛ المدونون التونسيون يخططون لاضراب عن التدوين احتجاجا على حجب بعض المدونات و ذلك يوم الاثنين المقبل؛ مارأيكم او انضممتم الينا؛ و يكون بذلك يوما عربيا لاحتجاج على الحجب الذي يطال بعض المدونات؛ اذا كنت مهتما بالامر و بامكانك المساعدة في نشر ذلك في المدونات المصرية اتصل ب

الحصان الأسود said...

reformer 1976

تعليقك رائع ياشاعر و فنان المؤخرات الاول

___________________________________

شهروزة: هما عملوا اية في جميلة ابو حريد ؟؟؟ لا بجد والله مش عارف

اية قصدك بحكاية المقدمات دي بس علشان نبقى فاهمين
ومش فاهمين مين اللي اتسحبوا من مقدماتهم وازاي زلامؤاخذة


اصل ممكن المقدمات العلوية

او المقدمات السفلية

وبلاش حكاية أحيـــة دي والنبي
هههههههههههههههه

الأميره أوسه said...

Shadi

adam

أيه النظام
أعلانات دى
أستمروا ومرحبآ بكم
شادى ضفنى عنك بقا
أدم أنا هاعمل أضراب مش هانشر يوم الأتنين هاقضيها غسيل بس

الأميره أوسه said...

الحصان الأسود

أحيه دى كلمه تعبر عن الدهشه
زى بالضبط أحه التى تعبر عن الأستنكار
دى تعبيرات مصريه يجب الحفاظ عليها
وتطويرها
بالنسبه لأسئلتك
المقدمة والمؤخره مجرد رموز للشرف
ويجب أن لاندع أحد ينتهك حرمة الشرف

Anonymous said...

شكرا للتوضيح يا اوسا للأخ حصان اسود
كنت لسة حافصص واوضح
ووجع قلب بقا ودماغ

بس ابقا شوف جميلة بو حريد اونت تفهم المقدمات يا ابنى الله لا يسيئك بدل ما الجماهير تاخد فكرة غلط عننا

بالنوسبة لأحية
دة مصطلح استنكارى اسكندرانى
يعبر عن الدهشة والتعجب باسلوب بنات بحرى

وتختلف تماماا عن نفس الكلمة بدون حرف الياء

واقرا كويس عن التعذيب فى المانيا الشرقية والاتحاد السوفيتى والجستابو وانت تفهم مفهومى اية بالمقدمات العلووووية


اسئوووستى
اموااااااة يا فاهمانى وهارشااانى

الحصان الأسود said...

يعني انتي وهيه استفضتوا في توضيح الفرق بين الأحية والأحا ومش عاوزين تقولولي اية موضوع جميلة أبو حريد والمقدمات العلوية

يعني انا الاقي فين الفيلم دة علشان اشوفة او اقرا عن تعذيب الجستابو والمانيا الشرقية و منيا البصل

متهيألي الجماهير خدت الفكرة الغلط خلاص من اول الأحية

اما بالنسبة لأنكم هارشين بعض وفاهمين بعض ومش عاوزين تفهمونا السيم بتاع جميلة والمقدمة فأسمحوا لي اقولكم اللفظ الأعتراضي اللي وضحتة واستخدمتة أوسا

أحـــــــــــا

أسوور said...

ايه البوست الجامد دة يا أميرة .. لا انتى كدة ملكة المدونات .. من هنا ورايح هاسميكى ملكة المدونات .. ورئيسة جمعية الدفاع عن انتهاك حقوق المؤخرات .. طبعا

الأميره أوسه said...

شهروزة
أزيك يا قمر
يا خوفى نبقا ضحايا أحنا كمان
ساعتها محدش هاينفعنا
هايعملونا عبره للآخرين
بس تفتكرى رد فعلنا هيكون ايه
؟
يا خراشى حاجه تخوف

الأميره أوسه said...

الحصان الأسود
أسلوب التنكيل بالرجل أو البنت متشابه والمقصود بيه تعذيب الشخص نفسيآ وتحطيم عزيمته
وده اللى حصل مع جميله أبو حريد
فاكر مدرس العربى لما ضربك وأنت فى ثانوى أمام الفصل كله ؟
ياترى كان أيه أحساسك؟
قيس بقا احساس الضحيه على الموقف ده

الأميره أوسه said...

ياسمين
أزيك يا أديبه
لسه كنت عندك وسيبت تعليق طويل وجيت أنشره النت فصل
فكتبت تعليق صغير
مواضيعك جريئه
ومهمه
تحياتى وتحرشاتى
أموووه

كلبوزة لكن سمباتيك said...

ههههههههههه
ملكيش حل يا اوسا سكر يا بنتي و الله
بس عايزة اقولك مش كل الطيييييير اللي يتاكل لحمة و لا اي اي و لا زي زي ولا كل مؤخرة يتقالها يا مشمش


احنا جامدين قوي
بالصلاتو على النبي

قبلاتشي

كلبوزة لكن سمباتيك said...

ههههههههههه
ملكيش حل يا اوسا سكر يا بنتي و الله
بس عايزة اقولك
مش كل الطيييييير اللي يتاكل لحمة و لا اي اي و لا زي زي ولا كل مؤخرة يتقالها يا مشمش


احنا جامدين قوي
بالصلاتو على النبي

قبلاتشي

الأميره أوسه said...

كلبوزه
لسه كنت عندك فى المدونه بتاعت ته مربوطه
بتعت الاكل والحاجات دى
كل سنه وانت كميله

أسوور said...

على فكرة يا أوسة أنا بأشعر بالفخر لما مدونة جامدة زيك تزور مدونتى وكمان تترك تعليق
دة كتير قوى علية وانا لسة جديدة فى المدونات
اسلوبك الساخر بيجننى .. طول عمرى بحب الأسلوب دة فى الكتابة
قدرة على النقد مع السخرية الشديدة
بأحس انى دخلت فيلم كوميدى هادف
كوميديا الموقف مش الإسفاف
ان شر البلية ما يضحك قانون تطبقينه فى كتاباتك بكل سلاسة

مراقب مصري said...

ممكن أفهم إيه اللي حصل لتدوينة
مشمـــش والمهــمه المستحيله

عيون الأمن سهرانه مبتنمشى
مع الأعتذار لكوكب الشرق الست أم فاروق


مشمـــش والمهــمه المستحيله
قصه بوليسيه للأطفال


البوست كان هايل جدا
ليه شلتيه؟؟؟؟

الأميره أوسه said...

العزيزه يا سمين
أشكرك على كلماتك الرقيقه وأن كنت لا أستحقها
فأنا أكتب فقط من باب الفضفضه ولا أتبع قواعد
معينه فى الكتابه
بعكس أسلوبك الذى ينم عن أحتراف للكتابه
وأختيارك الجيد للموضوعات وخوضك فى أمور شائكه ومهمه
فى مجتمعنا المغلق
مرحبآ بيكى فى عالم التدوين
ومن منبرى هذا ادعوا المدونين الأعزاء
بالتعرف على أسلوبك
وكتاباتك المميزه الهادفه
فقد تعرفت على مدونتك من خلال تعليقاتك
عند الزملاء
تحياتشى
على فكره لسه كنت عندك وكاتبالك تعليق
كـــــبيررررررررر

الأميره أوسه said...

الحاج جرجس
شكرآ يا دكتور على التعليق
بس أنت قريت البوست الجديد أمتى
ده أنا يدوب كنت لسه بخمره
وبعدين مش عارفه لسه أنشره
أحتمال بكره
مع شروق الشمس
شرفتنى
وشكرآ مره تانيه على المتابعه

الحصان الأسود said...

العزيزة أوسة

مين اللي قالك كدة

انا عمر مامدرس ضربني ولا في ثانوي ولا اعدادي

مرة واحدة مدرس الكيمياء عملها وانا في اولى ثانوي

ووالدي الله يرحمه جة المدرسة لما انا قلتلة وعيشة في فيلم رعب بجد

المهم

انتي يا أوسة تحمدي ربنا لو دخلتي قسم و رسيت عالعصاية ومجابولكيش الصول عبد الجبار او سيبوا عليكي البنات في التخشيبة واسمع انهم حايكونوا اشنع من الشاويش عبد الجبار

انتي مش شفتي فيلم الكرنك

خلليكي ماشية جنب الحيط يا بنت بدل مابلغ عنك
هههههههههههههه

مراقب مصري said...

حبيبة ألبي أوووسة

إنتي بتتعاملي مع أذكى جهاز مخابرات في العمرانية كلها وضواحيها

أبل ما بتفكري في البوست بيكون عندي نسخة منه وبالصور كمان

نهاره أبيض يا برنسس

الأميره أوسه said...

الحصان الأسود
كرنك أيه
ده أنا أجيب عاليها واطيها
ده أنا أموت من الرعب
ههههههههه
أنا غلبانه
أنا مش حمل نافخه


الحاج جرجس
أنا واثقه من قدرات المخابرات بتاعت العمراينه
هى غربيه أم شرقيه

جبهة التهييس الشعبية said...

الحقيقة إن المواطن مسئول عن مؤخرته

ومش مهمة الحكومة انها تحافظ على مؤخرات المواطنين

هي الحكومة ح تعمل ايه وللا ايه يا خوانا

ح تحافظ على المؤخرة وللا ح تدخل الخابور فيها

لعلمك بقى

عماد الكبير نال الجزاء اللي يستاهله

واخد حكم بتلات شهور لانه ما حافظش على مؤخرته كما يجب

لان مؤخرة المواطن زي عود الكبريت ما تتخزوقش الا مرة واحدة

abdullah-blogs said...

This is such a nice addition thanks!!!
عرب كول
شات صوتيشات
شات مغربي
دردشه صوتيه
إنحراف كام
شات عرب كول
صوتيشات كول
دردشه صوتيه
سعودي كول

أفضل  ألف  مدونة